Бешикташ е во преговори за потпис на напаѓачот на Наполи, Ромелу Лукаку.

Истанбулскиот клуб е подготвен да понуди 5 милиони евра за 33-годишниот белгиски репрезентативец, додека клубот од Неапол бара 10 милиони, објавува „Сабах“.

Договорот на Лукаку со Наполи е со важност до јуни 2027 година.

На 5 натпревари од Светското првенство во 2026 година, напаѓачот постигна 3 гола и направи 1 асистенција.

Американскиот репрезентативец Кристијан Пулишиќ доживеа микрофрактура на натпреварот од Светското првенство против Белгија, потврди репрезентацијата на САД.

Пулишиќ мораше да го пропушти натпреварот на САД од осминафиналето против Белгија и имаше добра причина за тоа. Репрезентацијата на САД потврди дека офанзивниот играч претрпел микрофрактура на десната нога.

Не е точно познато колку долго Кристијан Пулишиќ ќе биде надвор од терените, но очекувањата се дека нема да биде толку лошо.

Американецот моментално игра за Милан, чија сезона започнува на 23 август со мечот против Торино.

Француската репрезентација со победата од 2-0 над Мароко обезбеди пласман во полуфиналето на Светското првенство, а по натпреварот најмногу внимание привлече замената на Килијан Мбапе во самиот финиш.

Напаѓачот на Реал Мадрид повторно беше меѓу најдобрите на теренот и го постигна првиот гол за Франција, со што стигна до осмиот погодок на Мундијалот. Претходно не успеа да реализира пенал, но тоа не го спречи да остави силен впечаток.

Мбапе беше заменет поради болки во десниот зглоб, што предизвика загриженост кај францускиот табор. Сепак, самиот фудбалер по мечот порача дека ситуацијата не е сериозна.

„Добро сум, само имам мала болка во десниот зглоб. Секогаш мислам дека играчите на теренот треба да бидат на 100 проценти, затоа излегов. Матета во тој момент беше поспремен од мене“, изјави Мбапе.

Првиот четвртфинален натпревар на Светското првенство во Бостон донесе вистинска драма во која главниот фаворит Франција со 2:0 го елиминираше жилавиот тим на Мароко и обезбеди пласман меѓу четирите најдобри. Првиот дел од средбата помина во тактичко надмудрување, а најзрелата шанса за „триколорите“ пристигна во 27 минута. По прекршокот на Нусаир Мазрауи над Килијан Мбапе во шеснаесетникот, самиот капитен ја презеде одговорноста од белата точка. Сепак, мароканскиот голман Јасин Бону маестрално го прочита неговиот удар, сочувувајќи ја мрежата недопрена пред заминувањето на пауза.

Притисокот на избраниците на Дидие Дешамп конечно вроди со плод во 60-тата минута. По асистенцијата на Дезире Дуе, Мбапе се рехабилитираше за промашениот пенал и со прекрасен, прецизен удар во спротивниот агол донесе водство за својата земја. Само шест минути подоцна, Усман Дембеле со силен и неодбранлив шут од дистанца ја дуплираше предноста. Мала сенка на големата победа фрли 77-мата минута кога Мбапе мораше предвреме да го напушти теренот поради повреда на зглобот, иако самиот фудбалер по мечот изјави дека не се работи за сериозен проблем.

Со овој триумф, Франција испиша нови страници во фудбалската историја, пласирајќи се во своето трето последователно полуфинале на Мундијалите. Воедно, водечкиот гол на Мбапе беше негов 8-ми на овој шампионат (со што се израмни со Лионел Меси во трката за „Златната копачка“), а вкупно 20-ти во неговата кариера на Светските првенства. Додека за Мароко ова е крај на уште една импресивна приказна, Франција сега мирно го чека подобриот од вечерашниот мега-дуел меѓу Шпанија и Белгија.

Килијан Мбапе имаше уште една блескава партија на Светското првенство, тој ја доби наградата за најдобар фудбалер на мечот.

Франција со 2-0 ја победи селекцијата на Мароко, Мбапе постигна прекрасен гол со кој го отвори резултатот.

Французите делуваат многу моќно и доминантно, ретко се гледа на Светските првенства некоја селекција толку да отскокнува.

„Ова не е најсилниот тим на Франција, но е со најмногу потенцијал. Остекогаш сум велел дека најдобирте тимови се оние кои освојуваат. Имаме уште многу од патот. Знаеме дека она што доаѓа е потешко од она што го поминавме. Подготвени сме за она што е следно“.

Франција во полуфиналето ќе игра со победникот од дуелот меѓу Шпанија и Белгија.

Франција мина уште една пречка на Светското првенство, го совладаа Мароко со 2-0 и се пласираа меѓу четирите најдобри.

Французите доминираа во текот на целиот натпревар, Мароко речиси и да не создаде чиста шанса.

Но, Мароканците играа добра дефанзива и тешко беше да се пробијат.

Работите можеа да бидат поинакви во 28. минута, но тогаш Мбапе не реализираше пенал. Боно го одбрани неговиот удар.

Но, Мбапе се искупи во 60. минута кога постигна фантастичен гол за водство на Франција од 1-0.

Само шест минути подоцна Дембеле даде гол за 2-0, што беше и конечен резултат.

Франција во полуфиналето ќе игра со подобриот од дуелот меѓу Шпанија и Белгија.

Матеј Гаштаров ја продолжи верноста кон Црвена Звезда, откако белградскиот гигант му понуди нов договор со важност до 2029 година.

Младиот македонски фудбалер остави добар впечаток за време на летните подготовки, а тоа резултираше со нова соработка. Гаштаров веќе се запиша и меѓу стрелците на пријателските натпревари и ќе се обиде да избори место во првиот тим за новата сезона.

Играчот за врска пристигна на „Маракана“ во 2024 година, а досега има еден официјален настап за сениорскиот состав. Минатата сезона беше шампион на Србија со младинската екипа на Црвена Звезда, додека пролетниот дел од сезоната го мина на позајмица во Борац Чачак, каде што стекна драгоцено сениорско искуство.

Гаштаров е производ на школата на Вардар и стандарден младински репрезентативец на Македонија до 21 година. Новиот договор е уште една потврда дека во Црвена Звезда сериозно сметаат на неговиот развој во наредните години.

Арсенал го комплетираше првото засилување ова лето, откако и официјално го потврди ангажманот на голманот Илан Меслиер.

26-годишниот француски чувар на мрежата пристигнува како слободен агент, откако му истече договорот со Лидс Јунајтед. Според најавите, Меслиер во моментов ќе ја има улогата на трет голман во тимот на Микел Артета.

Вториот избор меѓу стативите и натаму е Кепа Аризабалага, но англиските медиуми пишуваат дека Шпанецот би можел да ја промени средината до крајот на преодниот рок во потрага по поголема минутажа.

Според „Атлетик“, доаѓањето на Меслиер ќе му овозможи на Арсенал да го испрати младиот Томи Сетфорд на позајмица, а ситуацијата може да се смени ако Кепа реши да замине.

Белгискиот голман Тибо Куртоа рече дека Шпанија е фаворит во претстојниот четвртфинален натпревар од Светското првенство, но додаде дека верува оти и неговиот тим има шанса.

„Шпанија е одличен тим. Мислам дека тие се еден од фаворитите за освојување на турнирот. Затоа очигледно почнуваме како аутсајдери против нив. Сепак, во фудбалот, сè е можно. Верувам дека можеме да победиме, со должна почит кон противникот. Но да, тие очигледно се фаворити“, рече Куртоа.

Белгиските фудбалери се подготвуваат за четвртфиналниот натпревар на Светското првенство против Шпанија, кој е закажан за утре во Лос Анџелес.

Шпанија влегува во четвртфиналето во извонредна форма, откако досега не прими ниту еден гол на турнирот. Сепак, Куртоа се надева дека неговото познавање на шпанскиот тим ќе ѝ даде на Белгија тактичка предност.

„Ми помага што ги познавам, повеќето од нив од шпанскиот фудбал, а некои и од Лигата на шампионите. Но, на крајот на денот, играме против Шпанија, а не против Барселона, Манчестер Сити или Арсенал. Сите ги знаат тие играчи“, рече голманот на Реал Мадрид.

Кога беше прашан за натпреварот против моќната Шпанија, Куртоа веднаш помисли на победата на Белгија од 2:1 над Бразил на Светското првенство пред осум години во Русија. Тоа изненадување го испрати неговиот тим во полуфиналето за прв пат по 32 години.

„Тие беа фаворити против нас, а можеби индивидуално имаа повеќе квалитет во тимот. Но, сега чувствувам дека сите ние сме одличен тим заедно и се бориме“, рече Куртоа.

Голманот истакна дека пресвртот против Сенегал, особено, ја покажа способноста на неговиот тим да верува до самиот крај.

„Важно е да се добиваат натпревари. Убаво е да се игра добро, но најважно е да се победува и да се натпреварува, и тоа е она што го направивме.“

Четвртфиналниот натпревар на Светското првенство помеѓу Белгија и Шпанија ќе се игра утре во 21:00 часот во Лос Анџелес.

Црвена Звезда заврши голема работа, бидејќи Џеред Батлер го продолжи договорот со клубот до сезоната 2027/28 година.

Американскиот бек пристигна во Белград на 23 октомври 2025 година.

За време на својата прва сезона во „црвено-белиот“ дрес, Батлер се етаблираше како еден од најдобрите напаѓачи во Евролигата со просек од 14 поени со четири асистенции и два скока.