Екипата на Париз Сен Жермен сака по секоја цена да го задржи Килијан Мбапе во своите редови. Како што пренесуваат француските медиуми, одржана е нова рунда на преговори помеѓу клубот и застапниците на фудбалерот.

Сопствениците од Катар се задоволни и со нов двегодишен договор на Мбапе со тимот од Париз, за што се спремни да му понудат годишна плата од 50 милиони евра.

Францускиот репрезентативец досега одби неколку понуди за потпишување нов договор со ПСЖ, но исто така изјави дека е фокусиран на своите игри и дека сеуште не донел одлука за својата иднина.

Англискиот шампион Манчестер Сити планира да го задржи во своите редови капитенот на екипата Фернандињо и следната сезона. 

Од клубот разгледуваат две опции, од кои едната е да му се понуди улога во стручниот штаб на тренерот Гвардиола. Постои и можност тој да потпише нов едногодишен договор за продолжување на играчката кариера.

Доколку Фернандињо остане да настапува уште една сезона во тимот, бразилецот би станал четвртиот играч на „граѓаните“ кои се задржале една деценија во клубот, по Винсент Компани, Давид Силва и Серхио Агуеро. 

Манчестер Сити го доведе Фернандињо од Шахтјор Доњецк во 2013 година, во трансфер вреден 30 милиони евра.

Харви Елиот вчера влезе во историјата на клубот како најмлад фудбалер кој заиграл во стартните единаесет во европските купови.

Во осминафиналето од Лигата на шампионите против Интер Клоп му даде шанса на младиот Елиот. Елиот од првата минута настапи со 18 години и 318 гдена со што стана најмладиот играч во историјата кој стартувал на некој натпревар од Лигата на шампионите.

Елиот го сруши рекордот на Трент Александар-Арнолд кој беше стартер со 18 години и 354 дена против Спартак Москва во 2017 година.

Францускиот клуб Бордо официјално го назначи Давид Гион за нов тренер на екипата. Од клубот соопштуваат дека новиот тренер ќе ја извршува фунцијата до крајот на сезоната.

Ова ќе биде голем предизвик за Гион , бидејќи се очекува да го задржи Бордо во француската Лига 1.

Екипата на Бордо е на последното место во лигата со освоени 20 бода после 24 одиграни натпревари.

Некои од шпанските медиуми пренесуваат дека иднината на Карло Анчелоти како тренер на Реал Мадрид виси на конец.

Наводно, претседателот на клубот, Флорентино Перез, не е задоволен од начинот на игра на екипата при поразот од Париз Сен Жермен со 1:0 во осминафиналето од Лигата на шампионите, и не го гледа Анчелоти како тренер за новата ера на Реал.

Реал Мадрид е во водство во Ла Лига, на само четири бода од второпласираната Севиља. Освојувачи се на шпанскиот Суперкуп, но беа елиминирани од Купот на Кралот по поразот од Атлетико Билбао и сега е можно нивно предвремено испаѓање од Лигата на шампионите.

На Анчелоти му остануваат уште две години од договорот со клубот,но можно е Флорентино да направи тренерска промена по крајот на сезоната.

Словачкиот дефанзивец од екипата на Интер, Милан Шкрињар изрази жалење за поразот од Ливерпул со 2-0 во првото осминафинале од Лигата на шампионите. Според него, „нероаѕурите“ доминирале над противникот во некои аспекти, но искуството на англискиот тим на крајот пресудило.

„Малите детали играат клучна улога во Лигата на шампионите. Создадовме доволно ситуации, но не ги реализиравме. Доминиравме во некои аспекти, но немавме корист. Сличен беше и нашиот натпревар со Реал Мадрид. Кога не ги користиш позициите, таквите тимови те казнуваат буквално во првата прилика. Но, јас сум среќен бидејќи покажавме дека можеме да играме на исто ниво со тимови како Ливерпул. Ќе се обидеме да направиме пресврт на гостувањето, колку и да е тешко. Мораме да дадеме се од себе“, изјавил Шкрињар.

Фудбалерот на ПСЖ, Килијан Мбапе синоќа го постигна победничкиот гол во првиот натпревар од осминафиналето на Лигата на шампионите против Реал Мадрид (1-0).

Овој погодок беше 13-ти за Мбапе во последните 13 натпревари во елитното фудбалско натпреварување.

Договорот на 23-годишниот Французин со Пари Сен-Жермен е со важност до 30 јуни оваа година. Се шпекулира дека по крајот на сезоната ќе се пресели токму во Реал.

Вкупно, во Лигата на шампионите како дел од францускиот клуб, Мбапе одигра 45 натпревари, постигна 26 гола и оствари 27 асистенции.

Реваншот помеѓу Реал Мадрид и ПСЖ ќе се одржи на 9 март во Мадрид.

Најголемите англиски клубови и Њукасл веќе ја започнаа трката за потписот на ѕвездата на Лидс, Калвин Филипс.

Келвин Филипс игра одлична сезона и беше важен дел од репрезентацијата на Европското првенство.

Интерес за англискиот репрезентативец покажуваат Манчестер Јунајтед, Ливерпул, Челзи, Арсенал и Њукасл.

Манчестер Јунајтед сака да го засили средниот ред бидејќи Погба најверојатно ќе си оди на крајот на сезоната. Од друга страна и Јирген Клоп сака да го засили средниот ред и верува дека Филипс идеално ќе се вклопи во неговиот стил.

Споменатите клубови внимателно ја следат ситуацијата и се спремни да испратат понуда, па на лето не очекува жестока борба за неговиот потпис.

По заминувањето на Обамејанг во Барселона, агентите на Мауро Икарди го понудиле својот клиент на Арсенал, но клубот рекол не.

Микел Артета бил тој кој одлучил дека не го сака Аргентинецот во својот тим, одлучил сезоната да ја заврши со Лаказет и Нкетија, а во наредниот период и Мартинели ќе биде подготвуван за позицијата „деветка“.

Арсенал сакаше да го ангажира Влаховиќ, а се поврзуваше и со Исак и Калверт Луин.

Топчиите на лето се очекува да ангажираат нов напаѓач, но тоа нема да биде Мауро Икарди.

Напаѓачот Пјер-Емерик Обамејанг е 100% подготвен за натпреварот на Барселона против Наполи во Лига Европа, објави тренерот на каталонците Чави Ернандез. 

„Тој е во добра состојба, тренира многу добро во последните денови. Тој е 100% подготвен. Среќен сум што покажа стабилна форма во последните години. Одлично се вклопува во нашата група, момците позитивно го прифаќаат. Можам да додадам и дека е голем професионалец“, истакна Чави.

Репрезентативецот на Габон минатиот месец се пресели во Барселона како слободен играч, откако го раскина договорот со Арсенал.