Братот на поранешниот тренер на Баерн, Карл-Хајнц Румениге, Михаел Румениге, летово ја критикуваше селекцијата на клубот.

Додека Баварците доведоа играчи како Садио Мане и Матијс де Лихт, тој не е импресиониран бидејќи смета дека тие не се светска класа.

„Зошто Хасан Салихамиџиќ и другите добиваат толку многу пофалби во последно време за нивните летни трансфери? Искрено не можам да се придружам на аплаузот. Со сета почит кон Садио Мане и Матијс де Лихт, мислам дека ниту еден од нив не е фудбалер од светска класа. Се разбира, Мане ќе се претстави силно во Бундеслигата и веројатно ќе постигне многу голови. Но, тој веќе има 30 години и мислам дека не е во врвот на својата кариера“, изјави Румениге.

Манчестер Јунајтед се откажа од намерата да го ангажира крилото на Ајакс, Ентони.

Причина за тоа е превисоката трансферна сума која холандскиот клуб му ја одреди на Бразилецот. Пред неколку дена излезе информација дека Ајакс дури и ја зголемил цената на Ентони за кого веќе бараат 100 милиони евра.

Така, клубот, кој не е под притисок да продаде уште една ѕвезда во тековниот преоден рок, се обидува да ги одврати аспирациите на Ерик Тен Хаг за еден од неговите поранешни играчи.

Јунајтед веќе се насочува кон други играчи за да го засили нападот, а интересот за Ентони може да се обнови само доколку Бразилецот поднесе барање за трансфер и тоа драстично ја промени ситуацијата околу него. Инаку, Ентони има договор со Ајакс на уште три сезони.

Офанзивниот фудбалер за врска, Алексеј Миранчук ,ќе остане во Аталанта на инсистирање на главниот тренер, Џан Пјеро Гасперини.

Иако Торино се обиде летово да го купи искусниот играч, тренерот на екипата од Бергамо го стопирал трансферот. 26-годишниот  Русинот во септември во 2020 година го напушти тимот на Локомотив Москва и се пресели на „Чизмата“.

Репрезентативецот на „Зборнаја“ одигра 56 натпревари за италиајнскиот состав со ефект од девет голови и седум асистенции.

Данскиот голман Каспер Шмајхел е нов член на фудбалскиот клуб Ница, соопштуваат од францускиот клуб.

Шмајхел претходните 11 години настапуваше за екипата на премиерлигашот Лестер, а во кариерата меѓу другите бранеше за Манчестер Сити и Лидс.

Со екипата на Лестер во сезоната 2015/16 ја освои Премиер лигата, а за тој клуб имаше преку 500 настапи.

Севиља и Манчестер Јунајтед постигнаа договор за трансфер на Алекс Телеш во шпанскиот клуб на позајмица за една сезона, објави новинарот Фабрицио Романо.

До неодамна не беше јасно дали во договорот ќе има откупна клаузула, а според информациите – нема.

Ова значи дека, доколку не се промени нешто меѓувреме, 29-годишниот Бразилец ќе ја помине сезоната 2022/23 во Севиља, а потоа ќе се врати на „Олд Трафорд“.

Манчестер Јунајтед пред две години го зеде од Порто за 15 милиони евра.

Фудбалерот од средниот ред на Рома, Николо Заниоло е казнет поради навреди кон Лацио.

За време на славеничката парада во чест на освојувањето на Конференциската лига, фудбалерот со мегафон во рака од покривот на автобусот скандираше навреди кон градските ривали на „волците“.

Адвокатите на Рома не ги оспорија обвиненијата, туку се договорија. Така Заниоло и клубот ќе платат казна од по 4.000 евра. Парите ќе одат во хуманитарни цели.

Рома го победи Феенорд со 1-0 во финалето на Конференциската лига во мај. Стрелец на единствениот гол беше токму Заниоло.

Данскиот играч од средниот ред, Кристијан Ериксен разговарал со „секој“ менаџер на Манчестер Јунајтед од Алекс Фергусон и за време на неговиот престој во Тотенхем, пред конечно да слета на „Олд Трафорд“ на слободен трансфер од Брентфорд ова лето.

Тој помина речиси седум години во „Спарс“ и забележа повеќе од 300 настапи за тимот, а во тој период Јунајтед беше раководен од Дејвид Мојс, Луис ван Гал, Жозе Мурињо и Оле Гунар Солскјаер.

Ериксен, кој го напушти Интер во 2020 година, минатата недела изјави дека визијата на Ерик Тен Хег го убедила да се приклучи на гигантот од Манчестер.

„Разговарав со секој менаџер на Јунајтед додека бев дел од Тотенхем. Но во тоа време не можев да се замислам себеси во друг англиски клуб. Едноставно не мислев дека е време за таква промена. Бев во Тотенхем толку долго време, а сакав да играм и во странство. Мојот престој во Интер беше навистина многу пријатен“, рече тој.

Ериксен додаде дека е подготвен да игра на која било позиција што ја сака Тен Хег и дека не би имал ништо против да биде на теренот покрај Бруно Фернандеш.

Италијанскиот клуб Јувентус соопштува дека Пол Погба нема да го оперира повреденото колено.

Францускиот играч кој ова лето пристигна во Торино после шестгодишен престој во Манчестер Јунајтед одлучи да не ја санира повредата на коленото по хируршки пат, за да не го загрози своето учество на Мундијалот во Катар.

Пол Погба се здоби со повреда за време на тренинг во предсезонските подготовки во Лос Анџелес, после што се чинеше дека ќе биде потребна операција, но после консултациите со лекари од Лион беше одлучено тој да биде подложен на конзервативна терапија во траење од пет недели.

Англиските медиуми објавуваат дека фудбалскиот клуб Њукасл испрати втора понуда до Лестер за играчот Џејмс Медисон вредна околу 50 милиони фунти.

Претходно челниците на Лестер ја одбија првата понуда за 25 годишниот фудбалер од средината на теренот.

Медисон дресот на Лестер го носи од 2018 година, а според информациите тој би можел да добие дозвола за напуштање на клубот ако пристигне понуда од 60 милиони фунти.

Џејмс Медисон минатата сезона одигра 53 натпревари за Лестер и постигна 18 гола и запиша 12 асистенции.

Италијанскиот првак Милан го објави потпишувањето на договориот со новото летно засилување, Чарл Де Кетелар од белгиски Бриж.

Играчот потпиша договор до 30 јуни 2027 година и во новата сезона ќе настапува со дресот со број 90.

Де Кателер е младинец на Бриж и своето деби за клубот го имаше во 2019 година. Оттогаш одигра 120 настапи и постигна 25 гола за еден од најголемите белгиски клубови, освојувајќи ја белгиската лига три пати, а двапати го освои и  Суперкупот.