Јувентус се намачи и потешко од очекувањата дојде до победа против
Фросиноне, а оваа победа имаше посебно значење за тренерот
Масимилијано Алегри.
Јувентус победи со голот на Ругани во 95. минута, а со тие три бода
Алегри стигна до вкупно 1.002 во кариерата.
Алегри е првиот тренер кој ја пробива границата од освоени 1.000
бодови со клубовите во кои работел.

Капитенот на Ливерпул, Вирџил ван Дајк по вчерашната победа над Челзи и освојувањето на Лига Купот на Англија, им го посвети трофејот на сите навивачи на „црвените“.

„Ова беше за навивачите. Да славиме! Натпреварот беше тежок за двата тима. Свои шанси имаше и противникот. Ова е прв трофеј за мене како капитен. Горд сум што сум дел од овој клуб. Горд сум и на момчињата“, изјави возбудениот Ван Дајк по натпреварот.

За Ливерпул ова беше десетти трофеј во ова натпреварување што е и рекордно постигнување.

Италијанскиот калчолигаш Сасуоло му врачи отказ на тренерот Диониси. Како причина за отказот се наведува очајната форма на тимот кој на последните 13 натпревари запиша само една победа.

Сасуоло е на 17.место во Серија А со 20 бодови, колку што имаат и Верона и Каљари кои се на 18. и 19.позиција.

Екипата до крајот на сезоната ќе биде предводена од тренерот на младинскиот тим, Емилијано Бигику.

Челзи веќе размислува за продажба на голманот Роберт Санчез. Неговото отсуство поради повреда значи дека неговата иднина на „Стемфорд Бриџ“ сега е неизвесна. Исто така медиумите во Англија тврдат дека „сините“ веќе го гледаат голманот на Арсенал, Арон Рамсдејл, како потенцијална замена за Шпанецот.

Санчез, кој не играше од средината на декември поради повреда на коленото, го чинеше Челзи 28,7 милиони евра кога беше донесен од Брајтон. Тој ја започна сезоната како број 1 во изборот на Маурисио Покетино, забележа 19 настапи во сите натпреварувања, прими 26 гола, а притоа имаше пет чисти мрежи.

Сепак, неговото отсуство поради повреда му ја отвори вратата на надежниот Ѓорѓе Петровиќ и нејасно е дали Шпанецот ќе добие уште една шанса да се врати на голот. Поради оваа причина, Челзи е подготвен да заработи од Санчез доколку за него пристигне вистинската понуда по крајот на сезоната. 

Напаѓачот на Спортинг, Виктор Ѓокерес може да се пресели во Манчестер Јунајтед. Според одредени извори, Манчестер Јунајтед е подготвен да плати околу 100 милиони евра за 22-годишниот напаѓач.Ова е сумата наведена во договорот на фудбалерот со португалскиот клуб.

Ѓокерес се пресели во Спортинг од Ковентри во летото 2023 година за 21 милион евра.Оваа сезона напаѓачот одигра 32 натпревари за Спортинг Лисабон на сите турнири, на кои постигна 29 гола и девет асистенции. Договорот на играчот со актуелниот клуб е со важност до крајот на јуни 2028 година. Проценетата цена на фудбалерот, според интернет порталот Трансфермаркт, е 45 милиони евра.

Претходно беше објавено дека Манчестер Јунајтед е заинтересиран за уште еден напаѓач – Сантијаго Хименез од Феенорд.

Хрватските медиуми „Индекс“ и „24сата“ пренесуваат вест за сензационално враќање на ѕвездата Лука Модриќ во Динамо Загреб.

Хајдук во зимскиот преоден рок ги врати Иван Перишиќ и Јосип Брекало, додека Модриќ сега би можел да биде одговорот за составот на тимот од Загреб. Но, покрај Модриќ се споменува и Дејан Ловрен.

Договорот на Модриќ со Реал Мадрид истекува следното лето и како што стојат работите во моментов нема да му биде понудено продолжување на договорот.

Се шпекулираше за понуда да работи во стручниот штаб на Реал, но Модриќ сака да продолжи да игра фудбал.

Информациите од Хрватите се дека првиот човек на Динамо Мирко Баришиќ контактирал со Модриќ и му рекол дека вратата во неговиот матичен клуб е секогаш отворена за него и сакаат да го видат во дресот на „сините“.

Се додава и дека за понудата е заинтересиран и Модриќ и преговорите треба да се интензивираат во наредните денови. Доколку Модриќ се пресели во Динамо Загреб, тоа ќе биде негово враќање во овој клуб по 18 години.

Челзи повторно ќе се обиде да го ангажира дефанзивецот на Барселона Жил Кунде, објавија медиумите на Островор. Да потсетиме, Челзи  пред да се пресели во каталонскиот клуб го ловел одбранбениот играч, но не успеале да ги надмудрат од Барселона во борбата за добивање на Французинот.

Според изворот, раководството на Челзи ќе направи нови обиди да го ангажираат Кунде во претстојниот летен преоден рок. Лондонските скаути биле на првиот натпревар од 1/8 финалето на Лигата на шампионите со Наполи, каде ја следеле играта на 25-годишниот фудбалер.

Кунде се пресели во Барселона од Севиља во летото 2022 година за 50 милиони евра.Оваа сезона дефанзивецот учествуваше на 32 натпревари на Барселона на сите турнири, на кои постигна два гола и една асистенција. Актуелниот договор на играчот со шпанскиот клуб трае до летото 2027 година. 

Според информациите дадени на авторитетниот интернет портал Трансфермаркт, пазарната вредност на фудбалерот е 60 милиони евра. Претходно се дозна дека Барселона е отворена за продажба на Кунде.

Поранешниот аргентински фудбалер Серхио Агуеро би можел да
се врати од пензија во наредниот период, откри на неговиот
„стрим“ на мрежата „Твич“.

Најдобриот стрелец во историјата на Манчестер Сити во 2021
година беше принуден да ја заврши кариерата поради срцеви
проблеми кои првпат му се појавија во лигашки натпревар за
Барселона и тоа откако само што пристигна во клубот.
Од тогаш Агуеро започна „стримерска“ кариера на „Твич“ каде што
е редовен и има голема популарност. Во еден од преносите
Агуеро најави дека би можел да се врати, па дури и повика
кардиолог.

„Луѓето ме прашуваат и не знам, што имаш ти да кажеш? Дали
сум спремен за 20-тина минути акција, можеби 10?“. Ако Карлитос
Тевез ме повика, што очекувате да направам?“ ги запраша Кун
своите гледачи.
Исто така тој откри дека по Барселона имал план да заигра за
Индепендиенте барем половина или цела сезона.

Eрик Дајер оваа година пристигна на позајмица од Тотенхем во Баерн. На германскиот шампион му беше потребен квалитетен дефанзивец кој знае да ја исконтролира играта и кој би ги проширил одбранбените позиции.

Досега Дајер собра пет настапи во Бундеслигата и одигра 319 минути, меѓутоа како што стојат работите германскиот гигант нема да го откупи неговиот договор на крајот од сезоната.

Имено, Баерн во низата тестирање утврдил дека Дајер не поседува доволна брзина за играње во Бундеслигата. Во Минхен сега е „отпишан“, па на лето ќе биде слободен играч бидејќи му истекува договорот со Тотенхем.

Дајер наводно потфрлил и на физичките тестови во Баерн, „Билд“ најавува дека до крајот на сезоната нема да добие прилика да се докаже покрај Дајот Упамекано, Де Лихт и Ким.

Шпанскиот гигант Реал Мадрид сака да ја засили и одбраната следното лето, а веќе покажале интерес за фудбалерот на Јувентус, Андреа Камбиасо.

„Калчо Меркато“ пишува дека 24-годишниот дефанзивец е желба на „кралевите“, кои нудат 40 милиони евра за неговиот трансфер.

Минатата сезона тој играше на позајмица во Болоња, а оваа е важен играч на „бјанконерите“ и запиша 24 настапи во сите натпреварувања.