Интер постигна договор со играчот за врска на Каљари, Нахитан Нандес, пренесуваат италијанските медиуми. Оваа недела раководствата на двата клуба ќе имаат средба и ќе се обидат да најдат заеднички јазик за трансферот.

Медиумите тврдат дека Каљари ќе се согласи на едногодишна позајмица единствено ако биде вклучена клаузула за задолжителен откуп следното лето за 25 милиони евра.

Односите помеѓу двата клуба се одлични и преговараат за неколку трансфери, а се очекува во наредните денови да биде комплетиран трансферот на Нандес.

Уругваецот може да игра на повеќе позиции, а тренерот Инзаги во него гледа идеална замена за Хакими кој се пресели во ПСЖ.

Раководството на шпанскиот фудбалски шампион, Атлетико Мадрид, се обидува да го продолжи договорот со Луис Суарез.

Според весникот „Марка“, мадридскиот клуб е уверен во голгетерските способности на 34-годишниот Уругваец и сака да го продолжи договорот со фудбалерот до 2023 година. Суарез игра за Атлетико од летото 2020 година. Во сезоната 2020/21, напаѓачот одигра 38 натпревари за тимот, постигна 21 гол и три асистенции.

Актуелниот договор на играчот е со важност до крајот на јуни 2022 година.

Џорџо Кјелини потпиша нов договор со Јувентус, соопшти прес-службата на клубот од Торино. Новиот договор ќе важи до летото 2023 година. „Ова е важен чекор во мојот живот. Дојдов во Јувентус кога бев момче и сега уживам во секој момент. Сакам да му помогнам на Јуве да освои други титули“, рече Кјелини.

Да потсетиме, претходниот договор на Кјелини со Јувентус истече на 30 јуни. Дефанзивецот стана најстариот капитен во историјата на финалето на Европското првенство, надминувајќи го Џaнлуиџи Буфон, кој играше во финалето против Шпанија на Евро 2012.

На Европското пренство, Џорџо Кјелини одигра 5 натпревари, бидејќи ги пропушти натпреварите со репрезентациите на Велс и Австрија поради повреда. За централниот дефанзивец, последниот натпревар беше 95 -ти во негова кариера како дел од националниот тим.

Шкендија вчера го потврди новиот стратег.

После отказот на тренерот Ернест Ѓока клубот ќе го води Бруно Акраповиќ. Ѓока доби отказ после катастрофалното европско лето во кое Шкендија запиша четири порази и не постигна ниту еден гол, па отказот беше и очекуван.

За Акраповиќ ова е враќање во редовите на Шкендија откако ги водеше Шкендија пред пет години.

Барселона сака да се ослободи од Самуел Умтити и од неговата висока плата во летниот преоден рок. Умтити не прифати намалување на платата, но е спремен да го напушти каталонскиот клуб ова лето, но само под еден услов.

Имено, Французинот сака да се пресели во тим што учествува во Лигата на шампионите, или конкурентен за титулата во националното првенство, пренесува „Диарио Спорт“.

Во последните недели, Барса доби три понуди за Умтити, но тие не ги исполнија барањата на играчот.

Умтити во последните две години го мачат повреди, па европските гиганти не се заинтересирани за него.

Соединетите Американски Држави го освоија „Голд Купот“ со победата над Мексико со 1-0. Во финалниот меч што се играше на „Алејант Стадиум“ во Парадајс, а го следеа над 60.000 гледачи, победникот беше решен дури во продолжението. 

Единствениот гол за Американците вреден злато во дуелот против Мексико го постигна Робинсон во 117. Минута. 

Инаку овие две селекции и пред неполни два месеци играа финале и тоа во првото издание на Лигата на нации, а ви во него Американците по продолженија ги добија Мексиканците.

Селекторот на украинската репрезентација Андриј Шевченко ја напушти функцијата.

„Денес ми истече договорот со украинскиот фудбалски сојуз. Поминав пет години во националниот тим. Со напорна работа докажавме дека можеме да играме модерен фудбал. Благодарен сум на претседателот и Извршниот комитет на Украинската фудбаслак федерација за оваа можност. Благодарен сум на секој човек што помогна и беше вклучен во работата на тимот. Голема благодарност до фановите за поддршката и критиките. Заедно успеавме да покажеме дека фудбалот на украинската репрезентација може да биде конкурентен и возбудлив. Со верба во Украина“, напиша Шевченко на својата страница на Инстаграм .

Да потсетиме, украинската репрезентација извојува една победа во групната фаза на Евро 2020 и тоа над Македонија и се пласираше во осминафиналето каде победија против Шведска, а загубија во четвртфиналерто од Англија со 4-0.