Баерн Минхен го обнови интересот кон Кристофер Нкунку од Челси, пренесуваат германските медиуми во вторникот. Шампионот на Бундеслигата повторно размислува за ангажирање на 27-годишниот фудбалер по повредата на Џамал Мусиала. Раководството на Баерн веќе се поврзало со Пини Захави, агентот на Кристофер Нкунку.

Манчестер Јунајтед и Барселона исто така покажуваат интерес за крилниот напаѓач.

Вардар, Работнички, Силекс, Шкендија – Кој ќе блесне во Европа!? ↓↓↓

Во јануари германскиот клуб се обиде да потпише со Французинот, но не беше подготвен да плати 70 милиони евра за него.

Челси преферира да го продаде Нкунку, отколку да го испраќа на заем.

Францускиот репрезентативец премина кај “сините” од РБ Лајпциг во 2023 година, а претходно беше во Пари Сен Жермен.

Челзи заработи 110 милиони долари од досегашниот настап на Светското клупско првенство. Клубот ќе добие уште 10 милиони долари ако победи во финалето.

Синоќа, тимот на Енцо Мареска го победи Флуминенсе со 2:0 и ќе се натпреварува за трофејот со победникот од другиот полуфинален натпревар помеѓу ПСЖ и Реал Мадрид.

Максималниот можен приход за еден клуб на Светското клупско првенство е 125 милиони долари.

Челзи загуби 2 милиони долари поради поразот од Фламенго со 1:3 во групната фаза, а за учеството на турнирот „Сините“ добија 35 милиони евра – 3 милиони помалку од максималниот можен износ за претставниците на УЕФА.

Тренерот на Челзи, Енцо Мареска откри дека Моисес Каиседо имал болки по повредата на глуждот за време на победата на неговиот тим против Флуминензе во полуфиналето на Светското клупско првенство.

Тимот на Мареска сега ќе игра против Пари Сен Жермен или Реал Мадрид во финалето на Светското клупско првенство во недела, но прашање е дали Каиседо ќе биде во тимот.

Еквадорскиот репрезентативец доби лекарска помош на теренот и се обиде да го доигра натпреварот, но 23-годишникот очигледно се мачеше да се движи и беше виден со мраз на глуждот по завршувањето на натпреварот.

“Тој чувствуваше дека може да го доигра мечот, се обиде, но почувствува болка. Засега не знаеме ништо. Се надевам дека ќе биде подготвен во недела, ќе видиме“, изјави Мареска.

Екипата на Милан покажа интерес за фудбалерот на Монако, Вилфред Синго. На италијанскиот клуб му е понудено да го ангажира 24-годишниот дефанзивец, а „росонерите“ размислуваа за понуда од околу 15 милиони евра и бонуси која ќе ја достава во текот на овие денови. Сепак, францускиот тим смета дека вредноста на Синго е околу 20-25 милиони евра.

Милан има и неколку други опции на позицијата дефанзивец, вклучувајќи ги Гела Дуе од Стразбур и Арчи Браун од Гент, како и Александар Зинченко од Арсенал.

Интер е подготвен да му дозволи на турскиот репрезентативец Хакан Чалханоглу да си замине за сума од 30 милиони евра. Тоа е цената која италијанскиот клуб ја постави за негова продажба.

Во исто време, Интер е решен само на брз договор, бидејќи има намера да го задржи играчот од средниот ред, сметајќи го за клучен играч. Доколку фудбалерот се појави на тренинг кампот, ќе биде отстранет од трансфер пазарот.

Претходно беше објавено дека Галатасарај покажува интерес за Хакан Чалханоглу, но досега нема ниту една официјална понуда за него.

Фудбалерите на Шкендија одигра абез погодоци (0-0) на првиот натпревар од 1. коло во квалификациите за пласман во Лигата на шампионите на гостувањето кај ТНС во Велс. Вечерва во меч во кој домашните имаа повеќе обиди кон голот на тетовци, на крајот не видовме ниту еден погодок, но овој резултат веројатно им дава сериозна шанса на нашите шампиони во реваншот на домашен терен.

ТНС не ја искористи предноста на домашниот терен и во Скопје ќе допатува практично од „нула“. Шкендија извади реми и следната недела ќе се обиде да се избори за пласман во 2. елиминациско коло.

Фудбалерите на Челзи обезбедија пласман во финалето на Светското клупско првенство со убедлива победа од 2-0 над бразилскиот тим Флуминенсе. Натпреварот се одигра на стадионот „Метлајф“ во САД, каде што англискиот претставник доминираше во текот на целиот меч.

Двата гола за „сините“ ги постигна Жоао Педро, во 18. и 56. минута, носејќи му на Челзи сигурна предност и контрола над играта. Педро е поранешен играч на Флуминенсе, па со вечерашните два гола успеа да го елиминира својот поранешен клуб.

Флуминенсе не успеа да се закани сериозно, и покрај неколкуте обиди во второто полувреме.

Челзи сега го очекува финалето, каде ќе се соочи со победникот од дуелот меѓу Манчестер Сити и Ал-Ахли.

Oд заминувањето од Пари Сен Жермен актуелна беше „војната“ помеѓу Килијан Мбапе и францускиот гигант.

Прво започна со барањето на Мбапе да му се исплати сумата за лојалјност која ПСЖ сметаше дека не ја заслужува затоа што не го продолжи договорот и замина во Реал Мадрид.

Неодамна се појави и информацијата дека францускиот голгетер испратил тужба за психичко вознемирување од „светците“.

Но, сега пристигнуваат нови информации дека Мбапе го подобрил односот со својот поранешен клуб и се откажал од тужбата.

НБА лигашот Њујорк го назначи Мајк Браун за нов тренер на местото на Тим Тибодо кој беше отпуштен минатиот месец, откако прв пат во последните 25 години го однесе клубот во конференциско финале на Истокот.

Браун, 55, кој зад себе има две награди тренер на годината, доби отказ во Сакраменто минатиот декември по повеќе од две сезони. Претходно беше тренер на Кливленд (2005-2010) и Лос Анџелес Лејкерс (2011-2012) и има скор од 454 победи и 304 порази.

– По темелен и обемен процес на пребарување, со гордост објавуваме дека Мајк Браун е главен тренер на Њујорк. Мајк тренираше на најголемите сцени во нашиот спорт и носи шампионско педигре во нашата организација, изјави претседателот на Њујорк, Леон Роуз.

Браун освои четири НБА титули како помошник тренер со Сан Антонио (2003) и Голден Стејт Вориорс (2017, 2018 и 2022), а го предводеше Кливленд до финалето во сезоната 2006/07 во кое беше поразен од Сан Антонио.

Управниот одбор на ФФМ донесе одлука за именување на Александар Таневски за селектор на новоформираната македонската репрезентација до 20 години.

Александар Таневски, во изминатите осум сезони од тренерската кариера има водено вкупно 196 официјални натпревари како шеф на стручен штаб во Првата и Втората македонска фудбалска лига.

Тренерската кариера ја започна во ФК Скопје, обезбедувајќи промоција во највисок ранг, истиот успех го повтори со ФК Македонија ЃП, тим со кој играше финале на Купот на Македонија и обезбеди место во Европските купови.

Работеше во Академија Пандев, а последниот ангажман го имаше во ФК Беса.