Хакан Чалханоглу е клучен фактор во играта на Интер и во моментов се смета за еден од најдобрите везни фудбалери во светот, па неговото присуство секако е круцијално во системот на Симоне Инѕаги.

Турскиот репрезентативец прерасна во вистински лидер на теренот под водство на Инѕаги и има извонредна сезона во дресот на Интер, но сега ќе мора да направи мала пауза од теренот.

Лекарските прегледи покажале дека Чалханоглу го завршил со повреда последниот натпревар против Лече, поради што ќе мора да направи пауза.

Интер во своето соопштение вели дека добра вест е што не се работи за посериозно истегнување на мускулот, па затоа ќе се направи нова проценка за неговата состојба во наредните неколку дена.

Во овој момент сигурно е дека Чалханоглу ќе го пропушти дербито против Аталанта кое се игра во среда, а неизвесен ќе биде и за настап против Џенова.

Баерн Минхен е во потрага по нов тренер кој ќе го наследи Томас Тухел кој на сегашната функција ќе остане до крајот на актуелнава сезона.

Кој ќе седне на жешкото столче на „Алијанц Арена“ се уште не е познато, а меѓу имињата кои се споменуваа беше онаа на поранешниот германски селектор, Јоаким Лев кој доби можност да се огласи на оваа тема и воедно да се отпише од трката.

„Веројатно има причини зошто не сакам да бидам тренер на Баерн. Баерн веројатно не е заинтересиран за мене како тренер, а и јас немам интерес за Баерн. Доволно долго бев селектор на Германија. Во моментов не доаѓа предвид да станам тренер во германски клуб. Цели 17 години патував низ оваа земја, бев на сите стадиони… Германија има добри клубови, но тие не ми се доволна мотивација, -рече Лев кој се уште се нема повлечено од фудбалот.

Не сум се повлекол од фудбалот, но на крајот на сезоната ќе видам дали ќе има понуди. Можеби некој ќе бара квалификуван тренер за селектор на репрезентација. Ќе видам што ќе ми биде достапно“, заклучи искусниот стручњак кој има 64 години.

Дани Алвес со 43 освоени титули, најтрофејниот фудбалер во историјата, е осуден на четири и пол години затвор за силување. Барселона, клубот во кој го мина најголемиот дел од кариерата, реагираше со бришење на неговото име од листата на клупски легенди.

Да потсетиме, Алвес беше затворен во процесот во кој беше одлучено дека на 30 декември 2022 година силувал 23-годишна жена во ВИП делот на ноќен клуб во Барселона.

Тој беше во притвор од 20 јануари минатата година, а судската постапка траеше до 7 февруари годинава. Петнаесет дена подоцна ја дознал пресудата.

На таа пресуда реагираше и Барселона. Алвес, кој за клубот одигра повеќе од 400 натпревари и со него освои се што е можно, повеќе нема статус на клупска легенда.

Во 125-годишната долга историја на клубот, 102 фудбалери кои го носеа дресот на Барса го стекнаа тој статус. Меѓу нив до неодамна беше и 40-годишен Бразилец.

Рафаел Варан и Касемиро не е задоволни од тоа како се одвиваат
работите во Манчестер Јунајтед и се спреми да го напуштат клубот.
Двајцата не се во добри односи со тренерот Тен Хаг и жалат што го
напуштија Реал Мадрид, а и Јунајтед е спремен да ги пушти на крајотна сезоната.
Англиските медиуми пишуваат дека претседателот на Реал Мадрид,
Флорентино Перез размислува да ги врати на „Сантиаго Бернабеу“.
Перез сака да ги врати во клубот затоа што му се потребни искусни
фудбалери кои ќе им помогнат на младите да се прилагодат подобро
во тимот.

Поранешниот тренер на Реал Мадрид, Зинедин Зидан одговори на
прашање за можна работа во италијанското првенство.
Педесет и едногодишниот Французин присуствуваше на премиерата
на документарниот филм за поранешниот селектор на Јувентус и
Италија, Марчело Липи. Таму беше прашан за можна работа во
Серија А.
„Зошто да не, се може да се случи. Сега правам други работи, но ќе
видиме. Се разбира, би сакал повторно да се вратам на работа“, го
цитира новинарот Џанлука Ди Марцио одговорот на Зидан.
Зидан е без ангажман од летото 2021 година, кога по втор пат во
својата тренерска кариера го напушти Реал Мадрид.

Поранешниот фудбалер за врска на германската репрезентација и на
Баерн Минхен, Лотар Матеус, ги оцени шансите на Томас Тухел да ја
заврши сезоната на кормилото на Баварците.
„На натпреварот против Лајпциг, тимот работеше барем во фази и по
долго време видов состав што можам да го разберам. По тој дуел,
верувам дека Тухел веројатно ќе издржи до крајот на сезоната во
однос на резултатот и ефикасноста“, изјави Матаус цитиран од Скај
Спорт Германија.

Марко Ројс изгради легендарен статус во Борусија Дортмунд, но по завршување на сезоната веројатно дека ќе го напушти „Сигнал Идуна Парк“.

Како што пренесуваа медиумите во Германија големи се шансите тој по 14 години да замине од Дортмунд, но ќе остане во Бундеслигата и ќе се пресели во Мехегладбах.

Токму од Мехенгладбах Ројс се пресели во Дортмунд, каде досега одигра 415 натпревари, притоа постигна 167 голови и 126 асистенции.

Тео Хернандез е еден од најважните фудбалери на Милан и клубот сака уште долго да го задржи во своите редови.

Францунот игра фантастично и се етаблираше во еден од најдобрите леви бекови во Европа, па е на мета на многу европски гиганти.

Тео Хернандес има договор со „росонерите“ до 2026 година, но Милан е спремен да му понуди нов договор со значително повисока плата.

Тео е еден од најважните играчи во тимот и моментално заработува 4 милиони евра по сезона, а со новиот договор ќе се израмни со Рафаел Леао со плата од 7 милиони евра годишно.

Реал Мадрид е заинтересиран за дефанзивецот на Баер Леверкузен, Џереми Фримпонг, пренесуваат шпаските медиуми.

Фримпонг пристигна во Леверкузен од Селтик за 11 милиони евра и се етаблираше во еден од најдобрите бекови во Бундеслигата. Анчелоти сака да ја засили десната бековска позиција на лето е спремен да испрати понуда за 22-годишниот Фримпонг.

За него интерес покажуваат и клубовите од Премиер лигата, па се очекува голема битка за неговиот потпис.

Сепак, Реал Мадрид е фаворит за неговиот потпис и веќе почнал преговори со неговиот агент.

Трофеите во Карабао Купот најмалку се ценат од цело фудбалско
опкружување на Островот, но Јирген Клоп порача дека денешната
титула освоена на „Вембли“ е најспецијална во целата негова
тренерска кариера.
„Ми рекоа дека не се освојуваат трофеи со деца, но еве ви еден убав
пример. Во цела моја тренерска кариера која трае повеќе од 20години, ова е најпосебниот трофеј кој сум го освоил. Понекогаш ме
прашувате дали сум горд на ова, или она. Посакувам да почувствувате вакво нешто, денеска сум горд апсолутно на се, – изјави Клоп кој за финалето на можеше да смета на Алисон, Арнолд, Собослаи, Жота, Салах и Нуњез.
Кога ги погледнав лицата на младите играчи по мечот, едноставно
можев да создадам приказна која никогаш нема да ја заборавам. Ова
беше како фудбалска приказна за нив, децата од академијата играат
против врвен тим и остварија победа. Ова е посебен трофеј, знаете во
какви околности го пречекавме финалето, а за време на мечот станаа и полоши. Оваа ноќ никогаш нема да ја заборавам, ако некој не го дели моето мислење, тоа е сосема во ред. Ова ќе биде незаборавен спомен за мене“, изјави Клоп.