Барселона минатото лето се обидуваше да го продаде Френки де Јонг поради финансиски проблеми, но Холанѓанецот остана на „Камп Ноу“.

За Барселона најголем проблем е високата плата, а поради финансиските проблеми на лето повторно ќе мора да продава играчи.

Според каталонски „Спорт“, Каталонците на лето се спремни да го продадат и за неговата слобода бараат околу 70 милиони евра.

Најсилен интерес за него покажува Баерн Минхен, кој веќе стапил во контакт со агентот на Холанѓанецот и е спремен да ја плати таа сума.

Репрезентативецот на Шпанија, Хозе Луис Фернандес Иглесијас или познат како Начо на крајот на сезоната ќе го напушти Реал Мадрид.

Дел од Реал Мадрид, Начо е од 2001 година, а за првата екипа игра од 2011 година и изгради легендарен статус во клубот.

Неговиот договор истекува на крајот на сезоната, а двете страни одлучиле да се разделат.

Начо го информирал клубот дека не сака да потпише нов договор и сака нова авантура, а интерес за него покажуваат клубови од Серија А, но и од Саудиска Арабија.

Eкипата на Рома предводена од Даниеле де Роси наводно покажала голем интерес за доведување на Федерико Киеза од редовите на Јувентус.

Како што објави денеска „Тутоспорт“, Де Роси во Рим го посакува Киеза со кого соработуваше во италијанската репрезентација. Тој беше помошник на тренер на Роберто Манчини на Европското првенство во 2021 година, кое го освоија „аѕурите“, а Киеза беше еден од најдобрите играчи.

Де Роси пред неколку дена го продолжи договорот со Рома и ќе остане во клубот до крајот на сезоната 2024/2025.

Киеза има договор со Јувентус до јуни 2025 година, раководството на црно-белите ќе разговара со неговиот менаџер за продолжување на соработката, но и ќе ги сослуша сите понуди кои ќе пристигнат за него. Со италијанскиот репрезентативец се поврзуваше и Њукасл.

Киеза зад себе оваа сезона осум гола и две асистенции на 29 натпревари во сите натпреварувања. Рома игра одличен фудбал од доаѓањето на Де Роси, а вчера го елиминира Милан во четврт-финалето од Лигата на Европа. Во полуфиналето ќе играат против Леверкузен.

Доаѓањето на Киеза и зачувувањето на постоечкиот состав сигурно ќе ја смести Рома меѓу најсериозните кандидати за освојување на Скудетото следната сезона. Последен пат Рома шампион на Италија беше во далечната 2001 година.

Тренерот на Аталанта, Џан Пјеро Гасперини по пласманот на неговиот тим во полуфиналето на Лига Европа, по победата од 3:0 против Ливерпул на „Енфилд“ пред една недела и тесниот пораз од 0-1 синоќа во реваншот, изјави дека елиминирале „одличен тренер и одличен тим“.

„Несомнено ни е важно да освоиме нешто, но победа е и да го видиме единството на овие момци. На полувремето ги прашав дали сакаат малку да се повлечат и да се бранат подлабоко, дали чувствуваат притисок, но тие рекоа апсолутно не! Ова е трофеј за мене, оваа победа е како трофеј за Аталанта, бидејќи тие размислуваат како мене. Кога клуб како нашиот ќе успее да постигне резултати далеку од историјата на Аталанта и Бергамо, морам да го сметам за исклучителен за мојата кариера, за Бергамо и за сите останати“, изјави Гасперини.

Во полуфиналето Италијанците ќе ги одмерат силите со тимот на Марсеј, кој по продолженијата и пенали ја совлада португалска Бенфика. Средбите се на 2 и 9 мај.

Пред завршните возбудувања на „Вембли“ кои следат во полуфиналињата и финалето, ФА Купот се одлучи за една важна промена со почеток од наредната сезона, а истото се однесува на правилото кое најмногу ги нервираше фудбалските менаџери.

Во случај на нерешен резултат во воведните нокаут фази, традицијата беше да се одигра „реприза“ меѓу двата тима на друг стадион, но од следната сезона веќе нема да има повторување и се ќе се решава во еден меч.

Ова правило ќе важи од првото коло во ФА Купот и до самата завршница на турнирот, од што најмногу сигурно ќе профитираа премиерлигашите кои и онака имаат најзгуснат распоред.

Оваа одлука на Премиер лигата и ФА се должи на се поголемите проширувања кои се случуваат во европскиот и светскиот фудбал, бидејќи од следната сезона помасовни ќе бидат и турнирите во Лигата на шампионите и светското клупско првенство.

Еден од хероите на пласманот на Борусија Дортмунд во полуфиналето на Лигата на шампионите беше Јан Матсен.

Овој лев бек на вчерашниот натпревар против Атлетико Мадрид докажа дека е еден од најдобрите фудбалери на овој тим оваа сезона. Сепак, Челзи од каде што е на позајмица во германскиот клуб не се одлучил да го врати во своите редови.

“Секогаш мислев и верував дека ќе играм за Челзи. Од некои причини не успеав. Сепак, сега сум тука, ова е одлична можност за мене. Мислам дека одиграв многу добро и докажав дека можам да играм на највисоко ниво”, изјави Матсен.

Медиумите тврдат дека со оваа изјава тој веќе го „отпиша“ Челзи и самиот сега не би сакал да се врати во Лондон. Холанѓанецот кој има 22 години покрај Челзи настапуваше уште за Чарлтон, Ковентри и Барнли.

Инаку, неговиот договор со Челзи е до 2026 година, но има откупна клаузула од 40 милиони евра која може да ја плати Борусија Дортмунд…

За Себаљос повеќе нема место во Реал Мадрид и „кралевите“ му порачале дека на лето може да си бара нов клуб.

27-годишниот плејмејкер минатото лето одби неколку понуди со цел да се докаже дека вреди во тимот на Карло Анчелоти, но сега е разочаран и самиот сака да ја промени средината. Интерес за Себаљос покажуваат неколку клубови од Серија А, пред се Наполи, но и Милан и Јувентус.

Реал е спремен да го пушти за 15 милиони евра сума која се спремни да ја платат споменатите клубови.

Тимоти Чендлер го обнови договорот со германскиот Ајнтрахт до крајот на сезоната 2024/2025.

„Ајнтрахт е мојот дом, моето второ семејство. Едвај чекам следната сезона повторно да го носам орелот на градите“, изјави Чендлер.

Toj ги помина младинските категории пред да потпише за Нирнберг во 2010 година. По четири сезони, се врати во Ајнтрахт.

Манчестер Сити ќе се обиде да го ангажира играчот од средниот ред на Баерн Минхен, Џамал Мусиала во летниот преоден рок, пишува „Гардијан“.

Според изворот, главниот тренер на Сити, Пеп Гвардиола сака да види повеќе офанзивни играчи од средниот ред во тимот.

Toj во сезонава има 36 мечеви со ефект од 12 гола и 7 асистенции.

Во последно време во фудбалскиот свет се менуваат многу работи со цел грешките на судиите на теренот да се минимизираат.

Воведувањето на ВАР технологијата даде огромен придонес за регуларноста на овој спорт на највисоко ниво, но Фудбалскиот сојуз на Украина на чело со легендарниот Андриј Шевченко подготви револуционерен предлог. Имено, според италијанските медиуми, тој планира да воведе револуција и да ги испраќа судиите во украинската лига да се тестираат на полиграф.

Еднаш или двапати во текот на сезоната, судиите во Украина би биле пред детектор за лаги, а кој судија би го земал полиграфот би се избирал по случаен избор.

„Сакаме да знаеме кои судии се, а кои не се за оваа работа“, порача Шевченко во најавата.