фудбал

Трабзонспор го договори трансферот на Салах

Египетскиот крилен напаѓач Мохамед Салах потпиша двегодишен договор со турски Трабзонспор, објавија неколку релевантни турски медиуми.

Поранешниот играч на Ливерпул, годишно ќе заработува 17 милиони евра, а платата со бонуси може да достигне до 22 милиони. Салах исто така ќе добива 20 проценти од продажбата на дресови со неговото име.

Салах го напушти Ливерпул ова лето по девет години, во кои стана еден од најголемите играчи во историјата на клубот од „Енфилд“.

Со „Црвените“ ја освои Премиер лигата, Лигата на шампионите, ФА Купот, Лига Купот, Светското клупско првенство и бројни индивидуални награди.

34-годишниот напаѓач одигра 442 натпревари за Ливерпул во претходните девет години со учинок од 257 гола и 123 асистенции.


РБ Лајпциг го врати Ниланд во своите редови

РБ Лајпциг повторно го ангажираше норвешкиот голман Орјан Ниланд. Голамнот потпишал договор до 2028 година, објави клубот од Бундеслигата. 35-годишникот се враќа во Лајпциг, каде што веќе настапуваше како позајмен играч во сезоната 2022/23. Ниланд во Лајпциг дојде како слободен играч откако неговиот договор со Севилја истече на крајот на јуни.

Ниланд стана национален херој за време на историскиот пат на Норвешка до четвртфиналето на Светското првенство, кога му одбрани пенал на Бразилецот Бруно Гимараеш во драматичната победа од 2-1 во осминафиналето минатиот месец.

„Кога се појави можноста да се вратам во РБ Лајпциг, не морав двапати да размислувам. Имам многу убави спомени со клубот и луѓето тука и навистина се радувам што повторно ќе ги сретнам“, рече Ниланд.

За време на својата кариера, Ниланд играше и за Молде, ФК Инголштат, Астон Вила и Рединг. Тој одигра 76 натпревари за норвешката репрезентација.


Мареска ќе потроши 200 милиони до крајот на преодниот рок

Преодниот рок за Манчестер Сити е далеку од завршен. На почетокот, тие го срушија рекордот за Британец со доведувањето на Елиот Андерсон, но новиот менаџер, Енцо Мареска побара уште неколку засилувања.

Тоа ќе биде поврзано со заминувања, во моментов има неколку играчи кои сигурно ќе го напуштат „Етихад“.

Преодниот рок зависи и од евентуалната продажба на Родри во Реал. Веќе е познато дека трансферот би бил олеснет со купувањето на одличниот Ајуб Буади, 18-годишен Мароканец од Лил, но тој сигурно не би бил директна замена. Јасно е дека Сити нема намера да се откаже од најдобриот играч на Светското првенство.

Место во клубот нема за Тижани Рејндерс и Нико Гонзалес, како и за искусните Калвин Филипс и Џек Грилиш. Овие двајца минатата сезона играа на позајмици во други клубови.

Исто така, Сити, очекува најмалку 70 милиони евра од продажбата на Савињо, а според медиумите не е сигурна позаицијата ниту на египетскиот напаѓач Мармуш.


Синер хоспитализиран непосредно пред УС Опен

Најдобриот тенисер во светот предизвика загриженост кај навивачите, откако итно бил прегледан во приватна ортопедска клиника во Милано.

Според информациите од италијанските тениски новинари, првиот рекет на АТП-листата во вторникот поминал низ детални медицински прегледи, а неговиот стручен тим веднаш реагирал и побарал од физиотерапевтот да го прекине одморот и да се врати за да биде покрај тенисерот.

Засега нема официјални информации за причината поради која Синер бил во клиниката, ниту дали станува збор за повреда или само за превентивна медицинска контрола.

Италијанските медиуми наведуваат дека по првичните прегледи тенисерот останал на дополнителни испитувања, а во следниот период се очекуваат повеќе детали за неговата состојба.

Ситуацијата доаѓа во незгоден момент за Синер, бидејќи почетокот на последниот Грен слем турнир во сезоната – УС Опен е сè поблиску.


ПСЖ ја одби првата понуда за Баркола

Ливерпул испрати понуда тешка повеќе од 100 милиони евра за крилниот напаѓач на Пари Сен Жермен и француската репрезентација Бредли Баркола. Англискиот клуб така започна обид да го доведе еден од клучните играчи на европскиот шампион, но ПСЖ ја отфрли првичната понуда. Францускиот шампион не се откажува од својата проценка и бара дури 170 милиони евра за играчот.

Преговорите меѓу клубовите, и покрај големата разлика во цената, започнаа, што отвора можност за еден од најголемите трансфери ова лето. Според информациите од францускиот „Фут Меркат“, Баркола е приоритет на Ливерпул за засилување на напаѓачката линија.

Клубот од „Енфилд“ бара нови решенија откако не им успеа обидот да го птопишат Јан Диоманде. Италијанскиот новинар Фабрицио Романо објави дека официјалните разговори меѓу двата клуба започнале во понеделникот.

Ливерпул се надева дека првичната понуда, иако одбиена, ќе послужи како основа за понатамошни преговори. ПСЖ има силна преговарачка позиција бидејќи договорот на Баркола е важечки до летото 2028 година.

„Фут Меркато“ наведува дека Баркола има голема желба да се пресели во Ливерпул. Неговите претставници веќе водеа разговори со претставници на англискиот клуб. Иако ПСЖ првично ја отфрли можноста за продажба, се чини дека клубот е подготвен да преговара откако играчот изрази желба за нов предизвик.


Де Брујне одлучи да остане во Наполи

Белгискиот фудбалер, Кевин де Бруин, нема намера да ја менува средината и затоа ќе остане во екипата на Наполи.

Тој одлучи со семејство да го продолжи престојот во Италија и да го поправи впечатокот од претходната сезона кога главно се соочуваше со повреди.

За потписот на ветеранот беа заинтересирани екипи од САД и тоа пред се Чикаго Фаер, Сан Диего па дури и Интер Мајами на Лео Меси.


Бразилецот Лемос потпиша за Брегалница

Бразилскиот фудбалер Матеус Да Силва Лемос е нов фудбалер на Брегалница, штипскиот фудбалер го потврди неговиот ангажман.

Брегалница е трет македонски клуб за Лемос, Бразилецот претходно играше за Вардар и Македонија Ѓорче Петров.

„Матеус Да Силва Лемос е нов член на ФК Брегалница.
Станува збор за одличен техничар кој “оперира” во левокрилната позиција. Роден е 1997 година во Рио де Женеиро. Лемос има искуство во македонската прва лига, тој со успех настапуваше во Македонија ЃП и Вардар. Летово се поврзуваше и со арачиновска Шкендија, но сепак тој се одлучи да ги прифати условите во Штип. Последната седмица тренира во Штип и одлично е прифатен во новата средина.


Тиквеш се засили со Октај Ракипи

Тиквеш продолжува да го крои тимот за новата сезона, Октај Ракипи е ново засилување за кавадарчани.

Октај Ракипи ќе ја збогати ротацијата во средниот ред на тренерот Оливер Богатинов, 23 годишниот фудбалер е новото засилување на Тиквеш.

„Млад, амбициозен и технички поткован играч, Октај доаѓа во Кавадарци подготвен да даде сè за црвено-белиот дрес. Неговата енергија, работна етика и желба за напредок совршено се вклопуваат во визијата што ја градиме. Веруваме дека ова е само почеток на едно успешно заедничко поглавје“ – се вели во соопштението на клубот од Кавадарци.

Октај Ракипи пристигнува во Тиквеш од словенечкиот клуб Јесенице, а претходно во кариерата играше и за Беса, Шкендија, Гостивар и Борец.


Бернардо Силва: Најдобриот клуб во историјата не се одбива

Бернардо Силва од денеска се приклучи на подготовките на Реал Мадрид, пред португалскиот фудбалер е голем предизвик, ќе игра во белиот дрес кој многу тежи.

Денеска тој го одржа првиот тренинг, а кажа и некој збор за медиумите.

„Реал Мадрид е најдобриот клуб во фудбалската историја. Невозможно е да му кажете не. Не се мислев двапати“, рече Бернардо Силва.

Тој вели дека негова голема испирација е легендарниот Лука Модриќ.

„Лука Модриќ е моја огромна инспирација. Зборував со него неколкупати“.

Романо имаше посебни зборови и за неговиот сонародник, Жозе Мурињо.

„Не можам да дочекам да почнам да работам и да учам од Жозе Мурињо. Многу сум среќен што тој е тренер, тој многу значи за португалскиот фудбал. Како деца многу ги гледавме неговите тимови тој секогаш го ставал името на Португалија на највисоко ниво“.


Фиорентина го сака Мастантуоно на позајмица

Се поизвесно е дека за Мастантуоно нема да има место во тимот на Жозе Мурињо, барем засега, планот е тој да биде пратен на позајмица.

Информациите велат дека неговата нова дестинација најверојатно ќе биде Фиорентина.

Виолетовите притискаат да ја комплетираат позајмицата на Мастантуоно колку што е можно побрзо.

Се верува дека во наредните денови оваа зделка ќе се реализира и Аргентинецот сезоната ќе ја почне во Фиорентина.