Џенаро Гатузо наскоро ќе биде именуван за селектор на италијанската репрезентација, објавува најпознатиот инсајдер, Фабрицио Романо. Тој тврди дека до неодамна тренерот на Хајдук ги договорил условите со Фудбалскиот сојуз на Италија. Сè уште има мали детали што треба да се разработат, а во следните неколку дена Сојузот ќе објави дека Гатузо потпишал договор.

На чело на италијанската репрезентација, Гатузо ќе го наследи Лучано Спалети, кој беше отпуштен минатата недела. Гатузо минатата сезона со Хајдук го освои третото место во Хрватска, а претходно во кариерата ги водеше Милан, Наполи, Валенсија и Марсеј. Единствениот трофеј во неговата кариера е купот со Наполи во 2020 година.

Гатузо ќе собере јадро од поранешни светски и европски шампиони како асистенти и ќе изгради нова репрезентација заснована на чувство на припадност и искуство, пишуваат италијанските медиуми. Го убедил Леонардо Бонучи, кој моментално е во тренерскиот штаб на италијанската репрезентација до 20 години. Негов втор помошник ќе биде Андреа Барзаљи.

Барзаљи, Бонучи и Гатузо играа заедно во репрезентацијата кај Марчело Липи и во 2006 година станаа светски шампиони..

Стручниот штаб треба да го пополни и Џанлука Замброта, уште еден поранешен италијански ас. Тој е без договор седум години, а неговиот последен ангажман беше во кинескиот Сунинг, каде што беше помошник тренер.

Александар Митровиќ, најдобриот стрелец во историјата на српската фудбалска репрезентација, наскоро би можел да се врати на европската сцена, во за многумина изненадувачки трансфер.

Според сознанијата на турскиот портал „НТВ Спор“, напаѓачот на Ал Хилал е блиску до договор со екипата на Фенербахче.

Тој наводно разговарал со својот сонародник Душан Тадиќ, но и со Един Џеко. Искусните фудбалери го напуштија клубот од „Шукру Сараѓоглу“ ова лето. Од нив Митровиќ добил одлични повратни информации за клубот.

Истиот извор наведува и дека преговорите меѓу поранешниот напаѓач на Партизан, Андерлехт, Њукасл и Фулам и клубот на чија клупа седи Жозе Мурињо сега се во завршна фаза, па затоа епилогот треба да се очекува во блиска иднина.

Во првите денови од јуни, Фенер се обиде да ги договори трансферите на Џонатан Давид и Душан Влаховиќ, но безуспешно.

Напаѓачот на Лил бараше 12.000.000 евра како бонус за потпишување, додека играчот на Јувентус не беше заинтересиран за трансфер во Турција.

Тренерот на Олимпик Марсеј, Италијанецот Роберто де Зерби, во изјава за италијанските медиуми даде свое мислење за дебаклот на Интер од ПСЖ (0:5) во финалето во Лигата на шампионите.

Де Зерби бил гостин во подкастото „Супернова“ на радио водителот Алесандро Кателано. Тренерот на Марсеј смета дека Интер премногу аригантно влегол во дуелот со ПСЖ.

„Интер е одличен тим, а Инзаги е одличен тренер и навистина немаше причина да загубат со пет гола разлика. Мислам дека проблемот е што италијанскиот фудбал не го запозна ПСЖ многу добро, имаше тука многу ароганција“, вели Де Зерби.

Де Зерби е некој што многу добро го познава ПСЖ, сите квалитети и слабости на тимот, кои не се непознати за другите тренери, па затоа беше изненаден што Интер не направил добро скаутирање на деталите од играта на францускиот тим.

„Тие не знаеја, на пример, дека ПСЖ почнува од центарот како во рагби, или дека Дембеле постојано се демне на работ од шеснаесетникот, или дека Дуе е талент на ниво на Јамал, иако не е до таа мера одлучувачки фактор. Тие не сфатија дека Витиња сега е веројатно најдобриот играч од средниот ред во светот, не го проценија добро квалитетот на Невеш. Во Италија, никој не напиша ниту еден ред за второто место на мојот Марсеј и ја игнорираа Лига 1, која е многу тешка. Лил беше во осминафиналето во Лигата на шампионите, Брест беше веднаш под ПСЖ, Монако со играч помалку загуби од Интер, истиот тој Монако ја победиБарселона. Можете да видите што се случи со Италија во Норвешка“, алудираше тој на уште еден дебакл на италијанскиот фудбал, во овој случај на националниот тим.

Галатасарај направи дрзок потег на трансфер пазарот со амбициозна понуда за голманот на Ливерпул, Алисон Бекер. Турскиот шампион сака да донесе звучно засилување како наследник на Фернандо Муслера, кој е главниот голман на клубот од 2011 година. Алисон брзо беше идентификуван како идеален кандидат за да го заземе местото меѓу стативите. 

И покрај примамливата понуда од Галатасарај, Алисон ја одби можноста да го напушти Енфилд. 32-годишниот Бразилец останува целосно посветен на Ливерпул, со кого има договор до летото 2027 година. Засега, нема намера да направи трансфер. 

Во меѓувреме, Ливерпул поминува низ промени во голманскиот тим. Резервниот голман Кимин Келехер се пресели во Брентфорд, а грузискиот интернационалец Ѓорѓи Мамардашвили пристигна од Валенсија. Иако Мамардашвили се очекува да биде силна замена, позицијата на Алисон како прв избор засега не е доведена во прашање. 

Со тоа што нивната главна цел отпадна, Галатасарај ја продолжува потрагата по нов голман. Клубот останува активен на трансфер пазарот, барајќи алтернатива за да се засили пред домашните и европските натпреварувања во следната сезона. 

Сагата околу трансферот на Нико Вилијамс доби нова димензија откако агентот на фудбалерот се сретна со спортскиот директор на Барселона, Деко. Средбата, која траела повеќе од час и половина, била организирана по барање на самиот Вилијамс — јасен сигнал за неговиот интерес да премине во Барселона. Оваа средба следува по две претходни разговори со претставници на Баерн Минхен, што укажува на зголемена конкуренција за 22-годишниот крилен напаѓач. 

Вилијамс е под лупа на Барселона веќе подолго време, иако минатото лето реши да остане во Атлетик Билбао. И покрај интересот од Баерн, Челси и Арсенал, моменталните сигнали укажуваат дека тој сака да остане во Шпанија — и тоа во дресот на Барселона. Атлетик се обидува да го задржи, нудејќи му нов договор и повисока плата, но иницијативата на Вилијамс за разговор со Барселона сугерира можно менување на ставот. 

Додатно масло на огнот фрли тинејџерската ѕвезда на Барселона, Ламин Јамал, кој објави Инстаграм приказна со фотографија од прослава со Вилијамс на натпревар на шпанската репрезентација. Објавата, која многумина ја протолкуваа како сигнал за можен трансфер, предизвика возбудување меѓу навивачите. Јамал и Вилијамс веќе имаат одлична хемија во националниот тим, а гестот на социјалните мрежи се гледа како јавна поддршка за можниот трансфер. 

Иако Барселона како примарна цел на левото крило сè уште го има Луис Диаз од Ливерпул, трансферот на Вилијамс е сè уште на маса. Некои во клубот сè уште се воздржани поради неговата одлука да ги одбие минатото лето, но најновите настани укажуваат на повторна отвореност. Со изразен интерес од двете страни и јасна индикација од Вилијамс, следните неколку недели би можеле да бидат клучни за неговата иднина. 

Монако поднесе официјална понуда за двегодишен договор до Пол Погба, кој е слободен играч и размислува за следниот чекор во кариерата. Францускиот клуб сака да го засили составот пред настапот во Лигата на Шампионите и го гледа Погба како клучно засилување. 

Со 32 години, Погба повторно има право на настап ова лето откако неговата суспензија за допинг беше намалена по жалба. Поранешниот играч на Манчестер Јунајтед и Јувентус не одиграл натпревар од 2023 година, но преговорите со Монако се во напредна фаза. Преселбата во Монако би значела и враќање во францускиот фудбал по многу години. 

Интересот за Погба е дел од поширокиот план на Монако за засилување. Клубот води преговори и со шпанскиот крилен напаѓач Ансу Фати, во обид да комбинира искуство со младински потенцијал. Погба се гледа како лидер на средината, играч што може да внесе стабилност и авторитет. 

Разговорите меѓу Погба и Монако продолжуваат, а двете страни се оптимистични. Иако има и други понуди, понудата од Монако се смета за сериозна можност за Погба да ја рестартира кариерата во својата татковина. 

Она за што се шпекулираше неколку дена сега е официјално. Игор Тудор стана трајно решение на клупата на Јувентус и договорена е соработка за (барем) следните две години.

Хрватот потпиша договор со Јувентус до 2027 година. Но, со опција за продолжување за уште една година.

Поранешниот играч на торинскиот гигант, кој веќе беше во тренерскиот штаб на чело со Андреа Пирло, дојде на крајот од сезоната да го замени Тијаго Мота. И успеа да ја постигне примарната цел, да го одведе тимот до четвртото место и да обезбеди место во Лигата на шампионите.

Постои надеж дека со Тудор ќе се обезбеди некаков вид стабилност, со оглед на тоа што Јувентус смени четири тренери во изминатите шест години.

Ливерпул ќе биде еден од најактивните клубови на трансфер пазарот летово. „Црвените“ веќе го обезбедија потписот на десниот бек Џереми Фримпонг и се блиску до договор со германскиот репрезентативец Флоријан Вирц.

За холандскиот репрезентативец Ливерпул плати 35 милиони фунти, додека за Вирц се очекува да го срушат трансферниот рекорд во Англија со сума од речиси 130 милиони фунти.

И покрај овие големи зделки, тимот на Арне Слот не планира да застане со засилувањата. Според последните информации од Англија, скаутите на Ливерпул внимателно ја следат ситуацијата околу голгетерот на Наполи, Виктор Осимен.

Напаѓачот, кој минатата сезона беше на позајмица во Галатасарај, веќе одби понуда од милиони за трансфер во Саудиска Арабија, обидувајќи се да обезбеди трансфер во Европа. Се тврди дека турскиот гигант е подготвен да понуди 75 милиони евра за услугите на Осимен.

Од друга страна, фудбалерот посакува трансфер во Премиер – лигата. Пред некое време се зборуваше дека тој е цел на Манчестер Јунајтед, а според нови информации, во трката за неговиот потпис би можел да се вклучи и Ливерпул. Се претпоставува дека понуда од 90 милиони евра би била доволна за Осимен да пристигне на „Енфилд“.

Играчот на Арсенал, Олександр Зинченко, е заинтересиран за трансфер во Милан, објавија италијанските медиуми.

Трансферот зависи од Тео Хернандез, кој се подготвува да замине од „Сан Сиро“. Милан преговара со Атлетико за трансферот на Тео, бидејќи фудбалерот изразил желба да се врати во клубот од чија академија потекнува.

Кога овој трансфер ќе биде завршен, Зинченко ќе може да го напушти Арсенал. Украинецот бара нов клуб бидејќи минатата сезона немаше никаква улога кај Микел Артета.

Гонзало Гарсија официјално го презеде Хајдук, потврди клубот. На клупата на третопласираниот тим од неодамна завршената сезона во Хрватска тој го наследи Гатузо.

Трансферот на тренерот беше потврден откако сплитскиот клуб постигна договор со Истра 1961, која претходно ја водеше Гарсија. Договорот е потпишан до летото 2028 година, а новиот тренер официјално ќе и биде претставен на јавноста следната недела, пред почетокот на подготовките на клубот за новата сезона.

Гарсија со Истра 1961 сезоната ја заврши на шестото место. Во 18 натпревари од вториот дел од сезоната, тој загуби само три пати, а покрај тоа, имаше седум победи и осум нерешени резултати.