Калвин Филипс откако ја помина сезоната како позајмен во екипата на Вест Хем, размислува да го напушти неговиот клуб Манчестер Сити и да замине во друга држава.

Поранешниот фудбалер на Лидс откако не се наметна кај Пеп Гвардиола, мораше да оди на позајмица кај „чеканите“.  

За 28-годишниот играч наводно се заинтересирани екипи од Германија и Италија. Филипс за селекцијата на Англија има одиграно 31 меч и постигнато еден гол.

Масимо Морати кој беше прв човек на фудбалскиот состав Интер од 1995 до 2013 година, не крие дека е заинтересиран да откупи дел од акциите. Италијанскиот тим од неодамна има нови сопственици.

„Да се биде дел од Интер е голема одговорност, нашите деца се големи навивачи“, вели 79-годишниот бизнисмен.

Интер под водство на Морати освои 13 пехари во домашни рамки и по еден трофеј од Лигата на шампионите , Купот на УЕФА и Светското клупско првенство.

26-годишниот Арон Ван-Бисака кој го изгуби местото во првата постава на Манчестер Јунајтед веројатно ќе си замине во текот на летото.

Бидејќи десниот бек ја нема посакуваната минутажа кај „црвените ѓаволи“, сосема е реално да размислува за нов предизвик. Згора на тоа новата управа на клубот најави дека ќе има поголема реконструкција во ростерот.
Црномурестиот играч го облече дресот на Манчестер Јунајтед во 2019 година и досега одигра 130 меча на кои даде два гола.

Мануел Угарте кој ја заврши сезоната со 37 настапи во дресот на ПСЖ, влегува во радарот на Атлетико Мадрид, најавија дел од медиумите.

Фудбалерот кој во изминатото лето беше купен од Спортинг Лисабон има договор до 2028 година. Бидејќи не е редовен стартер кај „светците“, тимот од Пиринеите ќе се обиде да го ангажира како позајмен играч за наредната сезона.  

23-годишниот фудбалер може одлично да игра на неколку позиции иако по дефиниција дејствува во дефанзивата.

Луѓето од Астон Вила водат интензивни преговори со претставниците на фудбалерот од средниот ред на Лацио, Матео Гендузи.

25-годишниот играч откако го загуби првотимскиот статус, сака да ја промени средината. Французинот во последната сезона во Калчото одигра 33 средби со ефект од два гола и три асистенции.

Неговата трансферна сума е околу 20-25 милиони евра, наведуваат медиумите во Англија.

Одличните настапи на Педри во дресот на Барселона, му донесоа на неговиот претходен состав Лас Палмас околу 18 милиони евра во вид на различни бонуси.

Каталонците кои во 2019 година го купија 21- годишниот играч од средниот ред за 5 милиони, во последните 5 години мораа да ги исполнат условите и да му исплатат одредена сума на Лас Палмас.

Така, вкупната за трансферот достигна  23 милиони. Медиумите наведуваат дека евентуален трансфер на Педри во друг состав, ќе му донесе на Лас Палмас нови 15 проценти од сумата што ќе биде платена.

Фудбалерот на Олимпијакос, Ајуб Ел Кааби, кој го постигна решавачкиот гол за победа против Фиорентина во вчерашното финале во Конференциската Лига постави рекорд по бројот на голови во плеј-офот на европските купови.

Тој на девет средби успеа да дојде до бројката од 11 голови. Веднаш до него е Португалецот, Кристијано Роналдо, кој има 10 голови во плејофот на Лигата на шампионите во 2017 година и Французинот, Карим Бензема кој таквиот ефект го направи во 2022 година.

Колумбиецот, Радамел Фалкао, во 2011 година успеа во Лига Европа да дојде до 10 погодоци.

Астон Вила нема намера да го откупи Николо Заниоло и тој на крајот од сезоната ќе се врати во Галатасарај.

Италијанецот не сака да остане во Турција и сака да се врати во Серија А, а два гиганти веќе ја започнаа трката за неговиот потпис.

Милан и Јувентус внимателно ја следат ситуацијата и сакаат на лето да го доведат во своите редови.

Цената на Заниоло во моментов изнесува 20 милиони евра, сума која двата клуба се спремни да ја платат.

Примарна цел на Манчестер Сити во летниот преоден рок ќе биде засилување на средниот ред, а најголема желба е ѕвездата на Њукасл, Бруно Гимараеш.

Голем интерес за неговите услуги покажуваат неколку европски гиганти, а најсериозен е интересот на Манчестер Сити.

Гимараеш неодамна го продолжи договорот со „чавките“, но во него има откупна клаузула, а Сити веќе стапил во контакт со неговиот агент.

Њукасл остана без играње во Лигата на шампиони, па 27-годишниот Бразилец сака да ја промени средината, а трката за неговиот потпис веќе започна.

Англиските медиуми тврдат дека Сити ќе ја победи конкуренцијата и е во пол-позиција за неговиот потпис.

Белгискиот селектор Џакомо Тедеско, изненади сите со составот на Белгија за Европското првенство во Германија 2024, откако не го повика првиот голман Тибо Куртоа кој го чува голот на Реал Мадрид, и кој се врати после тешката повреда.

Тедеско објасни дека Куртоа и натаму не е подготвен да игра за Белгија, но чуден е фактот што тој брани во финишот на сезоната за Реал Мадрид, па дури може да се најде меѓу диреците во финалето во ЛШ на први јуни во Лондон.

„Тибо најдобро си го познава своето тело. Тој не е подготвен за настап на Европско првенство“, рече Тедеско.