Италијанскиот фудбалски состав, Рома, успеа да го ангажира дефанзивецот, Јан Зиелковски, објави официјалната веб-страница на калчо-лигашот.

Договорот со 20-годишниот Полјак ќе биде валиден до летото во 2030 година. Тој доаѓа од екипата на Легија.

Корпулентниот стопер во претходната сезона се појави на 28 натпревари, постигна 2 гола и имаше 2 асистенции.

Мароканскиот фудбалер Елиес Бен Сегир потпиша петгодишен договор со Баер Леверкузен до 30 јуни 2030 година.

Висината на трансферот не е официјално објавена, но извори блиски до Монако наведуваат дека изнесува 32 милиони евра, со бонус од пет милиони евра и процент од следната продажба на играчот.

20-годишниот играч од средниот ред е продукт на младинската школа на Монако. Во „малото кнежевство“ во 2023 година ја започна професионалната кариера.

Спортскиот директор на Леверкузен, Симон Ролфес, истакна дека тој е „првокласен техничар, интелигентен и имагинативен во дриблингот, со прецизно и разновидно додавање“ и додаде дека „ќе внесе дополнителна енергија во офанзивната игра“.

Тренерот на Монако, Ади Хитер, исто така го пофали младиот фудбалер, истакнувајќи дека созреал во Монако и дека го очекува успешна кариера во Германија.

Македонската А репрезентација ги започна подготовките за претстојните натпревари, контролен против Саудиска Арабија (04. септември, Прага) и Лихтенштајн (7. септември, Скопје) од квалификациите за СП 2026.

Поради повреда, Димитар Митровски нема да биде дел од септемвриските пресметки. Фудбалерот од средниот ред на Олимпија Љубљана ќе ги пропушти натпреварите поради повреда на задната ложа здобиена на загревање пред синоќешниот натпревар од словенечкото првенство. На првиот тренинг отсуствуваа Елиф Елмас и Дарко Чурлинов, двајцата утре ќе се стават на располагање на селекторот Милевски.

Бојан Миовски, кој пред само два дена го реализираше својот голем трансфер во шкотскиот гигант Глазгов Ренџерс, ги сподели своите очекувања од новата страница во клупската кариера, како и очекувањата од натпреварите до националниот тим.

„Кога дојде понудата од Ренџерс не се двоумев, тренерот ми даде дополнителна поддршка и среќен сум поради тоа. Дебитирав против Селтик, прв пат почувствував таква атмосфера, знаеме какво е ривалството меѓу двете екипи. Во Џирона не беше се сјајно, имавме лоша сезона, колективно и индивидуално. Едноставно бев во погрешно време таму и морав да донесам одлука за мојата иднина. Се вратив во шкотската лига кадешто претходно настапував во Абердин, но сега во многу поголем историски клуб“.

„Имаме позитивна форма во репрезентацијата, се надевам дека ќе го продолжиме тој добар ритам и на натпреварите кои ни следуваат. Треба добро да се подготвиме за Саудиска Арабија која е многу сериозна репрезентација, а потоа максимално да се фокусираме на Лихтенштајн. Денеска нема слаби селекции и однапред добиени натпревари“.

Њукасл јунајтед веднаш ќе ги потроши парите од трансферот на Александер Исак. Швеѓанецот во рекорден трансфер, кога станува збор за Премиер лигата, се сели во Ливерпул. Сумата од 150 милиони евра, Њукасл ја вложи во Ник Волтемаде и Јоан Виса.

Напаѓачот на Штутгарт, Волтемаде пристигна во клубот пред неколку дена, а до крајот на денот, Виса ќе потпише договор со клубот од „Сент Џејмс Парк“.

Виса, во Њукасл доаѓа од Брентфорд во трансфер вреден 55 милиони фунти (околу 63,5 милиони евра). Клубовите се договориле, половина од сумата Њукасл да уплати веднаш, а половина наредната година. Во договорот постои клаузула која му гарантира на Брентфорд 25 отсто од наредната продажба на фудбалерот.

Виса, кој постигна 49 гола на 149 натпревари за Брентфорд, беше продаден откако во објава на Инстаграм го обвини клубот за прекршување на договорот и побара од сопствениците и директорите на клубот да го исполнат своето ветување и да му дозволат трансфер за да мопже да напредува во кариерата.

Напаѓачот од Конго јавно се пожали дека „клубот неоправдано му стои на патот и покрај низата фер понуди во текот на летото“, кои, како што тврдеше тој, биле договорени и ставени на хартија.

ПСЖ повторно го испрати на позајмица Рандал Коло Муани (26). Репрезентативецот на Франција ја помина втората половина од минатата сезона во Јувентус.

Цело лето Коло Муани чекаше Јувентус да се договори со ПСЖ. Откако клубовите не постигнаа договор, а Јувентус за 40 милиони евра го донесе Лоис Опенда, Коло Муани прифати да се пресели во Тотенхем.

Фабрицио Романо објави дека Спарс ќе му плати на ПСЖ пет милиони евра и дека во фоговорот нема опација за откуп на договорот.

ПСЖ плати 95 милиони евра за Коло Муани кога го купија од Ајнтрахт на последниот ден од летниот преоден рок. Оттогаш, тој одигра 54 натпревари за ПСЖ и постигна 11 голови.

Тренерот на Интер, Кристијан Киву, се осврна на вчерашниот пораз од Удинезе во 2.коло на Серија А.

„Нероазурите“ на домашен терен загубија со 2:1, иако први имаа водство.

Треба да ја пронајдеме нашата мотивација, нашиот ентузијазам и нашата желба за настап што ја имавме пред неколку дена. Денес се мачевме да создадеме игра, бевме невнимателни и не се стремевме кон совршенство. Сето ова влијаеше на исходот. Епизодата со пеналот ни предизвика психолошка штета. Не смееме да бидеме толку френетични како што бевме денес, бидејќи така ја губиме топката. Натпреварот се претвори во игра „ајде да видиме што ќе се случи“ со четири напаѓачи. Треба да работиме напорно, првенството ќе биде долго, изјави романскиот тренер.

Во следното коло Интер ќе игра на гости против Јувентус на 13 септември.

Голманот на ПСЖ, Џанлуиџи Донарума, се пресели во Манчестер сити, објави инсајдер Фабрицио Романо.

Трансферот на 26-годишниот Италијанец ги чини „Граѓаните“ 39 милиони евра. Донарума бранеше за пари Сен-Жермен од јули 2021 година. Неговиот договор со Парижаните имаше важност до 30 јуни 2026 година. Во сезоната 2024/25, голманот прими 43 гола на 47 натпревари во сите натпреварувања, при што на 17 натпревари не прими гол.

„Трансфермаркт“ ја проценува трансферната вредност на Донарума на 40 милиони евра.

Македонскиот фудбалски репрезентативец Дарко Чурлинов кариерата ќе ја продолжи во Турција. Како што објавија утрово турските медиуми, екипата на Кочаелиспор се договорила со англиски Барнли за перманентен договор со нашиот репрезентативец, кој во последните неколку сезони постојано беше на позајмици во други клубови, последен пат во полска Јагиелонија.

Кочаелиспор ќе потпише 2-годишен договор со нашиот репрезентативец, кој во Турција ќе му помогне на Кочаели во битката за опстанок во елитата.

Англискиот фудбалски состав Нотингем Форест, го купи бразилскиот голман, Џон Виктор од екипата на Ботафого, објави веб-страницата на англискиот клуб.

Откако 29-годишникот потпиша тригодишен договор, спортскиот директор на клубот, Рос Вилсон, вели дека тоа е одличен потег.

„ Тој доаѓа тука со желба да остави впечаток и ние сме воодушевени што го пречекуваме“ – рече Вилсон.

Баер Леверкузен по само два месеца се раздели со тренерот, Ерик тен Хаг, стои во објавата на германскиот фудбалски состав.

Одлуката доаѓа по лошиот почеток во Бундес-лигата. „Фармацевтите“ загубија дома од Хофенхајм а потоа одиграа нерешено кај Вердер (3:3) иако имаа предност од два гола.

„Одлуката не беше лесна. Никој не го сакаше тој чекор. Сепак, последните недели покажаа дека градењето нов и успешен тим не може да се осмисли без крајна цел“ – рече спортскиот директор на клубот, Симон Ролфес.