Последното 38-мо коло од Премиер лигата даде конечен одговор на сите дилеми. Имаше многу желби, сите не може да бидат исполнети. Очекувано, Тотенхем го победи Евертон (1-0), што значи дека и покрај победата над Лидс (3-0), Вест Хем испадна од лигата.

Последното коло донесе многу емоции особено на „Ерихад“ и „Енфилд“. Пеп Гвардиола, Бернардо Силва и Џон Стоунс се простија од Манчестер Сити, а Мо Салах и Енди Робертсон од дресот на Ливерпул.

Оливер Гласнер последн пат го водеше Кристал Палас, додека Андони Ираола оствари историски резулта со Борнмут (шесто место) и се збогува со клубот.

Треба да се истакне дека Бруно Фернандеш, кој ден опретходно беше прогласен за играч на сезоната, ја забелеѓа 21-та асистенција во Премиер лигата, со што го сруши рекордот на Тиери Анри и Кевин Де Брујне.

Врз основа на конечните резултати, познато е кој ќе ја претставува Англија во европските натпреварувања следната сезона.

Новиот шампион Арсенал, Манчестер Сити, Манчестер Јунајтед, Астон Вила и Ливерпул одат во Лигата на шампионите. Екипите на Борнмут и Сандерленд ќе се натпреваруваат во Лигата на Европа, додека Брајтон ќе се натпреварува во Конференциската лига. Можно е и Кристал Палас да обезбеди европски натпревари, доколку во среда ја освои Конференциската лига.

Вест Хем е елиминиран од Премиер лигата покрај Вулверхемптон и Барнли, кои беа одамна беа отпишани.

Ули Хенес, јасно порача дека клубот Баерн Минхен нема намера да се раздели со Хари Кејн и Мајкл Олисе во текот на летниот преоден рок.

Во изминатиот период медиумите шпекулираа дека Барселона го гледа Кејн како идеална замена за Роберт Левандовски, додека Реал Мадрид покажува сериозен интерес за Олисе.

Во меѓувреме, медиумите во Шпанија пишуваат дека Жозе Мурињо е многу блиску до клупата на Реал, а Португалецот лично го следел финалето на германскиот Куп против Штутгарт, кое Баерн го доби убедливо со 3-0.

„Хари Кејн е најдобриот трансфер што некогаш сме го направиле.

Интерес од Барселона? Баерн е клуб што купува, а не продава. Освен тоа, Барселона нема пари“, изјави Хенес за германските медиуми.

Фудбалерите на Хал Сити по пауза од девет години повторно ќе играат во Премиер лигата.

Хал направи голема сензација, во финалето од плејофот го победи фаворизираниот Мидлсбро со 1-0 на „Вембли“ со гол на Оли Мекберни во 95-та минута.

Покрај пласманот во елитните редови на англискиот фудбал, овој успех му носи на клубот значителни финансиски приходи, проценети на околу 231 милион евра, благодарение на новиот договор за телевизиски права.

Тимот предводен од Сергеј Јакировиќ се врати во Премиер лигата за прв пат од 2017 година.

Претходно пласман во Премиер лигата изборија Ковентри и Ипсвич.

Американски конзорциум понудил околу 2.000.000.000 евра за да го купи Наполи од семејството Де Лаурентис, објавуви „Атлетик“ повикувајќи се на неколку анонимни извори.

„Андердог Глобал Партнерс“, ги води преговорите во име на инвеститорската група, која сака да го продолжи развојот на клубот врз основа на наследството на Аурелио Де Лаурентис.

Де Лаурентис го презеде Наполи во 2004 година, кога клубот беше во третиот ранг на италијанскиот фудбал и на работ на банкрот, а оттогаш освои две титули во италијанското првенство, три италијански купа и еден Суперкуп.

Според „Атлетик“, Наполи официјално не е на продажба, но тоа не ги запре преговорите, кои траат веќе шест месеци.

„Андердог Глобал Партнерс“, веќе поседува мнозински удел во Кампобас, како и контролен удел во кошаркарскиот клуб Наполи Баскет.

Планот на конзорциумот вклучува кандидатура за франшиза во НБА Европа, како и формирање на мултиспортски систем со фудбалски и кошаркарски клуб од Неапол.

Понудата вклучува и инвестиции во инфраструктура, вклучувајќи ја приватизацијата и реконструкцијата на стадионот „Диего Армандо Марадона“.

Преговорите во моментов се во застој поради неколку спорни точки што ги истакна Де Лаурентис, но американските инвеститори очекуваат продолжување на разговорите во наредниот период.

Фудбалерите на Баерн Минхен ја комплетираа двојната круна во Германија. Вечерва го освоија Купот, со победата над Штутгарт 3-0. БОва е прва дупла круна за Баерн по пауза од шест години. Апсолутен херој на победата, на Олимпискиот стадион во Берлин беше Хари Кејн.

Баерн Минхен го освои Купот на Германија 21-ви пат во историјата на клубот.

Првото полувреме, во кое играчите на Штутгарт беа подбри на теренот заврши без голови. Во првиот дел Баерн речиси и да не закани кон голот на противникот.

Во вториот дел на сцена стапи Хари Кејн, го постигна првиот гол во 55-та минута а точка на победата стави во 81-та минута. Сепак, тоа не беше сè.

Судијата одлучи да го продолжи натпреварот за неверојатни седум минути, а Баерн го искористи тоа максимално.

Баварците добија пенал во 92-та минута, а Кејн го комплетира хет-трикот, со што стави крај на индивидуално најдобрата сезона во кариерата.

Германската ракометна федерација официјално го продолжи договорот со селекторот Алфред Гисласон до Олимписките игри во 2028 година.

Исландскиот стратег ја предводи германската репрезентација од 2020 година, а во изминатиот период успеа да ја врати селекцијата во самиот врв на европскиот и светскиот ракомет.

Под негово водство Германија освои сребрен медал на Олимписките игри и на Европското првенство.

„Среќен сум што ќе продолжам да работам со оваа генерација. Верувам дека имаме потенцијал за уште поголеми успеси во иднина“, изјави Гисласон по потпишувањето на новиот договор.

Полека се спушта завеста на фудбалската сезона во Шпанија. Последното 38-мо коло го даде одговорот кои екипи ќе му се придружат на Овиедо во Втората лига. Тоа се Мајорка и Џирона.

Вечерва се одиграа девет од вкупно 10 натпревари од последното 38-мо коло. Утре сезоната ќе заврши сио дуелот меѓу Виљареал – Атлетико Мадрид.

Многу работи беа познарти уште пред последното коло.

Ново-стариот шампион е Барселона, втор е Реал Мадрид, утре Виљареал и Атлетико ќе решат кој ќе заврши на третото место, петти е Бетис. Овие пет клуба ќе ја претставуваат Шпанија следната сезона во Шампон лигата.

Шестата Селта ќе оди во Лига Европа, седмиот Хетафе во Лигата на Конференциите.

Останува да се види дали Рајо Ваљекано ќе направи подвиг и ќе ја освои Лигата на Конференциите против Кристал Палас во среда, што автоматски би му обезбедило учество во Лига Европа следната сезона.

Последното коло донесе вистинска драма во борбата за опстанок.

Клучниот натпревар се одигра во Каталонија, во Џирона, на стадионот „Монтеливи“, каде гостуваше Елче. Пред последното коло, Џирона беше прва под линијата, со два бода помалку од Елче и само победа им обезбедуваше опстанок.

Почесниот претседател на Баерн Минхен, Ули Хенес, беше расположен кога разговараше со медиумите по величествената победа (3:0) на неговиот тим во финалето на Купот, против Штутгарт во Берлин.

Херојот на првата титула на Баерн во Купот, по пауза од шест години, беше Хари Кејн. Англичанецот ги постигна сите голови за Баерн.

Хенес одговори на прашањето за интересот на Барселона, за Хари Кејн.

„Доаѓањето на Хари Кејн е најдобриот трансфер што го имавме“, рече Хенес и дополни дека „Баерн е клуб кој купува, а не продава играчи“.

Потоа испрати брутална порака до Барселона.

„Кејн останува, Барселона и онака нема пари“, рече тој.

По триумфот од 7-0 во дуелот против прилепска Победа, фудбалерите на Брегалница од Штип го потврдија првото место на табелата во Втората македонската фудбалска лига и по две сезони повторно се враќаат во елитното друштво.

Стефан Костов, Дино Михолов, Јорданчо Наумоски, Костадин Капсаров, Никола Талески, Јован Постолов и Мартин Димоски беа стрелци на головите за Штипјани кои ја освоија првата позицина со 71 бод колку што има и второпласираното Скопје, благодарение на подобриот учинок во меѓусебните дуели.

Скопје на домашен терен славеше над Детонит Плачковица со 5-1 и заедно со Шкендија Арачиново која триумфираше над Каменица Саса со 4-2 ќе играат бараж за евентуална промоција во Првата лига.

На мечот одигран на стадионот Железарница, играчите на Скопје ги постигнаа сите пет погодоци. Двоен стрелец беше Виктор Ангелов, по еднаш прецизни беа Аднреј Стојановски, Алексеј Славков и Јорго Папули, кој во 51. минута ја погоди и сопствената мрежа.

Шкендија Арачиново како гостин ја совлада Каменица Саса со 4-2.

Зани Назифи постигна два погодоци, по еднаш меѓу стрелците се запишаа Амир Нухија и Владимир Жоглев додека головите за домаќинот беа дело на Филип Николовски и Глигорче Ефремов.

Петтопласираниот Охрид забележа победа пд 7-1 во дуелот против Слога Виница, Тетекс триумфираше над Големо Коњари со 7-2, Беласица на гостувањето во Ресен ја совлада Преспа со 3-1, Кожуф во Неготино славеше над Вардар со 5-0 додека на мечот меѓу Новаци и Осогово противниците постигнаа по три гола.

Второлигашката конкуренција ја напуштаат Вардар Неготино, Слога Виница, Преспа, Победа Прилеп и Големо Коњари додека бараж за опстанок ќе играат Кожуф, Тетекс и Каменица Саса.

Фудбалерите на Вардар триумфално ја завршија сезоната во Првата лифа и со победа од 3-0 во дуелот против најголемиот конкурент Шкендија Тетово го прославија враќањето на тронот во македонскиот фудбал.

За Вардар ова е прв шампионски трофеј по пауза од шест години, а вкупно 12. во клупската историја.

Новиот шампион поведе во 22. минута кога Нуман Ајетовиќ ја погоди сопствената мрежа. Во 36-тата, Горан Закариќ зголеми на 2:0, а триумфот го потврди Бобан Николов со голот постигнат на девет минути пред крајот на натпреварот.

Шкендија имаше можност да го постигне почесниот погодок, но Лиридон Љатифи во два обида не успеа да реализира удар од 11 метри.

По првиот пенал одлично реагираше голманот на “црвено црните”, Давор Талески, кој успеа да го одбрани и вториот шут откако судијата Бенјамин Ќерими донесе одлука ударот да се повтори.

Новиот шампион на Македонија, сезоната ја заврши со 80 бода, шест повеќе од Шкендија. Избраниците на Гоце Седлоски забележаа 25 победи и пет нерешени резултати и само два пати ја почувствуваа горчината на поразот.

Најефикасен во редовите на првакот е Азер Омерагиќ со 14 гола, Мато Роџерс кој си замина од екипата на полусезоната 12 пати се запиша меѓу стрелците, а на третото место со 11 погодоци е Горан Закариќ.