Бројот 4 кој во Реал Мадрид му припаѓаше на дефанзивецот Серхио Рамос, останува празен еден месец по заминувањето на играчот.

Според весникот „Марка“, никој од играчите не изразил желба да ја земе „четворката“ по напуштањето на клубот на екс-капитенот. Слична ситуација се случи во репрезентацијата на Шпанија, каде никој не го зеде бројот 15, со кој настапуваше Серхио Рамос.

Претходно стана познато дека Серхио, кој се пресели во ПСЖ, го зеде дресот со број 4 и ќе настапува со него.

Рамос го напушти Реал Мадрид на крајот на јуни поради истекот на неговиот договор. Тој играше за Кралскиот клуб од 2005 година. Со оваа екипа, 35-годишниот фудбалер стана шампион на Шпанија пет пати, освои два Купа и четири Суперкупа на земјата, четири пати ја освои Лигата на шампионите, стана трикратен освојувач на Суперкупот на УЕФА и четирикратен победник на Светскиот клупски куп.

Милан го потврди трансферот на Фоде Бало-Туре кој доаѓа од Монако.

„Росонерите“ за 24-годишниот лев бек платија 4,5 милиони евра и Туре ќе биде алтернатива за Тео Хернандес.

„Милан со задоволство може да соопшти перманентен ангажман на Фоде Бало-Туре од Монако. Дефанзивецот потпиша договор со росонерите до 30 јуни 2025 година и ќе го носи дресот со број 5“, стои во соопштението на Милан. 

Бало Туре потекнува од школата на ПСЖ, а фудбалската афирмација ја доживеа во Монако каде минатата сезона одигра 30 меча и го привлече вниманието на Милан.

Работнички доведе ново засилување од Белорусија. Александр Позњак потпиша договор со клубот од Дебар Маало и треба да претставува засилување за одбранбената линија на тимот.

Позњак (26) е искусен дефанзивец кој игра на стоперската позиција, но одлично се снаоѓа и како лев страничен играч. Доаѓа од белорускиот прволигаш Динамо Брест, а во кариерата настапувал и за Шахтјор Солигорск, Немам Гродно, Городеја. Тој е поранешен младински репрезентативец на Белорусија, а има еден настап и за сениорскиот национален тим.

„Веруваме дека Александр Позњак, со оглед на квалитетот и на искуството, брзо ќе се вклопи во тимот на Работнички и ќе го подигне нивото во одбранбената линија. Тој веднаш се приклучи на тимот, денеска имаше индивудуален тренинг, а веќе од утре ќе биде на располагање на тренерот Александар Влахо“, вели спортскиот директор, Горан Станковски.

Аргентина минатиот викенд на Маракана го победи Бразил и ја освои првата титула на Копа од 1993. година.

Титулата шампион на Јужна Америка беше прва голема титула која Меси ја освои во дресот на Аргентина и по натпреварот за многумина најдобриот фудбалер во историјата беше пресреќен.

Не се сеќаваме дали некогаш сме го виделе Меси така добро расположен и среќен, а колку му значи таа титула, покажа и со објавата на Инстаграм.

Фотографијата со пехарот од Копа во рекорден рок собра повеќе од 20 милиони „лајкови“ и така стана најпопуларната објава на некој спортист на оваа социјална мрежа.

Кошаркарите на Соединетите американски држави ја победија Шпанија во генералната проба пред Олимписките игри. Натпреварот во кој се сретнаа двете водечки селекции на светот отиде на страна на САД, кој ги совлада актуелните светски прваци со 83:76.

Ова беше четврт подготвителен натпревар за Американците пред Олимписките игри во осум дена, забележаа две победи и два порази.

Натпреварот беше решен со серијата 23:6, која започна во третата и траеше и во четвртата четвртина.

Демијан Лилард уфрли 19 поени, а Келдон Џонсон, кој само што пристигна во репрезентацијата како замена за Бредли Бил, додаде 15. Во редовите на шпанската репрезентација најдобар беше Рики Рубио, кој натпреварот го заврши со 23 поени.

Лука Јовиќ нема среќа, повторно се повреди и нема да игра на првата контрола. Напаѓачот на Реал Мадрид, Лука Јовиќ се повреди на еден од првите тренинзи на тимот и нема да учествува на првите конктролни средби пред стартот на новата сезона.

Повредата не е сериозна, бидејќи Србинот во моментов тренира одвоено од главната група заедно со Маријано Дијаз, Родриго и Ферлан Менди, кои исто така се жалат на разни повреди.

Јовиќ имаше големи надежи за добар учинок на предсезонските натпревари. Тој сака да остане во „кралскиот клуб“ и се надева дека ќе ја добие довербата од Карло Анчелоти.

Во исто време, управата е сè уште подготвена да го продаде играчот. Реал Мадрид плати 65 милиони евра за Јовиќ на Ајнтрахт (Франкфурт), но за две години Лука Јовиќ одигра само 21 натпревар во Ла Лига и минатата сезона беше на позајмица во германскиот клуб.

Барселона е силно заинтересирана за португалскиот репрезентативец, Ренато Санчез, пренесуваат шпанските медиуми.

Португалецот ја „оживеа“ својата кариера во Лил, каде веќе втора сезона игра фантастично и го привлече вниманието на многу европски гиганти. Санчез играше одлично и на Европското првенство, а откако ја освои титилата со Лил спремен е да направи чекор напред во кариерата.

Барселона е во потрага по квалитетен играч за врска, а најголема желба на тренерот Куман е токму Ренато Санчез. Каталонците стапиле во контакт со неговиот агент и го сакаат Португалецот на едногодишна позајмица со право на откуп следното лето.

Лил за слободата на Ренато Санчез бара 40 милиони евра, а Барса ќе мора да ја победи конкуренцијата бидејќи за него интерес покажуваат уште Ливерпул и Јувентус.

Хари Кејн сака да замине од Тотенхем и врши притисок врз клубот да му дозволи трансфер ова лето. Новиот тренер Нуно Еспирито Санто изјави дека Кејн ќе отане, но капитенот на Англија зборувал со сонародниците и им кажал дека сака да си замине.

Како негова следна дестинација се споменуваше Манчестер сити, но во борбата за неговиот потпис се вклучил и Челзи.

„Сините“ преговараат и со Ерлинг Халанд, но со оглад на фактот дека тој трансфер е исклучително тежок, сега ќе се насочат кон Хари Кејн.

Тотенхем би можел да се договори со Челзи затоа што го сака Тами Абрахам, кој има голем квалитет, но не добива шанса кај тренерот Томас Тухел.

Ајакс успеа да му зададе голем удар на големиот ривал Феенорд.

Нов играч на Ајакс e Стивен Бергхуис за кого Ајакс плати 5.5 милиони евра оштета. Ривалството помеѓу Ајакс и Феенорд е едно од најголемите во фудбалот и Бергуис од денес сигурно важи за „предавник“.

„Имам 29 години и не е тајна дека сакам да одам чекор напред. Важно ми е да се развивам како гудбалер. Со изборот на новиот клуб си овозоможив борба за трофеи, а и играње за репрезентацијата во иднина“, изјави Бергуис.

Навивачите на Феенорд брзо се огласија откако нивниот миленик потпиша за Ајакс.

„Се чувствуваме измамено и предадено, но тоа не треба да не плаќи. Не ги поддржуваме ваквите работи. Очигледно е дека не постоел ниту процент клупска љубов, станува збор за други работи“, наведено е во објавата на навивачите од Ротердам.

Новиот тренер на Евертон, Рафа Бенитез веќе работи на тоа да ги подготви плановите за новата сезона, меѓутоа истите би можеле да се променат бидејќи клубот планира да го продаде Хамес Родригез.

Самиот Бенитез посочи дека активно ќе биде во потрага по засилувања на трансфер пазарот, меѓутоа и додаде дека некои фудбалери со големи плати ќе мораат да си заминат за да се задоволат потребите од правилникот за финансискиот фер-плеј.

„Сите добро знаеме дека овој клуб потроши многу пари во изминатите неколку години, тоа значи дека Финансискиот фер-плеј е фактор“ рече Бенитез.

„Доколку имате фудбалери со големи плати кои не играат, тогаш се обидувате да пронајдете решение за таа ситуација, а решението можеби е во ангажман на нови фудбалери“ додаде шпанскиот фудбалски стратег.

„Дејли Мејл“ сепак го вметна Родригез како еден од фудбалерите на Евертон кој би можел да биде продаден овој летен преоден рок, а најмногу поради неговата висока плата која изнесува седум милиони фунти по сезона.