Жоао Феликс би можел да го замени Рафаел Леао во Милан. Леао се уште не ставил потпис на нов договор, па доколку тоа не се случи во наредните месеци Милан ќе биде спремен да го продаде на лето.

Баерн Минхен, ПСЖ, Реал Мадрид и Манчестер Сити се силно заинтересирани за Леао и се спремни да платат 100 милиони евра за неговиот потпис.

„Рекорд“ пренесува дека доколку Милан го продаде Леао, тогаш како негова замена сака да го донесе неговиот сонародник Жоао Феликс.

Селекторот на македонската фудбалска репрезентација, Благоја Милевски, упати критики кон фудбалерите после поразот од Азербејџан со 1:3. Селекторот Милевски посочи дека одиграните пријателски дуели со Финска и Азербејџан му дале добар увид во тоа кои играчи заслужуваат да го носат националниот дрес во наредните средби.

„Сакам да му честитам на противникот за победата. А нас овие два дуели и тоа како ќе ни послужат за во иднина. Ако со Финска бев задоволен од некои работи, сега не е така. Ова беше убава шлаканица за нас, која ќе не натера да се запрашаме колку го цениме дресот на Македонија. На чело со мене, а потоа фудбалерите и стручниот штаб“, изјави Милевски.

Актуелниот претседател на ФИФА, Џани Инфантино, ќе биде единствениот кандидат на изборот за прв човек на Светската фудбалска федерација – ФИФА.

Во соопштението за медиумите се наведува дека Советот на ФИФА, претседателските избори ги распиша на 30.март оваа година, и дека Инфантино е единствениот кој поднел кандидатура.

Гласањето за претседател на ФИФА ќе биде одржано на 16.март наредната година , на 73.конгрес кој ќе биде одржан во Кигали , Руанда.

Инфантино е прв човек на ФИФА од февруари 2016 година.

Покрај Мундијалот во Катар, деновиве главна фудбалска тема е ТВ интервјуто на Кристијано Роналдо. Роналдо во интервјуто покрај другото упати тешки зборови и критики до тренерот Тен Хаг, клубот, како и кон некои негови соиграчи.

Во последниот дел од интервјуто Меси го искажа своето мислење за неговиот најголем фудбалски ривал, Меси.

Португалецот имаше само пофални зборови за капитенот на Аргентина.

„Што друго можам да кажам за Меси освен тоа дека е одличен фудбалер кој прави фантастични работи за фудбалот. Тој е магионичар со фудбалската топка. Ја делиме светската сцена 16 години и замислете 16 години сме на врвот. Имам одличен однос со него. Не можам да речам дека сме пријатели во смисол дека се дружиме и редовно раговараме на телефон, но сме во добри односи. За мене Меси заедно со Зидан се најдобрите играчи кои сум ги видел“, изјави Роналдо.

Селекторот на Холандија, Луис ван Гал, изјави дека холандските навивачи кои го бојкотираат Светското првенство поради загриженоста за човековите права имаат право да го прават тоа, но се надева дека доколку Холанѓаните стигнат до финалето, тие барем ќе го гледаат натпреварот на телевизија.

Истражувањето на 28.000 испитаници во Холандија, покажа дека само 14 отсто биле заинтересирани да го следат турнирот по години негативен публицитет за Катар.

„Светското првенство треба да го играме во најискусните фудбалски земји. Теренот што го имаме не може да биде подобар. Хотелот и организацијата беа фантастични. Навистина се радувам на турнирот, но поважно е и моите играчи да се чувствуваат исто“, изјавил Ван Гал.