Ливерпул игра многу лоша сезона, под сите очекувања, па јасно е дека на тимот му претстојат промени на лето.

„Црвените“ брзо отпаднаа од трката за титулата во Премиер лигата, доживеаа дебакл во ЛШ, а се борат за пласман во Топ 4. Јирген Клоп призна дека ќе има многу промени и му претстои многу работа на лето.

„Знаеме дека мора да напредуваме и да ги менуваме работите и тоа ќе го направиме. Не очекува многу работи на лето, но тоа не можеме сега да го сториме. Сега останува само со сопствени сили да се избориме за целите“, изјави Клоп.

Договорите им истекуваат а крајот на сезоната на Кеита, Милнер, Окслејд-Чембрлен и Роберто Фирмино.

„Се уште не можеме да знаеме кого ќе донесеме и колку играчи додека не знаеме кои сите ќе заминат. Нашите трансфери мора да имаат смисла. Во јануари не беше време за големи промени“, заклучи Клоп.

Бразилецот во редовите на Манчестер Јунајтед, Касемиро, направи споредба на играњето за Реал Мадрид во шпанската Ла Лига, и за тимот од Олд Трафорд во Премиерлигата.

„Не сакам да ја потценам Ла Лига, но натпреварите во Премиерлигата се многу потешки и понапорни за играње“, изјави Касемиро.

Бразилецот во Манчестер Јунајтед пристигна ова лето од Реал Мадрид каде повеќе сезони беше еден од главните носители на „кралевите’. После неговото пристигање на Олд Трафорд, Касемиро се снајде одлично и продолжи со извонредната форма.

Касемиро има запишано и 69 настапи за селекцијата на Бразил.

Парагвајскиот фудбалер Мигел Алмирон го продолжи договорот со Њукасл и ќе го носи „црно-белиот“ дрес до 2026.година, обjaвуваат од премиерлигашот.

„Му се заблагодарувам на сите во клубот, од соиграчите до персоналот на помошта која ми ја дадоа за време на изминатите четири години. Мислам дека ова е награда за мојата напорна работа и многу сум среќен“, изјави Алмирон.

Репрезентативецот на Парагвај во својата кариера досега има настапувано за Керо Портено, Ланус, Атланта Јунајтед и Њукасл.

Англискиот премиерлигаш Саутемтон соопшти дека екипата до крајот на сезоната ќе ја води тренерот Рубен Селес.

Саутемптон минатата недела после само 95 дена, поради лоши резултати на екипата  го отпушти тренерот Нејтан Џонс.

После отказот, тимот на натпреварот со Челзи на Стенфорд Бриџ, ја водеше тренерот Селес и успеа да оствари победа над големиот ривал со 1:0.

39-годишниот шпанскиот тренер претходно изјави дека сака да остане во клубот и дека е подготвен да биде прв тренер на екипата. Селес беше помошник тренер во стручниот штаб на Нејтан Џонс и Ралф Хазенхитл.

Неговата задача до крајот на сезоната ќе биди обезбедување на опстанок екипата во Премиер лигата.

Бразилскиот фудбалер Марсело во иднина ќе настапува за фудбалскиот клуб Флуминенсе. Во соопштението од клубот се наведува дека 34-годишниот Марсело потпишал договор до 2024.година, со можност за продолжување на договорот до 2025.година.

Бразилскиот фудбалер минатата недела го раскина договорот со грчки Олимпијакос, каде пристигна во септември од Реал Мадрид.

На овај начин Марсело го оствари својот сон да се врати во клубот каде започна со играњето фудбал и од каде на 18 годишна возраст замина за реал Мадрид.

Јулијан Алварез блесна на Светското првенство и беше еден од најзаслужните за освоената титула.

Аргентинецот пристигна минатото лето на „Етихад“ за 18 милиони евра, но не добива голема минутажа. Аргентинецот не може да се избори за место во стартниот тим покрај Халанд, па е спремен да ја промени средината.

Таквата ситуација сакаат да ја искористат миланските гиганти, Милан и Интер и да го донесат во своите редови на лето.

Сепак, Сити нема лесно да се откаже од својот „бисер“, Гвардиола сака да го има во тимот и во моментов не е спремен да го пушти.

Притоа, неговата цена порасна повеќекратно, па миланските клубови тешко дека ќе можат да испратат понуда која ќе ги задоволи апетитите на „граѓаните“.

Се поизвесно е дека Антони Марсијал на лето ќе го напушти Манчестер Јунајтед, пренесува „Атлетик“.

Французинот ова лето се врати на „Олд Трафорд“ после позајмицата во Севиља, но не добива голема минутажа. Тен Хаг одлучи да го задржи, но Марсијал не е задоволен од својот статус и сака да ја промени средината.

„Црвените ѓаволи“ се спремни да го продадат на лето, а најсилен интерес за Французинот покажуваат италијанските гиганти Јувентус и Милан.

Манчестер Јунајтед сака со неговата продажба да финансира дел од трансферот на нов напаѓач, а најголема желба е Виктор Осимен.

Милан работи на трансферот на плејмејкерот на Лион, Хусем Ауар, пренесуваат италијанските медиуми.

24-годишниот плејмејкер до минатото лето беше на радарот на многу европски гиганти, но реши да остане во Лион. Ауар влезе во последната година од договорот и на крајот на сезоната ќе биде слободен агент, а веќе може да преговара со заинтересираните клубови.

„Росонерите“ веќе стапиле во контакт со неговиот агент и француските медиуми пренесуваат дека Милан е во пол-позиција за неговиот потпис.

Ауар оваа сезона има запишано само 9 настапи за Лион на кои постигна 1 гол и 1 асистенција.

Манчестер Сити веќе работи на засилување на тимот, а приоритет ќе биде засилување на нападот.

Англиските медиуми пренесуваат дека прва желба е ѕвездата на Баер Леверкузен, Муса Диаби, кој е голема желба на Гвардиола. 23-годишниот крилен напаѓач игра фантастично и го привлече вниманието на многу европски гиганти, но Сити сака да ја победи конкуренцијата.

Французинот во досегашниот дел од сезоната има 10 гола и 5 асистенции, но Леверкузен за неговата слобода бара 100 милиони евра.

Баерн Минхен е силно заинтересирани за холандскиот репрезентативец и играч на Интер, Дензел Думфрис.

26-годишниот десен бек минатото лето пристигна во Интер за 12 милиони евра и одигра одлична сезона. Оваа сезона се етаблираше во еден од најдобрите десни бекови, а одигра одлично и на Мундијалот.

Интер има финансиски проблеми, па доколку пристигне понуда повисока од 50 милиони евра е спремен да го продаде на лето.

Баерн Минхен е спремен да ја плати таа сума, а во трансферот може да го вклучи и Мазрауи, за кого „нероаѕурите“ покажуваат интерес.