Патиките на петкратниот НБА првак Коби Брајант, со кои го одигра својот дебитантски натпревар во почетниот состав на Лос Анџелес Лејкерс, се продадени на аукција за 240.000 долари, објави аукциската куќа SCP Auctions.

Брајант го имаше своето деби во дресот на Лејкерси на 28 јануари 1997 година, против Далас. Натпреварот заврши со резултат 102:83 во корист на ЛА Лејкерс, а Брајант постигна 12 поени и додаде три скокови и две асистенции.

Брајант беше избран од Шарлот на НБА драфтот во 1996 година и истата година беше продаден на ЛА Лејкерс каде ја мина целата своја кариера. Со Лејкерси освои пет шампионски титули (2000, 2001, 2002, 2009, 2010).

Брајант загина во хеликоптерска несреќа на 26 јануари 2020 година, во близина на Лос Анџелес. Во уривањето на леталото загинаа сите девет патници и членови на екипажот, вклучувајќи ја а 13-годишна ќерка на Коби Брајант, Џана.

Тренерот на фудбалерите на Комо, Сеск Фабрегас, сака да го засили нападот со Алваро Мората кој треба да биде ангажиран на позајмица од екипата на Милан.

Според претседателот на клубот, Мирван Суваро, 32-годишниот напаѓач ги договорил личните услови со Комо.

Мората во еден период играше како позајмен играч во Галатасарај но, турскиот гигант не се определи да му го откупи договорот.

Лоренцо Пелегрини, капитенот на Рома би можел да го напушти кубот до крајот на преодниот рок.

„Калчомеркато“, тврди дека капитенот на „волчицата“ добил зелено светло од тренерот Џанпјеро Гасперини за трансферот.

Милан, Интер и Наполи се заинтересирани за услугите на 29-годишниот фудбалер. Според обложувалниците најголем фаворит за потписот на Пелегрини е Милан.

Пелегрини е дете на Рома. Тој е во клубот од почетокот на својата кариера.

Досега, на 316 натпревари за првиот тим на Рома, постигна 55 голови и забележа 59 асистенции.

Миралем Пјаниќ го оцени трансферот на Лука Модриќ, во Милан. Хрватот ќе работи под диригентската палка на Масимилијамо Алегри.

„Макс го управува тимот подобро од кој било друг. Модриќ има победнички менталитет, тој ќе додаде вештина, искуство и смиреност во играта.

Тој е еден од играчите што му се допаѓаат и му се потребни на Алегри, заедно ќе работат одлично. Да видиме дали ќе биде доволно за Скудетото“, рече некогашниот играч за врска на Јувентус

Раководството на Реал Мадрид веќе идентификуваше замена за Винисиус Жуниор, бидејќи преговорите за нов договор со бразилскиот крилен напаѓач се во застој.

Доколку ѕвездата на Реал Мадрид замине поради интересот од Саудиска Арабија, тимот од Мадрид ќе се сврти кон ѕвездата од Премиер лигата, Ерлинг Халанд.

Ѕвездата на шпанскиот гигант има уште две години од својот тековен договор, но бара значително зголемување на платата за да може повторно да потпише.

Според различни извори, Бразилецот бара повисока плата од онаа што моментално ја добива Килијан Мбапе.

Претседателот на клубот, Флорентино Перез, веќе одреди кој ќе го замени Винисиус доколку тој одлучи да го напушти „Сантијаго Бернабеу“. Прв избор на тимот останува ѕвездата на Манчестер Сити, Ерлинг Халанд, бидејќи Перез сонува да ја види норвешката машина за голови во нападот покрај Мбапе.

Микел Артета јасно стави до знаење дека навивачите на Арсенал ќе мора да бидат малку потрпеливи пред да го видат новото засилување Виктор Ѓокереш во тимот на „Топџиите“.

Се очекуваше новиот напаѓач, купен за 64 милиони фунти, да дебитира на пријателскиот натпревар против Тотенхем, што ќе биде првото дерби на Северен Лондон што ќе се игра надвор од Обединетото Кралство.

Швеѓанецот веќе е во Сингапур со своите нови соиграчи и беше официјално претставен пред победата од 3:2 над Њукасл во Хонг Конг. Сепак, Артета нагласи дека медицинскиот персонал на клубот прво мора да ја процени неговата физичка состојба.

На прашањето дали Ѓокереш ќе учествува на утрешниот тренинг и ќе биде достапен за дербито во четврток, Артета одговори:

„Не мислам дека имал ниту еден тренинг со тимот од неговиот последен натпревар за Спортинг, кога станаа шампиони. Ќе процениме утре – ги помина сите медицински тестови, сè изгледа во ред, но многу е важно да го достигне потребното ниво на физичка подготвеност. Не сакаме да го задржиме, сакаме да биде со нас што е можно поскоро, но прво мора да ја процениме ситуацијата, а тоа ќе биде работа на медицинскиот тим“ рече Артета.

Шведскиот репрезентативец, кој ќе го носи иконскиот број 14, ќе се обиде брзо да се придружи на тренинзите на Арсенал.

Неговата цел е да биде во оптимална форма за првиот натпревар на Арсенал во Премиер лигата – против Манчестер Јунајтед на 17 август.

Поранешниот напаѓач на Баерн, Томас Милер, е подготвен да потпише договор со канадскиот клуб Ванкувер до декември 2026 година.

Ова го објави новинарот Николо Шира на социјалната мрежа X. Претходно беше објавено дека Ванкувер е најреалната опција за Милер, и покрај интересот од други клубови од МЛС лигата.

35-годишниот напаѓач го напушти Баерн во летото 2025 година по завршувањето на Светското клупско првенство. Вкупно, Томас Милер одигра 756 натпревари за тимот од Минхен во сите натпреварувања, постигнувајќи 250 гола и 276 асистенции.

Како дел од Баерн, Милер освои 33 трофеи, вклучувајќи две титули во Лигата на шампионите. Германскиот играч е и светски шампион во 2014 година.

Играчот од средниот ред на Спортинг Лисабон, Мортен Хјулманд, се најде на радарот на Јувентус. Според „Тутоспорт“, клубот од Торино го гледа 25-годишниот Данец како приоритетна цел за летно засилување во средниот ред.

Главниот тренер на „бјанконерите“, Игор Тудор, ја цени разноврсноста на капитенот на клубот од Лисабон, кој може да игра и во зоната на одбрана и во тандем со офанзивен играч од средниот ред. Прелиминарните преговори веќе се водеа со агентите на Хјулманд. Клубот од Торино е подготвен да му понуди на играчот петгодишен договор со плата од околу 3,3 милиони евра годишно – речиси двојно повеќе од неговата моментална плата.

Главната пречка останува цената: Спортинг го проценува својот лидер на 70 милиони евра. Јуве планира да започне со понуда од 35 милиони евра плус процент од евентуална препродажба. Манчестер Јунајтед претходно беше заинтересиран за Данецот.

Крилниот фудбалер на Баерн Минхен, Брајан Сарагоса, ќе игра на позајмица во Селта во новата сезона.

Фудбалерот имаше и други понуди но, одлучи да ја продолжи кариерата во Виго. Во договорот ќе има и клаузула со можност на откуп на крајот на сезоната.

Баварците го купија крилниот напаѓач на крајот од 2023 година од Гранада за 15 милиони евра но, Шпанецот никогаш не успеа да се наметне за првиот состав.

Шампионот на Франција и Европа, Пари Сен Жермен, испрати официјална понуда за голманот на Лил, Лукас Шевалие.

Финалистот од Светското клупско првенство на ФИФА бара засилување на оваа позаиција поради неизвесноста околу иднината на Џанлуиџи Донарума, објави „Лекип“.

Наводно, ПСЖ веќе постигнал договор со Шевалие за петгодишен договор и останува да се договори со Лил за обештетувањето. Лил инсистира на обештетување од најмалку 40 милиони евра, сума што „Светците“ се подготвени да ја платат. Првата понуда е малку помалку профитабилна од посакуваната.

Лил веќе се подготвува за можноста да остане без својот прв голман и бара нов голман.

Потенцијалниот трансфер на Шевалие во Париз е тесно поврзан со судбината на Донарума, чиј тековен договор важи до јуни 2026 година.

Непродуктивните преговори за продолжување на соработката и желбата да се избегне сценарио слично на бесплатниот трансфер на Килијан Мбапе го натераа ПСЖ на експресна реакција и ангажман на нов голман.

Според медиумите, Манчестер јунајтед и Челзи се заинтересирани за Донарума, а интерес покажува и Галатасарај.

Шевалие се етаблираше како еден од најдобрите млади голмани во Европа и неодамна беше прогласен за голман на годината во Лига 1 за сезоната 2024/25.