Работнички остана без тренерот Алпарсан Ердем и неговиот помошник Бобан Бабунски, откако управата реши да направи промени во стручниот штаб по слабиот почеток на сезоната.

„Романтичарите“ веќе подолго време се во криза и не знаат за победа цели осум натпревари во Првата македонска фудбалска лига, што беше јасен сигнал дека нешто мора да се промени. Раководството на клубот процени дека е време за нова енергија и свежи идеи на клупата.

Ердем и Бабунски го напуштаат тимот по неуспешниот старт, а очекувањата се дека наследникот ќе биде назначен за време на репрезентативната пауза. Работнички на 23 ноември ќе гостува во Тетово против Шкендија, а на тој меч ќе има нов тренер на клупата.

По 13 одиграни кола, Работнички се наоѓа на претпоследното место на табелата со само седум освоени бода, па јасно е дека тимот го чека тешка битка за опстанок во елитното друштво.

Во фудбалскиот свет повторно се отвори старата расправа за тоа кој е најдобриот играч на сите времиња, а овојпат во центарот на вниманието се Кристијано Роналдо и легендарниот „бразилски“ Роналдо.

Португалецот неодамна гостуваше во емисија на Пирс Морган, каде без двоумење изјави дека се смета за најдобар фудбалер во историјата. Неговата изјава предизвика бројни реакции, а најгласен меѓу нив беше славниот Луис Назарио да Лима, човекот кој за многумина е симбол на вистинскиот напаѓач.

„Кристијано Роналдо вели дека е најдобар во историјата? Некои луѓе имаат многу самодоверба. Јас повеќе сакам другите да зборуваат за мене отколку јас самиот. Тој е еден од најдобрите фудбалери што сме ги гледале, но најдобар? Не се согласувам. Сепак, го почитувам неговото мислење и би рекол дека е меѓу најдобрите десет“, изјави Роналдо за медиумите во Бразил.

Легендарниот напаѓач во својата богата кариера трипати беше прогласуван за најдобар фудбалер во светот и освои сè што може да се освои, како со репрезентацијата на Бразил така и на клупско ниво. Кристијано, пак, има пет „Златни топки“ и бројни трофеи во Англија, Шпанија и Италија, но единствената круна што му недостасува е титулата светски првак.

Италијанскиот фудбалски стратег многу често знае да одбере проект кој носи многу пари, а малку фудбалски предизвик, така е и овојпат, ќе биде тренер на Ал Сад.

Манчини утре лета за Катар да ги финализира преговорите со Ал Сад и да потпише договор со овој тим. Двете страни начелно се договориле.

Тренерот кој ѝ сврте грб на Италија за да биде селектор на Саудиска Арабија поради голема понуда од оваа земјна, повторно се реши да избере проект каде што има петродолари.

Бразилскиот играч од средниот ред на Манчестер Јунајтед, Каземиро, би можел да остане во клубот и по крајот на сезоната, според информациите од Англија. Играчот од средниот ред се сметаше за сигурно заминување, но под водство на Рубен Аморим, 32-годишникот стана клучен играч за „Црвените ѓаволи“.

Договорот на Каземиро со Јунајтед истекува следното лето, но самиот Аморим ќе инсистира на негово продолжување. Раководството на клубот е подготвено да ја исполни желбата на менаџерот, но под еден услов. За да го стори тоа, Каземиро ќе мора значително да ја намали својата моментална плата од 300.000 фунти неделно.

Каземиро ќе наполни 33 години во февруари. Сепак, статистиката покажува дека Манчестер Јунајтед се справува многу подобро со него во тимот. Тимот примил само пет од своите дваесет гола од почетокот на сезоната, кога Бразилецот е на теренот.

Фудбалерот на Ливерпул, Вирџил ван Дајк, смета дека во моментов нема смисла да се гледа табелата во англиската Премиер лига.

„Нема смисла да се гледа табелата, тоа е сè. Мислам дека е едноставно бесмислено за нас. Ако губите толку натпревари колку што сме изгубиле ние, не мислам дека треба да ја гледаме табелата во моментов. Но, доволно долго сум во фудбалот за да знам дека сезоната не се решава во ноември или декември. Работите навистина стануваат интересни во март или април, кога почнува да се појавува големата слика. Сакаме да бидеме на врвот, но сè уште има долг пат и многу напорна работа. Затоа мора да останеме скромни и да продолжиме да работиме – тоа е нашата единствена цел и единственото нешто на кое треба да се фокусираме“, го цитира ESPN 34-годишниот Холанѓанец.

Ливерпул е петти на табелата во Премиер лигата со 18 бода по 11 натпревари. Арсенал води со 26 бода.

Шпанскиот напаѓач Ламин Јамал поради повреда ќе ги пропушти натпреварите против Грузија и Турција во квалификациите за Светското првенство во 2026 година.

„Медицинскиот персонал на шпанската репрезентација изразува изненадување и загриженост што на 10 ноември, денот на официјалниот почеток на тренинг кампот со репрезентацијата, фудбалерот Ламин Јамал беше подложен на инвазивна радиофреквентна процедура за лекување на непријатност во препоните. Оваа процедура беше извршена без претходно известување до медицинскиот персонал на репрезентацијата. Деталите станаа познати само од извештајот добиен вчера вечерта кој содржеше медицинска препорака за одмор од 7-10 дена“, се вели во соопштението на веб-страницата на Шпанската фудбалска федерација.

Во октомври, каталонскиот весник „Спорт“ објави дека 18-годишниот фудбалер страда од пубалгија, но Јамал подоцна ги отфрли гласините за неговата повреда како лаги.

На 15 ноември, шпанската репрезентација ќе игра против Грузија, а на 18 ноември ќе играат против Турција во квалификациите за Светското првенство во 2026 година.

Македонската репрезентација од 21 година во Охрид се подготвува за претстојните два натпревари во квалификациите за Европското првенство.

Во овој циклус избраниците на селекторот Горан Станиќ ќе одиграат два меча и тоа на домашен терен. Прв противник в четврток ни е Шведска, а пет дена подоцна следува соочувањето со Полска.

“Очекувам два тешки натпревари, но играме дома и тоа многу значи. Ќе дадеме сè од себе да ги искористиме шансите и да освоиме бодови пред нашата публика. Мислам дека одигравме коректно, имаше добри делови во нашата игра, но и моменти кога не реагиравме најдобро. Сепак, покажавме дека имаме потенцијал и дека можеме да се носиме со секоја екипа. Можевме да освоиме повеќе бодови, но за жал на тие натпревари не ги искористивме шансите. Правевме грешки кои противниците ги казнуваа. Ќе работиме на тоа, важно е да учиме и да напредуваме од секој натпревар”, изјави Димитар Трајков

Двата натпревари се играат во Битола, а почетокот е закажан за 17 часот.

Македонската фудбалска репрезентација втор ден се подготвува за завршните два натпревари во оваа година.

Првиот в четврток против Летонија е контролен и тоа ќе биде одлична можност за селекторот Благоја Милевски да ја провери формата на играчите кои се во комбинација и за клучниот натпревар во квалификациите против репрезентацијата на Велс.

“Секој натпревар има свој важност без разлика дали тој е контролен или квалификациски. Наша примарна цел како и секогаш е да се прикажеме во најдобро светло особено кога знаеме дека дуелот против Летонија е проверка пред исклучително важниот дуел со Велс”, истакна Александар Трајковски.

Ова е шести меѓусебен дуел, а во претходните пет имаме исто толку победи. На последните три на Летонците не им дозволивме да постигнат ниту еден погодок додека ние шест пати ја затресовме мрежата на противникот.

“Не треба да се потценува ниту еден противник. Секоја репрезентација има свои предности и недостатоци. Летонија е вистинска селекција која за еден квалитетен тест пред гостувањето во Кардиф. Овој натпревар треба да го искористиме за подобрување на одредени сегменти во нашата игра и да бидеме на уште повисоко ниво во однос на претходните натпревари”, продолжи нашиот репрезентативец.

Според моменталната ситуација на табелата во нашата квалификациска група за освојување на втората позиција ќе ни треба најмалку нерешен резултат против Велс, но овој тим никогаш не се занимавал со калкулации и секогаш одел на победа,

“Сите фудбалери и членовите на стручниот штаб на секој натпревар размислуваме само за победа. Прво сакаме триумф на мечот со Летонците и тоа ќе биде одлична увертира пред клучниот натпревар со Велс. Овој период треба максимално да го искористиме за подготовка и за соочување во Кардиф на кое ќе дадеме се од себе да одиграме најдобро што можеме и да стигнеме до резултат што ќе ни овозможи да го задржиме второто место го групата”, заврши Трајковски.

Фудбалската репрезентација на Македонија влегува во завршната фаза од подготовките за првиот од двата дуели што ќе ги одиграме во следниве десет дена.

Пред патувањето за Кардиф каде следниот вторник против Велс ќе го одиграме решавачкиот натпревар за освојување на второто место во групата, нашите најдобри фудбалери в четврток ги очекува контролниот меч со Летонија.

“Без разлика што натпреварот против Летонија не е во рамките на квалификациите ние сакаме да победиме. Дуелот в четврток е сосема различен во она што не очекува на гостувањето во Кардиф, но мечот со Летонците е одлична проверка во пресрет на најважниот натпревар во оваа година”, изјави Тихомир Костадинов.

Оваа селекција веќе има искуство во играње на клучни натпревари во одредувањето на редоследот на табелата во некој квалификациски циклус или настап во Лигата на нации.

Според моменталната ситуација се чини дека на натпреварот во Кардиф ќе ни треба најмалку бод за потврда на втората позиција која ни носи пласман во баражот за учество на Светскиот шампионат.

“Без разлика на резултатот на Велс на гостувањето против Лихтенштајн, ние во последниот натпревар во квалификациите влегуваме со намера да се надигруваме и нормално дека сакаме да победиме. Во минатото сме играле вакви мечеви, знаеме како да се подготвиме не само на тактички туку и на психолошки план и верувам дека против Велс ќе забележиме позитивен резултат”, заврши Костадинов.

Нико Херисон повеќе не е генерален менаџер на Далас Маверикс.

Дека Херисон ќе добие отказ, вчера најави добро информираниот новинар Марк Штајн. Навивачите на Далас се израдуваа на оваа информација, Херисон е човекот кој решида го размени Лука Дончиќ.

Во февруари 2025 година, шокантни информации се проширија низ целиот свет, Далас Маверикс го разменија Лука Дончиќ во Лос Анџелес Лејкерс во замена за пакет во кој се беше Ентони Дејвис.

Мавс, притиснати со повредите беа ужасни в вториот дел од минатата сезона, но имаа среќа и го добија правотот да први да бираат на драфтот. Се решија за генерацискиот талент Купер Флег.

Многу луѓе сè уште мислат дека Далас направи голема грешка што го пушти Дончиќ да си замине, затоа што Лука во моментов ги води Лејкерси до фантастичен почеток со 7 победи во нивните први девет натпревари, додека Маверикс се на дното на Западот со две победи и седум порази.

Далас Маверикс не ги распродадоа сите билети за првиот натпревар на домашен терен оваа сезона за прв пат од 2001 година.