Челниците на ПСЖ не губат надеж и веруваат дека ќе успеат да потпишат нов договор со Килијан Мбапе. 

Раководството на клубот од Париз наводно започнало преговори со 23-годишниот фудбалер за краткорочно продолжување на договорот, пренесуваат француските медиуми. Како адут за негово останување се претставува и можното доаѓање на легендарниот Зинедин Зидан на тренерското место во тимот и неговото влијание врз младот напаѓач.

 Договорот на Французинот со ПСЖ истекува ова лето. Се смета дека Реал Мадрид е неговиот следен клуб, но тој постојано изјавува дека се уште не донел конечна одлука и сега е фокусиран на игрите во остатокот од сезоната.

Италијанскиот калчолигаш Џенова се раздели со Андриј Шевченко по серијата лоши резултати на клубот.

Украинската легенда беше назначен за тренер на Џенова во ноември 2021, но од неговото доаѓање, екипата не успеа да забележи ниту една победа. Тој успеа да освои само три бода на девет натпревари во Серија А.

Џенова остана на претпоследното место од табелата, на кое беше и пред доаѓањето на Шевченко во клубот.

Англискиот весник Телеграф пренесува дека сопствениците на Ливерпул не планираат да ги исполнат високите финансиски барања на својата ѕвезда Мохамед Салах за негов потпис на нов договор.

Според пишувањата во медиумот, агентите на Салах не отстапуваат од пониска неделна плата со износ од 400 илјади фунти, а од раководството на Ливерпул немаат намера да трошат толкав износ за плата на само еден играч во овие тешки финансиски моменти и затоа е можно одложување на преговорите.

Ако се случи ова сценарио и не дојде до договор помеѓу двете страни тогаш е огромна можноста Салах да го напушти клубот ова лето и да се пресели во некој друг европски гигант.

Македонија Ѓорче Петров го промовираше својот нов/стар играч.

Кристијан Стојкоски се враќа во матичниот клуб после епизодите во Шкупи, Академија Пандев и Работнички. Во пролетниот дел се очекува да биде големо засилување за „лавовите“.

На официјалната страна на клубот од Ѓорче трансферот беше потврден со: „Дома си онаму каде што ти е срцето. Добредојде Кристијан Стојкоски“.

Стојкоски беше дел од младинските категории на „лавовите“, потоа една полусезона одигра во Тетекс, за да се врати во Ѓорче и да помине пет години.

Милан оваа сезона навистина нема среќа со повредите, а синоќа се повреди и еден од најдобрите фудбалери на „росонерите“ оваа сезона Факијо Томори.

Томори предвреме го заврши мечот со Џенова, а денес лекарските прегледи покажаа дека има оштетување на менискусот на коленото.

Дефанзивецот уште денес ќе биде опериран, а се очекува потоа Милан да соопшти колку време ќе паузира. Ова е лоша вест за Милан, кој има голем проблем со повредени фудбалери, особено во одбраната.

Сезоната за Симон Кјаер е завршена, а Ромањоли е позитивен на Ковид, па се очекува Милан сигурно да интервенира на трансфер пазарот.

Реал Мадрид е во Саудиска Арабија и го очекува финалето од шпанскиот Суперкуп откако во полуфиналето ја победи Барселона.

После победата против Барселона во финалето „кралевите“ ќе играат против Атлетик Билбао. Во битката за трофејот Анчелоти нема да смета на Карвахал.

„Кралевите“ потврдија дека десниот бек е позитивен на ковид-19.

Карвахал нема да може веднаш да се врати во Шпанија и ќе треба да помине период на изолација во Саудиска Арабија, па потоа да се врати во Мадрид.

Фудбалскиот клуб Барселона е подготвен да ја разгледа можноста за продажба на Френки Де Јонг, а англискиот шампион Манчестер Сити е фаворит за неговиот потпис. Се верува дека тренерот Гвардиола е голем фан на холандскиот играч за врска и неодамна изрази желба тој да биде доведен во Манчестер, но тогаш претседателот на „каталонците“ Жоан Лапорта ја одбил таквата можност.

Холандскиот интернационалец де Јонг ја игра својата трета сезона на „Камп Ноу“ но сега тој се соочува со поголема конкуренција во тимот и со неизвесна иднина.

Еден од главните проблеми за кој му се замерува е дека не покажува јаки игри на големи натпревари како што беше случајот и против Реал Мадрид во Суперкупот на Шпанија кога по првото полувреме беше заменет од Педри. 

24-годишниот Холанѓанец се сметаше за незаменлив играч во тимот на Барса но по доаѓањето на тренерот Чави неговата судбина во клубот станува неизвесна.

Арон Рамзи е добитник на наградата „Златна канта“ во Серија А.

Оваа награда во Италија се доделува секоја година на фудбалерите кои најмногу разочарале во најсилната италијанска конкуренција. Рамзи победи со 2686 гласа, а зад него се најде фудбалерот на Лацио Ведад Муричи.

Сезонава Рамзи за Јувентус одигра само 112 минути и може да се каже дека ја заслжи. Во Јувентус Рамзи е од 2019 година кога пристигна од Арсенал и од тогаш одигра 70 натпревари, постигна шест гола и подели шест асистенции.

Маруан Фелаини е многу блиску до враќање во Премиер лигата, бидејќи интерес за него покажува Њукасл. 34-годишниот Фелаини моментално настапува во кинеското првенство во дресот на Шандонг Луненг, но е спремен да се врати во Европа.

Њукасл, кој е во потрага по засилувања во борбата за опстанок, сака да го врати Фелаини во Премиер лигата.

Фелаини има договор со кинескиот клуб до 2025 година, но Њукасл нема да жали пари и ќе му ги понуди истите финансиски услови.

Англиските медиуми пренесуваат дека Фелаини веќе ја прифатил понудата на Њукасл, па останува уште двата клуба да се договорат.

Плејмејкерот на Реал Мадрид, Иско има договор со Барселона, пренесува новинарот на „Ел Чирингито“, Едуардо Инда.

29-годишниот Иско има договор со Реал Мадрид до крајот на сезоната, но е на маргините и сигурно ќе си замине на лето како слободен агент.

Едуардо Инда, тврди дека Иско ги договорил финансиските детали со Барселона и на лето како слободен агент ќе се пресели на „Камп Ноу“.

Барселона го сакаше Иско и во 2013 година, но тогаш Шпанецот реши да се пресели во Реал, каде освои 4 титули во Лигата на шампиони и две во Примера.