Германскиот Бундеслигаш, Борусија Дортмунд го официјализираше трансферот на Донјел Мален од ПСВ, за кој плати 30 милиони евра.
Офанзивецот кој во составот на „Милионерите“ пристигна како директна замена за Санчо, кој сега е играч на Јунајтед, потпиша договор до јуни 2026. година.
Мален минатата сезона во дресот на ПСВ постигна 27 погодоци и запиша 10 асистенции.
Фудбалерот на Ливерпул, Џердан Шаќири, откри дека е подготвен за нови предизвици откако деновиве се појавија шпекулации дека за неговиот потпис е заинтересиран италијанскиот состав Лацио.
„Фудбалот ми помогна да реализирам многу соништа. Имав среќа да играм во големи тимови и да освојам многу награди. Мојот договор со Ливерпул истекува во 2022 година. Го следам Лацио подолго време. Би сакал да играм повеќе напаѓачки фудбал а Маурицио Сари го практикува тоа“, рече репрезентативецот на Швајцарија.
Ромелу Лукаку ова лето се поврзуваше со заминување од редовите на Интер, но како што стојат работите Белгиецот ќе остане во Милано.
Директорот на Интер Џузепе Марота зборуваше за иднината на Лукаку и ги реши сите дилеми ако и постоеа.
„Лукаку е недопирлив ова лето. Тој е наш клучен играчи нема цена за која би го продале“, изјави Марота.
Лукаку во Интер дојде летото 2019 година од Манчестер Јунајтед за 74 милиони евра.
Ливерпул се вклучи во траката за потписот на плејмејкерот на Реал Мадрид, Иско, пренесуваат медиумите на Островот.
Ливерпул е во потрага по наследник на Вајналдум, па иако се споменуваат многу имиња, сепак главна мета е токму Иско.
Иско минатата сезона не добиваше голема минутажа кај Зидан, а изгледа дека работите нема да се променат со доаѓањето на Анчелоти. Поради тоа Шпанецот е спремен да ја промени средината, а Ливерпул сака да ја искористи ситуацијата и веќе стапил во контакт со неговиот агент.
Иско влезе во последната година од договорот и Реал е спремен да го продаде, а за неговата слобода бара 18 милиони евра, сума која нема да биде проблем за Ливерпул.
Легендарниот англиски фудбалер Џон Тери повеќе не е помошник тренер на премиерлигашот Астон Вила, потврди клубот од Бирмингем.
Откако му помагаше на менаџерот на тимот Дин Смит во изминатите три години, Тери сега сака да ја испроба својата самостојна работа, како главен тренер.
„Размислував за својата професионална иднина и мислам дека не би било фер кон сите ако останев во тимот, и не сум сигурен дали ќе бидам таму цела сезона. Мојот план е да направам пауза, да поминам време со моето семејство, а потоа да посетам некои клубови ширум Европа и да продолжам да одам кон исполнување на мојот план, односно на позицијата главен тренер,“ – рече Тери.
За потсетување, Тери ја заврши кариерата во Астон Вила, а после тоа работеше како асистент од 2018 година.
Тотенхем започнал преговори за трансфер на ѕвездата на Сампдорија, Микел Дамсгард.
Ѕвездата на данската репрезентација кое со своите игри воодушеви на Европското првенство е мета на најголемите европски клубови.
Тотенхем сака да ја победи конкуренцијата и веќе започнал преговори со Сампдорија.
За 21-годишниот крилен напаѓач Сампдорија бара 35 милиони евра, додека првата понуда на „спарси“ е 25 милиони евра плус бонуси.
Поранешниот германски шампион Келн го потрошил речиси целиот капитал поради огромните загуби за време на пандемијата со корона-вирусите, изјави директорот на клубот, Александар Верле.
„Имавме загуба од 66 милиони евра од март 2020 година до јуни 2021 година. Акционерскиот капитал од 38,6 милиони евра, кој со голем напор го собравме со текот на годините е речиси потрошен“, рече Верле.
Тој нагласи дека клубот морал да обезбеди заем од 20 милиони евра од владата на Северна Рајна-Вестфалија.
Дефанзивецот на Ливерпул, Вирџил ван Дајк би можел во четврток на пријателскиот натпревар против Херта во Инсбрук да ги одигра првите минути по девет месеци надвор од теренот поради тешка повреда на коленото, која ја заработи на дерби натпреварот против Евертон.
„Ван Дајк изгледа доста добро на тренинзи, но се уште не сум сигурен дали ќе игра против Херта. Ако натпреварот го гледате како дел од опоравувањето, тогаш тоа има смисла. Тој би можел да одигра 20 минути, но мораме претходно да разговараме.“ – изјави Клоп за британските медиуми, кој првично беше против предвременото враќање на Ван Дајк на теренот.
Но, со оглед на тоа што добро се опорави од тешката повреда и добро тренира на подготовките во Австрија, Клоп го промени мислењето и би можел веќе во четврток да му даде минутажа на својот најдобар дефанзивец, кој беше еден од клучните играчи за Ливерпул во претходните сезони.
Џорџо Кjелини започна преговори со Јувентус за потпис на нов договор. Според медиумите во Италија барањата на Киелини се прилично високи.
Кjелини поради повреда го пропушти поголемиот дел од минатата сезона, но после одличното Европско првенство побара двегодишен договор од Јувентус со повисока плата.
Целта на капитенот на „Аѕурите“ на највиоско ниво да го дочека Мундијалот кој ќе се игра наредната година.
Претходната сезона Кjелини заработуваше 3.5 милиони евра, сега бара дополнителен еден ипол милион.
Поранешниот репрезентативец на Шпанија и напаѓач на Атлетико Мадрид, Фернандо Торес го одработи првиот тренинг како тренер во тимот каде ја започна својата кариера.
Популарниот „Ел Нињо“ се врати во клубот каде што се прослави како играч, за нив играше од 2001. до 2007. година, пред трансферот во Ливепрул.
Торес ќе работи во младинскиот „А“ тим како тренер, а се очекува наскоро да добие и посериозна улога во стручниот штаб на Симеоне.
