ПСЖ нема да смета повеќе на Мауро Икарди и го стави на продажба Аргентинецот.
Икарди не добива голема минутажа. Многумина веруваа дека работите ќе се променат со доаѓањето на Покетино, но наводно новиот тренер нема да смета на Икарди и веќе му порачал дека може да си бара нов клуб. За Икарди интерес покажуваат неколку клубови од Серија А, а и самиот не крие дека сака да се врати во Италија. Милан и Јувентус се главни кандидати за неговиот потпис. Двата италијански гиганти се во потрага по напаѓач за следната сезона.

Шпанските медиуми денеска пишуваат дека во многу скоро време, новиот претседател на Барселона, Лапорта и најголемата ѕвезда на тимот, Лео Меси ќе одржат состанок на кој ќе разговараат за новиот договор, а наводно Аргентинецот веќе му дал три услови кои мора да бидат исполнети за тој да остане во клубот. Првиот услов е клубот да донесе звучно засилување во нападот за да може да игра малку порелаксирано. Во игра се имињата на Серхио Агуеро и Ерлинг Халанд. Второто барање на Меси е играта на Барселона повторно да се базира на млади играчи од Ла Масија, а оваа сезона се покажа дека има многу потенцијал. И, конечно, третото барање е Меси да биде во директен контакт со претседателот за да ги знае плановите и тактиките за водење на Барселона во наредниот период. Дали Лапорта ќе може да го исполни сето ова, ќе се знае наскоро.

Раководството на Манчестер Сити ја започна потрагата по заменик за Фернандињо, кој најверојатно ќе го напушти „Етихад“ ова лето. Договорот на 35-годишниот Бразилец завршува на крајот на сезоната, а како што стојат работите клубот нема да му понуди продолжување на соработката. Поради тоа на „Етихад“ веќе работата за доведување на негова замена, а Гвардиола има список со тројца кандидати. Прв на списокот е ѕвездата на Борусија Мехенгладбах и швајцарски репрезентативец Денис Захарија. 24-годишниот играч за врска игра одлично во Бундес лигата и подолго време е на радарот на „граѓаните“.

Напаѓачот на Наполи, Аркадиуш Милик, кој е на позајмица во Олимпик Марсеј, може да продолжи кариера во шпанскиот шампионат. Според француиски „Л“Екип“, Атлетико (М) е заинтересиран за услугите на фудбалерот. Се споменува дека клубот од Мадрид е подготвен да го купи Милик за 12 милиони евра во летниот преоден рок. Претходно беше објавено дека 27-годишниот полски напаѓач е интересен за торински Јувентус. Актуелниот договор на Милик со Наполи трае до 2022 година.

Од таборот на Интер во изминативе две години купија неколку фудбалери кои го носеа дресот на Манчестер Јунајтед, а некои од нив се уште се носители на играта на „нероазурите“. Тука се мисли најмногуна Ромелу Лукаку кој е најдобар играч на италијанскиот тим по неговиот трансфер токму од Манчестер Јунајтед. Освен Лукаку дресот на Манчестер со оној на Интер го заменија и Ешли Јанг и Алексис Санчез, а преку Парма во клубот пристигна и Матео Дармијан. Сега англиските медиуми пренесуваат дека од Интер сакаат да го ангажираат миленикот на фановите на клубот од „Олд Трафорд“, Ерик Баи. Стоперот не е најредовен во првиот тим на Оле Гунар Солскјер, па токму затоа засега одбива да го продолжи договорот со Манчестер Јунајтед.

Кун Агуеро ја игра последната полусезона во дресот на Манчестер Сити, би можел да си замине со вистинска „жетва“ на трофеи, петтата титула во првенството е загарантирана, иако неговиот придонес за истата поради повреди беше значително помал, за разлика од претходните девет години поминати во клубот. Агуеро ќе го напушти клубот како најдобар стрелец во историјата, многумина велат и најдобар играч, а секако ќе биде најтрофеен. Не е тајна дека Агуеро има желба да остане во Премиерлигата, а се чини дека ќе добие понуда од соништата. Челзи е подготвен да му понуди повеќегодишен договор, наводно Абрамовиќ веќе дал зелено светло на Тухел, со оглед на тоа што Тимо Вернер како разочарување најверојатно ќе се врати во Бундеслигата како позајмен играч. Челзи преговара и со Халанд, но тука шансите се мали, потребен им е нов напаѓач, па Агуеро би дошол како „кец на десетка“. Аргентинецот би добил шанса и понатаму да игра во лигата која ја смета за најсилна на светот.

Напаѓачот на Аталанта и репрезентацијата на Колумбија, Дуван Запата проговори за неговиот омилен клуб во англиската Премиер лига. „Може ли да бидам во англиската Премиер лига во иднина? Во фудбалот, никогаш не кажувај никогаш. Кога бев дете, секогаш ја гледав Премиер лигата. Од детството бев навивач на лондонски Арсенал. Секоја недела станував рано за да ги гледам нивните натпревари во живо (временската разлика помеѓу Колумбија и Велика Британија е 6 часа). Бев вљубен во Арсенал кога Тиери Анри играше за нив. Во Колумбија, ја сакаме англиската Премиер лига. Кој знае, можеби некогаш ќе можам да играм таму“, изјави Запата за „Газета дело Спорт“. Дуван Запата игра за Аталанта од летото 2018 година. Неговиот договор со тимот од Бергамо важи до 30 јуни 2023 година, а неговата вредност се проценува на 38 милиони евра.

Милански Интер се наоѓа во сериозни финансиски проблеми и на лето ќе мора да продава најмалку една своја ѕвезда, пренесува „Кориере дело Спорт“. Најбараниот фудбалер од „нероаѕурите“ е Ромелу Лукаку, кој е на радарот на Манчестер Сити и Реал Мадрид. Весникот тврди дека Интер нема да се противи на неговата продажба, но само доколку пристигне понуда од 120 милиони евра. „Нероаѕурите“ го доведоа Лукаку од Манчестер Јунајтед за 80 милиони евра во 2019 година, а Белгиецот на 85 меча постигна 59 гола.

Манчестер Јунајтед е подготвен да му понуди на Дони ван де Бек да биде вклучен во преговорите со Јувентус за Адриен Рабио. „Црвените ѓаволи“ веќе долго време се интересираат за членот на француската репрезентација, Сега од Манчестер Јунајтед повторно го гледаат овој играч и ќе се обидат да го земат во својот состав на лето. Според информациите, Јунајтед е подготвен да понуди директна размена на играчи испраќајќи го Дони ван де Бек во Торино, а Рабио да се пресели на „Олд Трафорд“. Холанѓанецот никогаш не можеше да покаже својот потенцијал по неговиот трансфер од Ајакс минатото лето. Тој доби неколку шанси за настап, бидејќи досега има одиграно само 16 натпревари во текот на сезоната. Се чини дека тој не е меѓу фаворитите на Оле Гунар Солскјер, кој е подготвен да се раздели од него.

Јувентус останува заинтересиран за 27-годишниот напаѓач на Наполи, Аркадиуш Милик кој е на позајмица во францускит Марсеј. Ова го објави „Фудбал Италија“ повикувајки се на информцијата на „Л’Екип“. Пред да се приклучи на Марсеј, Милик потпиша нов договор со Наполи до 2022 година, така што Наполи не го пушти играчот да оди бесплатно следното лето. Во исто време, Марсеј го зеде напаѓачот на позајмица 18 месеци со задолжителна откупна клаузула од 8 милиони евра и разни бонуси. Сепак, во извештајот на францускиот весник „Л’Екип“ се вели дека преселбата на Милик во Марсеј е привремена мерка и Аркадиуш на крајот ќе се пресели во Јувентус, чија трансферна цел е од 2019 година Ова се должи на фактот дека во договорот со клубот од Марсеј има клаузула за обештетување во висина од 12 милиони евра. Јувентус би сакал да купи играч по таква цена, особено со оглед на фактот дека Пауло Дибала може да го напушти клубот на лето.