Македонскиот фудбалер, Марко Симоновски е првото засилување на Бојан Марковски кој неодамна го презема кипарскиот прволигаш Енозис Паралимни.

Во јавноста покрај Симоновски како можно засилување за Маркоски се споменуваше и Бесир Демири. Актуелната сезона, Симоновски ја започна во дресот на Башкими за кој на 12 натпревари постиигна три гола.

Зад себе Симоновски веќе има големо искуство надвор од границите на нашата држава бидејќи веќе настапуваше во: Русија, Хрватска, Казахстан, Финска, Романија, Косово и Узбекистан.

Шкотскиот гигант Селтик денеска му врачи отказ на тренерот Вилфред Нанси, по само 33 дена на клупата и дури шест порази во осум одиграни натпревари.

Од клубот соопштија дека договорот со францускиот стратег е раскинат, а заедно со Нанси, Селтик го напуштаат и неговите соработници од стручниот штаб, како и шефот на фудбалските операции, Пол Тисдејл.

Нанси на клупата го наследи Брендан Роџерс, но неговиот старт беше катастрофален. Ги загуби првите четири натпревари, меѓу кои и финалето од Лига купот против Абердин, а вкупно во осум натпревари доживеа шест порази со тимот од Глазгов.

Последен пат Селтик под водство на Нанси настапи во саботата, во големото градско дерби против Ренџерс, кое го загубија со 1-3.

Следниот натпревар Селтик ќе го одигра во сабота против Данди јунајтед, со што започнува исклучително напорен период од осум натпревари во само 24 дена.

Во овој момеент Селтик се наоѓа на втората позиција на табелата со 38 бодови, исто колку и третопласираниот Ренџерс. На врвот е Хартс со 44 бодови.

Ленарт Карл е роден во Фрамерсбах, Баварија, а целата негова кариера досега беше поврзана исклучиво со Германија. Младиот германски интернационалец прерасна во еден од најголемите таленти во светот, но неговиот клуб од соништата е сепак шпанскиот гигант Реал Мадрид.

Младиот Карл даде многу незгодна и нејасна изјава за време на интервју и средба со навивачите, и разбирливо ги налути навивачите на Баерн.

„Баерн е огромен клуб и сон е да се игра тука“, рече Карл, пред да додаде: „Но, во одреден момент дефинитивно сакам да одам во Реал Мадрид. Се надевам дека ова ќе остане меѓу нас“, рече тој, но видеото се појави на социјалните мрежи и ги налути навивачите на Баерн.

Манчестер сити, во трилер завршница, остана без триумф над Челзи, во дербито на 20-то коло. „Граѓаните“ водеа до 94-та минута, кога Енцо Фернандез, некако успеа да ја смести топката во голот на Донарума.

Сити, не успеа да победи, но она што повеќе го загрижува Пеп Гвардиола се повредите на клучните дефанзивци.

Јошко Гвардиол се повреди на почетокот од второто полувреме, мораше да го напушти теренот во 51-та минута од натпреварот, откако лежеше на теренот некое време со болна гримаса на лицето.

Сити натпреварот го завршија и без Рубен Диаш, тој исто така го напушти натпреварот поради повреда во 81-та минута.

Гвардиола коментираше за состојбата на повредениот дуо по натпреварот. Тој рече дека „Гвардиол не изгледа добро“, додавајќи дека сè уште не разговарал со медицинската служба и дека повеќе информации за состојбата на повредените ќе бидат познати во текот на денот.

Потоа ја даде својата проценка за сериозноста на нивните повреди. „Мислам дека ќе биде надвор од теренот неколку недели“, рече тој.

Легендарниот италијански тренер Фабио Капело, поранешен стратег на Милан, Реал Мадрид, Рома и Јувентус, остро го критикуваше судењето во модерниот фудбал. Тој ја нарече организацијата на судиите „мафија“. Во едно големо интервју, тој предложи и решение за подобрување на ВАР технологијата – вклучување на поранешни фудбалери во процесот на донесување одлуки.

Во интервју за шпанска „Марка“, каде што зборуваше за различни теми, вклучувајќи ги и неговите денови на клупата на Реал Мадрид, Капело го изрази своето големо незадоволство од моменталната состојба на судењето и сè почестите грешки поврзани со ВАР.

„Тоа е тема што многу ме лути“, започна Капело кога беше прашан за судиите.

„Судиите се мафија. Тие не сакаат поранешните играчи да се вклучуваат во ВАР, оние кои ги знаат движењата во фудбалот, движењата што ги прават играчите за да застанат, да си помогнат себеси итн.“, продолжи тој со остар тон.

„Многу пати тие носат погрешни одлуки, затоа што тие никогаш не играле фудбал и не ги препознаваат тие движења“.

Познатиот тренер е особено фрустриран, смета дека премногу лесно се судат прекршоци.

„Играчот е допрен во лицето, паѓа на земја и тие веднаш дуваат во свирчето. Но, зошто? Ако јас сум висок 1,90 м, а другиот играч е висок 1,75 м, мојата рака е во висина на неговото лице. Зошто би го свирнале тоа? Тоа ме излудува. Ме излудува.“

Капело верува дека судиските грешки и контроверзиите околу ВАР би можеле значително да се намалат со вклучување на барем еден поранешен фудбалер во контролната соба.

„Ставете еден (поранешен играч) внатре, за да му каже на судијата: „Па, не мислам дека е пенал“ или „Мислам дека е“.

Со УЕФА, анализиравме 20 ситуации каде што беа досудени пенали. Кога поранешните играчи и тренери ги разгледаа, шест беа досудени како казни, а 14 не беа“, заклучи Капело.

Рубен Аморим навести дека нема да остане во Манчестер Јунајтед по истекот на неговиот тековен договор.

„Само сакам да кажам дека ќе бидам менаџер на овој тим, не само тренер, и тоа јасно го кажав. Ова ќе трае уште 18 месеци, а потоа сите ќе го оставиме ова зад нас. Тоа беше договорот, тоа беше мојата работа – да не бидам тренер, туку менаџер. Ако луѓето не можат да ги поднесат зборовите на Гари Невил и другите, не можат да се справат со критиките, сè тоа, тогаш треба да го промениме клубот. Само тоа сакам да го кажам. Дојдов тука да бидам менаџер на Манчестер Јунајтед, а не тренер. Сите оддели, одделот за скаутинг, спортскиот директор – секој мора да си ја работи својата работа, а јас ќе ја работам мојата уште 18 месеци, по што ќе го оставиме ова зад нас“, рече Португалецот.

Екипата на Вардар продолжува да работи на задржување на постоечкиот ростер на играчи со тоа што потпиша нов договор со Димитар Тодоровски.

Задоволни од прикажаното во досегашните настапи, начинот на работа, дисциплината, упорноста, желбата за успех на овој играч, ФК Вардар АД гледа блескава иднина на Димитар Тодоровски во црвено-црното семејство.

На зедничко задоволство извршниот директор на ФК Вардар АД, Миленко Неделковски, и играчот за врска Димитар Тодоровски, страните ја обновија соработката и потпишаа нов договор до јуни 2028 година.

23-годишникот дојде во Вардар од редовите на Брера Струмица, а претходно настапуваше за Работнички.

Мароко ја победи Танзанија со 1-0 во осминафиналето на Африканскиот куп на нации.

Единствениот гол го постигна Брахим Дијаз во 64. минута, по додавање од Ашраф Хакими.

Во 15. минута, голот на мароканскиот играч од средниот ред Исмаел Саибари беше поништен поради офсајд по интервенцијата на ВАР.

Во четвртфиналето на Африканскиот куп на нации 2026, Мароко ќе се соочи со победникот од Камерун.

Поранешниот тренер на Челзи, Енцо Мареска, одби надомест од 14 милиони фунти за предвремено раскинување на договорот поради несогласувања со раководството, објавува „The Sun“.

Италијанецот бил толку лут на раководството на Челзи за поткопување на неговиот авторитет што одбил да разговара со нив за условите за раскинување.

Мареска бил исто така огорчен од обвинувањата дека го ризикувал здравјето на играчите со тоа што ги ставал во составот и покрај лекарските забрани.

На 1 јануари, Челзи го отпушти Мареска, кој беше на чело од летото 2024 година. Под водство на 45-годишниот Италијанец, лондонци ја освоија Конференциската лига и Светското клупско првенство.

По 19 натпревари, Челзи е шести во Премиер лигата со 30 бода.

Напаѓачот на Реал Мадрид, Гонзало Гарсија Торес, постигна хет-трик во натпреварот од 18-то коло од шпанската Ла Лига против Бетис (5:1), со што го повтори реткиот успех на познатиот поранешен напаѓач Руд ван Нистелрој со мадридскиот гигант во 21 век.

Според статистичкиот портал „Опта Спорт“, Гонзало Гарсија стана вториот играч на Реал Мадрид во 21 век кој постигнал хет-трик во своето деби во Ла Лига. Руд Ван Нистелрој претходно го постигнал овој подвиг во септември 2006 година во победата од 4:1 против Леванте.

Вкупно, 21-годишниот Гонзало Гарсија Торес одигра 18 натпревари (418 минути) за Реал Мадрид оваа сезона, постигнувајќи три гола и запишувајќи една асистенција.