Светлата на Сантјаго Бернабеу повторно работат до доцна во ноќта, враќајќи ја добро познатата драма на фудбалскиот пазар. По неговото заминување од Бенфика и реизборот на Флорентино Перез за претседател на клубот, Жозе Мурињо не губеше време. Португалскиот стратег одржа маратонски состанок зад затворени врати со управата на Реал Мадрид за да го дефинира агресивниот план за претстојниот преоден рок, испраќајќи јасна порака до Европа дека клубот подготвува целосен ремонт.

Атмосферата на средбата била исполнета со апсолутна синергија. По последователните разочарувања на домашната сцена и прераните елиминации во Лигата на шампионите, Перез и Мурињо се обединети во ставот дека на тимот му е потребна радикална промена на културата. Мурињо, кој го започнува својот втор мандат во шпанската престолнина, доби максимални овластувања во креирањето на составот. Тој нагласи дека приоритет ќе биде гладта за победи и тимската кохезија, наместо индивидуалните ега кои го нарушуваа балансот во соблекувалната.

Додека повеќето европски гиганти во јуни сè уште ги анализираат опциите, раководството на „Кралевите“ реагираше експресно за да му ги обезбеди на Мурињо клучните столбови за неговата препознатлива дефанзивна структура. Трансферите на централниот дефанзивец на Ливерпул, Ибрахима Конате, и десниот бек на Интер, Дензел Думфрис, се практично договорени, па наскоро се очекуваат и нивните официјални промоции.

Сепак, оние кои мислат дека Реал ќе запре тука, се лажат. Ставот на Бордот е дека во наредните недели мора да се реализираат уште две до три засилувања за целосно да се комплетира ротацијата. Мурињо јасно им стави до знаење на директорите дека му е потребен уште еден стопер кој ќе му се приклучи на Конате и ќе ја зацврсти одбраната која минатата сезона лесно примаше голови. Португалецот бара разновидни, тактички зрели профили кои можат лесно да се прилагодат на игра со четворица во дефанзивата или со тројца стопери во поофанзивна формација.

Откако се дефинираа контурите на одбраната, фокусот на состанокот веднаш се префрли на средниот ред. Мурињо инсистира на носење на барем еден елитен играч, а официјалните преговори се закажани за крајот на оваа недела. Португалскиот менаџер бара специфичен спој на тактичка дисциплина и физичка моќ, дефанзивен профил кој ќе го диктира темпото и ќе биде штит за одбраната, но и креативец кој знае како да ги пробие затворените дефанзивни линии на противниците.

Од друга страна, потрагата по звучно име во нападот неочекувано наиде на пречка. Преговорите со Атлетико Мадрид за Хулијан Алварез во моментов се во целосен застој поради големите разлики во обесштетувањето. Иако неуспехот брзо да се договори елитен напаѓач би предизвикал паника кај други тренери, Мурињо останува смирен. За него, приоритетот во овој момент е чисто структурен: прво да се стабилизира одбраната, да се засили средниот ред и да се изгради компактен тим подготвен да го остави срцето на теренот, пред да се брка гламурот во нападот.

Арсен Венгер смета дека Франција има доволно квалитет за да го освои следното ФИФА Светско првенство. Истакна дека репрезентацијата поседува широк избор врвни играчи, искуство од големите натпреварувања и континуитет во работата на стручниот штаб.

Венгер оценува дека тимот е добро избалансиран и може рамноправно да се носи со најсилните селекции во светот. Посебно нагласува длабочината на кадарот, односно можноста Франција да задржи висок ниво на игра и кога ќе дојде до ротации или проблеми со повредите.

Според неговото мислење, главниот предуслов ќе биде екипата да остане здрава и клучните фудбалери да бидат во добра форма за време на турнирот. Со такви околности, верува дека Франција има реални шанси да ја освои светската титула повторно.

Фулам води преговори со поранешниот тренер на Реал Мадрид, Алваро Арбелоа, за да го стави на чело на тимот по заминувањето на Марко Силва. Португалскиот стратег го напушти Фулам по петгодишна работа и премина во Бенфика, а лондонскиот клуб сега бара долгорочно решение. Краткиот мандат на Арбелоа во Сантијаго Бернабеу заврши во вторникот, што го прави достапен за нова работа.

Фулам го бара својот нов главен тренер откако Силва во почетокот на месецов се пресели во Бенфика како замена за Жозе Мурињо. Португалецот пристигна во Фулам во 2021 година и уште во првата сезона го донесе клубот до титулата во Чемпионшип. Потоа следеа стабилни сезони во Премиер лигата, каде клубот под негово водство заврши на 10-то, 13-то и 11-то место во претходните две сезони.

Сезоната 2024/25 беше особено успешна, бидејќи клубот освои рекордни 54 бодови, што е најдобриот резултат во нивната историја учествувајќи во Премиер лигата. Истата позиција, 11-то место, ја повторија и оваа сезона со победа од 2-0 против Њукасл во последното коло.

Алваро Арбелоа стана слободен тренер откако пред два дена го заврши шестмесечниот ангажман во Реал Мадрид, отворајќи пат за враќање на Жозе Мурињо на чело на „кралскиот клуб“. Арбелоа, кој претходно ја водеше резервната екипа на Реал, беше назначен на 12 јануари, по смената на Алонсо. Неговиот мандат започна со шокантно испаѓање од Купот на кралот од второлигашот Албасете. Во Лигата на шампионите, под негово водство, Мадрид беше запрен во четвртфиналето со вкупен пораз од 4-6 од Баерн, додека во лигата ја завршија сезоната на второто место, осум бода зад шампионот Барселона.

Селекторот на Англија, Томас Тухел, ги процени шансите на својата репрезентација да го освои Светското првенство во 2026 година.

-Ние не сме фаворити. Не можеме да бидеме затоа што не сме го освоиле турнирот многу години. Има тимови на ова првенство кои постигнале поголем успех. Поставуваме највисоки цели за себе и знаеме што е потребно. Одговорноста е став и таму е нашиот фокус. Се гледаме себеси како претенденти. Сакаме да одиме до крај, но не мислам дека сме фаворити, изјави Тухел за „ESPN“.

Кога го прашаа кого смета за фаворит за турнирот, тренерот ја издвои Португалија како тим на кој треба да се внимава, со оглед на успехот на нивните играчи на клупско ниво во сезоната 2025/26.

Светското првенство започнува на 11 јуни и ќе се одржи во САД, Канада и Мексико.

Англија ќе игра во истата група со Хрватска, Гана и Панама.

Фудбалскиот судија од Сомалија Омар Абдулкадир Артан мораше да ги напушти Соединетите Американски држави и се врати во својата татковина преку Истанбул. По доаѓањето во Могадишу на свечена церемонија го дочекаа стотици симпатизери со национални знамиња.

Официјалните лица на аеродромот во Мајами не му дозволија влез во САД поради јунскиот декрет на администрацијата на американскиот претседател Доналд Трамп. ФИФА дополнително потврди дека првиот Сомалиец, кој требаше да суди на Светско првенство нема да биде меѓу судиите поради мерките на САД кон неговата држава.

Артан (44 години) ланската година беше прогласен за најдобар африкански судија и се заблагодари на меѓународната федерација со надеж за продолжување на соработката. Тој требаше да го суди натпреварот од групната фаза меѓу Чешка и Јужна Кореја, а ФИФА сè уште нема одредено негова замена.

Тотенхем го потврди и второто засилување за новата сезона, потпиша со Маркос Сенеси од Борнмут.

„Спарси“ и Роберто де Зерби имаат големи планови за трансфер пазарот, и се очекува да биде инвестирани неколку стотици милиони фунти на засилувања.

Но пред да бркне длабоко во џебот, Тотнем денеска го потврди и второто бесплатно засилување ова лето.

Откако потпиша со Енди Робертсон од Ливерпул, Тотнем сега го соопшти и трансферот на Маркос Сенеси од Борнмут.

Аргентинецот беше на радарот на неколку клубови ширум Европа, но на крајот пресуди неговата желба да остане во Премиерлигата и да се пресели во Лондон.

„Да се биде играч на Тотнем е многу посебно чувство. Уште од првиот момент, клубот покажа зошто ме сака и колку многу сака да бидам дел од она што го градат. Тоа е возбудливо и нешто во кое едвај чекам да бидам вклучен. Секогаш кога ќе стапнам на теренот, ќе го давам најдоброто од себе за да ги направам навивачите горди и да го вратам клубот на местото каде што припаѓа. Сакам да освојувам трофеи со Тотнем и ќе направам сè што можам за тоа да се случи“ – вели Сенеси

Тренерот Де Зерби објасни зошто го ангажирале Аргентинецот: „Искуството на Маркос, неговиот квалитет со топка и натпреварувачкиот дух ќе нè направат посилни во одбраната, а истовремено ќе ни дадат и флексибилност во формацијата.“

„Тој се чувствува удобно во тим кој игра со посед на топката, многу добро ја чита играта и има личност да напредува во средина со високи барања. Исто така, ми се допаѓа неговиот менталитет и желбата постојано да се подобрува, и со нетрпение очекувам да работам со него и да го видам големиот придонес што може да го даде за тимот.“

Вечервашниот натпревар (21.00 часот по средноевропско време) помеѓу домаќинот Мексико и Јужна Африка го отвора 23-то Светско првенство во фудбал. Во следните пет недели (39 дена), нè очекуваат рекордени 104-ти натпревари. Финалето ќе се одигра на 19 јули во Њу Џерси кога ќе добиеме нов светски шампион.

Дали Лионел Меси и неговите „гаучоси“ ќе ја одбранат титулата освоена пред четири години во Катар? Или Кристијано Роналдо конечно ќе се искачи на врвот на светот со Португалија?

Ниеден од нив не е меѓу главните фаворити. Таа улога првенствено ја имаат актуелните европски шампиони, Шпанија, веднаш зад нив се „триколорите“ предводени од Килијан Мбапе и Англичаните со Хари Кејн.

Може ли некој да ги отпише Бразилците, кои ќе бидат предводени од големиот Карло Анчелоти од клупата? Или Германците, четирикратните светски шампиони?

Се проценува дека повеќе од шест милиони навивачи ќе ги наполнат стадионите за време на турнирот, а уште шест милијарди луѓе ширум светот ќе го следат натпреварувањето преку разни медиуми, што потврдува дека ова ќе биде најголемиот независен спортски настан на сите времиња.

Многу предизвици ги очекуваат сите учесници, на и надвор од теренот. Временските услови и долгата дистанца ќе бидат дополнителен предизвик за организаторите и за навивачите.

Во секој поглед, овогодинешното Светско првенство ќе биде историско, првото на кое ќе учествуваат дури 48 национални тимови и првото што ќе го организираат три земји како домаќини.

Турнирот ќе се одржи од 11 јуни до 19 јули 2026 година. Ќе биде заеднички организиран од три северноамерикански земји – Канада, Соединетите Американски Држави и Мексико.

Натпреварите ќе се играат во 11 американски градови, три во Мексико и два во Канада.

Ова ќе биде вкупно 23-то Светско првенство на ФИФА. Титулата ја брани Аргентина, бидејќи на претходното Светско првенство во Катар 2022 година, тие ја победија француската репрезентација во финалето дури по подобро изведување на пенали (2:2, 3:3 – 4:2).

Рекордер е Бразил со пет титули светски шампиони, по што следат Германија и Италија со четири, Аргентина со три, Франција и Уругвај со две, и Англија и Шпанија со по една титула.

Исто така, ова ќе биде првото Светско првенство кое ќе го организираат повеќе од една нација од 2002 година (Јужна Кореја и Јапонија), додека Мексико ќе стане првата земја што ќе биде домаќин или ко-домаќин на три Светски првенства, откако претходно беа домаќини на Светското првенство во 1970 и 1986 година.

Канада, Мексико и САД автоматски се квалификуваа за турнирот како земји домаќини, додека Зелено’ртските Острови, Курасао, Јордан и Узбекистан ќе го имаат своето деби на Светското првенство.

Фудбалскиот клуб Тиквеш денеска потврди дека во наредната сезона на кормилото на клубот ќе биде Оливер Богатинов.

Кавадаречкиот клуб го потврди Богатинов и најави високи амбиции за следната сезона.

„Со големо задоволство му посакуваме Добредојде на Оливер Богатинов во ГФК Тиквеш 1930.

Постигнавме договор за двегодишна соработка со тренер чие искуство, професионален пристап и кариера изградена во високо конкурентни фудбалски средини претставуваат значајно засилување за нашиот клуб.

Ова не е одлука донесена за краткорочен успех, туку чекор кој целосно се вклопува во нашата долгорочна визија: развој на млади играчи, модерен фудбал и создавање стабилен и препознатлив клуб на европската сцена.

Веруваме дека заедно започнуваме ново поглавје исполнето со амбиција, развој и напредок.

Неговото назначување е јасен показател за амбициите и стандардите што ГФК Тиквеш 1930 ги поставува за својата иднина“, стои во соопштението.

Гонзало Гарсија, Фран Гарсија, како и Брахим Диаз, Едуардо Камавинга и аргентинското „чудо од дете“ Франко Мастантуоно, не се во плановите на Жозе Мурињо за првата сезона по враќањето во Мадрид.

Со оглед на тоа што Португалецот сè уште не е официјално претставен на стадионот „Бернабеу“, ова тврдење на новинарот на радио „Кадена Сер“ може да изгледа неосновано и произволно, но…

Исто така, добро е познато дека Мурињо често почнувал да работи во клубови со случајна „чистка“ во соблекувалната. Така, на пример, го отстрани Бастијан Швајнштајгер од првиот тим на Манчестер Јунајтед пред дури и да го направи првиот тренинг со германскиот ас.

Оние кои знаат како „работи“ Мурињо потсетуваат дека на овој начин го зголемува притисокот врз челниците на клубовите каде што работи да доведат засилувања – веднаш, а не по една или две сезони – бидејќи им укажува „на време“ кои се слабите алки во соблекувалната.

Новиот менаџер на Челзи, Чаби Алонсо, побарал од клупските челници да се обидат да го реализираат трансферот на Арда Гулер. Наводно Челзи, до Реал Мадрид ќе испрати понуда од 115 милиони евра.

Чаби Алонсо има желба повторно да соработува со 21-годишниот турски репрезентативец.

„Челзи подготвува понуда од 100 милиони фунти (115 милиони евра) за играчот од средниот ред на Реал, Арда Гулер. Тоа е експресно барање на Чаби Алонсо“, објавија англиските медиуми и додадоа: „Тие го гледаат турскиот интернационалец како приоритет на „Стемфорд Бриџ“. Сепак, Реал Мадрид во моментов нема намера да го продаде Гулер во текот на летото“.

Покрај Челзи, интерес за турскиот фудбалер покажуваат Арсенал и Ливерпул.