Чави Хернандез, е подготвен да остане на клупата на каталонскиот клуб до 2025 година, објави денеска весникот „Мундо Депортиво“.

Според изворот, Чави во блиска иднина ќе има средба со претседателот на Барселона, Жоан Лапорта и спортскиот директор Деко за да разговараат за можното продолжување на соработката.

Чави во на јануари објави дека ќе ја напушти Барселона на крајот од актуелната сезона.

Неговиот актуелен договор со клубот има важност до лето 2025. Самиот Чави во неколку наврати истакна дека ја донел единствената правилна одлука и нема да ја промени.

Тренерот на фудбалерите на Арсенал, Микел Артета, не крие дека сака да го ангажира членот на Вулверхемптон, Педро Нето.

Португалецот кој игра како крилен напаѓач за премиер-лигашкиот клуб, има стандардно место и во неговата селекцијата. Кариерата ја започна во Брага, која го позајми во италијанскиот Лацио во летото во 2017.

По две сезони поминати на „чизмата“, тој замина во Англија и го облече дресот на „волците“.

Каталонски „Спорт“ пренесува дека примарна трансфер цел на Барселона ова лето ќе биде ѕвездата на Ливерпул, Луис Диаз.

Ливерпул не размислува за трансфер, но самиот фудбалер сака да ја промени средината и да се пресели во Шпанија.

Барселона поради финансиските проблеми тешко дека ќе може да го доведе Колумбиецот, но не се откажува од намерата.

„Спорт“ пренесува дека Барселона е спремна да продаде некој од ѕвездите во тимот како Рафиња и Де Јонг за да го доведе Луис Диаз.

Точно десет години откако ја напушти „Ла Масија“ и замина во Загреб, Дани Олмо би можел да се врати во Барселона.

Шпанецот од Лајпциг е меѓу приоритетите на Барса за сезоната 2024/25 во која ќе има промени и во тимот и на клупата од која ќе се повлече Чави Хернандез.

Во договорот со важност до 2027 година, тој има клаузула од 60 милиони евра и според каталонскиот „Мундо депортива“, ова е сумата што доколку сака ќе треба да ја плати претседателот на Барселона, Јоан Лапорта за него.

Фудбалерот од средниот ред на Барселона и холандски репрезентативец Френки де Јонг ќе отсуствува од теренот до крајот на сезоната поради повреда на скочниот зглоб, пренесува денеска ЕСПН.

Во вчерашното Ел Класико во рамки на 31. коло во Ла Лига во кое Барселона загуби од Реал Мадрид (2-3), Де Јонг беше изнесен од теренот на носилки во финишот на првото полувреме и заменет со Педри.

Според проценките, Де Јонг ќе се закрепне до почетокот на Европското првенство кое ова лето ќе се одржи во Германија и ќе може да се најде во составот на холандската репрезентација. Холандија на Европското првенство е во група со Франција, Полска и Австрија.

Оваа сезона 26-годишниот Де Јонг одигра 30 натпревари и постигна два гола.

Удинезе по последниот пораз од Верона во Серија А го отпушти Габриеле Чофи од тренерската позиција, а на негово место доаѓа легендарниот Фабио Канаваро.

Клубот соопшти дека 50-годишниот Канаваро потпишал договор до крајот на сезоната. Канаваро доаѓа на местото на Габриеле Чофи, кој беше отпуштен од должноста по петочниот пораз од директниот конкурент во борбата за опстанок, Верона.

Удинезе е 17. на табелата во Серија А со 28 бодови, колку што има и Фросиноне, кој е место подолу и во зоната на испаѓање.

Светски шампион со Италија во 2006 година и освојувач на „златната топка“, тренерската кариера ја започна како асистент во саудиски Ал Ахли во 2013 година. Една година подоцна, по препорака на Марчело Липи, тој стана шеф на стручниот штаб на Гуангжу Евергранде во Кина, а ова е негов прв ангажман во Серија А.

Манчестер Јунајтед со победа на пенали против второлигашот Ковентри се пласираше во финалето на ФА Купот каде што ќе игра против Манчестер Сити. Столчето на Тен Хаг веќе подолго време не е сигурно и клубот ги разгледува можните наследници.

Според информациите на новинарот на „Кикер“, Георг Холцнер, „црвените ѓаволи“ веќе стапиле во контакт со Томас Тухел кој на крајот од сезоната заминува од Баерн.

Формата под водство на Холанѓанецот е разнишана во последните неколку недели, а новиот сопственик Џим Ретклиф се очекува сигурно да се раздели со Тен Хаг без разлика каков ќе биде исходот во купот.

Тухел со Баерн не успеа да ја освои титулата во Бундеслигата и тоа е првпат да му се случи на овој клуб по 2012 година.

Медиумите во Англија наведуваат дека луѓето од фудбалскиот состав на Вест Хем ќе се обидат да го ангажираат тренерот, Рубен Аморим, иако имаше најава дека стратегот на крајот на сезоната ќе го наследи Јирген Клоп на клупата на Ливерпул.

Според новинарот, Дејвид Орнштајн, Аморим досега не добил никаква конкретна понуда од „Енфилд“ и може слободно да преговара со други екипи.

Тоа се чини сакаат да го искористат – „чеканите“ и да го ангажираат Португалецот за наредната сезона.

Раководството на Јувентус не усклучува продажба на Душан Влаховиќ на крајот на сезоната, пренесуваат италијанските медиуми.

Влаховиќ беше доведен како големо засилување за 80 милиони евра, но никако да ги оправда очекувањта, па Јувентус и минатото лето беше спремен да го продаде.

Таквата ситуација сака да ја искористи Арсенал, кој е во потрага по таков профил на напаѓач и спрема богата понуда.

Влаховиќ сака преселба во Премиер лигата и верува дека стилот на игра на Арсенал одлично ќе му одговара. Артета има потреба од класичен напаѓач бидејќи оваа сезона на таа позија беше приморан да го игра Каи Хаверц, па е спремен да понуди 75 милиони евра за Влаховиќ.

Тренерот на Барселона, Чави Хернандез сега е отворен за останување во клубот и следната сезона.

Само еден ден по поразот од Реал Мадрид, кој значеше крај на сезоната без ниту еден трофеј, Чави е подготвен да седне на маса со раководството на клубот и да ги разгледа опциите. Сите угледни и добро информирани извори од Каталонија денеска објавија дека Чави побарал средба и посочил дека ќе остане со одредени услови.

Чави наводно е задоволен од тоа како тимот напредувал во последните недели и што играчите масовно изразиле желба тој да остане, исто како и членовите на управата, претседателот Жоан Лапорта и спортскиот директор Деко.

Чави сака гаранции дека тимот ќе се засили, не е тајна дека го сака Бернардо Силва, се споменува и Дани Олмо, но и Гвидо Родригез од Бетис како подостапна опција на позицијата последен играч за врска.

Откако Чави го најави своето заминување во јавноста со клупата на Барселона се поврзуваа повеќе имиња, но клубот засега немаше најдено адекватна замена, а ако Чави и дефинитивно одлучи да остане ќе ги израдува сите во Каталонија.