Манчестер Јунајтед е во преговори со бројни стручњаци за позицијата привремен менаџер. По отказот на Оле Гунар Солскјер, тимот го предводеше Мајкл Керик на гостувањето кај Виљареал, а Јунајтед славеше со 0-2.

Сепак, челниците на клубот бараат привремено решение, поточно стручњак кому би му било дозволено да го води тимот до крајот на сезоната.

Керик е на функцијата до именувањето на привремен менаџер, а кога тоа ќе се случи засега никој не знае.

Во меѓувреме, островските медиуми пренесуваат дека Маурисио Почетино е подготвен да го преземе кормилото на Јунајтед, но да не брза со тоа, поточно дека повеќе би сакал да го направи тоа на лето, на крајот на сезоната.

Тоа е и причината поради која се водат разговори со други тренери.

Екипата на Њукасл по се изгледа го носи првото звучно име како засилување во тимот. Англиските медиуми пренесуваат дека „црно-белите“ во јануари ќе се засилат со фудбалерот на Арсенал, Александаре Лаказет.

Моменталниот договор на Французинот Лаказет со екипата на Арсенал истекува на крајот од сезоната и најверојатно нема намера да го продолжи неговиот престој во клубот од Лондон. Арсенал сигурно би се согласил со продажба на напаѓачот во јануари  за да заработат нешто пред неговото заминување како слободен играч. 

Александре Лаказет би бил одлично засилување во нападот на новиот тренер Еди Хауи кој го чека незивесна борба за опстанок со Њукасл во Премиер лигата.

Лионел Меси го сподели своето мислење за назначувањето на неговиот поранешен партнер Чави за тренер на Барселона.

„Чави е тренер кој знае многу. Тој одлично го познава клубот, каде што е запознаен со сè уште од детството. Неговото доаѓање е многу важно за младите играчи. Не се сомневам дека Барса ќе порасне многу со него“, изјави Меси.

Чави, кој најголемиот дел од својата професионална кариера ја мина во Барселона, потпиша договор до 2024 година.

За да се врати во каталонскиот клуб, тој го напушти катарскиот „Ал-Сад“, кој е тренер од 2019 година.

Екипата на Лидс нема голем буџет за нови играчи во јануари, па ја разгледува можноста за засилување на тимот со позајмени играчи.

Од Лидс Јунајтед внимателно ја следат ситуацијата со фудбалерот на Челзи, Рос Баркли и размислуваат за негово позајмување од лондонскиот клуб.

27-годишниот играч во оваа сезона од Премиер лигата одигра само 126 минути во дресот на Челзи и е отворен за напуштање на клубот бидејќи сака да има редовни настапи.

Рос Баркли се надева дека со враќање во посакуваната играчка форма повторно би се наметнал на селекторот Саутгејт и би добил повик во репрезентацијата на Англија.

Поранешниот тренер на Реал Мадрид, Зинедин Зидан може да го води Пари Сен-Жермен. Фудбалерите на парискиот клуб веруваат дека 49-годишниот Французин ќе стане шеф на стручниот штаб во блиска иднина.

Името на Зидан се споменуваше за време на разговорите меѓу играчите. Свесни се што се случува во клубот и чувствуваат дека наскоро може да се случи промена.

Претходно, неколку медиуми во Англија објавија дека Маурисио Покетино би можел да го води Манчестер јунајтед, а Зидан да го замени во Пари Сен-Жермен.

Жозе Мурињо, кој сега на чело на Рома, избран е за најдобар тренер на Манчестер јунајтед по пензионирањето на Алекс Фергусон.

Мурињо, кој работеше во тимот од мај 2016 до декември 2018 година, беше опишан како „најуспешниот тренер во ерата по Ферги, барем освојувајќи трофеи, иако не и највредните“.

Второто место го зазема Оле Гунар Солскјаер кој го замени токму Мурињо. „ESPN“ го опиша настапот на Норвежанецот од декември 2018 до ноември 2021 година на следниов начин: „Нема сомнеж дека Солскјер го напушта Јунајтед во многу подобра форма отколку што ја наследи. Барем тој врати дел од престижот на клубот кој исчезна под неговите претходници“.

Третото место му припадна на Луј ван Гал, сега селектор на репрезентацијата на Холандија. Работеше во тимот од јули 2014 до мај 2016 година.

На последното место се најде Дејвид Мојс, кој сега е тренер на Вест Хем. Помина помалку од една година во Манчестер Јунајтед – од јули 2013 до април 2014 година.

Манчестер јунајтед е во потрага по нов тренер, откако викендот го отпушти Солскјер поради слаби резултати.

Капитенот на Јувентус, Леонардо Бонучи изјави дека тој и неговите соиграчи треба да извлечат поука од дебаклот на натпреварот против тимот на Челзи кој заврши со 0-4. 

„Старата дама“ претходно имаше обезбеден пласман во осминафиналето во Лигата на шампионите, но го претрпе својот најтежок пораз во ова натпреварување.

„Поразот од Челзи е многу тежок, но мора да научиме од него. Против вакви тимови треба да играш со голема концентрација и брзо темпо, бидејќи во моментот кога ќе ја намалиш брзината веднаш си казнет. Треба да ги извлечеме поуките од ваквите натпревари и да продолжиме понатаму. Мора да бидеме 100% физички и психички подготвени во секое време на овие дуели. Се пласиравме во осминафиналето, тоа беше наша прва цел и ја остваривме. Сега со нетрпение го очекуваме наредниот противник“, изјави Бонучи.

Хаким Зијеч и Тимо Вернер може да се преселат во Барселона, објави „ЕСПН“. Според изворот, приоритетна опција за нов трансфер бил играчот на Манчестер Сити, Рахим Стерлинг. Но, поради цената на играчот и неподготвеноста на англискиот клуб да го пушти играчот, овој трансфер најверојатно нема да се оствари.

Токму поради тоа од Барселона решиле да преминат кај играчите на Челзи. Клубот испратил барање до лондончани да видат дали воопшто ќе може да се ангажираат овие играчи. Барса би сакала да ги позајми со можна опција за купување, а се ова би се реализирало во јануарскиот преоден рок. Вернер сезонава одигра 11 натпревари на кои успеа да постигне три гола и една асистенција. Договорот на играчот со клубот е со важност до летото 2025 година. Трансфермаркт го проценува фудбалерот на 55 милиони евра.

Хаким Зијеч оваа сезона одигра 12 натпревари и постигна 3 гола и 3 асистенции. Неговиот договор е за истиот период како и на Вернер. Трансфермаркт го проценува играчот од средниот ред на 38 милиони евра.

Играчот на Челзи и англиски репрезентативец, Бен Чилвел, заработи сериозна повреда на натпреварот со Јувентус во Лигата на шампионите.

Чилвел беше приморан да го напушти теренот во 71.минута од натпреварот, и според пишувањата во англиските медиуми, можно е да се работи за повреда на вкрстените лигаменти во коленото.

Во моментов нема официјална потврда од лекарскиот тим на Челзи за тежината на повредата, по што би се знаело и колку долго тој ќе биде надвор од терените.

Според пишувањата на германскиот „Билд“ селекторот на италијанска репрезентација, Роберто Манчини, ја одбил понудата од Манчестер Јунајтед за позицијата нов тренер на екипата.

Тимот од „Олд Трафорд“ започнале разговори со 56-годишниот италијански стручњак но тој наводно одбил секакви преговори бидејќи имал обврска да ја однесе Италија на Светското првенство во Катар 2022 година.

Манчини претходно беше тренер на градскиот ривал на Јунајтед, екипата на Манчестер Сити со кој стана шампион на Премиер лигата во 2012 година.