Дејли Мејл пренесува дека менаџментот на Кристијано Роналдо ги отфрли тврдењата дека напаѓачот ќе потпише договор со Саудискиот клуб Ал-Наср на 1 јануари.

Во понеделникот шпанскиот весник „Марка“ објави дека Роналдо се согласил да потпише две и пол годишен договор со саудискиот клуб, а неговата плата ќе биде 200 милиони евра по сезона. 

Сепак, извори блиски до Роналдо ги отфрлија овие гласини како чисти шпекулации. 37-годишниот Кристијано стана слободен играч на крајот на минатиот месец, откако со заедничка согласност го раскина договорот со Манчестер Јунајтед. Ова се случи по скандалозното интервју со новинарот Пирс Морган, во кое тој упати сериозни критики до раководството на клубот и изјави дека не го почитува тренерот Ерик тен Хаг.

Јувентус е силно заинтересиран за десниот бек на Рома, Рик Карсдорп, пренесуваат медиумите на Апенините. Карсдорп беше јавно критикуван од страна на Мурињо и е на излезна врата од клубот, па се очекува да замине во јануари.

Десниот бек не се појави на првиот тренинг после паузата и дал барање до раководството дека сака да ја промени средината.

Јувентус сака да ја искористи таквата ситуација и да го доведе во Торино за симболична сума.

Рома е спремна да го пушти и веќе почна да бара негова замена, а прво име на списокот на Мурињо е Хектор Белерин.

Манчестер јунајтед има план да ја исплати откупната клаузула на Мартин Зубименди од Реал Сосиедад, објави шпански „АС“.

„Црвените ѓаволи“ планираат да го засилат составот за следната сезона, па тренерот Ерик Тен Хаг побарал од раководството да го ангажира Зубименди. Јунајтед веќе некое време го следи фудбалерот на Реал Сосиедад, а тој игра одлично во одбраната и во редот за врска, па тоа ќе му помогне на Тен Хаг да ги зацврсти ранливите делови на екипата.

Барселона, исто така, го следи фудбалерот на Реал Сосиедад, но нема во моментов 60 милиони евра за да ја активира неговата откупна клаузула.

Неколку европски гиганти  се заинтересирани за белгискиот репрезентативец и член на Борусија Дортминд, Томас Муние. Барселона и Манчестер Јунјатед се во потрага по десен бек и покажуваат сериозен интерес за 30-годишниот Белгиец, кој има договор со Борусија до 2024 година.

Муние сака да ја промени средината и на лето сигурно ќе направи трансфер, а Дортмунд за неговата слобода бара 15 милиони евра.

Интерес за него покажуваат уште Јувентус и Милан, па се очекува голема битка за неговиот потпис.

Холандија славеше со 3-1 против САД и се пласира во четвртфинале на Мундијалот, каде што ќе игра против Аргентина која славеше со 2-1 против Австралија.

Во центар на внимание е фантастичниот напаѓач Коди Гакпо кој постигна три гола на Светското првенство во досегашниот дел и привлече интерес од многу гиганти. Манчестер јунајтед долго време е заинтересиран за Гакпо и планира да го ангажира, но неговиот колега од репрезентацијата, Вирџил Ван Дајк сака да го предомисли.

Дефанзивецот на Ливерпул по победата против САД му препорача на Гакпо да не потпише за „црвените ѓаволи“.

Ван Дајк го советуваше Гакпо дека подобра дестинација за негов развој е Реал Мадрид, што без дилеми ќе ги налути навивачите на Јунајтед.

Кристијано Роналдо од први јануари ќе стане нов играч на Саудиска Ал Наср, ексклузивно пренесува „Марка“. Договорот ќе биде потпишан на две и пол сезони, а платата на Роналдо ќе биде околу 200.000.000 долари, што значи дека, доколку се испочитува соработката до крај, ќе инкасира над половина милијарда долари.

Роналдо на два дена пред почетокот на Светското првенство го раскина договорот со Манчестер Јунајтед и слободно можеше да преговара со која било екипа.

Како што пренесува „Марка“, Ал Наср бил најконкретен од првиот момент, саудискиот принц направил се за да го донесе и изгледа успеал. Португалецот ќе стане најплатениот спортист во светот досега, а неговиот договор со Ал Наср вклучува бројни претстојни реклами.

Германскиот фудбалски сојуз го раскина договорот со спортскиот директор на репрезентацијата, Оливер Бирхоф, после испаѓањето од Светското првенство во Катар.

Бирхоф беше менаџер на германската репрезентација 18 години, а врв на неговата кариера беше титулата светски првак во 2014 година.

Бирхоф во личното соопштение после оставката нагласува дека одредени одлуки не се покажале исправни и поради тоа ја презема одговорноста за неуспехот.