Јувентус планира да се раздели со играчот од средниот ред Пол Погба во следниот преоден рок. Весникот „Тутоспорт“ пренесе дека италијанскиот тим повеќе не смета на Французинот. „Бјанконерите“ сакаат да се ослободат од него и неговата висока плата.

Погба се пресели во Јувентус во летото 2022 година. Договорот на играчот од средниот ред со клубот е до 2026 година. Оваа сезона францускиот играч одигра само два натпревари, а и натаму е под истрага за позитивен допинг тест по натпреварот од 1. коло од оваа сезона во италијанското првенство со Удинезе (0-3).

Европските гиганти покажуваат силен интерес за играчот на Астон Вила и бразилскиот репрезентативец, Даглас Луиз.

Даглас Луиз е еден од најдобрите поединци во Астон Вила, неодамна го продолжи договорот, но е спремен да ја промени средината.

Тој игра фантастична сезона и се етаблираше во еден од најдобрите играчи за врска во Премиер лигата.

Toни Крос влезе во последните шест месеци и прашаање е дали ќе остане во овој клуб и наредната сезона. Реал Мадрид се уште не донел одлука за Крос кој веќе има 34 години, па двете страни може да се разделат на лето.

Германецот веќе размислува за пензија, но се уште игра на високо ниво, а таквата ситуација сака да ја искористи Јувентус.

Алегри смета дека Крос ќе биде идеално засилување за неговиот тим и „старата дама“ му нуди договор на една година со можност за продолжување на уште една.

Јулијан Нагелсман најверојатно нема да ја води Барселона ова лето.

Според „Диарио Спорт“, иако стручњакот кој работи со германската репрезентација е вклучен во списокот со кандидати за тренерската позиција во Барселона, сепак од клубот нема да сметаат на него како реална опција.

Прво, поради фактот што Европското првенство ќе заврши во средината на јули, подготовката на каталонскиот клуб за новата сезона би се одвива во полоши услови од нивните конкуренти. Второ, Барселона се надева дека ќе покани поискусен тренер кој исто така има подобар однос со играчите. Претходно беше објавено дека други германски тренери – Ханс-Дитер Флик и Јирген Клоп – исто така се сметаат меѓу претендентите за местото на Чави.

Лаутаро Мартинез ја одби првата понуда на Интер за продолжување
на договорот, а тоа го вклучи алармот кај многу европски гиганти.
Имено, „Газета дело Спорт“ пренесува дека голгетерот се премислил и откако ја увидел ситуацијата на пазарот побарал зголемување во
однос на договорените осум милиони евра од претходно.

Лаутаро побарал плата од десет милиони евра годишно плус бонуси,
која Интер не може да си ја дозволи во моментов. Таквата ситуација
сакаат да ја искористат Реал Мадрид, Манчестер Јунајтед и ПСЖ, кои
се спремни да му понудат многу повисока плата.
Лаутаро има договор до летото 2026 година, па Интер не е приморан
да го продава, но споменатите клубови се спремни да понудат 120
милиони евра за неговиот потпис.

Јувентус постигнал договор со ѕвездата на Лацио, Филипе Андерсон,
пренесуваат италијанските медиуми. Имено, договорот на Филипе
Андресон со Лацио истекува на крајот на сезоната и нема најави за
негово продолжување.
Јувентус сака да ја искористи ситуацијата и да го донесе во Торино
без обештетување, па веќе постигнал договор со неговиот агент.
Алегри многу ги цени квалитетите на Бразилецот и сака да го има во
својот тим, па Филипе Андерсон ќе биде првото засилување за
следната сезона.

Пари Сен Жермен е блиску до купување на дефанзивецот на Лил,
Лени Јоро, пишува новинарот Екрем Конур на социјалната мрежа Х.
Според неговите информации, страните се договорија за условите на
договорот. Останува ПСЖ да се договори со Лил за висината на
обештетувањето на Јоро.
За потписот на дефанзивецот се борат и Реал Мадрид, Баерн Минхен,
Челси и Манчестер Јунајтед.
Во оваа сезона Јоро одигра 27 натпревари за тимот во сите
натпреварувања во кои постигна 3 гола. Договорот на 18-годишниот
играч со францускиот клуб е до крајот на јуни 2025 година.

Интер постигна договор со еден од своите клучни играчи, пренесе
„Газета дело спорт“. Станува збор за играчот од средниот ред Николо
Барела, чиј договор до 2026 година ќе биде продолжен за уште три
години.
Италијанскиот репрезентативец ќе добие и зголемување на годишната плата од 6 на 7 милиони евра преку лесно достижни бонуси. Веќе имало две средби меѓу претседателот на клубот, Стивен Жанг и агентот на играчот, Алесандро Белтрами во Лисабон и Ријад, а
конечен договор најверојатно ќе биде постигнат на трет состанок во
Мадрид.
Изданието открива и дека Манчестер Сити упатил понуда до
„нероазурите“ за Барела во последната недела од минатиот летен
преоден рок. Клубот го известил играчот за понудата, но тој одбил,
претпочитајќи да остане на „Џузепе Меаца“. Оваа сезона, 27-
годишниот играч за врска има 31 настап во сите натпреварувања со 2
гола и 5 асистенции.

Германскиот шампион Баерн Минхен доживеа пораз на првиот
осминафинален меч против Лацио со 0-1 во Лигата на шампиони
(ЛШ), а трагичар беше Дајо Упамекано.
Упамекано направи пенал и доби црвен картон, а по натпреварот беше нападнат од расисти, поради кои се јави и баварскиот гигант.
„Баерн ги осудува расистичките коментари на сметка на Упамекано на социјалните мрежи. Секој кој се служи со навреди не е навивач на
нашиот тим. Сите сме со тебе, Дајо“, објави тимот од Минхен.

Голгетерот на Аталанта, Луис Мјуриел, кариерата ќе ја продолжи во
МЛС лигата во екипата на Орландо Сити. Договорот ќе му биде 2+1
година а во новиот тим ќе го носи дресот со број 9.
Муриел пристигна во Бергамо во летото во 2019 година и одигра
вкупно 184 натпревари со 68 голови и 28 асистенции. Колумбиецот го
држи рекордот за најмногу постигнати голови од играч кој доаѓа од
клупата.
„Многу сум возбуден и среќен. Видов дека доаѓам во клуб кој сака да
освојува трофеи“ изјави 32-годишниот фудбалер.