Милан ја искористи својата опција да го купи Фикајо Томори и дефанзивецот ќе стане играч на „росонерите“ следниот месец.
Англискиот дефанзивец пристигна на позајмица на „Сан Сиро“ во јануари и импресионираше со своите настапи. Тој настапи на 22 натпревари и постигна еден гол.
Италијанскиот гигант ќе плати 25 милиони фунти за 23-годишниот Томори плус 5 милиони бонуси. Играчот потпиша 4-годишен договор со Милан до јуни 2025 година.
Серхио Рамос официјално го напушти Реал. Го напушти мадридскиот клуб, за кој одигра 671 натпревар, откако истече неговиот договор. Со претседателот на клубот, Флорентино Перез не успеа да најде заеднички јазик за продолжување на соработката.
„Последните неколку месеци Реал ми нудеше едногодишен договор со 10 отсто намалување на платата. Парите никогаш не биле проблем, но јас сакав договор на две години. Подоцна го прифатив предлогот, но понудата на Реал имаше рок до кога морав да се изјаснам, а јас тоа не го знаев.“ – рече 35-годишниот Рамос.
Шпанскиот дефанзивец се уште не објавил во кој клуб ќе ја продолжи кариерата.
„Враќање во Севиља? Не, тоа не е опција.“ – рече Рамос, кој потоа беше запрашан дали има можност за заминување во Барселона, најголемиот ривал на Реал.
„Невозможно. Никогаш нема да ме видите во тој клуб. Не знам за кого ќе потпишам. Кога ќе одлучам, прв ќе ја објавам одлуката.“
Словачка во својот прв натпревар на Европското првенство ја победи Полска со 2:1, а денеска ја очекува пресметка со Шведска во Санкт Петербург.
Воочи натпреварот беше одржана прес конференција на која селекторот Штефан Тарковиќ објави дека неговиот дефанизвец Денис Вавро е позитивен на коронавирус, но и дека не е единствен. Уште еден член на словачката репрезентација нема да може да игра против Шведска поради зараза со коронавирусот.
„Направивме тестови и добивме два позитивни резултати. Играчите се изолирани и сега заедно со руското министерство за здравство работиме на тоа да ги задоволиме протоколите на УЕФА и да спречиме ширење на заразата.“ – рече Тарковиќ на конференцијата за медиумите.
Македонија го запиша и вториот пораз на Европското првенство, со што ги загубивме речиси сите шанси за пласман во следната рунда, но селекторот Игор Ангеловски, како и пошироката јавност ее задоволни што сме дел од континенталниот шампионат.
„Во првото полувреме беше да влеземе по претпазливо, во вториот дел одигравме како што се договоривме, одигравме како што треба и докажавме дека сме заслужено на ЕУРО. Целта беше да одиграме попретпазливо. Ние сме победени но не сме поразени, заслужено сме на европското првенство“ – изјави Ангеловски.
„Кога навивачите ќе те испратат со таков аплауз, знаеш дека си одигрл добро. Жал ми е што не можевме да ги направиме посреќни. Против силната Холандија ќе мораме од првата минута како што игравме во второто полувреме против Украина.“ – заклучи селекторот.
Ашраф Хакими сигурно ќе го напушти Интер ова лето.
„Нероаѕурите“ имаат големи финансиски проблеми и ќе морат да продаваат некои од своите ѕвезди, а прв на списокот е Хакими. ПСЖ важеше како голем фаворит за потписот на Мароканецот, но сега во трката се вклучи Челзи, кој испрати подобра понуда.
„Сините“ понудиле 60 милиони евра во кеш плус потписот на Маркос Алонсо, понуда која Интер е спремен да ја прифати.
Алесио Дионизи е нов тренер на италијанскиот фудбалски тим Сасуоло кој на официјалната веб-страница објави дека соработката ќе трае до 2023 година.
Тренерот ја презема функцијата од Роберто де Дерби кој замина во украинскиот Шахтјор Доњецк.
41-годишниот Диониси има големо искуство од Серија „А“ бидејќи во минатото ги предводеше Сампдорија и Верона. Сасуоло во последната сезона во Италија заврши на осмото место.
Селекторот Игор Ангеловски на прес-конференцијата по натпреварот даде свое видување за играта на нашата репрезентација против Украина и исткана дека сме одиграле две различни поливремиња, но дека вториот дел бил оној вистинскиот, како треба да игра Македонија.
„Наша цел беше да влеземе попретпазливо во првиот дел. Имавме шанси и во првиот дел, посебно тој минимален офсајд на Пандев, кога постигна гол. Тие постигнаа гол кој за неколку сантиметри не беше офсајд, а поништениот гол на Горан за неколку сантиметри не беше признат. Веќе во вториот дел покажавме зошто сме на Европско првенство, а кога навивачите ќе ве испратат со громогласен аплауз, тоа ви буди големо задоволство. Жалам што не остваривме позитивен резултат. Треба да продолжиме како денес во вториот дел и така треба да се претставиме во Холандија. Нема поголем мотив да играте на Европско првенство и тоа против една Холандија и се надевам на првите бодови на шампионатот“, истакна Ангеловски.
По дуелот со Украина одигран на „Националната арена“ во Букурешт, свое видување даде и голманот на нашата репрезентација Столе Димитриевски, кој беше најзаслужен што Македонија остана во игра за бод до самиот крај на натпрерварот.
„Имавме два различни натпревари. Првиот беше доста добар, додека на вториот меч првиот дел беше послаб од вториот. Сепак, ја покажавме најдобрата игра на ЕП во вторите 45 минути. Искрено, не сум задоволен од себе, затоа што не ѝ помогнав на екипата да дојдеме барем до бод. Сепак, одиме до крај сите заедно. Кога говориме за пеналот, разговараме со сите тренери. Да се одбрани пенал не е лесно, ги имаме сите играчи простудирано. Ова не е само мој одбранет пенал, туку на сите нас. Сега следи Холандија, каде одиме да се покажеме во најдобро светло, па да освоиме барем бод“, изјави Димитриевски.
Следниот натпревар, кој воедно че биде последен во групната фаза, за Македонија ќе биде во Амстердам на гостински терен кај Холандија (понеделник, 21 јуни од 18:00 часот).
Атлетико Мадрид ја победи конкуренцијата и го договори трансферот на ѕвездата на Удинезе, Родриго де Пол.
Аргентинскиот репрезентативец Родриго де Пол игра фантастично во Удинезе и се етаблираше во еден од најдобрите играчи за врска во Серија А. Интерес за Аргентинецот покажуваа уште Милан и Јувентус, но Атлетико успеа да ја победи конкуренцијата.
„Скај Италија“ пренесува дека „јорганџиите“ постигнале договор со Удинезе и за потписот на Де Пол ќе платат 35 милиони евра плус бонуси.
Серхио Рамос и Реал Мадрид синоќа објавија дека шпанскиот дефанзивец ова лето ќе го напушти клубот, а со неговото заминување останува празно местото капитен во мадридскиот клуб.
Шпанска „Марка“ денеска пишува дека Марсело, Карим Бензема и Рафаел Варан се играчите кои ќе ја преземат траката, со тоа што, Марсело ќе биде капитен, а Бензема и Варан негови заменици.
Марсело ќе стане првиот „странски“ капитен на Реал Мадрид уште од 1904. година, 15 години по доаѓањето во клубот. Англичанецот Артур Џонсон беше првиот странец капитен на клубот, во далечната 1902. година.
Заменет беше од Кубанецот Хозе Гиралт, додека последен странец кој ја носеше траката на Реал беше од Гватемала, Федерико Ревиерто. По него, сите капитени беа шпанци.
Рамос освои 12 титули во своите шест сезони како капитен, повеќе од Икер Касиљас (кој освои седум во пет години) и Раул (кој освои четири во седум години).
