Англиските медиуми потврдуваат дека Челзи се раздели со уште еден свој фудбалер. По неколкудневно преговарање, Курт Зума кариерата ја продолжува во екипата на Вест Хем.

Како што пишуваат извори блиски до двете страни, сумата на трансферот е 28 милиони евра, а договорот меѓу фудбалерот и неговиот нов клуб ќе биде заклучно со 30. јуни 2026 година.

Новинарите претходно открија дека Зума веќе ги договорил условите од личната соработка со „чеканите“, па се чекаше договор меѓу Вест Хем и Челзи за трансфер цената.

Македонската репрезентација до 21 година на почетокот на септември го започнува новиот квалификациски циклус за пласман на Европското првенство 2023 година во Романија и Грузија. Нашата селекција првите два натпревари ќе ги одигра против Франција во Ле Ман на 2. септември и против Србија на 7. септември во Охрид на стадионот „Билјанини Извори“.

Новиот предводник на нашата млада репрезентација, Драги Канатларовски за двата меча од квалификациите за ЕП ќе смета на следните фудбалери:

Голмани: Давид Денковски (Брегалница 2008), Марко Алчевски (Академија Пандев), Стефан Тасев (Македонија Ѓ.П. 1932);

Одбрана: Филип Антовски (Австрија Виена, Австрија), Блертон Шеји (Шкупи), Мартин Величковиќ Радуловиќ (Пелистер), Метју Божиновски (Мелбурн Виктори, Австралија), Марио Младеновски (Ботев Пловдив, Бугарија), Бесник Ферати (Академија Пандев), Адриан Хајдари (Рапид Виена, Австрија), Јован Манев (Брегалница);

Средина: Агон Елези (Вараждин, Хрватска), Енис Фазлагиќ (Жилина, Словачка), Али Адем (Шкупи), Томче Гроздановски (Злате Моравце, Словачка), Амел Рустемоски (Вил, Швајцарија), Лука Станковски (Работнички), Арби Воша (Македонија Ѓ.П.), Димитар Тодоровски (Работнички), Методи Максимов (Работнички), Емир Скендери (Струга Трим Љум), Лука Трајковски (Борец);

Напад: Стефан Чолаковски (Мелбурн Сити, Австралија), Марко Ѓорѓиевски (Шкупи), Марио Илиевски (Септември Софија, Бугарија);

„Нов почеток и за мене и за фудбалерите. Со радост и  нетрпение ја очекувам средбата со фудбалерите. Оваа генерација започнува нов квалификациски циклус и навистина задоволството и честа да ја предводам се големи, исто како и нашите очекувања од квалификацискиот циклус. На списокот се повикани во моментот најдобрите фудбалери со кои располагаме. Еден од главните услови за да бидат во репрезентацијата е стандардно да настапуваат во своите клубови. Не очекуваат два тешки меча против Франција, тим кој е апсолутен фаворит во групата и домашниот натпревар со Србија, репрезентација која располага со многу квалитетни млади фудбалери. Се надевам дека најпрвин квалитетно ќе ги одработиме подготовките, сите ќе бидат здрави и ќе се борат за место во почетниот состав. Најважно за мене е сите да бидеме во функција на тимот. Очекуваме дека новоповиканите фудбалери Божиновски, Чолаковски и Рустемовски ќе дадат дополнителен импулс на тренинзите и натпреаврите и како и сите останати да го дадат својот максимумот и да се бориме за позитивен резултат на воведните два натпревари.“ – порача селекторот Канатларовски.

Реал Мадрид испрати понуда вредна 186 милиони евра за Килијан Мбапе, јавува денеска Токспорт, една од најголемите спортски радиостаници на светот.

Францускиот напаѓач, според пишувањата на истиот медиум, веднаш по примањето на та понуда побара трансфер, а ПСЖ веднаш се посвети на барање негова замена.

Прв избор е Кристијано Роналдо, чие доаѓање на некој начин го најави братот на сопственикот на ПСЖ, кој во објава на социјалните мрежи во која главни протагонисти се Кристијано Роналдо и Лионел Меси напиша: „Можеби? Можеби?“. Не е јасно што сакаше да порача со оваа објава, но се чини дека најавува активност на ПСЖ на трансфер маркетот.

Претходно за овој трансфер се пишуваше и во шпанските медиуми, но околу оваа информација треба да се биде воздржан, бидејќи во овој момент нема ниту една потврда од Мадрид дека е испратена понуда.

Доколку овој трансфер се оствари, Мбапе би го напуштил Париз за истиот износ за кој и пристигна во 2017. година како втор најскап играч во историјата.

Неверојатен инцидент го одбележа почетокот на сезоната во втората лига на Тузланската општинска лига во Босна и Херцеговина. Во текот на натпреварот помеѓу Будуќност од Лукавица и Рудар Букиње, при резултат 0:2 изби тепачка.

Домашните навивачи ги нападнаа судиите предводени од Алмир Кариќ, откако гостите го постигнаа вториот погодок. Натпреварот се играше во Башиговци, откако Слатина одлучи сезонава да го отстапи стадионот на Будуќност за домашните натпревари.

Со оглед на тоа што домашните навивачи ги нападнаа судиите, договорот за соработка скоро сигурно ќе биде раскинат по само еден натпревар.

Делегат на натпреварот беше Адел Авдиќ од Лукавац, кој во својот извештај опиша како дојде до судирот.

„По вториот погодок настана општ хаос, каде на теренот влегоа домашните навивачи. По нападот на помошниот судија, тој се здоби со полесни повреди на главата и градниот кош. Навивачите потоа тргнаа кон главниот судија, кој доби удари со нога, а ја нападнаа и судијката, која доби удар во носот.“ – пишува во извештајот.

Тренерот на Барселона, Роналд Куман наскоро би можел во тимот да го добие младиот Ансу Фати, кој по подолго време се врати на тренинзите.

Младиот шпански репрезентативец на стартот на минатата сезона го повреди коленото, по што мораше да направи дури четири операции и да паузира девет месеци.

Според лекарите, Фати е далеку од враќање на натпреварите, бидејќи ќе му требаат неколку недели тренинзи со тимот за Куман за да се врати во физичка и тактичка подготвеност.

Англискиот гигант Ливерпул продолжи да ги продолжува договорите со важни фудбалери, а последен кој стави потпис е Енди Робертсон.

После продолжувањето на договорот со Трент Александер-Арнолд, Фабињо, Алисон Бекер и Вирџил ван Дајк, сега на ред дојде и Робертсон.

Робертсон денес стави потпис и се обврза на верност до „црвените“ до 2026 година.

Робертсон пристигна на „Енфилд“ пред четири години и се етаблираше како еден од најдобрите леви бекови во светот.

Напаѓачот на Наполи, Виктор Осимен, заработи суспензија од два натпревари по црвениот картон што го доби на дуелот со Венеција.

Дисциплинската комисија во Серија А е казнет за „намерно удирање во лицето на противнички фудбалер, додека топката не била во негова близина“. Поради тоа, Осимен ќе го пропушти неделното гостување против Џенова, како и големото дерби со Јувентус.

Саул Нигез го притиска раководството да го пуштат да направи трансфер ова лето.

26-годишниот Шпанец веќе подолго време е трансферна цел на „црвените ѓаволи“ кои минатата година направија конкретен обид да го донесат на „Олд Трафорд“.

Меѓутоа, сега во трката за потписот сериозно се вклучи Челзи, кој веќе спремил понуда за Саул Нигез.

Атлетико е спремен да му ја исполни желбата на Саул Нигез, па се очекува двата клуба наскоро да седнат на преговарачка маса.

Тренерот на фудбалерите на Атлетико Мадрид, Диего Симеоне, не крие дека е задоволен од минималната победа во второто коло во Ла Лига против екипата на Елче.

Неговите избраници на домашен терен славеа минимално со 1:0 иако имаа изобилство на шанси, но, не ги искористија.

„Мислам дека немаше свежина кај моите фудбалери. Имавме многу обврски во летниот период. Сакаме да ангажираме уште еден играч во нападот“’, потенцираше популарниот „Чоло“.

Лионел Меси во еден од најголемите трансфери во историјата на фудбалот се пресели од  Барселона во ПСЖ. Сагата заврши, Меси заврши со подготовките и се очекува да дебитира во недела против Ремс од 20.45 часот.

На Аргентинецот, според таблоидите во Франција, а тоа го пренесува и Мирор, понудена му е куќа од 25 милиони евра во престолнината на Франција.

Меси треба наскоро да го одбере својот нов дом, а според медиумите вака изгледа новата куќа на еден од најдобрите фудбалери на сите времиња.