УЕФА одлучи Кристал Палас да не игра во Лига Европа затоа што има исти сопственик како и Лион.

Но, англискиот тим ќе игра во европските натпреварувања, ќе биде дел од Конференциската лига.

Како победник во ФА Купот, на Кристал Палас му следуваше место во Лига Европа, но тоа нема да се случи.

Кристал Палас ќе се жали на ваквата одлука пред судот за Спортска арбитража.

Тотенхем официјално го објавија потпишувањето на 24-годишниот репрезентативец на Гана, Мохамед Кудус од Вест Хем Јунајтед. Офанзивниот играч за врска потпиша шестгодишен договор со Тотенхем и ќе го носи дресот со број 20.

Според британскиот печат, лондонскиот клуб платил 55 милиони фунти (околу 63,8 милиони евра) за да ги обезбеди услугите на крилниот напаѓач.

Кудус пристигна во Лондон во летото 2023 година, кога се пресели од Ајакс. Во овој период тој учествуваше во 80 натпревари во сите натпреварувања, постигнувајќи 19 гола и 13 асистенции.

„Историјата на Тотенхем одигра голема улога во мојот избор. Ми се допаѓа визијата на клубот и начинот на кој тренерот ме вклопува во идните планови. Томас Франк веќе докажа дека знае како да развива млади играчи и едвај чекам да соработуваме. Секогаш играм за тимот и мојата цел е да освојам што е можно повеќе бодови“, рече Кудус по потпишувањето.

Фудбалерот, Леандро Паредес, кој го напушти италијанскиот состав Рома, се збогува со фановите на „римската волчица“.

– Знам дека навивачите на Рома ќе ме разберат. Рим секогаш ќе биде мојот втор дом, тоа беше мојот прв и последен клуб во Европа, напиша денeска Паредес на социјалните мрежи.

Аргентинецот одигра 135 натпревари за екипата од Рим. Тој кариерата ќе ја продолжи во Бока Јуниорс.

Тренерот на Работнички, Бојан Маркоски, оцени дека синоќешннот пораз од белоруски Торпедо – Белаз од 3-0 во првиот натпревар од воведното квалификациско коло во Конференциската лига е превисок, но оти неговите играчи ќе дадат максимум на реваншот идната недела во Скопје.

„Беше тоа тежок натпревар и убедлив пораз за нас, а според мое мислење не заслуживме таков пораз од 3-0“, истакна Маркоски на прес конференцијата по натпреварот кој се одигра на неутрален терен во Унгарија.

„Противникот беше поискусен тим, знаеше тоа да го искористи, го отвори резултатот од корнер, од воиграна акција која пред мечот им ја напоменавме на играчите. Првите 15 минути имаа контрола, потоа беа и многу подобар тим. Ние имавме една шанса пред крајот на првото полувреме која требаше да ја реализираме. Го започнавме вториот дел подобро, но имаше две ситуации во кои не реагиравме најдобро и тие постигнаа уште два гола. Еден шут заврши во мрежата, а во судиското продолжение беше неприфатливо да примиме уште еден гол“, анализираше стратегот на Работнички.

Реваншот е закажан за идниот четврток на Националната арена Тодор Проески“ во Скопје со почеток во 18:00 часот.

Елиф Елмас најверојатно ќе го напушти германскиот Лајпциг во летниот преоден рок, пренесува угледниот германски спортски магазин „Кикер“.

Според информациите, Елмас не е подготвен да прифати нова позајмица по минатата полусезона помината во редовите на Торино, по што не сака да се задоволи со споредната улога во Лајпциг.

„Елмас, чиј престој во Лајпциг не донесе посакуван спортски успех, се очекува да замине ова лето“, наведува „Кикер“.

Иако во јавноста постоеја шпекулации за евентуен трансфер во Торино, германскиот медиум посочува дека фудбалерот се стреми кон поголеми цели.

Фудбалерот од средниот ред на Интер, Давиде Фратези, ќе мора да паузира извесен период откако беше успешно опериран од хернија.

Тој иако беше на списокот на „нероаѕурите“ на Светското клупско првенство во САД, не одигра ниту еден меч. Се очекува луцидниот играч да отсуствува од теренот околу еден месец.

Фратези кој главно влегуваше од клупата за резерви, имаше неколку одлични настапи во Лигата на шампионите.

Централниот дефанзивец на Ливерпул, Ибрахима Конате, не планира да го обнови договорот со клубот, кој важи до летото 2026 година, известува “АС”.

Според изворот, Французинот сака да се приклучи на Реал Мадрид по една година, што е познато на сите заинтересирани страни. Се нагласува дека шпанскиот клуб може да се обиде да го доведе Конате уште ова лето, но за да се случи тоа, потребно е најпрво Давид Алаба да го напушти тимот.

Конате игра за Ливерпул од летото 2021 година. Во сезоната 2024/25, 26-годишниот фудбалер одигра 42 натпревара во сите натпревари, каде постигна 2 гола и направи 2 асистенции.

Порталот Transfermarkt ја оценува вредноста на играчот на 60 милиони евра, но според “АС”, во оваа ситуација Реал нема да понуди повеќе од 20-25 милиони евра, бидејќи договорот на играчот истекува, а на “Енфилд” се свесни дека тој нема да го обнови.

Интер се обидел да му ја украде една од главните трансферни цели на градскиот ривал Милан – Ардон Јашари.

„Нераѕурите” понудиле Александар Станковиќ плус 30 милиони евра за целта на Милан – Ардон Јашари. Освен тоа, од Интер понудиле и за дефанзивецот Жоел Ордонез.

Двајца од шефовите на Клуб Биж биле во Милано порано денес и се сретнале со луѓе од раководството на Интер. Причина за состанокот било прашање за младиот играч од средината на теренот Станковиќ, кој Интер е подготвен да го продаде, но со опција да си го врати за одредена сума.

Белгискиот трансферен експерт Саша Таволиери тврди дека за време на разговорите од Интер се обиделе да преговараат за Јашари, изразувајќи подготвеност да платат 30 милиони евра, но добиле одбивање.

Од една страна, Бриж не сака да се раздели со својот најценет фудбалер, а од друга страна – Јашари е навивач на Милан од детство и сака да премине кај „росонерите“.

Бенфика е сè поблиску до враќањето на Жоао Феликс. Според информации од „Maisfutebol“, португалскиот гигант постигнал значителен напредок во преговорите со Челси и е уверен дека ќе го финализира трансферот во следните часови.

Процесот се забрзал по средбата на претседателот на Бенфика, Руи Кошта, со претставници на играчот. Самиот Феликс е категоричен во својата желба да се врати на „Луж“.

Првично „орлите“ размислувале за позајмица на напаѓачот, но на крајот решиле да преговараат за постојан трансфер.

Во исто време, Бенфика е на пат да се раздели со Оркун Кјокчу. Според Фабрицио Романо, португалскиот клуб се согласил да го даде играчот под наем на Бешикташ со клаузула за задолжително откупување за 25 милиони евра плус 5 милиони евра во форма на бонуси.

Кјокчу веќе ги договорил своите лични услови со Бешикташ и изјавил пред раководството на Бенфика дека сака да биде продаден.

Францускиот дефанзивец, Тео Хернандез вчера и официјално беше претставен во редовите на Ал Хилал, а на претставувањето не штедеше критики за актуелното раководство на Милан.

Хернандез очигледно смета дека раководството на клубот од „Сан Сиро“ е виновно што тој не останал.

„Мојата одлука да заминам не беше лесна. Секогаш сакав да останам, Милан ми беше приоритет, но за жал таму сега работите зависат од една личност. Насоката во која оди клубот и некои одлуки од неодамна не ја одразуваат вредноста, ниту амбицијата која ме доведе тука. Дојде моментот да затворам едно поглавје. Заминувам со крената глава бидејќи секогаш давав се одд себе на теренот. Искрено се надевам дека Милан ќе дојде на местото на кое што треба да биде. Форца Милан засекогаш“, порача Ернандез меѓу другото на промоцијата.

Од неговото доаѓање Ернандез за Милан собра вкупно 262 натпревари и постигна 34 гола.