Фелипе Каиседо од денес и официјално е нов играч на Интер.

Еквадорецот во Интер пристигнува од Ченова на позајмица до крајот на сезоната.

„Соопштуваме дека постигнавме договор со Џенова за доаѓање на фудбалерот Фелипе Салвадо Каиседо Корозо. Еквадорскиот напаѓач во клубот доаѓа на позајмица до 30. јуни 2022 година“, соопштија од Интер.

Каиседо со доаѓањето во Интер повторно добива прилика да соработува со Симоне Инзаги. Во Интер ќе го носи дресот со број 88. Треба да се напомене и дека тој е првиот Еквадорец во историјата на клубот.

Хрватскиот тренер, Нико Ковач е многу блиску до враќање во германската Бундеслига. Тој се очекува да биде нов тренер на Борусија Менхенгладбах.

Раководството на клубот е незадоволен од последните резултати на актуелниот тренер Ади Хитер, па веќе се бара нов предводник на тимот. 

Во Нико Ковач се гледа како на идеална замена за преземање на клупата на Менхенгладбах, со оглед на неговот огромно искуство како играч и тренер во најдобрата германска лига.

Карим Бензема беше осуден во ноември минатата година поради 

уцена, но на својот поранешен соиграч никогаш не му го исплати износот кој му остана должен.

Судот му нареди на Бензема да плати сума од 250.000 евра на Валбуена поради уцената со експлицитни сники, а откако напаѓачот не го направи тоа, парите ќе му бидат одземени од банкарската сметка.

Бензема во 2015 година заедно со уште четири лица се обидел да изнуди од 50.000 до 100.000 евра од поранешниот колега од француската репрезентација, поради што селекторот Дидие Дешам го исфрли фудбалерот на Реал Мадрид од селекцијата.

Одбраната на Бензема бараше сумата од 230.000 евра да не се исплати затоа што планираат да се жалат, но ниту тоа не му помогна на Французинот да остане без пари.

Валбуена прво сметал дека Бензема му дава пријателски совети, кога му кажувал како да постапи, меѓутоа на крајот се покажа дека тоа бил организиран „грабеж“ врз фудбалерот.

Од фудбалскиот клуб Јувентус, подготвуваат уште едно засилување во зимскиот период. Клубот од Торионо веќе испратил понуда за доведување на Денис Закарија од Борусија Менхенгладбах.

Захарија е играч од средината на теренот и би претставувал одлично засилување на тимот доколку истиот го напуштат Дејан Кулушевски и Родриго Бетанкур.

Швајцарецот ја игра последната сезона од договорот со Менхенгладбах и Јувентус веќе испратил понуда во висина од 5 милиони евра, плус 2 милиони во бонуси.

Се очекува дека германскит бундеслигаш ќе ја прифати понудата од Јуве бидејќи само на овој начин финансиски би заработиле пред неговото заминување како слободен играч на лето.

За Закарија интерес покажуваат и од Манчестер јунајтед и Баерн Минхен.

Калчолигашот Фиорентина официјално го потврди доаѓањето на напаѓачот Артур Кабрал.

23-годишниот Бразилец, пристигна во редовите на Фиорентина од екипата на Базел за 14,5 милиони евра.

Со Кабрал, популарните „виолетови“ ја пополнија празнината во шпицот на нападот по заминувањето на Србинот Влаховиќ во Јувентус.

Арсенал се обидува да привлече напаѓач пред затворањето на преодниот рок, но тоа се покажува како тешка задача. Лондончани бараат замена за Пјер-Емерик Обамејанг, но во исто време се обидуваат да се разделат со него – нешто што исто така е нејасно дали ќе можат да го сторат до понеделник.

Нивната главна цел беше напаѓачот на Фиорентина, Душан Влаховиќ, но тој одбра да се пресели во Јувентус. По овој неуспех, Арсенал сега мора да се насочи кон некој друг напаѓач. Обидот на Арсенал да го ангажира играчот на Реал Сосиедад, Александар Исак, исто така наиде на проблем, бидејќи Шпанците им рекоа дека мора да платат клаузула од 90 милиони евра за да го добијат напаѓачот. Нивните последни надежи се во напаѓачот на Лил, Џонатан Дејвид.

Сепак, францускиот клуб не сака сега да се раздели со него, туку да почека до летото. Други опции за Арсенал се Доминик Калверт-Левин од Евертон, напаѓачот на Наполи, Виктор Осимен и Оли Воткинс од Астон Вила. Ниту еден клуб не би се разделил со главен играч во зима без да најде замена, а времето истекува.

Екипата на премиерлигашот Тотенхем, е во директен контакт со управата на Јувентус.

Цел на разговорите е Швеѓанецот со македонски корени, Дејан Кулушевски, кој Тотенхем предводен од Антони Конте сака да го земе на позајмица со право на откуп на крајот од сезоната.

Меѓутоа од Јувентус инсистираат дека лондонскиот клуб ќе мора да ја плати откупната клаузула која стои во договорот со Кулушевски, ако сакаат тој да прејде во Тотенхем.

Фудбалерот на ПСЖ, Нејмар почнал повторно да трча, а опоравувањето ќе го продолжи на теренот, официјално соопштија од клубот.

„Нејмар денес повторно почна да трча и започна со новата фаза на опоравувањето“, пишува во соопштението.

Не е најавено кога бразилскиот фудбалер би можел да се врати во тимот. Како што пренесуваат медиумите во ПСЖ се надеваат дека ќе биде спремен за дуелот против Реал Мадрид во Лигата на шампионите кој е на програмата на 15-ти февруари.

Ќе потсетиме, Нејмар се повреди во финишот од натпреварот со Сент Етјен на 28 ноември.

Лионел Меси го надминал тешко Ковид-19, со кој се заразил на крајот на минатата година. Ова го споделил во разговор со селекторот на Аргентина Лионел Скалони.

„Разговаравме и тој ми кажа дека коронавирусот многу го погодил“, откри тренерот на прес-конференција.

Самиот освојувач на „Златната топка“ не изнесе вакви детали за пошироката јавност, признавајќи само дека му требало подолго време да се опорави од очекуваното.

Лео пропушти три натпревари за ПСЖ, а потоа се врати минатиот викенд, влегувајќи како замена во победата над Ремс од 4-0.

Сепак, тој доби пауза од репрезентацијата и нема да игра во следните квалификации.

Играчот за врска на Интер, Николо Барела е суспендиран на два меча од УЕФА, поради црвениот картон против Реал Мадрид од последниот натпревар во групната фаза од ЛШ.

Ова значи дека репрезентативецот на Италија, ќе ги пропушти двата натпревари од осминафиналето против екипата на Ливерпул.

Ова сигурно е лоша вест за тренерот Симоне Инзаги, кој ќе мора да смисли нова тактика за средниот ред на екипата пред натпреварите на Сан Сиро и реваншот на Енфилд.