Некогашната голема ѕвезда на Манчестер Ј., Вејн Руни не е импресиониран од квалитетот на напаѓачите во Премиер лигата. Сметан за еден од најдобрите играчи во историјата, легендата на Манчестер Јунајтед, постигна 208 голови во Премиерлигата во текот на својата кариера и го крена посакуваниот шампионски трофеј петпати.

„Ми се допаѓа Матета. Тој е несмасен. Не изгледа баш најдобро на око, но ги зафаќа одбранбените играчи. Тој им ја отежнува играта на дефанзивците кога се обидуваат да се справат со него. Тоа им овозможува на другите играчи да влезат во мали простори. Затоа ми се допаѓа. Но, освен тоа, играчите со број 9 излегуваат од играта. Тешко се наоѓа добар голгетер“, вели Руни.

Крилото на Манчестер Сити, Савињо, е на чекор од потпишување нов долгогодишен договор што ќе го задржи на Етихад до 2031 година. 21-годишниот Бразилец е во завршна фаза од преговорите, со јасна желба од двете страни да се обврзат на долгорочна соработка. 

Уште летово, Сити покажа колку го цени Савињо, одбивајќи неколку сериозни понуди од Тотенхем, вклучително и такви над 70 милиони евра. Иако преминот во Лондон можеше да му донесе повеќе минути и поголема улога пред Светското Првенство, клубот беше непопустлив, а и Пеп Гардиола имаше збор. 

Тренерот одигра клучна улога во убедувањето на младиот крилен играч да остане, истакнувајќи колку е важен за иднината на тимот.  

Минатата сезона настапи на 45 меча, со 10 асистенции и 2 гола. 

Со новиот договор на повидок и цврста поддршка од клубот, Савињо изгледа подготвен да одигра клучна улога во иднината на Манчестер Сити. 

Рио Нгумоха потпиша нов долгорочен договор со Ливерпул, со што ќе остане на Енфилд до јуни 2028. 17-годишниот крилен напаѓач, кој неодамна го прослави роденденот, се проби од академијата до првиот тим и веќе е дел од долгорочните планови на клубот. 

Го привлече вниманието со драматичен победнички гол во 100-тата минута против Њукасл, станувајќи најмладиот стрелец во историјата на Ливерпул во Премиер Лигата. Откако пристигна од академијата на Челзи во септември 2024, брзо се наметна со својата брзина и завршница. 

Оваа сезона го направи и својот деби настап во Лигата на Шампионите, а новиот договор само го потврдува неговиот растечки статус кај тренерот Арне Слот. Клубот го гледа како важна фигура на левото крило, каде ќе конкурира со поискусни фудбалери. 

Развојот на Нгумоха е дел од стратегијата на Ливерпул да инвестира во младински талент и да гради тим за иднината. Клубот верува дека младиот напаѓач ќе игра значајна улога во годините што доаѓаат. 

Фабио Канаваро моментално нема работа и бара нова работа по неуспешната епизода на клупата на Динамо.

Очигледно не му недостасуваат понуди, бидејќи Кина му ја понудила функцијата селектор, позиција што веќе ја имал, но италијанскиот тренер ја одбил понудата.

Николо Скира известува дека Канаваро ја одбил понудата од Кина бидејќи чека понуда од Европа. Се надева дека ќе може да тренира европски клуб и затоа во моментов не е заинтересиран за позицијата тренер на Кина, но не е исклучено нешто да се промени бидејќи Кинезите работат на враќање на Канаваро на клупата.

Канаваро накратко ја водеше Кина во два пријателски натпревари во март 2019 година. Во двата натпревари што ги загуби, Узбекистан и Тајланд ја победија Кина со резултат од 1:0. Тој остави свој белег во кинескиот клупски фудбал, водејќи ги Гуангжу и Тјанџин Тјанхаи.

Канаваро отиде во Динамо на крајот од 2024 година. Во 14 натпревари со Динамо, тој победи седум пати и имаше дури пет порази. Беше ангажиран да го надомести заостанувањето зад Хајдук и Риека на врвот на ШНЛ, но под негово водство, лидерот ја зголеми својата предност пред Динамо во првенството.

Македонскиот клуб од Австралија, Престон Лајонс одигра пријателски натпревар со Пелистер кој го доби битолскиот клуб со 1-0 (1-0), со погодок постигнат од пенал од Бобан Здравевски во вториот дел.

Поради одредени зафати на стадионот „Петар Милошевски“ во Битола, денешниот меч се одигра во Новаци.

Клучниот момент се случи во 66. минута, Пелистер доби пенал поради игра со рака на фудбалер на Престон, сигурен од белата точка беше Здравевски.

Следна дестинација за Престон Лајонс ќе биде Охрид каде што ќе одиграат уште еден пријателски меч пред да се вратат во Австралија.

Претседателот на Наполи, Аурелио Де Лаурентис, упати сериозно предупредување за иднината на фудбалот, тврдејќи дека спортот е „осуден на смрт“ ако не се направат големи промени. Според него, денешниот фудбал изгледа застарено и бавен, неспособен да го задржи вниманието на новите генерации кои се сè повеќе наклонети кон побрзи и поинтерактивни форми на забава. 

Во најновите изјави, Де Лаурентис го критикува недостатокот на иновација во фудбалот и предупредува дека без храбри чекори, спортот ќе стане ирелевантен.  

Меѓу неговите предлози се: намалување на Серија А на 16 екипи, зголемување на натпреварите што се емитуваат на бесплатна телевизија, како и продолжување на договорите со играчите до 8 години за финансиска стабилност. Исто така, тој ја критикува недоволната искористеност на стадионите и предлага подобро управување со нив. Де Лаурентис се залага и за реформирање на европските натпреварувања со воведување на нова голема лига што би ги замениле Лигата на Шампионите и Лига Европа, со цел поголема атрактивност и финансиска одржливост. 

„Светот се промени,“ вели тој, посочувајќи на скратеното внимание кај публиката и растечкото влијание на дигиталните платформи. Без адаптација кон овие промени, тој смета дека фудбалот ќе ја изгуби својата културна и економска тежина. 

Изјавите доаѓаат во период кога многумина во спортот се прашуваат како да се најде баланс помеѓу традицијата и напредокот. Апелот на Де Лаурентис е директен повик до фудбалските власти да размислат како играта се структуира, промовира и доживува. 

Фудбалерот на Интер Мајами, Лионел Меси, постигна два гола ноќеска во победата од 0-4 на гостувањето кај Њујорк Сити ФК.

Ова беше дуел од 31.коло во американската МЛС-лига.

Триесет и осумгодишниот Аргентинец со овие два погодока стигна до 24 и се одвои на врвот на листата стрелци.

Зад Меси се наоѓаат Денис Буанга од Лос Анџелес со 22 и Сем Сариџ од Нешвил со 21 гол.

Аргентинскиот напаѓач на Атлетико Мадрид, Хулијан Алварез, постигна три гола во мадридското дерби против Рајо Ваљекано во 6-то коло од шпанската Ла Лига. Натпреварот заврши со победа од 3:2 за Атлетико Мадрид.

Алварез е третиот аргентински играч од 2020 година што постигнал хет-трик или повеќе од три гола во еден натпревар од Ла Лига.

На 22 февруари 2020 година, Лионел Меси постигна четири гола во победата од 5:0 над Еибар. Само Алварез и Валентин Кастељанос постигнале три или повеќе гола меѓу Аргентинците. Алварез се приклучи на Атлетико Мадрид во август 2024 година. Неговиот договор со клубот е со важност до 2030 година. Оваа сезона, Аргентинецот постигна четири гола и една асистенција во шест натпревари.

Дефанзивецот Вилијам Салиба се договори за нов договор со Арсенал. Се очекува дефанзивецот да го потпише договорот во наредните денови објави „Атлетик“

Се очекува централниот дефанзивец да потпише долгорочен договор во наредните денови, вели изворот.

Тековниот договор на Французинот е со важност до 30 јуни 2027 година.

Оваа година, Реал Мадрид беше заинтересиран за фудбалерот , но самиот Салиба изјави дека сака да остане во лондонскиот клуб.

Фудбалската федерација на Македонија (ФФМ) информира дека сите билети наменети за македонските навивачи за квалификацискиот натпревар Белгија – Македонија (10.10.) за пласман на СП 2026 се целосно распродадени.

Во изминатите три недели на располагање беа ставени речиси 1.000 билети, кои беа понудени за продажба преку официјалната платформа на ФФМ и се целосно резервирани од нашите поддржувачи.

Упатуваме голема благодарност на навивачите за интересот и поддршката која македонската репрезентација ќе ја има во Гент за мечот против Белгија.

Поради релативно малиот капацитет на стадионот во Гент, немаме можност за дополнителна количина на билети.