Герет Бејл потврди дека нема намера да го продолжи неговото останување во Тотенхем. Велшанецот имаше пар добри партии по враќањето во Лондон, но се чини дека не планира да остане повеќе од една сезона. Тотенхем му служеше како „тренинг“ за Европското првенство, каде ќе има натпревари со Швајцарија, Турција и Италија. По крајот на сезоната ќе се врати во Мадрид, а шпанските медиуми пишуваат дека офанзивецот сака да ја наплати последната година од договорот со Реал. Ќе му припаднат околу 16 милиони евра, а прашање е дали останувањето во Мадрид ќе му донесе и минутажа кај Зидан. 31-годишниот Бејл веќе е навикнат повеќе да бвиде на трибините на Реал отколку во самиот тим, а се чини дека таква слика ќе гледаме и наредната сезона, доколку не се најде некој што ќе ги исполни големите барања на Велшанецот.

Набил Фекир може кариерата да ја продолжи во Англија. Манчестер Јунајтед и Ливерпул се заинтересирани за услугите на 27-годишниот Французин, пренесува „Калчомеркато“.
За услугите на Фекир е заинтересиран и Интер. Актуелниот договор на Набил Фекир со Бетис е со важност до летото 2023 година. Сппоред „Трансфермаркт“ неговата вредноста е 25 милиони евра. Да потсетиме дека Фекир се пресели во Бетис во 2019 година, претходно играше за Олимпик Лион.
Во сезоната 2020/21, Набил Фекир одигра 25 натпревари во Шпанскиот шампионат, постигна три гола и шест асистенции. Бетис со 45 поени од 28 натпревари е шести на табелата и се бори за излез во Европа.

Јувентус и Пауло Дибала најверојатно ќе се разделат на крајот на сезоната, тврдат италијанските медуми. Двете страни иако веќе со месеци преговораат, се уште не постигнале договор за продолжувње на соработката.
Спорна точка е висината на платата. Јувентус со новиот договор му нуди плата од десет милиони евра, Дибала бара повисока плата.
Поради тоа Јувентус донесе одлука да го продаде на лето, бидејќи влегува во последната година од договорот.

Новата сезона 2021/22 во англиската Премиер лига ќе започне на 14 август, објави раководството на лигата.
Последното 38. коло од следната сезона според овој план трена да се одигра на 22 мај, а на овој датум ќе се одиграат сите 10 натпревари од последното коло во исто време.
Почетокот на сезоната кон средината на август ја враќа Премиерлигата во нормалниот календар. Поради пандемијата на коронавирусот, тековната сезона 2020/21 започна дури на 12 септември и ќе заврши на 23 мај.

Тами Абрахам може да го напушти Челзи во летниот преоден рок. Овој 22-годишен напаѓач не се согласува со условите на новиот договор и се повеќе се зголемуваат гласините дека ќе го напушти „Стамфoрд Бриџ“.
Притоа не е задоволен од статусот во тимот и ретко добива минутажа оваа сезона, па сака да ја промени средината.
Ситуацијата будно ја следи италијанскиот гигант Милан, кој сака на лето да го донесе на „Сан Сиро“.
Милан во јануари го донесе Томори на позајмица од Челзи, кој се покажа како одлично засилување и најверојатно ќе биде откупен на лето.

Пау Торес може да се пресели во Манчестер Јунајтед во летниот преоден рок. Раководството на „црвените ѓаволи“ веќе започнало преговори со 24-годишниот Шпанец.
Торес се етаблираше во еден од најперспективните дефанзивци во Европа и го провлече вниманието на многу европски гиганти.
Англиските медиуми пренесиваат дека Шпанецот изразил желба да се пресели на „Олд Трафорд“ и постигнал начелен договор со „црвените ѓаволи“.
Цената на Торес во моментов изнесува 40 милиони евра, сума која англискиот клуб е спремен да ја плати, бидејќи Солскјер верува дека ќе биде идеален партнер на Мегваер.

Тренерот на фудбалерите на Атлетико Мадрид, Диего Симеоне, не се откажува од намерата да го ангажира напаѓачот на Ајнтрахт Франкфурт, Андре Силва кој е трансферна цел на уште неколку клубови од Европа. Шпанскиот тим сакаше во јануари да го купи Португалецот, но, Германците ги одбија сите понуди. Се претпоставува дека „јорганџиите“ во текот на летото ќе понудат 30 милиони за да го добијат потписот на Силва кој има одлична сезона. Голгетерот на Ајнтрахт на 26 средби постигна 27 голови и направи 7 асистенции.

Ансу Фати веројатно ќе го пропушти остатокот од сезоната, пишува Марка. Младата ѕведа на Барселона мораше минатата година на операција на менискусот кој го повреди на првенствениот натпревар против Бетис. Се предвидуваше дека 18-годишниот фудбалер ќе паузира неколку месеци, но оправувањето не оди според очекувањата, па Фати ќе мора на уште една операција. Марка пишува дека ситуацијата со повредата се закомплизира и дека малку веројатно е да се врати на тренинзите до крајот на тековната сезона. Крилниот напаѓач на каталонскиот клуб се надеваше дека би можел да се најде на пописот на Луис Енрике за Европското првенство, бидејќи до повредата во десет натпревари запиша пет гола и четири асистении. Веруваше дека по повредата би можел да го заслужи повикот на селекторот, но од тоа очигледно нема да биде ништо. Марка додава дека на операција, и тоа во Катар, беше и Филипе Кутињо кој има проблеми со коленото.

Луис Суарез игра феноменално во Атлетико Мадрид. Уругваецот беше буквално „избркан“ од Барселона и препуштен на ривалите, образложенито беше тоа што Суарез веќе има сериозен број на години, а и голема плата. Тоа како да го налути „Пистолеро“, кој го предводи Атлетико до титулата во Примера со 19 погодоци во 25 одиграни натпревари. Шпанските медиуми пренесуваат вистинска „бомба“ – Клоп би можел да го врати Суарез на Енфилд! Ливерпул не е оној истиот од претходната сезона. Повредите на стартот од сезоната беа премногу за тимот на Клоп, „црвентие“ сега грчевито се борат за пласман во топ 4. Сонот за титула беше напуштен уште пред десетина кола. Суарез играше за Ливерпул од 2011. до 2014. година, тој замалку ќе им донесеше титула, кога со тимот предводеше Брендан Роџерс. Суарез беше вистински талисман на екипата, постигна 82 погодоци на 133 натпревари носејќи го црвениот дрес. Сега, во 34. година од својот живот, има договор со Атлетико до крајот на наредната сезона, а неговото враќање во Англија е единствено можно доколку Салах се одлучи да го напушти „Енфилд“.