Интер е многу блиску до комплетирање на трасферот на напаѓачот на
Џенова, Алберт Гудмудсон, пренесува „Газета дело Спорт“.
26-годишниот Исланѓанец блеска оваа сезона во дресот на Џенова и
го привлече вниманието на многу европски клубови.
„Газета дело Спорт“ пренесува дека Гудмундсон сака да остане во
Италија и веќе постигнал договор со Интер, а Џенова за неговиот
потпис бара 30 милиони евра.
Двата клуба се во одлични односи, а „нероаѕурите“ се спремни за
потписот на напаѓачот да понудат 25 милиони евра.

Фудбалерот од средниот ред на Џирона, Алекс Гарсија, веројатно ќе
добие понуда да се пресели во екипата на Барселона во текот на
летото, наведуваат дел од медиумите во Шпанија.
26-годишниот фудбалер има играно за Виљареал, Манчестер Сити,
Мускрон, Динамо Букурешт и Еибар пред да се врати во Жирона во
2021 година.
Каталонците сакаа да го земат Гарсија во јануари но, не испратија добра понуда. Џирона за неговиот потпис бара од 30 до 40 милиони евра.

Челниците на фудбалскиот состав Ливерпул имаат желба да го
ангажираат крилниот напаѓач на Јувентус, Федерико Киеза, како
евентуална замена за Мохамед Салах кој со едната нога е надвор од
„Енфилд“.
26-годишниот играч кој се соочи со серија на повреди, не влегува во
плановите на тренерот, Алегри и лесно може да си замине од Торино.
Трансферната сума би била околу 40 милиони евра. Киеза има 119
натпревари, 29 голови и 22 асистенции за „старата дама“ .

Напаѓачот на Тотенхем, Тимо Вернер, кој игра како позајмен од
Лајпциг, може да остане во лондонскиот клуб, пренесуваат медиумите од – „колевката на фудбалот“.
Според изворот, управата на „Спарси“ е задоволна од настапот на 28-
годишниот Германец и планира да му понуди перманентен договор.
Вернер кој одигра 23 натпревари за англискиот тим со ефект од 4
голови и 3 асистенции, има пазарна вредност од околу 17 милиони
евра.

Пред два дена Дани Алвеш беше ослободен од затвор во Барселона, каде што беше осуден на 4,5 години откако за силување девојка во ноќен клуб на 31 декември 2022 година.

Кауцијата од еден милион евра беше платена во текот на вчерашниот ден, па Бразилецот можеше да излезе на слобода. Бидејќи сметките на Дани Алвеш беа замрзнати, исплатата не можеше да се изврши од неговата сметка, па мораше некој да му помогне.

Најпрво, на Дани Алвеш му биле исплатени 150.000 евра од Нејмар, за да и плати отштета на девојката и тоа беше олеснителна околност за Бразилецот во одредувањето на затворската казна.

Многумина мислеа дека токму Нејмар ја платил кауцијата од милион евра, но сега пристигнуваат информации дека тоа го направил уште еден негов соиграч од Барселона – Холанѓанецот Мемфис Депај

Манчестер Јунајтед има намера да ја засили позицијата на централен дефанзивец во претстојното лето и за таа цел го интензивираше преговарачкиот процес со Јувентус за потписот на 27-годишниот фудбалер на торинскиот клуб Бремер, објави „Калчомеркато“.

Според изворот, раководството на „црвените ѓаволи“ сфаќа дека ќе мора да има сериозна конкуренција во борбата за потписот на бразилскиот дефанзивец, па решиле што поскоро да ги интензивираат преговорите со Јувентус. Покрај Манчестер Јунајтед, за Бремер се заинтересирани и Челзи, Ливерпул и Тотенхем.

Да потсетиме, Бремер сезонава учествуваше на 29 натпревари во сите натпреварувања, на кои постигна два гола. Актуелниот договор на играчот со клубот е до летото 2028 година, а неговата пазарната вредност е 60 милиони евра.

Штедењето на Рома ќе биде присутно и во следните неколку години.
„Волчицата“ ќе мора да внимава со доведување на нови фудбалери
поради големиот број играчи на платниот список.
Неколку фудбалери би требало да го напуштат Рим на крајот од оваа
сезона, а како што пренесува „Газета“ на некои нема да им бидат
обновени договорите за позајмица, а на други ќе им завршат. Расмус
Кристенсен, тој ќе се врати во Лидс, Ренато Санчез во ПСЖ, а
Хјусеин во Јувентус.
Нови договори нема да им бидат понудени на Руи Патрисио и Пјетро
Буро, голмани кои ќе бараат нова средина.
Рома ќе претрпи повеќе промени бидејќи нема да го купи Лукаку од
Челзи за 43 милиони евра, меѓу другото и поради тоа што платата на
овој фудбалер е превисока (13,8 милиони евра на годишно ниво).
Покрај тоа, има играчи на позајмица во Рома како Анхелињо,
Љоренте и Азмун кои многу лесно би можеле да го напуштат клубот.
Исто така, Леонардо Спинацола е фудбалер чиј агент во јануари
изјави дека ќе го напушти клубот, но можеби работите сега се
промените бидејќи Де Роси по доаѓањето на клупата посериозно
смета на него.

Поранешната бразилска ѕвезда, Маркос Евангелиста Де Мораиш, или
попознат како Кафу, се наоѓа во огромни финансиски проблеми,
јавуваат тамошните медиуми.
Кафу беше еден од најдобрите светски бекови и ја доживеа
најголемата слава како играч на Рома и Милан, но денес има
финансиски потешкотии кои го натераа да го продава својот имот за
да избегне дополнителни проблеми за него и неговото семејство.
53-годишниот Бразилец jа понудил на аукција неговата луксузна вила која ја купил за сума од 7,5 милиони евра, а сега ќе мора да ја продаде за дупло помалку пари.
Вилата е составена од шест луксузни апартмани и двор од 2000
квадратни метри, а на имотот има и фудбалски терен, терен за голф,
мини-кино и мал спа-центар.

Ливерпул направи список со кандидати за менаџерската функција во
нивниот клуб, пренесува „Дејли Мејл“. Според изворот, клубот од
„Енфилд“ бара млад стручњак кој меѓу другото ќе се развива во
клубот.
Кандидати меѓу тренерите се Чаби Алонсо (Баер Леверкузен),
Роберто де Зерби (Брајтон) и Рубен Аморим (Спортинг Лисабон).
Актуелниот менаџер Јирген Клоп веќе најави дека без разлика на
исходот од сезоната , тој на крајот на сезоната ќе го напушти
„Енфилд“.
Во текот на наредните месеци раководството на Ливерпул ќе мора да
одлучи кој ќе биде наследник на Клоп на клупата на Ливерпул по
неговото заминување.

Екипата на Интер која е на чекор до освојувањето на титулата во
Серија А е се поблиску до потпишување на договор со бразилскиот
репрезентативец Бенто, но допрва треба да постигне конечен договор
со неговиот клуб Атлетико Параненсе. „Нероаѕурите“ го следат 24-
годишниот голман од летото 2023 година, кога договорот не се
оствари и Интер се засили со Јан Зомер.
Договорот на Бенто со Атлетико Параненсе е до декември 2026
година, но тој е подготвен да го направи следниот чекор во кариерата
и да ја напушти татковината за да се пресели во Европа.
Бенто веќе некое време е на радарот на Интер, преставници на Интер
лично го посетиле Бразил, а голманот е подготвен да го направи
следниот чекор во кариерата во Италија. “Тутоспорт“ истакнува дека
проблемот е што Атлетико Паранаенсе има ослободителна клаузулаод 60 милиони евра и сака најмалку 15 милиони евра за да го продаде ова лето.
Интер, од своја страна, нема намера да потроши 15 милиони евра за
нов голман, па двете страни преговараат за зделка од околу 8 милиони евра, на која ќе се додаде процент од следната продажба на Бенто.