Хорхе Сампаоили не е повеќе тренер на Олимпик Марсеј , соопштуваат од францускиот клуб. 

62-годишниот аргентински тренер на клупата на Марсеј пристигна во февруари минатата година и успеа да ја доведе екипата до второто место во францускиот шампионат со што обезбеди директен пласман во Лигата на шампионите.

Сампаоли не открива дали ќе прави тренерска пауза или веднаш ќе започне со водење на друг тим.

Меѓународната фудбалска федерација (ФИФА) објави дека на Светското првенство во Катар годинава ќе се користи полуавтоматска офсајд технологија, таканаречената SAOT.

Според ФИФА, оваа технологија има за цел да ги забрза и да ги направи судиските одлуки посигурни.

Полуавтоматската офсајд технологија, тестирана на два натпревара, овозможува во секое време да се одреди позицијата на играчот и топката, со што се олеснува откривањето на недозволена позиција.

За време на Светското првенство во Катар, новата технологија ќе користи 12 камери кои ќе бидат поставени под покривот на стадионот. Тие камери ќе лоцираат 29 точки на телото на секој играч 50 пати во секунда, пресметувајќи ја нивната точна позиција на теренот.

Исто така, во внатрешноста на топката ќе биде поставен сензор кој ќе испраќа податоци до оперативната соба 500 пати во секунда.

Мохамед Салах го продолжи договорот со Ливерпул и ќе настапува за клубот од Енфилд до 2025.година.

Ливерпул објави видео запис со наслов „Салах останува“, и во видеото напаѓачот од Египет ужива на плажа и го облекува црвениот дрес на тимот.

„Ливерпул со огромно задоволство може да потврди дека Мохамед Салах потпиша нов долгорочен договор со клубот“, стои во соопштението на Ливерпул.

Салах во Ливерпул е пет години, и за тоа време одигра 254 натпревари и постигна 156 гола. Медиумите истакнуваат дека со новиот догоговор Салах ќе заработува 400 илјади фунти неделно.  

Бразилскиот фудбалски напаѓач, Габриел Жесус, откако успешно ги помина лекарските прегледи во Лондон, се појави во дресот на Арсенал на стадионот – „Емирати“.

На видеото постирано на социјалните мрежи се гледа дека брзоногиот играч го носи дресот со бројот 9.

Тоа е бројката што досега ја користеше Французинот, Лаказет кој во текот на летотово ги напушти „топчиите“.

Манчестер Јунајтед постигна начелен договор со Феенорд за доведување на левиот бек Тајрел Маласија, објави британски Скај.

Се очекува трансферот да изнесува 13 милиони фунти, со бонуси од 1,7 милиони фунти. Договорот треба да содржи и клаузула за продажба.

Според пишувањата на медиумите, Јунајтед сега ќе разговара со агентите на холандскиот дефанзивец, а тоа би требало да биде формалност.

Маласија (22) за тимот од Ротердам настапува од 2017 година, а минатата сезона со Феенорд го играше финалето на Конференциската лига.

Фудбалерот, Мехмед Челик, го напушти составот на Лил и се пресели во редовите на Рома.

Целиот трансфер е во висина од 7 милиони евра со тоа што францускиот тим ќе добие и одреден процент од наредната продажба на фудбалерот.

Десниот бек е третото ново име кај Римајните кои претходно ги обезбедија услугите на голманот Свилар и на Матиќ.

Од Париз Сен Жермен соопштуваат дека нов играч на клубот е португалскиот репрезентативец Витиња. Тој во Париз пристигна од Порто и потпиша договор на пет години.

Клубот од Париз не наведува финансиски детали, но медиумите наведуваат дека се работи за трансфер вреден околу 40 милиони евра.

22-годишниот Витиња има запишано три настапи за репрезентацијата на Португалија. Витиња е првото засилување на ПСЖ во овој преоден рок.

Олимпик Марсеј постигна договор со лондонски Арсенал за целосен трансфер на францускиот играч за врска Матео Гуендузи во нивните редови, објави познатиот инсајдер Фабрицио Романо.

Според Романо, договорот меѓу клубовите бил целосно официјализиран уште во март и веќе се е договорено, а сумата за откуп на играчот ќе биде околу 10 милиони евра. Минатата сезона 23-годишниот француски фудбалер му се приклучи на Марсеј на позајмица за една сезона. Договорот вклучуваше и опција за последователен откуп, што тие ја искористија. Матео им се приклучи на Топџиите во 2018 година, откако претходно играше за Лориент.

Потоа играчот помина една сезона на позајмица во Херта. Како дел од берлинскиот тим, Гуендузи учествуваше на 24 натпревари од германската Бундес лига, на кои постигна два гола, даде една асистенција и доби пет жолти картони.

Тотенхем објави дека бразилскиот напаѓач Ричарлисон и официјално е нов играч на лондонскиот клуб.

Ричарлисон потпиша петгодишен договор, и се пресели во екипата на Тотенхем после четири години поминати во Евертон.

Англиските медиуми пренесуваат дека целиот трансфер е вреден 60 милиони фунти. Бразилскиот напаѓач во Премиер лигата на вкупно 173 настапи за Евертон и Ватфорд постигна 48 гола.

Ричарлисон е четврт нов играч во Тотенхем во овај преоден рок после голманот Форстер, Иван Перишиќ и Ив Бисума.

Талентираниот играч за врска на Барселона, Педри избра нов број за следната сезона.

Талентираниот играч за врска на Барселона, Педри избра нов број за следната сезона.

19-годишниот плејмејкер го избра „осумката“ која има легендарен статус на „Камп Ноу“.

Во првите две сезони на „Камп Ноу“ тој го носеше дресот со број 16, но после заминувањето на Дани Алвеш одлучи да ја земе „осумката“.

Дресот со овој број беше носен од многу легенди на Барселона како Христо Стоичков и Андрес Иниеста, а сега таа чест ќе ја има Педри.

19-годишниот плејмејкер го избра „осумката“ која има легендарен статус на „Камп Ноу“.
Во првите две сезони на „Камп Ноу“ тој го носеше дресот со број 16, но после заминувањето на Дани Алвеш одлучи да ја земе „осумката“.
Дресот со овој број беше носен од многу легенди на Барселона како Христо Стоичков и Андрес Иниеста, а сега таа чест ќе ја има Педри.