Плејмејкерот на Челзи, Жоржињо ова лето би можел да се врати во Серија А, откри неговиот агент. Агентот Жоао Сантош откри дека трите најголеми италијански клуба го сакаат Жоржињо и ќе се обидат да го донесат ова лето. „Жоржињо би бил среќен да се врати во Италија. Тој има договор со Челзи на уште две години, но наскоро ќе има преговори за продолжување на договорот. Во моментов неговата цена е 50 милиони евра. За него интерес покажува Јувентус, но и Милан и Интер. Сепак, не знам дали Челзи е спремен да го пушти“, откри агентот.

Хари Кејн на крајот на оваа сезона би можел да го напушти Тотенхем. Пред неколку недели се појавија шпекулации дека Кејн ова лето има желба да ја промени средината. Веќе неколку сезони наназад англискиот репрезентативец е прва ѕвезда, но сега се шпекулира дека тој сака кариерата да ја продолжи кариерата во екипа која ќе се бори за трофеи на европска сцена. „Скај Спорт“ денес објави дека Кејн ќе донесе одлука во зависност од исходот на актуелната сезона. Наводно, Кејн ќе замине ако клубот не обезбеди настап во Лигата на шампионите за следната сезона. Во овој момент Тотенхем е шести на табелата со три бода помалку од Вест Хем кој е четврти на позицијата која води во ЛШ.

Пол Сколс е една од големите ѕвезди која по крајот на играчката кариера е доста актуелен со своите анализи, коментари на актуелните фудбалски теми, а една таква дефинитивно е Ерлинг Халанд и неговата иднина во Борусија Дортмунд.
Норвежанецот има дадено 49 голови на 51 натпревар за Дортмунд и многумина сметаат дека по крајот на оваа сезона си заминува од Германија. Се споменуваат клубови од Англија, Шпанија, но според Сколс реалноста е дека можат само две екипи да го платат-тоа се Манчестер Јунајтед и Челси.
„Мислам се работи за тоа кој клуб може да го плати, нема многу клубови кои можат тоа да го направат. Мислите на Реал и Барселона, вревата што се прави, ама веројатно тие не можат да ги платат тие пари. Манчестер Сити исто не сака да ги даде тие пари, ама Гвардиола скоро и да не игра со „деветка“ во нападот“, смета Сколс.

Тренерот на фудбалерите на Арсенал, Микел Артета, потврди дека фантастичниот Мартин Одегард поради повреда ќе мора да пропушти уште неколку натпревари во Премиер-лигата на Англија.
„Не знаеме што точно се случува, има повреда. Не беше во можност да игра, ќе биде во аут уште неколку натпревари. На еден сигурно а може и на повеќе. Не знаеме колку точно ќе отсуствува од терените“ , изјави Артета.
Екипата на Арсенал во текот на викендот ја очекува гостување кај Шефилд Јунајтед. Мечот ќе биде одигран в недела во вечерниот термин.

Италијанскиот гигант Јувентус контактираше со ПСЖ за да разговараат за потенцијална размена на играчи. Станува збор за Аргентинците Пауло Дибала и Мауро Икарди.
Истиот извор тврди дека од Јувентус планираат наскоро да се сретнат со сопругата и личниот агент на поранешниот напаѓач на Интер Икарди – Ванда Нара.
Мауро Икарди беше поврзуван со трансфер во Јувентус како играч на Интер, но заврши во Париз. Иднината на Дибала во Јувентус не е многу јасна, а неговиот договор со клубот истекува на 30 јуни 2022 година.
Јувентус најверојатно ќе се обиде да го продаде Дибала ова лето доколку не потпише нов договор со клубот, бидејќи во спротивно ризикуваат да го загубат без никакво обештетување по крајот на следната сезона.

Зинедин Зидан го објави списокот од 19 играчи на кои ќе смета на денешното „Ел Класико“ против Барселона. Времето на започнување на натпреварот е 21:00 часот.
Белгискиот интернационалец Еден Азар не е меѓу избраните од страна на тренерот, иако денес тренираше на исто ниво со соиграчите. Најверојатно, тимот не сака да брза со неговото враќање во игра, за да не доведе до нова повреда на Белгиецот.
Можеби ќе биде подготвен за реваншот со Ливерпул во четвртфиналето од Лигата на шампионите. Другите отсутни, очекувано, се тројцата дефанзивци, капитенот Серхио Рамос, Рафаел Варан и Даниел Карвахал.

Шефовите на Барселона планираат да се разделат со најмалку девет фудбалери за да можат да покријат дел од финансиската загуба која е околу 1,2 милијарди евра, објавија денеска дел од медиумите во Шпанија. Балансирањето на буџетот ќе биде приоритет за новото раководство кое сака по секоја цена да го задржи Лионел Меси. Затоа тимот од „Камп Ноу“ ќе направи подолг список на играчи кој ќе бидат ставени на трансфер листата. На истиот треба да бидат: Мартин Брајтвејт, Самуел Умтити, Миралем Пјаниќ, Серхи Роберто, Жуниор Фирпо, Карлес Алења и Матеус Фернандез. Постои шанса да бидат продадени и Осман Дембеле и Филипе Кутињо.

Српскиот репрезентативец Лука Јовиќ нема да остане во Ајнтрахт. Јовиќ во овој момент е позајмен во германскиот бундеслигаш, но има договор со Реал и тој самиот смета дека на крајот од сезоната ќе се врати во Мадрид. „Го сакам Ајнтрахт и тој клуб за мене е посебен во секој поглед, но сите знаат дека јас официјално сум играч на Реал. Се враќам во Мадрид на крајот од сезоната“, изјави Јовиќ за „Билд“. Во Реал Јовиќ пристигна во 2019 година, но не се снајде најдобро, постигна само два гола и поради тоа беше испратен на поозајмица. За Ајнтрахт одигра 12 натпревари, постигна три гола и запиша една асистенција.