Јувентус и Пауло Дибала најверојатно ќе се разделат на крајот на сезоната, тврдат италијанските медиуми. Двете страни иако веќе со месеци преговораат, се уште не постигнале договор за продолжувње на соработката. Дибала оваа сезона е во втор план кај Пирло, па „бјанконерите“ се спремни да го продадат за да финансираат трансфер на нова ѕвезда во нападот. Најсилен интерес за Аргентинецот покажуваат Челзи и Тотенхем, кои веќе стапиле во контакт со неговиот агент.

Кеискуе Хонда набрзина промени неколку клубови, Хонда по заминувањето од Ботофаго потпиша договор со Портимоненсе, но тој договор беше брзо раскинат, сега пронајде нов ангажман. Хонда беше слободен играч и преговараше со повеќе клуба, а на крајот се договори со азербејџанскиот шампион Нефчи од Баку. Иако е на залезот од кариерата и има 34 години, Хонда не се реши да се врати во татковината и продолжи да игра во странство. За репрезентацијата на Јапонија Хонда одигра 98 натпревари и постигна 37 голови.

Манчестер Сити се вклучил во трката по плејмејкерот на Сасуоло, Мануел Локатели. Локатели кариерата ја започна во Милан, важеше се голем талент, но „росонерите“ не му веруваа и го продадоа на Сасуоло за 12 милиони евра. Плејмејкерот го покажа својот потенцијал во Сасуоло и сега е стандарден член на италијанската репрезентација. Неколку европски гиганти го следат Италијанецот, но медиумите на Апенините тврдат дека Јувентус е фаворит за неговиот потпис.

Челзи планира да го вклучи напаѓачот Тимо Вернер во својата понуда за голгетерот на Борусија Дортмунд, Ерлинг Халанд. „Сините“ од Лондон се вклучија во редот на кандидати за норвешки талент и веруваат дека со ваков предлог можат да ја добијат битката за Халанд. Вчера имаше информација дека Борусија Дортмунд ќе сака најмалку 150 милиони евра за нивната голема sвезда ова лето. Во следната, Халанд би чинел само 70 милиони, затоа што тогаш се активира клаузулата во неговиот договор. Челзи минатото лето успеа да го земе Вернер за само 45 милиони, што беше исто така можно поради посебната клаузула во договорот на напаѓачот со РБ Лајпциг. Сепак, германскиот репрезентативец сè уште има потешкотии да се прилагоди на Англија и од ноември досега постигна само еден гол во Премиер лигата.

Селекторот на македонската фудбалска репрезентација У21, Благоја Милевски, денеска го објави списокот на повиканите играчи за тритe контролни средби во Анталија. Таму ќе играме со Казахстан (24 март), Словачка (27 март) и Бугарија (29 март). „Тие натпревари се последен филтер за тоа како ќе изгледа тимот во квалификациите за ЕП. Сите повикани фудбалери ќе добијат подеднаква минутажа на трите меча. Нашата цел е да добиеме точна претстава за квалитетот на секој фудбалер а на нив останува дали ќe заслужат место во тимот на јунските квалификации“, изјавa Милевски за официјалниот сајт на ФФМ.
Список на повикани репрезентативци:
Голмани: Давид Денковски (Брегалница), Дамјан Серафимов (Македонија Ѓ.П.), Стефан Јакимовски (Кадино)
Одбрана: Александар Ѓурковски (Вардар), Марио Младеновски (Ботев Пловдив, Бугарија), Виктор Крстевски (Вардар), Блертон Шеји (Струга Трим Љум), Филип Алексовски (Македонија Ѓ.П.), Филип Антовски (Славија Софија, Бугарија), Мартин Радуловиќ – Величковиќ (Вардар), Бесник Ферати (Академија Пандев)
Среден ред: Енис Фазлагиќ (Жилина, Словачка), Арби Воша (Македонија Ѓ.П.), Давид Калпачки (Беласица), Флорент Рамадани (Шкендија), Томче Гроздановски (Злате Моравце, Словачка), Бојан Димоски (Академија Пандев), Агон Елези (Вараждин, Хрватска), Лука Станковски (Работнички), Димитар Тодоровски (Работнички)
Напад: Марко Ѓорѓиевски (Раднички Пирот, Србија), Дарко Чурлинов (Штутгарт, Германија), Јакуп Бериша (Шкупи), Марио Илиевски (Септември Софија, Бугарија), Методија Максимов (Работнички), Берат Калкан (Карачабej, Турција).

Sвездата на Тотенхем Хари Кејн скоро сигурно ќе побара трансфер ова лето, тврдат медиумите во Англија. 27-годишниот напаѓач е свесен дека го достигна својот максимум во Тотенхем и сака да замине во тим каде што може да продолжи да се развива и да освојува трофеи. Кејн има договор со лондончани до 2024 година, но нема желба да го исполни до крај. Тој игра уште една одлична сезона, постигнувајќи 21 гол во сите натпреварувања. Тимот се уште е во битка за трофејот во Лигата на Европа, каде е на чекор до пласман во четврт-финалето, а исто така е во финалето на Лига купот. Во Премиер лигата, сепак, Тотенхем сериозно заостанува на табелата зад оние екипи кои обезбедуваат пласман во Топ 4 и со тоа настап во Лигата на шампионите.

Раководството на Барселона размислува да му понуди нов договор на крилото Осман Дембеле. 23-годишниот Французин беше привлечен на „Камп Ноу“ со големи очекувања, но повредите го спречија да го открие целиот свој потенцијал.
Оваа сезона, сепак, тој започна да ги покажува своите сериозни квалитети и се претставува се подобро и подобро, веќе има 34 натпревари на својата сметка во сите натпреварувања.
Според „Ел Мундо Депортиво“, Барселона е подготвена да му понуди продолжување на договорот. Самиот играч исто така е подготвен да потпише повторно, но прво сака да види кои услови ќе му бидат понудени.

Дисциплинската комисија на ФИФА започна истрага и отвори постапка за двајца фудбалери и една фудбалерка, под сомневање дека ги прекршиле правилата за допинг во 2013. година.
Ова го потврдија од Фудбалската федерација на Русија, иако не посочија за кои фудбалери, односно фудбалерка се работи. Не е потврдено ниту дали станува збор за репрезентативци.
Ова е уште еден сканал поврзан со спортисти во Русија, откако пред шест години светската антидопинг агенција ВАДА презентираше докази дека голем број на руски спортисти користиле допинг, по што им беше забрането учество на Олимписките игри.
Русија нема да може да се натпреварува под своето знаме и на престојните ЛОИ во Токио и на ЗОИ во Пекинг.

Десет тимови на Конфедерацијата ќе учествуваат на Купот на Америка 2021 година, објави прес-службата на КОНМЕБОЛ.
Традиционално, екипи од други континенти играат на турнирот, но Австралија и Катар, кои добија покана, одбија да учествуваат. Купот на Америка требаше да се одржи во 2020 година, но поради пандемијата на коронавирусот, тој беше одложен за една година и се совпадна со квалификациите за СП во Азија во 2022 година.
Турнирот ќе се одржи од 11 јуни до 10 јули, за прв пат во историјата домаќини ќе бидат две земји – Колумбија и Аргентина. Екипите ќе бидат поделени во две групи. Во групата А ќе играат Аргентина, Боливија, Парагвај, Уругвај и Чиле. Во групата Б се Бразил, Венецуела, Колумбија, Перу и Еквадор. Четири екипи од секоја група ќе се пласираат во плеј-офот.

Дони ван де Бек е незадоволен со минутажата и статусот во Манчестер Јунајтед, бара да разговара со раководството на клубот и има желба да го напушти Олд Трафорд каде пристигна пред почетокот на сезонава.
Манчестер Јунајтед го доведе Холанѓанецот во трансфер вреден повеќе од 45 милиони евра, но 23-годишниот фудбалер не успеа да се избори за место во стартниот состав на „црвените ѓаволи“. Одигра само 13 лигашки натпревари за клубот, а на нив настапи во просек по 25 минути.
Поради насобраното незадоволство и стравот дека седењето на клупата би можело да го чини и место во холандската репрезентација, тој е подготвен на трансфер со кој повторно би ја презел улогата на носител на играта на друг клуб.
Неговиот договор со Манчестер Јунајтед е со трајност до 2025. година.