Фудбалерот на Олимпик Марсеј, Адриен Рабио, го повика поранешниот соиграч Пол Погба да му се придружи во францускиот клуб откако ќе му истече суспензијата следната година.

„Би сакал да играм со Пол. Поканет е да дојде да игра во Марсеј“, изјави Рабио за телевизискиот канал „DAZN“ во неделата вечерта по натпреварот против Сент Етјен.

Погба беше позитивен на тестостерон во август минатата година, со што ја заработи максималната казна од италијанскиот антидопинг суд.

По жалба, казната на Погба е намалена од четири години на 18 месеци и тој ќе може професионално да се занимава со фудбал од март наредната година.

И покрај ова, Погба и Јувентус со заедничка согласност го раскинаа договорот минатиот месец.

Рабио и Погба беа клупски колеги во Јувентус откако Погба се врати во италијанскиот клуб од Манчестер јунајтед во 2022 година.

Трансферот на Погба во Манчестер Јунајтед во 2016 година тогаш изнесуваше рекордни 105 милиони евра.

„Бевме заедно кратко време во Јувентус. Немавме многу можности да играме заедно поради неговите повреди. Бев многу разочаран поради тоа”, изјави Рабио.

Рабио му се приклучи на Марсеј во септември, откако беше член на Јувентус од 2019 година.

орусија Дортмунд неколку месеци ќе биде без дефанзивецот Никлас Суле, откако во саботата го повреди скочниот зглоб на мечот со Борусија Менхенгладбах (1-1), откри тренерот Нури Сахин во пресрет на натпреварот од Лигата на шампионите против Барселона.

„На 30 ноември, Суле се врати од својата прва повреда на зглобот на натпреварот против Баерн Минхен. Сега ја обнови повредата. Вестите не се добри, за жал“, рече Сахин на прес-конференцијата пред дуелот со Барселона во среда.

„Тој ќе биде надвор од терените неколку месеци. Има сериозна повреда. Тоа е истата повреда”, рече Сахин, а потоа додаде: “Не е добро кога ќе се обнови стара повреда. Не сме среќни, бидејќи ни требаше”, дополни Сахин.

Дортмунд кој се наоѓа на шестото место во Бундес лигата од почетокот на сезоната има проблеми со повредени играчи. Во еден момент Сахин не можеше да смета на 10 фудбалери.

Комисијата за натпревари во рамки на Фудбалската федерација на Македонија (ФФМ), службено со 0-3 во корист на гостинската екипа го регистрираше натпреварот ФК Каменица Саса – Скопје од 15. коло во Втората фудбалска лига.

Натпреварот во Македонска Каменица беше прекинат во 71. минута при резултат 1-1. Исто така, комисијата донесе одлука за суспензија н атеренот на Каменица Саса во Македонска Каменица за одигрување на натпревари. Одлуката е во сила се до донесување на конечна одлука на Дисциплинската комисија на Фудбалската федерација на Македонија (ФФМ).  

Одлуките на Комисијата за натпревари се донесени врз основа на извештаите на официјалните лица од натпреварот (судии и делегат). Натпреварот Каменица Саса – Скопје беше прекинат поради вербален и физички напад на претставници на гостинската екипи.

Комисијата за натпревари во рамки на ФФМ, исто така, го предаде на дисциплинска комисија тимот на Башкими. За евентуални санкции за екипата од Куманово ќе решава дисциплинската комисија на ФФМ поради лоша организација на мечот Башкими – Брегалница од 15. коло во ВМФЛ.

Денес на „Куќата на фудбалот“ беа извлечени четвртфиналните парови за најмасовното натпреварување во нашата земја, Купот на Македонија. Осум екипи ќе се борат за трофејот кој минатата сезона го освои Тиквеш од Кавадарци.

Четвртфинале:
Струга Трим Љум – Гостивар
Детонит Плачковица – Шкендија
Брера Струмица – Арсими
Вардар – Силекс

ВАРДАР – СИЛЕКС

Натпреварите се играат на 26 февруари 2025 година со почеток во 14:00 часот.

Фудбалската федерација на Македонија направи уште еден значаен чекор во подобрувањето на спортската инфраструктура, со започнување на изградбата на новата јужна трибина на стадионот „Билјанини Извори“ во Охрид.

Новата трибина ќе има капацитет од 3.500 седишта и ќе вклучува современи содржини како осум скај-боксови за ВИП зони, медиумски центар и други простории според меѓународни стандарди.

На свеченоста за отпочнување на работите присуствуваа претседателот на ФФМ, Муамед Сејдини, градоначалникот на Охрид, Кирил Пецаков, членовите на Управниот Одбор на ФФМ, Тони Иваноски и Џевад Дибрани, како и претседателот на Општинскиот Фудбалски Сојуз на Охрид, Цане Милошоски.

Во своето обраќање пред присутните и медиумите, претседателот Сејдини ја истакна важноста на овој проект:

“Горди сме што инвестираме во проект кој не само што ја подобрува инфраструктурата за фудбал, туку и му овозможува на Охрид да добие модерен објект од меѓународен ранг. Новата трибина, заедно со постојната, го исполнува нашиот ангажман за стадионот во Охрид. По завршувањето на оваа трибина, Општина Охрид ќе ги изгради двете трибини зад головите и ќе го постави осветлувањето, со што стадионот ќе се трансформира во модерен објект подготвен за меѓународни натпревари, вклучувајќи ги и оние на нашата репрезентација. Со туристичките капацитети и близината до аеродромот, Охрид има потенцијал да стане значајна фудбалска дестинација покрај туристичката. Благодарност до УЕФА за поддршката и до Општината за соработката во овој голем проект.”

Изградбата на новата трибина претставува значаен чекор кон реализирање на визијата за модерна спортска инфраструктура во Охрид, обезбедувајќи подобри услови за играчите, навивачите и организацијата на меѓународни настани.

Фудбалерот на ПСЖ, Лукас Хернанадез, кој паузираше седум месеци поради тешка повреда на лигаментите на коленото, конечно се врати во тимот.

Левиот бек се најде во составот на парижаните за денешното гостување кај РБ Салцбург во Лигата на шампионите.

Се претпоставува дека дефанзивецот кој тренира само десетина дена, нема да биде во првата постава на мечот во Германија.

Наби Кеита кој на времето се гледаше како еден од најдобрите фудбалери во средината на теренот, веројатно ќе го напушти составот на Вердер и ќе се пресели во унгарскиот Ференцварош.

Репрезентативецот на Гвинеја кој беше ангажиран како слободен играч во летото во 2023 година, не успеа да се наметне во бундес-тимот и сосема реално ќе побара нова средина.

Тој за екипата од Бремен одигра 56 средби на кои постигна 11 голови. Неговиот договор е активен до 2026 година.

Тренерот на Аталанта, Џан Пјеро Гасперини, покажа голема почит кон Реал Мадрид пред дуелот на двете екипи во Лигата на шампионите. Со оглед на некои несигурни настапи на шпанскиот гигант оваа сезона, има многу експерти кои ја прогласија Аталанта како фаворит во пресметката, но Гасперини не се согласува со тоа.

„Мислам дека нема тим кој може да се нарече фаворит против Реал Мадрид. Не очекува возбудлив натпревар на нашиот стадион и тоа е нешто неверојатно за луѓето од Бергамо. Знаеме каков противник имаме против себе. Местото на Реал на табелата е привремено. Уживаме во пофалбите, но да тврдиме дека сме супериорни во однос на Реал Мадрид е малку премногу. Сигурно ќе дадеме се од себе, но мора да бидеме внимателни и да не ѝ се предадеме на еуфоријата“, изјави Гасперини.

Аталанта на лето се соочи со денешниот противник во натпреварот за Суперкупот на Европа и загуби со 0-2. Сепак, тренерот на тимот од Бергамо е убеден дека претстојниот натпревар ќе биде поинаков.

Фудбалерите на Црвена звезда добија добри премии за победата на Штутгарт во Лигата на шампионите. Според српските медиуми ќе бидат финансиски наградени и доколку изборат поволен резултат утре на „Сан Сиро“ против Милан.

За убедливата победа над Штутгарт (5-1), стартерите добија по 65.000 евра, а оние кои беа на клупата за резерви 32.000 евра.

УЕФА секоја победа ја наф=градува со 2.100.000 евра, што значи дека клубот нешто повеќе од еден милион им подели на фудбалерите. Секако, наградени беа и сите членови на стручниот штаб.

Натпреварот Милан – Црвена звезда во 6. коло во Лигата на шампионите се игра во среда на 11 декември од 21:00 часот.

Легендата на Јувентус, Алесандро Дел Пиеро верува дека тимот е во ваква лоша позиција не само поради многуте повреди оваа сезона, туку и поради тоа што ја изгубил стравопочитта кај противниците. Оваа негова изјава дојде по последното реми, 2-2 против Болоња викендов.

„Вечерва сигурно не им недостигаше желба, што донесе пресврт. Имаа негатива од 2-0 на домашен терен, па се вратија за реми. Сепак, тие сигурно се во неволја бидејќи ги немаат сите свои играчи. Уште една лоша повреда за нив бидејќи Андреа Камбијасо е одличен играч на Јувентус. Да бидам искрен, тие исто така се во неволја бидејќи на тимовите им е удобно да играат со нив и веруваат дека можат да победат на натпреварите против Јувентус. Болоња не победи, но нерешениот резултат е одличен резултат за нив“, смета Дел Пиеро.