Манчестер Сити веќе ги прави првите чекори за евентуален трансфер на гол-машината на Борусија Дортмунд, Ерлинг Халанд.

Според весникот „Тајмс“, во јануари клубот ќе одржи состанок со агентот на 21-годишниот напаѓач, Мино Рајола, за да разговараат за можноста за привлекување на талентираниот фудбалер следното лето, кога ќе влезе во сила откупната клаузула од 75 милиони евра. Халанд е баран од најдобрите клубови во Европа, вклучувајќи ги и ПСЖ, Реал Мадрид и Барселона. Затоа, не е изненадувачки што англискиот шампион веќе почна да ја испитува можноста да го купи. Клубот е тесно поврзан со норвешката репрезентација, бидејќи таму помеѓу 2000 и 2003 година играше неговиот татко Алф-Инг Халанд.

Во моментов на „граѓаните“ им е потребен централен напаѓач, бидејќи единствениот во тимот е Габриел Жесус, но менаџерот Пеп Гвардиола го користи Феран Торес како „лажна деветка“. Минатото лето, Манчестер Сити се обиде да го купи  Хари Кејн од Тотенхем, но не успеаја да го привлечат.

Напаѓачот на Рома, Англичанецот Тами Абрахам, поради повреда би можел да го пропушти дерби дуелот од Серија А со екипата на Јувентус кој е закажан за 17-ти Октомври.

 Абрахам, повредата на мускулот ја здоби на квалификацискиот натпревар на неговата Англија со репрезентацијата на Унгарија.

24-годишниот напаѓач во дресот на Рома оваа сезона има постигнато  4 гола на 10 натпревари, со остварени 2 асистенции.

Монако ја постави цената за играчот за врска и француски репрезентативец Орелиан Чаумени, пренесува „Калчомеркато“. Клубот од „кнежевството“ за 21-годишниот Чуамени бара 45 милиони евра, сума која се спремни да ја платат неколку европски гиганти.

Чуамени минатата сезона се наметна во тимот на Монако, а оваа сезона игра одлично и веќе е стандарден за француската репрезентација.

Јувентус сака да го донесе Французинот уште во јануари и е спремен да ја победи конкуренцијата.

Менаџерот на Ливерпул, Јирген Клоп се соочува со големи проблеми за гостувањето кај Ватфорд во саботната пресметка.

Популарните “црвени“ имаат многу проблеми со повредени играчи, а бразилците  Алисон Бекер и Фабињо ќе бидат надвор од плановите за настап. Поради нивниот настап со репрезентацијата на Бразил нема да имаат доволно време за одмор и припрема за натпреварот со Ватфорд. Тиаго Алкантара започна со индивидуални тренинзи но сеуште е недоволно подготвен за враќање на теренот.

Под знак прашалник  за натпреварот е и напаѓачот Диого Жота, кој беше повикан во репрезентацијата на Португалија, но поради повреда беше ослободен од обврските и се врати назад во Ливерпул.

Хуан Капарос нема да ја води Ерменија во натпреварот на 11 ноември во Ереван кој ќе биде претпоследен во квалификациите за Светското првенство.

Капарос нема да биде на клупата на Ерменците поради исклучувањето кое го заработи вчера против Романија. Селекторот на Ерменија протестираше на една одлука на судијата Даниеле Орсато и на 20 минути до крајот заработи црвен картон.

Во нашата група Германија веќе го обезбеди првото место и директниот пласман на Мундијалот, додека ние заедно со Ерменија и Романија остануваме да се бориме за баражот. Романците се втори со 13 бода, ние сме трети со 12, исто толку има и Ерменија.

Европската фудбалска асоцијација (УЕФА), објави дека започна процесот на пријавување земји кои се заинтересирани да бидат домаќини на Европското првенство во фудбал во 2028 година.

Рокот за поднесување на кандидатури ќе биде до март 2022 година, а објавувањето на домаќинот и организатор на турнирот ќе се случи во септември 2023 година.

На ЕУРО 2028 ќе учествуваат 24 репрезентации и ќе бидат одиграни 51 натпревари.

Фудбалерот на Манчестер Јунајтед и најдобриот португалски фудбалер, Кристијано Роналдо одново руши рекорди.

Португалецот на средбата на неговата репрезентација со селекцијата на Луксембург која заврши со резултат 5:0 за Португалија, постигна 3 гола, со што запиша уште еден рекорд во светскиот фудбал. 

Ова е негов 10-ти хет трик во дресот на португалската фудбалска репрезентација со кој докажува дека е еден од најдобрите напаѓачи  на сите времиња.

Оптимизмот во Милано за обновување на договорот на својот фудбалер Френк Кеси се повеќе се намалува. Според „Газета дело Спорт“, клубот веќе се помирил со фактот дека нема да може да го продолжи договорот со играчот од средниот ред, кој истекува на крајот од оваа сезона.

Милан му понудил плата од над 6 милиони евра, додека играчот инсистира на повеќе од 8 милиони евра годишно. „Кориере дела Сера“, пишува дека неговиот агент, веќе го понудил ограчот на градскиот ривал Интер, кој во минатото имаше интерес за овој интернационалец од Брегот на Слоновата Коска. Сепак од Интер одбиле да учествуваат во битката за неговиот потпис, бидејќи високите финансиски барања на играчот од средниот ред не влегуваат во новата политика на клубот за поекономично плаќање.

Каталонскиот весник „Мундо Депотртиво“ тврди дека и Барселона е заинтересирана да го привлече 24-годишниот фудбалер како слободен играч. Тој се поврзува со голем број европски клубови како ПСЖ, Ливерпул и Манчестер Јунајтед.

Непријатните сцени забележаја камерите  на натпреварот на стадионот “Вембли“ помеѓу репрезентациите на Англија и Унгарија кој се играше во рамките од квалификациите за Светското првенство.

 Унгарските навивачи започнаа немири на трибината каде беа сместени по што мораше да интервенира полицијата, која на крајот го извлече подебелиот крај.

Оливие Жиру зборуваше за неговата љубов кон италијанскиот тим, а го сподели и своето мислење за неговиот колега во нападот Златан Ибрахимовиќ.

„Горд сум што играм за Милан во Серија А. Го следев овој турнир како млад. Андриј Шевченко тогаш беше мојот омилен фудбалер. Имав среќа што добив можност да постигнам голови за истиот клуб како него. Што се однесува до Ибрахимовиќ, јас играв против него неколку пати. На 40-годишна возраст, тој игра на високо ниво, што го потврдува неговиот исклучителен професионализам. Се грижи за себе и за своето тело. Исто така, се обидувам да го правам тоа со цел да уживам во фудбалот се додека тоа ми го дозволува телото. Мислам дека Златан е одличен пример за младите, тој е еден од најдобрите напаѓачи во Серија А, едвај чекам да играм со него и да уживам во тренинзите“, изјави Оливие Жиру.