Репрезентативецот на Сиера Леоне и поранешен голман на Бристол Сити, Алхај Сесај е осуден на 10 години затвор поради силување и обиди за силување во тоалети во ноќни клубови. Ова не е прв пат Сесај да биде уапсен, затоа што нешто слично се случило и во јули 2019. година кога зароби жена во тоалет и се обидел да ја силува. Тогаш жртвата успеала да се ослободи и да повика помош, што на крајот резултираше со апсење на голманот на местото на настанот. Сега, Алхај ги следел жените кои оделе до тоалет и потоа насилно се обидувал да влезе. Меѓутоа, камерите го забележале неговото злосторство и поради тоа мораше да оди на суд. Сесај е осуден поради едно силување, како и два обиди за силување и тоа на две различни жени, било кажано на судењето во Бристол, пренесува Мирор. Судијата на овој случај кажал дека Алхај е „силувач и сексуален грабливец“. Исто така, кажа дека со своите постапки значајно ги повредил двете жртви, од кои една претпрела и тешка психолошка тортура. „Сакам да оддадам признание за нивната неверојатна храброст што ги пријавија овие кривични дела кои се направени над нив, како и поради давање пресудни докази на судот и поддршката во нашата истрага, што резултираше со затворање на овој опасен сексуален престапник кого го чека долга робија“– кажал Тоби Хајс, судијата во овој процес. Инаку Сесај кој сега ќе мора во затвор има само 22 години.

Нејмар пред четири години ги сруши сите рекорди бидејќи за неверојатни 222 милиони евра од Барселона се пресели во ПСЖ. Бразилецот во каталоскиот клуб играше четири години и освои се што можеше, а потоа ги изненади сите со одлуката да се пресели во Париз. ПСЖ тогаш ја активира откупната клазула од 222 милиони евра без никакви преговори со Каталонците. Барсе потоа се обиде да го врати Нејмар и тој сакаше да се врати, но од тоа не испадна ништо. Нејмар сега тврди дека е среќен во ПСЖ и е подготвен да го продолжи договорот кој му истекува следното лето.

Сумаила Кулибали, младиот стопер на ПСЖ кариерата ќе ја продолжи во Борусија Дортмунд. 17 годишниот дефанзивец ги помина сите помлади селекции на Франција и се смета за еден од најталентираните фудбалери во неговата земја. Во ПСЖ тој дојде во 2019 година, а сега одлучи да гради кариера во Борусија. Со „милионерите“ тој потпишал договор на пет години. Ќе потсетиме, претходно Дан Аксел Загаду исто така од ПСЖ премина во Борусија.

Во таборот на ПСЖ дадоа свое мислење за ждрепката за четвртфиналето во Лигата на шампионите, која реши да се повтори ланското финале, кога Парижаните загубија од Баерн Минхен. Ждрепката сакаше ПСЖ да игра против актуелниот шампион Баерн Минхен, а во ПСЖ не се многу среќни поради тоа. „Среќни сме што стигнавме до оваа фаза од натпреварувањето. Ние сме меѓу осумте најдобри тимови во Европа кои започнаа да се борат меѓусебно. Лигата на шампионите е многу тешко да се освои. Мора да играме против најдобрите и ќе се соочиме со актуелниот шампион. Секако, ждрепката е тешка, но има изненадувања. Ќе играме против најдобриот тим на континентот во моментов. Ние сме оптимисти и нашиот тим ќе биде конкурентен. Ја елиминиравме Барселона, а сега сме фокусирани на Баерн, има само една цел: да се пласираме во полуфиналето“, изјави Маурисио Почетино за клупската веб- страница. „Клубовите се познаваат меѓу себе и има многу почит меѓу нас. Ние исто така знаеме колку бевме близу до трофејот во Лигата на шампионите минатата сезона и со нетрпение очекуваме уште еден одличен двомеч со Баерн. Јас сум навистина сигурен дека нашиот тим ќе биде решен да даде се од себе за еден од најголемите натпревари во Лигата на шампионите“, додаде претседателот на клубот Насер Ал- Келаифи.

Франк Рибери после две сезони поминати во Фиорентина повторно ќе се врати во Бундеслигата. Рибери пристигна во Фиорентина во 2019 година откако му истече договорот со Баерн, но и после две сезони не размислува за пензија. 37-годишниот Французин има понуди од неколку клубови, а тој е најблиску до враќање во Бундес лигата. Рибери е во напредни преговори со Ајнтрахт Франкфурт, клуб кој го сакаше уште пред две години. Рибери сака да се врати во Бундеслигата и таму да ја заврши кариерата, а со Ајнтрахт ќе потпише договор на една година.

Иднината на најголемата бразилска ѕвезда Нејмар, веќе долго време е во центарот на вниманието на европските медиуми, а една од потенцијалните опции за фудбалерот на ПСЖ е враќање во Барселона. На таквите информации важност им даде и главниот шеф на скаутинг тимот на Барселона во Јужна Америка, Андре Кури. „Нејмар ќе игра со Меси, но во Барса, не во Париз Сен Жермен. Се сомневам дека тоа може да се изведе во било кој друг тим освен Барселона“– изјави Кури за шпанскиот весник „Мундо Депортиво“. Новата управа на Барса на чело со Жоан Лапорта има план да го задржи Меси во Барселона, а за таа цел ќе му понуди доживотен договор на Аргентинецот. Меси и Нејмар заедно настапуваа во Барселона од 2013. до 2017. година, а нивното партнерство со Уругваецот Луис Суарез, се смета за едно од најдобрите во историјата на фудбалот.

Талентираниот унгарски фудбалер Доминик Собослај, за кого Лајпциг му плати на Салцбург 20 милиони евра, ја заврши сезоната поради повреда и проблем со адукторот, пишува германски Билд. Собослај, кој е еден од најбараните фудбалери на денешницата, не одигра ниту еден натпревар за клубот од источна Германија каде пристигна на почетокот од годинава. Оваа информација можеше и да се очекува, бидејќи неодамна тренерот Јулијан Нагелсман изрази скептичност по прашањето кога може да се врати на терен најголемото зимско засилување. Деталните прогнози за неговото отсуство ќе бидат познати кога клубот официјално ќе се огласи.

Напаѓачот на Арсенал, Пјер-Емерик Обамејанг проговори за тоа како реагирал на одлуката на главниот тренер, Микел Артета, да го избрише од списокот за мечот од Премиер лигата против екипата на Тотенхем. „Што се однесува до мојата ситуација, разговарав со шефот и продолживме понатаму“ – вели црномурестиот напаѓач. „Фокусиран сум на наредниот натпревар. Верувам дека набрзо ќе започнам да постигнувам голови. Имаме повеќе играчи што можат да бидат опасни пред противничкиот гол“, потенцираше Обамејанг.

Манчестер Јунајтед го потпиша најголемиот договор за рекламирање на тимовите во историјата на Премиер лигата. Клубот потпиша петгодишен договор со германската компанија за софтвер „TeamViewer“.

Договорот кој стапува на сила од почетокот на сезоната 2021/22, вреди 235 милиони фунти, или околу 47 милиони фунти по сезона. Компанијата ќе го замени Шевролет на предниот дел од дресот на „Црвените ѓаволи“, а логото на оваа компанија стои на дресот на Манчестер од 2014 година. Ова е најголемиот договор за рекламирање на спортски клуб од почетокот на пандемијата и рекорд за договор за рекламирање за спонзорство само на официјалниот дрес. Дополнително, клубот е пред објавување на договор за спонзорство на дресови за тренинг. Логото на компанијата е сино, но ќе биде прикажано во бело на црвените дресови на тимот за следната сезона за да одговара на боите на екипата.

Напаѓачот на Ливерпул, Дивок Ориги би можел да го напушти клубот во летниот трансфер период, бидејќи за него постои интерес од повеќе клубови и покрај тоа што од почетокот на сезоната постигна само еден погодок. Белгискиот напаѓач, заедно со Окслејд-Чемберлен, Вајналдум и Шаќири во овој момент се најблиску до напуштање на се уште актуелниот англиски шампион. Посебно е интересен примерот на Ориги, за кого интерес пројавува Реал Сосиедад, кој во него гледа замена за Александер Исак, кој ќе го напушти клубот. Освен шпанскиот клуб, интерес покажаа и Вулверхемптон, Њукасл и Астон Вила, па ќе биде интересно да се види каде поранешниот напаѓач на Лил ќе ја продолжи кариерата. Ориги е член на Ливерпул уште од 2014. година, но дебитираше година и пол подоцна.