Луис Енрике не повика ниту еден фудбалер на Реал за Европското првенство
Селекторот на шпанската фудбалска репрезентација, Луис Енрике, денеска на прес-конференција го објави списокот на фудбалери кои ќе настапат на престојното ЕП. Интересно, во списокот на Енрике нема неколку досегашни стандардни репрезентативци, почнувајќи од капитенот на Реал (М), Серхио Рамос, па преку неговиот клупски колега Марко Асенсио, Начо Гонзалез, Кепа…
Напад: Дани Олмо, Ојарзабал, Мората, Жерард Морено, Феран Торес, Адама Траоре и Сарабија.
Пиоли: Горд сум на постигнатото од моите фудбалери
Тренерот на Милан, Стефано Пиоли, по натпреварот од последната рунда во Серија А со Аталанта и победата од 2-0 која на „росонерите“ им донесе учество во Лигата на шампионите, ја прокоментира цела сезона и настапот на Милан. „Второто место на табелата го заработивме со нашиот труд во текот на целата сезона. Главната силина на тимот е тоа што не се повлекуваме во тешки моменти. Многу сум горд на менталитетот на тимот, кој го градевме во текот на сезоната. На 19 натпревари од 38 игравме без Златан, секако дека тоа имаше големо влијание на нашиот учинок, но ова е само почеток на овој тим“, рече Пиоли.
Азар сака кам-бек во Челзи по фијаското во Мадрид
Ѕвездата на Реал Мадрид и белгиската фудбалска репрезентација, Еден Азар, изјави дека сака да си замине од Шпанија. Белгиецот дојде во дресот на шпанскиот гигант летото 2019 година, но не ги исполни очекувањата на навивачите. Азар беше постојано отсутен поради повреди и не настапи на потребното ниво кога се врати во игра. Според медиумите во Шпанија, 30-годишниот фудбалер изјавил дека сака да се врати во Челзи, каде помина 9 години. Реал исто така нема намера да го задржи и би се разделил со него за соодветна понуда.
Киелини заминува од Јуве, МЛС лигата најреална опција
Дефанзивецот на Јувентус Џорџо Киелини би можел да го напушти клубот на крајот од сезоната. Договорот на Киелини со Јувентус истекува во јуни, а според информациите на реномираниот медиуми Киелини може да биде вториот кој ќе си замине од Торино по Буфон ова лето. Буфон веќе потврди дека ќе ја напушти „старата дама“, има повеќе понуди за продолжување на кариерата и може да се случи да остане во Италија. Од друга страна Киелини се поврзува со трансфер во САД во МЛС лигата. Во овој момент не се открива со кој клуб наводно Килеини стапил во контакт меѓутоа се истакнува дека имал состанок со претседателот на Јувентус Андреа Ањели.
Најскапата постава која нема да настапи на ЕП 2020!
Угледниот „Трансфермаркт“ ја објави најскапата постава сочинета од фудбалери чии репрезентации нема да играат на претстојното Европско првенство, а најмногу фудбалери доаѓаат од Балканот. Европското започнува на 11. јуни и ќе трае до 11. јули, а ова натпреварување ќе го пропуштат неколку доста силни репрезентации, а некои од нив се во регионот. Познатиот медиум кој е специјализиран за процена на вредноста на фудбалерите ја одбра најскапата постава, а составот е „тежок“ дури 496 милиони евра. На голот се наоѓа голманот на Словенија, Јан Облак, а пред него се дефанзивците Никола Миленковиќ, Мараш Кумбула и Костас Манолас. Средниот ред го предводи искусниот Миралем Пјаниќ, а со него во друштво е и Сандер Берге. Пред нив е сместен најдобриот играч на Србија, Сергеј Милинковиќ-Савиќ. На десно крило се наоѓа норвежанецот Мартин Едегард, додека на левата крилна позиција е уште еден српски интернационалец, Филип Костиќ. Во нападот се младите ѕвезди на Норвешка и Србија – Ерлинг Халанд и Душан Влаховиќ.
ЕУРО 2020 – 07. Швајцарија одблиску
Олимпиското сребро најзначаен резултат на фудбалска Швајцарија!
Фудбалската репрезентација на Швајцарија ја претставува Швајцарија на меѓународните фудбалски натпреварувања и е под контрола на Фудбалската Асоцијација на Швајцарија.
Швајцарија досега 11 пати учествувала на Светско првенство, а најдобар резултат и се трите настапи во четвртфиналето, во 1934, 1938 и 1954 година. Швајцарците биле домаќини на првенството во 1954 година, каде во четвртфиналето загубиле од Австрија, со неверојатни 7-5, што останува во историјата до денес како натпревар со најмногу постигнати голови на Светско првенство. Во 2006 година Швајцарија постави рекорд на Светските првенства како првата репрезентација која била елиминирана од турнирот без да прими ниту еден гол, испаѓајќи од Украина по изведување на пенали во осминафиналето, без да постигнат ниту еден гол од пенал, со што исто така станале првата нација што го сторила тоа. Тие исто така не примиле гол ниту во првиот натпревар на Светското првенство во 2010 против Шпанија, по што мрежата на Швајцарија беше затресена дури во натпреварот со Чиле кога Марк Гонсалез во 75. минута го постигна единствениот гол во натпреварот и му донесе победа на претставникот од Јужна Америка. Со ова Швајцарците поставиле рекорд за најмногу минути без примен гол на завршницата на Светските првенства.
Швајцарија заедно со Австрија беа организатори на Европското првенство во 2008 година, кога Швајцарците го имаа своето трето учество, но како и во првите две учества не успеја да ја минат групната фаза. Сепак тоа за првпат им успеало на Европското првенство во 2016 година, кога Швајцарија заврши како втора во групата зад домаќинот Франција, но беше елиминирани веќе во осминафиналето од Полска по изведувањето на пенали.
Генерално земено, најдобриот резултат на швајцарската репрезентација на официјално фудбалско натпреварување е сребрениот медал освоен во 1924, година на Летните олимписки игри во 1924 година, на кои во финалето беа поразени од Уругвај со 3-0.
Џака и Шакири главни адути на Петковиќ на шампионатот!
Швајцарија е еден од најинтересните претставници на Европскиот шампионат. Тимот предводен од Владимир Петковиќ, наскоро се очекува да го објави во јавноста, конечниот список од 26 играчи кои ќе учествуваат во престижното натпреварување. Но, што знаеме во моментов за швајцарскиот национален тим?
Селекцијата е предводена од 57-годишникот Владимир Петковиќ од 2014 година. Петковиќ претходно беше тренер на Јанг Бојс и Лацио, каде успеа да ја освои Копа Италија во 2013 година. Ова е единствениот голем трофеј што го освоил тренерот со босанско потекло. Сепак, резултатите од неговата работа со Швајцарија беа генерално позитивни.
Репрезентативна супер-ѕвезда е дефинитивно Гранит Џака. Фудбалерот на Арсенал ја има улогата на капитен во тимот и еден е од најискусните играчи во националниот тим. Но, на Швајцарија не и недостасуваат ѕвезди. Фудбалерот на Ливерпул, Џердан Шаќири и Реми Фројлер од Аталанта се само две од силните страни на тимот. Други имиња кои се очекува да тежат многу на натпреварите на Европското првенство се Брел Емболо, Јан Зомер и играчот на Борусија Дортмунд, Мануел Аканџи.
Репрезентацијата на Швајцарија учествуваше на четири Европски првенства. Првиот настап беше во 1996 година, каде што тимот не успеа да ја мине групата. На другите два настапи, соодветно во 2004 и 2008 година, судбината на Швајцарија беше иста – елиминирана во групната фаза.
Но, Европското првенство во 2016 година во Португалија резервираше поинакво сценарио за тимот. Швајцарците успеаја да дојдат во осминафиналето, каде потоа беа елиминирани на пенали од Полска. Со оглед на растечките перформанси, не се очекува Петковиќ да донесе нови играчи во составот на ова првенство. Со талентиран тим, но и искусни играчи, Швајцарија може да напредува над очекувањата ова лето.
Причина за поразот на Челзи беше – сладолед?!
Не по своја заслуга, Челзи се пласираше во Лигата на шампионите наредната сезона. Голема работа им заврши Тотенхем кој славеше кај Лестер со 4:2 и така ги исфрли „лисиците“ од европската елита. Тухел по крајот на натпреварот призна дека беа среќни што Тотенхем ја одработи нивната работа. Англиските медиуми пишуваат дека ниту случувањата пред натпреварот во Бирмингем не им одеа од рака на „сините“ од Лондон. Клупскиот автобус на Челзи беше примен на паркингот на стадионот со 15-минутно задоцнување и тоа верувале или не, поради сладолед. Имено, редарите кои беа задолжени да го расчистат просторот за гостинскиот автобус тоа не го направиле на време. Тие не добиле повик од надредениот, па решиле да уживаат во сладоледот додека автобусот на Челзи чекал пред влезот. Раководството на Челзи веќе поднесе жалба за ваквото однесување, а тимот на Тухел за малку ќе останеше без пласман во Лигата на шампионите поради опуштеното однесување на неговите домаќини.
Гвардиола: Ќе откријам една тајна за Агуеро
Манчестер Сити ја прослави титулата во англиското првенство со убедлива победа од 5:0 против Евертон. Серхио Агуеро постигна два погодоци и во последниот лигашки натпревар за Сити го сруши рекордот на Вејн Руни со 184 премиерлигашки погодоци за еден клуб. Договорот на аргентинецот истекува по крајот на сезоната и тој го напушта клубот како слободен играч. Медиумските шпекулации веќе подолг период го селат во Барселона, а Гвардиола по натпреварот доста емотивно говореше за својот напаѓач и практично ги потврди гласините. „Можеби ќе откријам тајна, можеби е блиску до договор со клубот на моето срце, со Барселона.“ – вели Пеп во разговор за Би-Би-Си. „Ќе игра со најдобриот фудбалер на сите времиња, Лео Меси. Сигурен сум дека ќе ужива, а можеби и Барселона со него на теренот ќе биде се подобра и подобра.“ – додаде Гвардиола.
Ангеловски по ЕП се сели кај Пандев?!
Управата на Џенова размислува за ангажман на Игор Ангеловски, откако Горан Пандев веќе дал препораки за поранешниот тренер на Работнички, сега селектор на сениорската репрезентација на Македонија. Ова го пренесува угледниот новинар на „Газета Дело Спорт“, Алфредо Педула на неговиот личен блог. Тој наведува дека Ангеловски е еден од кандидатите за нов тренер на Џенова. Ангеловски има договор со Македонија до завршувањето на ЕУРО 2020, по што извесно е дека ќе бара нов ангажман, иако популарниот „Мрме“ најави дека посакува да ја однесе нашата репрезентација и на СП во Катар. Пандев се уште нема донесено одлука дали активно ќе игра и следната сезона, но ако Ангеловски се договори со Џенова, нема да биде изненадување доколку Пандев остане активен уште една сезона.
Тери: Тухел треба да му се заблагодари на Лампард за Маунт и Џејмс
Џон Тери ќе биде на летен одмор на денот кога Челси ќе го игра големото финале во Лигата на шампионите, а како поранешен капитен на клубот, не крие дека со цело срце ќе навива за тимот кој сега го предводи Томас Тухел. Тери потенцира дека Тухел завршил извонредна работа во послендо време по пристигнувањето во Лондон, но не пропушти да ја пофали и работата на својот сакан соиграч Лампард, кој според него ги поставил темелите за да гледаме еден ваков Челси составен од играчи од школата. „Погледнете ги двајцата младинци, Мејсон Маунт и Рис Џејмс, каде беа пред Лампард, а каде се сега. Сето тоа е благодарение на Френк и Томас всушност му се заблагодари за тоа“, изјави Тери за „Тајмс“.
