Двократниот европски првак Порто го назначи денеска Италијанецот, Франческо Фариоли за нов тренер.

Италијанскиот 36-годишен стратег потпиша двегодишен договор со португалскиот гигант, откако минатата сезона седеше на клупата на Ајакс, а претходно ја предводеше Ница.

Италијанецот го напушти Ајакс во мај, откако клубот од Амстердам со серија слаби резултати во финишот ја испушти шансата за освојување на својата 37 холандска титула.

Фариоли во Порто доаѓа на местото на Мартин Анселми, кој го напушти кормилото на португалскиот клуб по елиминацијата во групната фаза на Светското клупско првенство.

Порто заврши на третото место во домашното првенство минатата сезона, девет бодови зад шампионот Спортинг.

Виктор Осимен донесе неочекувана одлука каде ќе ја продолжи кариерата.

Нигерискиот напаѓач имаше бројни понуди од клубови ширум светот, но сепак, одлучи да остане во Галатасарај.

Осимен одби многу попрофитабилни понуди, како оние од Саудиска Арабија. Тој сакаше да остане во Европа и на крајот ќе го стори тоа, но не во најголемите европски лиги.

Осимен и Галатасарај постигнаа договор за условите, но турскиот клуб сега има уште еден проблем.

Галата треба да му плати на Наполи 75.000.000 евра и тоа е проблем. Турскиот клуб сега се обрати до разни компании низ целата земја за да собере пари за Нигериецот.

Арсенал е на добар пат да го потпише Виктор Ѓекереш, еден од најбараните напаѓачи во Европа во моментов.

Како што објави „Атлетик“, преговорите меѓу „Топџиите“ и играчот на Спортинг напредуваат добро и веќе се зборува за петгодишен договор за 27-годишниот Швеѓанец.

Во претходната сезона, со 54 гола на 52 натпревари, Ѓекереш му помогна на Спортинг да стигне до двојната круна.

Долго време неговото име се поврзува со Арсенал, и не е тајна дека преселбата во лондонскиот клуб е негова голема желба, сега наводно сите услови се веќе договорени.

Со доаѓањето на Андреа Берта како спортски директор на „Топџиите“, доведувањето на Ѓекереш беше поставено како еден од приоритетите на клубот.

Се шпекулира дека фиксниот дел од трансферот ќе изнесува 65 милиони евра, а уште 15 милиони Спортинг ќе може да заработи преку бонусите.

Борусија Дортмунд која од клупата ја предводи Нико Ковач стигна до четвртфиналето на клупскиот Мундијал каде што „милионерите“ беа елиминирани од Реал Мадрид, а по натпреварот хрватскиот стратег ги критикуваше терените во САД.

Големи прилика за израмнување Борусија имаше во самата завршница кога Куртоа се истакна со фантастична интервенција по ударот на Сабицер.

„Последната одбрана на Куртоа беше фантастична, мислев дека ќе постигнеме гол, но тој покажа дека е фантастичен голман. Натпреварот сепак го изгубивме во првото полувреме, но не е срамота да изгубите од тим како Реал Мадрид“.

За терените во САД вели дека се повеќе за голф отколку за фудбал.

„Тревата на која игравме тука е многу поразлична од Германија, но и од цела Европа. Ова повеќе наликува на теен за голф отколку за фудбал, многу е кратка. Исто така наводнувањето не е како што треба и играме на високи температури и сето тоа создава многу тешки услови за игра“, изјави Ковач.

Мартин Зубиаменди од денес и официјално е нов фудбалер на Арсенал

Фудбалерот од средниот ред од пред неколку месеци постигна договор со лондонскиот клуб, се споменуваше и Баерн, меѓутоа шпанскиот репрезентативец беше одлучен во намерата да соработува со својот сонародник Микел Артета.

Арсенал ја активираше откупната клаузула во договорот со Реал Сосиедад во висина од 60 милиони евра и така доведе замена за Томас Парти.

Со 26 години и статус на стандарден член на шпанската репрезентација, Зубиаменди пристигнува како фудбалер кој би требало идеално да се вклопи во формацијата која ја практикува Артета.

Потврдено е дека Зубиаменди во Арсенал ќе настапува со бројот 36.

Голем број клубови се заинтересирани да го ангажираат ова лето репрезентативецот на Гана, Мохамед Кудус, но лондонски Вест Хем досега ги отфрли сите понуди, вклучувајќи ја и последната од Тотенхем.

Сепак, како што јавуваат денеска англиските медиуми, вратата за евентуално заминување на Кудус не е затворена, а до Вест Хем пристигнуваат многу понуди.

Според добро информирани извори, најмалку шест елитни клубови се распрашувале изминатите неколку недели околу можноста за трансфер на Кудус, објави Би-Би-Си. Меѓу нив е и градскиот ривал на Вест Хем, Челзи.

Кудус се приклучи на Вест Хем од Ајакс во 2023 година за 38 милиони фунти, а неговиот договор со клубот од Лондон, што има важност до лето 2028 година, вклучува откупна клаузула од 85 милиони фунти.

Изминатите две сезони, Кудус одигра 65 натпревари во Премиер лигата во дресот на Вест Хем и постигна 13 голови, а додаде и 12 асистенции.

Литванскиот центар, засега, останува во Денвер, кој го гледа Јонас Валанчунас како клучна резерва за Никола Јокиќ.

Додека во Панатинаикос нетрпеливо чекаат разрешница на ситуацијата околу Валанчунас, од САД доаѓаат вести што нема да им се допаднат. Денвер Нагетс не сакаат да го пуштат.

Како што објави секогаш добро информираниот НБА инсајдер Марк Штајн, Валанчунас останува во НБА бидејќи Денвер го гледа како клучен играч од клупата, како резерва за најдобриот играч Никола Јокиќ. Иако

Литванецот, од вчера е во Атина, имал контакти со луѓе од Панатинаикос, но трансферот во моментов е на чекање.

Причината? Сè е дел од веќе договорената размена, Дарио Шариќ оди во Сакраменто, а Валанчунас во Колорадо.

Поранешниот хрватски репрезентативец Анте Ребиќ би можел наскоро да се врати на домашната сцена, а како негова можна нова дестинација се споменува сплитски Хајдук.

Ребиќ е слободен играч откако ја заврши епизодата во италијанскиот Лече, што го отвора патот за евентуален трансфер без отштета. Хајдук, според хрватските медиуми, веќе ги интензивирал преговорите со 31-годишниот фудбалер, кој играше клучна улога во репрезентацијата на Хрватска што стигна до финалето на Светското првенство во Русија во 2018 година.

Идејата за негово доаѓање во Сплит не е нова, но овојпат околностите се поинакви, Ребиќ е без клуб, а Хајдук гледа прилика да ангажира уште едно звучно име и да продолжи со политиката на доведување на познати хрватски играчи.

Клучна улога во целиот процес би можел да има Иван Ракитиќ, кој по завршувањето на играчката кариера доби раководна функција во Хајдук. Тој и Ребиќ се добри пријатели и поранешни соиграчи од репрезентацијата, па тоа во Хајдук би можеле да го искористат.

Иако Ребиќ не е во најдобра форма како пред неколку сезони, во Хајдук го гледаат како големо засилување и лидер на теренот.

На мечот меѓу Баерн Минхен и ПСЖ, Џамал Мусиала заработи хорор повреда поради која на носилки беше изнесен од теренот и однесен право во болница.

Повредата изгледаше шокантно, а „Билд“ ја открива и дијагнозата. Јамал ја скршил левата фибула и оштетил неколку лигаменти.

Прогнозите на германските медиуми велат дека Мусиала ќе биде надвор од теренот околу 4-5 месеци.

Диего Леон е нов играч на Манчестер јунајтед, објави англискиот клуб. Станува збор за 18-годишен фудбалер кој пристигна во Манчестер Jунајтед од тимот на Серо Портењо.

Финансиските детали и времетраењето на договорот не се откриени, но британските медиуми објавуваат дека клубот од „Олд Трафорд“ издвоил околу седум милиони фунти за овој трансфер.

Леон одигра 33 натпревари за сениорскиот тим на Сера Портењо и постигна четири гола. Тој е член на младинската репрезентација на Парагвај, а игра на позицијата лев бек.