Репрезентацијата на Македонија при ждрепката за полуфиналниот бараж го извлече можеби најсилниот можен противник, актуелниот европски првак, Италија.

Селекторот Милевски веднаш по дознавањето на противникот признава дека Италија е апсолутен фаворит но и дека нашата репрезентација има квалитет со кој може да му се спротивстави на било кој тим.

„Во денешниот фудбал аутсајдери има само на хартија. Сето она што се случува на терен е сосема друга приказна. Според рејтингот, Италија е фаворит, но на терен за исходот на мечот во голема мера ќе се прашуваме и ние. Покажавме во текот на квалификациите дека имаме квалитет, како и сите други учесници во баражот и ќе се потрудиме тоа да го потврдиме“.

Бараж натпреварот против Италија е закажан за 24. март во 20:45 часот на гостински терен.

Битката за потписот на Ерлинг Халанд веќе е започната, па се очекува тој сигурно да ја напушти Борусија Дортмунд на лето.

Британски „Гол“ објави дека Халанд има желба да игра во Реал Мадрид и е спремен да ги одбие сите други понуди за да се пресели на „Сантиаго Бернабеу“. Халанд има откупна клаузула од 75 милиони евра во неговиот договор, која ќе стане активна следното лето.

Братанскиот медиум пишува дека Норвежанецот има желба да се пресели во Мадрид, а тоа му оди во прилог и на Мино Рајола, кој е негов менаџер, затоа што очекува голема провизија од трансферот.

Давид Алаба го повреди левото колено во мечот од петтото коло во Лигата на шампиони против Шериф Тираспол.

Шпанскиот тим славеше со 3-0, a Алаба мораше да ја напушти играта во 65. минутa. Тој беше стрелец на голот за водство на „кралевите“ во 30. минута. Иако првите најави од Мадрид беа дека австрискиот фудбалер ќе се врати на теренот на следниот меч, но сепак не е така.

По медицинските прегледи беше соопштено дека дефанзивецот мора да го пропушти дуелот против Севиља во Ла Лига, кој се игра викендов.

Македонија ќе игра против Италија во баражот за место на Светското фудбалско првенство во Катар. Доколку успее да ги помине „аѕурите“, тогаш во последниот филтер ќе ја очекува меч со победникот од средбата Португалија-Турција.

Веднаш по денешната ждрепка селекторот, Благоја Милевски, во изјавата за Спортско радио 90,3 ФМ, нагласи дека Италијанците се големи фаворити, но, дека Македонија ќе оди да се надигрува и да направи сензација.

„Ќе играме против актуелниот европски првак. Го респектираме противникот, но, овие момци покажаа дека можат да играат против секого. Се надевам дека во март ќе бидат сите на располагање и дека комплетни ќе се појавиме на теренот на Италија. Манчини донесе нов стил на игра во репрезентацијата. Сега нема акцент на денфанзивата туку се гради играта на сите делови на теренот. Во секој случај Македонија има квалитет и тоа ќе треба да го докажеме“, изјави селекторот Милевски.

Тренерот на Барселона, Чави Ернандез, е на мислење дека проблемот со самодовербата на тимот е главен проблем во моментот. Тоа го попречува подобрувањето на играта и постигнувањето на голови. Барса наредниот натпревар го игра на гости против Виљареал и го очекува тежок натпревар.

„Важно е да победиме на теренот на овој тежок противник, кој е наш директен конкурент. Виљареал оваа сезона ќе се бори за пласман во Лигата на шампионите. Нашата ситуација е комплицирана но мораме да се носиме со секој натпревар. Ова е нашата цел“.

“Ни недостасува храброст во играта. Стигнуваме до последното додавање и застануваме таму. Кога имав 18 години и јас го правев истото. Тешко е, но јас сум оптимист и мислам дека работите ќе профункционираат. Момците треба да бидат храбри. Ако не се обидеш, не можеш да постигнеш гол“, изјавува Чави.

Диего Симеоне ги оцени шансите на неговиот тим да се пласира во нокаут фазата од Лигата на шампионите, откако пред два дена беше поразен од Милан во натпреварот од 5. коло од групната фаза на турнирот.

„Јас сум повеќе од оптимист. Нашите играчи направија се што е во нивна моќ, нема за што да им замерам. Добро работевме во одбраната. Ниту ние, ниту Милан немавме шанси за гол. Во вториот дел Милан имаше поголем посед на топката и беше подобар во детали. Во Лигата на шампионите секој натпревар е тежок. Секогаш сум оптимист. Атлетико ќе се бори во последниот натпревар во групата. Ова натпреварување никому не простува, во плејофот влегуваат само оние кои заслужуваат“, изјави Симеоне.

Атлетико е трет во групата Х со четири бода од пет натпревари. Во последното коло мадриѓаните ќе играат против Порто кој е второпласиран со пет бода.

Пласман во осминафиналето веќе обезбеди Ливерпул, а шанси да ја помине групата има и Милан кој собра четири бода.

Пристигнувањето на Ралф Рангник како привремен тренер на екипата од „Олд Трафорд“ го искоментира Јирген Клоп. Клоп вели дека поставувањето на неговиот сонародник за тренер на Јунајтед е лоша вест за останатите екипи во Премиер лигата.

„Малку е необично да коментирам за ова бидејќи Ралф се уште не е потврден како менаџер на Јунајтед, но тој е многу искусен стручњак. За жал, Манчестер добива многу добар тренер. Тој изгради два клуба во Германија (Хофенхајм и РБ Лајпциг) од ништо. Манчестер Јунајтед со него ќе стани многу поорганизиран тим, што не е добра вест за нас“, коментира Клоп.

Од Манчестер Јунајтед се уште не го објавија назначувањето на Рангкник, но се верува дека 63-годишниот Германец е многу блиску до преземање на клупата на тимот од „Олд Трафорд“.

Стефано Пиоли денеска ќе потпише нов договор со клубот. Пиоли ќе го продолжи договорот со клубот до 2023 година со опција за ре-продолжување до 2024 година. Тој во иднина ќе добива плата во висина од 3 милиони евра годишно, плус бонуси.

Пиоли го презеде клубот во октомври 2019 година, заменувајќи го Марко Џампаоло на оваа позиција. Во јули 2020 година, тој беше блиску до отказ, а неговото требаше да го заземе Ралф Рангник, кој сега стана шеф за спорт и развој на московски Локомотив.

Од менаџментот на Борусија Дортмунд најавуваат дека е можно напаѓачот на екипата, Ерлинг Халанд, да се врати во игра на натпреварот со Волфсбург закажан за во сабота.

„Ерлинг ќе патува со тимот во сабота. Тој во последните денови има сериозно подобрување и брзо се опоравува. Се чувствува добро и може да влезе во игра ако е потребно“, изјави тренерот на „жолто-црните“, Марко Розе.

Репрезентативецот на Норвешка веќе подолг период се опоравува од повреда на бутниот мускул и првобитно се очекуваше дека ќе паузира од фудбалот до крајот на годината.

Тимот на Борусија Дортмунд во моментот е на втората позиција од табелата со освоени 27 бода, веднаш зад Баерн Минхен против кого ќе игра наредната недела.

Секој ден се појавуваат нови информации за евентуални засилувања во екипата на Њукасл Јунајтед. Новите сопственици планираат голем буџет за доведување на нови играчи оваа зима со цел задржување на тимот во премиерлигашкото друштво.

Новиот тренер на екипата ,Еди Хауи е заинтересиран за доведување на играчот Олександар Зинченко кој моментално настапува за екипата на Манчестер Сити. 24-годишниот Украинец може да игра на повеќе позиции во тимот и би бил од голема помош за опстанокот на екипата. 

Зинченко не е во прв план кај тренерот на Сити, Гвардиола, и не е исклучена можноста тој да ја прифати евентуалната понуда на тимот од „Сент Џејмс Парк“.