Жоржино Вајналдум, кој по пет години го напушти Ливерпул и се пресели во редовите на ПСЖ, вели дека „црвените“ имале игноратски однос кон него иако изразил желба да остане на „Енфилд“.

„Во таков случај го следите инстинктот. Ливерпул не ми покажа дека сака да ме задржи, затоа морав да одам напред“, вели Холанѓанецот кој во текот на летото се пресели на „Паркот на принцовите“ иако имаше понуда од Барселона.

Вајналдум во дресот на Ливерпул одигра 179 средби на кои постигна 16 голови.

Легендата на Реал Мадрид Хозе Марија Гутиерез го коментираше поразот на Барселона во Лигата на шампионите.

Баварците ја разбија Барселона со 3-0 на „Камп Ноу“, а Гути признава дека ужива да ги гледа поразите на големиот ривал.

„Уживам во поразите на Барселона затоа што јас сум навивач на Реал Мадрид, Баерн е навистина добар тим со фантастични играчи на сите позиции, а од друга страна ја имаа очајната Барселона во овој момент. За мене резултатот не е изненадување, повеќе сум изненаден од начинот на кој играше Барселона“.

Го коментираше потоа Гути и стартот на сезоната на Реал Мадрид.

„Офанзивно ми изгледаат навистина добро, малку проблеми има во дефанзивата и таму работите треба да се поправат, посебно во натпреварите со посилни тимови“, изјави Гути.

Гути дресот на Реал го носеше од 1999 до 2010 година и во тој период одигра 542 натпревари и постигна 77 голови, освои се што можеше да се освои.

Дефанзивецот на Барселона, Жерар Пике, по стартниот пораз од Баерн Минхен на  домашен терен во Лигата на фудбалските шампиони, вели дека тимот го очекува долга и тешка сезона.

„Ќе продолжиме да се натпреваруваме. Првиот гол беше несреќен момент, но, вториот нè шокираше сите. Ќе се обидеме да бидеме подобриме во наредните натпревари. Сигурен сум дека ќе се бориме за сите трофеи“, изјави ветеранот во редовите на Каталонците.

Искусниот Валтер Мацари беше назначен за тренер на италијанската екипа Каљари. Ова се случи само еден ден откако Леонардо Семпличи доби отказ поради лошиот старт на екипата од Сардинија во Серија А, кои имаат само еден бод по првите три кола.

59-годишниот Мацари потпиша договор со Каљари до 30 јуни 2024 година. Самиот Мацари беше играч на Каљари со кого играше во Серија А. Во тренерската кариера ги водеше Пистоезе, Ливорно, Регина, Сампдорија и Наполи, кои успеаја да се квалификуваат за Лигата на шампионите по 20-годишно отсуство.

Со Наполитанците го освои и Купот на Италија и стана вицешампион на земјата. Мацари исто така го предводеше Интер, како и англискиот Ватфорд. Неговиот последен ангажман беше во Торино.

Спортскиот директор на Пари Сен Жермен, Леонардо, ги отфрли сите комбинации поврзани со евентуалното заминување на Килијан Мбапе кој влезе во последната сезона од договорот со францускиот состав.

Иако сите зборуваат дека брзоногиот напаѓач во текот на наредното лето ќе замина во редовите на Реал Мадрид, Леонардо е убеден во спротивното.

„Мислам дека Килијан нема да го напушти клубот. Ние имаме приоритет да му обезбедиме нов договор. Не можеме да замислиме дека ќе си оди“ , нагласи Леонардо.

Тренерот на фудбалерите на Лацио, Маурицио Сари, кој на неделното дерби со Милан заработи црвен картон откако имаше вербална расправија со главниот судија и со Златан Ибрахимовиќ, ќе мора ќе ги пропушти наредните два меча во Серија А.

Тоа значи дека 62-годишниот тренер нема да седи на клупата на „лацијалите“ на средбите со Калјари и Торино.

Искусниот тренер ќе ја одлежи казната до 26 септември што значи дека тогаш ќе може да го води тимот на градското дерби против Рома.

Роберт Левандовски синоќа на Камп Ноу придонесе на агонијата на Барселона со два погодоци.

Полскиот интернационалец со тие голови само ја продолжи неверојатната низа со која се потврдува како најдобар напаѓач на денешницата. Натпреварот против Барселона беше негов 18 во низа во кој постигнал барем еден погодок.

Со овие два погодоци, Левандовски прослави јубилеј од 75 погодоци во Лигата на шампионите, а само Кристијано Роналдо (135) и Лео Меси (1200 имаат повеќе, а само Аргентинецот стигна до тој јубилеј побрзо. На Меси му требаа 92 натпревари, на Левандовски 97, а на Роналдо 111.

Доминацијата на „машината“ за голови на Баерн се гледа во статистиката од почетокот на сезоната 2019/20. Од тогаш, Левандовски во сите натпреварувања постигнал дури 112 погодоци, а далеку зад него се Килијан Мбапе и Роналдо со по 76, Халанд постигнал 73, а Меси 69.

Во првото коло од Лигата на шампионите, Барселона поразена од Баерн со 0:3, уште пострашно беше тоа што не упати ниту еден шут во рамките на голот, нешто што не и се случило никогаш во ова натпреварување.

Барселона делуваше лошо, безопасно и бледо, а Баерн со леснотија ги освои бодовите и најави освојување на групата. Немоќта на Барселона го предизвика претседателот на клубот Жоан Лапорта на расправија со тренерот Роналд Куман по завршувањето на натпреварот.

„Ел Чирингито“ пренесува дека по натпреварот имаше жесток разговор помеѓу Куман и Лапорта, а Лапорта го нападнал поради лошата игра, додека холандскиот стратег се бранел.

Лапорта наводно бил незадоволен од виденото на Камп Ноу. Куман во Барселона го доведе претходниот претседател Бартомеу, а веќе од поодамна е познато дека Лапорта не е голем фан на Холанѓанецот.

Лигата на шампионите продолжува денеска од 18.45 со натпреварите Бешикташ-Борусија Дортмунд и Шериф Тираспол-Шахтјор.

Од 20.45 на распоредот се преостанатите шест натпревари, а три пара се посебно интересни.

Клуб Бриж го дочекува ПСЖ. На тој натпревар од првата минута би требало да заиграат Лионел Меси, Килијан Мбапе и Нејмар. ПСЖ по многумина е најголем фаворит за титулата во Лигата на шампионите, а вечерва ударното трио за првпат ќе заигра од почеток, а фудбалскиот свет со нетрпение очекува да ја види таа напаѓачка комбинација.

Оваа вечер носи и два класици. На Џузепе Меаца се среќаваат Интер и Реал Мадирд. Тие се сретнаа во групната фаза на ЛШ и минатата сезона, кога Реал и во двата натпревари беше подобар со резултати 3:2 и 2:0.

На Енфилд, Ливерпул го дочекува Милан. Италијанскиот великан има дури седум титули во Лигата на шампионите, но во најсилното клупско натпреварување на светот последен пат настапи во сезоната 2013/14, кога беше елиминиран од Атлетико Мадрид во осминафиналето.

Понудата за Лигата на шампионите ќе ја најдете на www.evrotip.mk

Лоши вести пристигнуваат за Милан пред утрешниот натпревар во Лигата на шампионите против Ливерпул.

Утре Милан гостува кај Ливерпул на „Енфилд“, а според последните информации од Италија, Златан Ибрахимовиќ ќе го пропушти овој натпревар. Италијанските медиуми објавија дека Ибрахимовиќ има проблеми со Ахиловата тетива и ќе мора да паузира.

Ќе потсетиме, Ибрахимовиќ се врати на терените изминатиот викенд против Лацио после долгата пауза, а во тој натпревар постигна гол.