Чиро Имобиле го коментираше претстојното враќање на Ромелу Лукаку во Серија А. Белгиецот повторно ќе го носи дресот на Интер откако не ги оправда големите очекувања во Челси.

„Доколку Ромелу се врати во Италија, тоа ќе го подигне нивото на самото првенство, а јас ќе продолжам да се трудам да го покажам најдоброто за што сум способен“, изјави Имобиле.

Двајцата беа меѓу најдобрите стрелци во калчото во сезоната 2020/21, кога Лукаку постигна 24 гола и му помогна на Интер да стане шампион, а Имобиле 20 пати постигна гол за Лацио.

Во последната кампања ѕвездата на „лацијалите“ со 27 прецизни удари ја зграпчи голгетерската награда во Серија А.

Лос Анџелес Галакси, кој игра во американската МЛС лига, потпиша договор со поранешниот напаѓач на Атлетико Мадрид, Луис Суарез.

Според Романо, уругвајскиот фудбалер кој беше со статус на слободен играч потпишал договор со новиот клуб на една сезона. Претходно беше објавено дека за услугите на напаѓачот се заинтересирани италијански Фиорентина и Аталанта, како и Астон Вила, Ајакс и Ривер Плата.

Суарез минатата сезона одигра 45 натпревари во сите натпреварувања за Атлетико Мадрид, постигнувајќи 13 гола и две асистенции. Моменталната пазарна вредност на 35-годишниот напаѓач е 8 милиони евра според Трансфермаркт.

Мејсон Гринвуд останува под кауција по уште една судска одлука за обвиненијата за силување и напад на неговата поранешна девојка. 20-годишниот напаѓач на Манчестер Јунајтед беше уапсен на 30 јануари, а подоцна на обвиненијата беше додаден и обид за атентат.

На сослушувањето во четвртокот, судот во Манчестер потврди дека нема причина Гринвуд да биде приведен и дека може да биде ослободен со кауција. Се уште не е одреден датум за судење за младата ѕвезда на Јунајтед.

Штом се појавија обвиненијата против него, „црвените ѓаволи“ го суспендираа Гринвуд од тимот додека не стане јасна одлуката на судот.

Новото засилување на Баерн Минхен, Садио Мане го избра бројот на дресот кој ќе го носи во својот нов клуб.

Како што се наведува на официјалната страна на Баерн, 30-годишниот Сенегалец ќе настапува со бројот 17. Тој во Ливерпул ја носеше популарната „десетка“, која во клубот од Минхен е во сопственост на Лирој Сане.

„Го избрав бројот 17 и посакувам големи успеси со својата екипа носејќи го тој дрес.Сега со нетрпение ги очекувам подготовките со моите нови соиграчи“, истакна Мане.

Бразилскиот репрезентативец Габриел Жезус постигна договор со екипата на Арсенал за негов трансфер од Манчестер Сити. 

Жезус со Арсенал ќе потпише договор со важност до 2027 година. Популарните „топџии“ за овај трансфер ќе издвојат 45 милиони фунти.

Бразилскиот напаѓач во дресот на Сити постигна 95 гола и 46 асистенции на вкупно 236 натпревари.

Барселона има резервна опција доколку не успее да го привлече дефанзивецот на Севиља, Жил Кунде. 23-годишниот Французин е на врвот на листата на Каталонците, но го бара и Челзи и преговорите се тешки. Затоа Барселона планира да ги пренасочи напорите кон Калид Кулибали од Наполи.

31-годишниот Кулибали не постигнал договор со газдите на клубот за обновување на договорот кој му истекува за една година. Така тој речиси сигурно ќе биде продаден летово за да не замине како слободен играч во 2023.

Фудбалерот на Манчестер Јунајтед, Џеси Лингард, на крајот од месецот ќе се раздели со клубот од Олд Трафорд, бидејќи му истекува договорот и ќе биде слободен да бара нов клуб.

За офанзивниот англиски фудбалер веќе има голем интерес, но според медиумите најсериозна понуда има од премиерлигашот Вест Хем. 

Лингард веќе има одиграно една полусезона за клубот од Лондон, кога таму беше на позајмица од Манчестер Јунајтед. Тогаш тој беше стрелец на 9 гола на 16 натпревари во Премиер лигата.

Веќе извесен период шпанските медиуми ја пренесуваат шпекулацијата дека Португалецот во редовите на Атлетико Мадрид, Жоао Феликс ќе го напушти клубот.

Како причина за заминувањето се наведува незадоволството од водечките луѓе на клубот кои наводно се незадоволни од прикажаните игри на Феликс.

Меѓутоа со свое видување во јавноста излезе и самиот фудбалер кој ги негираше ваквите шпекулации и посочи дека е потполно посветен на Атлетико Мадрид и не планира никакво напуштање на клубот ова лето.

22-годишниот Жоао Феликс минатата сезона за Атлетико одигра 34 натпревари, и постигна десет гола и шест асистенции.

Доскорешниот играч на Реал Мадрид и репрезентативец на Велс, Герет Бејл, својата фудбалска кариера ќе ја продолжи во американската МЛС лига.

Потврдена е информацијата дека Бејл ќе потпише договор со тимот на Лос Анџелес во траење од една година.

32-годишниот фудбалер последните осум години настапуваше за екипата на Реал Мадрид, а пред тоа играше за Тотенхем и Саутемптон.

Главна цел на Бејл е одржување на формата пред историскиот настап со Велс на Светското првенство во Катар кое се одржува во ноември и декември.

Луис Суарез може да ја продолжи кариерата во Ајакс, пренесува новинарот Екрем Конур.

Раководството на холандскиот шампион размислува за можен трансфер на поранешниот играч на Барселона, кој би требало да го замени продадениот на Борусија Дортмунд, Себастиен Алер.

Суарез ова лето би можел да се врати во клубот како слободен играч. Претходно играше за Ајакс од 2007 до 2011 година.

Суарез минатата сезона запиша 13 гола и 2 асистенции во 45 натпревари за Атлетико Мадрид во сите натпреварувања, но си замина откако му истече договорот.