На денот кога ќе се одржи ждрепката за новата сезона во Лигата на шампионите, УЕФА потврди една голема промена за новата сезона.

Имено, финалето во Лигата на шампионите кое досега секогаш започнуваше од 21:00 часот од оваа сезона ќе се игра три часа порано во 18:00 часот.

„Одлуката е донесена со цел да се подобри севкупното искуство од натпреварот за навивачите, тимовите и градовите-домаќини, преку оптимизација на логистиката и операциите на денот на натпреварот, додека истовремено се обезбедуваат неколку конкретни придобивки. Нашата цел е денот на натпреварот да го направиме навистина пријатно искуство за сите што сакаат да бидат дел од возбудата, создавајќи гостопримлива атмосфера која им овозможува на семејствата и децата полесно да присуствуваат на најголемиот и најважниот клупски фудбалски натпревар во сезоната,“ објаснија од Европската куќа на фудбалот.

Претходно, УЕФА од сезоната 2018/2019 го помести стандардниот термин за натпреварите од 20:45 во 21:00 часот.

Манчестер сити го извести Тотенхем дека нема да го промени својот став во врска со трансферот на крилниот напаѓач Савињо.

Сити нема намера да го пушти Бразилецот во Лондон, дури ни за сума поголема од 70.000.000 евра, бидејќи го смета за клучен играч за оваа сезона и во иднина.

Тотенхем за кратко време претрпе уште еден тежок удар на „летниот пазар“, откако минатата недела нивниот најголем ривал Арсенал буквално го грабна Еберечи Езе од Кристал Палас.

Победникот на Лигата на Европа потоа се сврте кон Савињо, но клупските челници добија негативен одговор. Тотенхем сега има многу малку опсции да донесе засилување до крајот на преодниот рок, кој во Премиер лигата завршува на 1 септември во 18 часот.

Овој потег на „граѓаните“ исто така ја блокира секоја можност Родриго од Реал Мадрид да се пресели во Манчестер сити.

Челзи и Милан експресно го договрија трансферот на напаѓачот Кристофер Нкунку.

Клубовите го договорија трансферот за помалку од 24 часа. Двете страни се согласија за обештетување од околу 35 милиони евра.

Што се однесува до Нкунку, тој ќе потпише петгодишен договор со „росонерите“. Потенцијалниот француски репрезентативец е седмото засилување на Милан, но преодниот рок сè уште не е завршен. Тие би сакале да доведат уште еден напаѓа и стопер на „Сан Сиро“. Главни кандидати во моментов се Душан Влаховиќ и Артим Довбик, односно Мануел Аканџи.

Нкунку дојде во Челзи како големо засилување во 2023 година од РБ Лајпциг за 60 милиони евра. За две сезони, тој одигра 62 натпревари и постигна 18 голови.

Стадионот „Петар Милошевски“ во Битола е подготвен за големиот натпревар Македонија-Италија за репрезентации до 21 година, истакна Масар Омерагиќ, претседател на ФФМ.

-Успехот во Битола е пример за сите. За кратко време го доведовме стадионот „Петар Милошевски“ до нови стандарди, што УЕФА и самата го потврди. Ова е најдобар доказ дека кога заеднички се работи, резултатите се гледаат. Благодарност до општина Битола и градоначалникот Коњановски за посветеноста во исполнувањето на обврските, посочи тој.

Ерлинг Халанд донесе одлука да го измени името што ќе стои на дресот на националниот тим пред претстојните квалификациски натпревари за Светското првенство, пренесува Дејли Мејл. Извонредниот 25-годишен напаѓач на Манчестер Сити отсега на грбот, над бројот девет, ќе го носи своето средно име, што значи дека на дресот ќе стои “Браут Халанд”.

Селекторот на Норвешка, Стале Солбакен, е изненаден од оваа одлука. “Тоа е неговото име [Браут], не е толку комплицирано. Не знаев за тоа до сега,” изјави Солбакен. Интересно е дека Халанд веќе е познат на Инстаграм под неговото целосно име Ерлинг Браут Халанд и под истото име триумфираше со девет гола за Норвешка на Светското првенство за играчи до 20 години во 2019 година.

Меѓутоа, во своите претходни клубови, како Ред Бул Салцбург и Борусија Дортмунд, како и во Сити, на дресот секогаш беше само презимето Халанд.

По летниот одмор, Халанд се враќа на репрезентативните обврски со цел да ја осигура Норвешка за пласман на Светското првенство во 2026 година. Норвешка засега е на првото место во својата квалификациона група со максимални 12 поени од четири натпревари. Следниот тест е на 4 септември во пријателски дуел против Финска, по што ги очекува клучниот квалификациски натпревар против Молдавија на 9 септември.

рансфер сагата наречена Душан Влаховиќ продолжува!

Јувентус веќе подолго време сака да се ослободи од него, пред сè поради неговата голема плата, а изгледа дека пронајдоа решение

„Старата дама“ ја одреди цената. Јувентус би го пуштил Влаховиќ за 30 милиони евра. Тоа е повеќе од 50 милиони евра помалку од кога го донесоа од Фиорентина во 2022 година. Тогаш поранешниот напаѓач на Партизан пристигна на „Алијанц стадион“ за 81,6 милиони евра.

Сепак, купувач изгледа е пронајден, но Јуве ќе добие и помалку од 30 милиони!

Станува збор за голем ривал на Јувентус, екипата на Милан што ја предводи од клупата поранешниот тренер на Влаховиќ, Масимилијано Алегри. Според пишувањето на италијанските медиуми, Милан договорил трансфер и Влаховиќ ќе има плата помеѓу шест и седум милиони евра. Јувентус ќе добие 15 милиони евра и Саламехерс.

Откако пропушти неколку трансферни цели, Тотенхем продолжува да се залага за засилување во нападот.

Сега лондончани се насочени кон Чави Симонс, кој подолго време се смета за сигурно ново засилување на Челзи. Но, „Сините“ чекаат да се разделат со Николас Џексон или Кристофер Нкунку пред да испратат понуда до РБ Лајпциг.

Во Тотенхем се оптимисти дека можат да го одземат Симонс, кој беше спомнуван и за Манчестер Сити. „Шпорите“ започнаа одлично во сезоната со две победи во првенството, при што втората беше на „Етихад“. На трансферниот пазар, меѓутоа, немаа слични успеси. Клубот не успеа да го привлече Морган Гибс-Вајт, а потоа не се сложија со Еберечи Езе, кој премина во Арсенал.

Бојан Миовски во последните денови од летниот преоден рок може да се врати во Шкотска и да потпише за големиот Глазгов Ренџерс.

Минатото лето, Бојан Миовски го напушти Абердин и се пресели во Жирона во зделка вредна околу 6,8 милиони фунти.

Македонецот сепак не се снајде во Шпанија, постигна само 4 погодоци, па сега е на излезна врата.

Како што пренесува Скај Спортс, Жирона му дала зелено светло на Бојан Миовски да преговара со Глазгов Ренџерс, агентите на напаѓачот сега се обидуваат да ги договорат личните услови со директорите на клубот од „Ајброкс“.

Скај Спортс додава дека Бојан Миовски е отворен за идејата да си ја врати кариерата на прав пат во Шкотска, каде постигна 44 погодоци на 98 натпревари во дресот на Абердин.

Манчестер јунајтед им приреди ново разочарување на навивачите, „ѓаволите“ вечерва беа елиминирани од Гримсби во второто коло на Лига Купот, трагичари се двете скапо платени летни засилувања – Куња и Мбеумо.

Гримсби вечерва направи огромно изненадување, четвртолигашот го елиминираше Манчестер јунајтед во второто коло на Лига Купот.

Домаќините имаа два гола предност по половина час игра со головите на Вернам и Ворен, но „ѓаволите“ во вториот дел се спасија во самиот финиш. Мбеумо намали на 1-2 во 75. минута, за Мегваер по еден корнер во 89. минута да изедначи на 2-2 и да го однесе натпреварот на пенали.

А таму, погрешија двете скапи летни засилувања – Куња и Мбеумо. Бразилецот можеше да го реши исходот во петтата серија, но не реализираше, а потоа Камерунецот ја погоди пречката во 13. серија за лудница на „Бландел Парк“.

Maкедонскиот шампион во женски фудбал, Љуботен ги загуби шансите за место во Лигата на шампионите бидејќи доживеа пораз во полуфиналето на вториот квалификациски турнир.

Тетовскиот тим не можеше да се носи со Розенгард од Шведска и натпреварот македонскиот претставник го загуби со 0-5.

Фудбалерките на Љуботен против фаворитот се држеа речиси едно полувреме, но повеќе од тоа не можеа.

Резултатот го отвори Имо од пенал во 44. минута, а додека во вториот дел по два гола птигнаа Сјостром и Ларсон за конечн 0-5.

Европската сезона за Љуботен не завршува тука бидејќи ќе води битка заа третото место со кое би тетовчанките би можеле да обезбедат место во новоформираниот Европа Куп на УЕФА.

Противник во битката за ова натпреварување на Љуботен ќе биде СФК Сараево од БиХ или белгискиот Леувен.