Дефанзивецот Лукас Хернандез се огласи во јавноста и ги расчисти сите дилеми околу неговата иднина во редовите на Пари Сен Жермен.

Французинот падна во втор план кај тренерот Луис Енрике во претходната сезона каде одигра мечеви во Лига 1. Силната конкуренција и одличните изданија на неговите соиграчи, плус резултатите на клубот не му дозволија да игра важна улога, па изминатиов период се појавија информации дека ќе си замине, односно не сака повеќе да биде резерва.

Бекот има договор со „светците“ до 2028 година и има намера истиот да го испочитува, да се бори за своето место што е сосема спротивно во однос на гласините.

„Кратка порака како одговор на разните написи во печатот и гласините кои тврдат дека ќе побарам да го напуштам ПСЖ доколку мојот статус не се промени. Би сакал да кажам дека апсолутно не побарав да си заминам и дека ќе играм во ПСЖ следната сезона, продолжувајќи да работам напорно секој ден за да ги бранам боите на Париз Сен Жермен најдобро што можам секогаш кога тренерот ќе ми даде можност“, порача Лукас кој е екс член на Баерн Минхен и Атлетико Мадрид.

Откако ги доведе хрватскиот ветеран Лука Модриќ и играчот од средниот ред Самуеле Ричи, раководството на Милан има важна задача пред себе во врска со нивниот најдобар играч, 26-годишниот Рафаел Леао.

Европскиот шампион ПСЖ почна да се интересира за португалскиот интернационалец, чиј договор со „Росонерите“ важи до јуни 2028 година. Милан нема намера да го продаде Леао, но сака да го обезбеди неговиот престој на „Сан Сиро“ со нов и побогат договор, објавија италијанските медиуми.

Леао заработува близу девет милиони евра годишно со бонуси (пред оданочувањето), а преговорите за нов договор ќе ги води спортскиот директор Иљи Тара.

Португалскиот крилен напаѓач дојде во Милан пред шест години од францускиот Лил во трансфер вреден 50 милиони евра, а на 260 натпревари за „Росонерите“ постигна 70 гола и имаше 62 асистенции.

Трансферот на Виктор Ѓокереш е во сериозна опасност да пропадне. Од Спортинг настојуваат на барањето за 80 милиони евра за да се разделат со 27-годишниот голгетер.

Од Арсенал пак, нема никаков знак веќе шест дена и почнува сериозно да се наѕира можноста никогаш да не биде достигната посакуваната сума од „зелено-белите“.

Арсенал првично понудија 55 милиони евра плус уште 10 милиони во форма на бонуси за шведскиот репрезентативец, но не поднесоа официјална понуда, бидејќи „топџиите“ сфатија дека се нереални надежите да ја финализираат зделката со такви параметри.

Понатаму лондонците ја зголемија понудата, но таа повторно се покажа како недоволна и зделката скоро пропадна. Потоа преговорите беа обновени, но во атмосфера на крајни позиции и напнатост. Договор сепак не беше постигнат и сега трансферот може комплетно да пропадне.

Срамежливо се најавуваше цело лето, но од денес е сосема јасно – Милан тргна по Душан Влаховиќ и ќе направи сè за да го доведе во своите редови од големиот ривал Јувентус.

На српскиот напаѓач на крајот од сезоната му истекува договорот со „Старата дама“, и тој и клубот сакаат трансфер сега, а новиот-стар тренер на Милан Масимилијано Алегри, под кого Влаховиќ во Јувентус играше својот најдобар фудбал, знае дека му е потребен Душан за да го врати “росонерите” на врвот на Серија А и издал наредба да се оди по него.

„Газета дело Спорт” пишува дека Милан подготвил понуда за која верува дека ќе биде доволна за Влаховиќ да потпише, иако условите не се ни блиску до оние кои Србин ги има во Јувентус.

Милан му нуди на Влаховиќ 6.000.000 евра по сезона, што е двојно помала годишна плата од сумата која би ја заработил во претстојната сезона како член на Јувентус.

Но, тука се и бонусите кои се врзани за голови и освојување на титулата, како и дополнително зголемување доколку Милан се пласира во Лигата на шампионите.

Влаховиќ со одбивање на „мега-понудата” од Ал Хилал покажа дека парите не му се приоритет и дека сака да игра во голем европски клуб, а каде поубаво од Милан?

Затоа се чини дека овој трансфер е повеќе од реален.

Јувентус од друга страна бара обесштетување од 19.500.000 евра, Милан ќе проба да ја намали таа сума, бидејќи се работи за играч во последната година од договорот, но желбата е тука и Влаховиќ е никогаш поблиску до Сан Сиро, дури и ако остане оваа бројка.

Шпанскиот фудбалски првак Барселона објави денеска дека враќањето на стадионот „Камп Ноу“ нема да се случи на почетокот на август како што беше претходно најавено.

Ова е ново одложување на враќањето на Барселона во својот дом, бидејќи по реновирањето, сè уште не се исполнети сите услови за враќање на играчите на „Камп Ноу“.

Барселона официјално не објави нов датум за враќање на својот легендарен стадион, но тоа би можело да се случи во четвртото коло од новата сезона во шпанската Ла Лига кога каталонскиот клуб е домаќин на Валенсија на 13 или 14 октомври.

Во првите три кола од новата сезона Барселона ќе игра на гостински терен против Мајорка, Леванте и Рајо Ваљекано.

Капацитетот на стадионот на самиот почеток на враќањето ќе биде ограничен на околу 60.000 седишта, сè додека работите не бидат целосно завршени следното лето, кога капацитетот ќе ги достигне планираните 105.000 седишта.

Вкупната вредност на овој проект за реновирање на „Камп Ноу“ е околу 1,5 милијарда евра.

Раководството на Милан преговара со агентите на напаѓачот на ПСЖ, Гонзало Рамош.

Клубот од Милано може да плати 30 милиони евра за трансферот на 24-годишниот португалски репрезентативец.

Тековниот договор на напаѓачот со ПСЖ е до 2028 година.

Порталот „Transfermarkt“ ја проценува вредноста на играчот на 40 милиони евра.

Во сезоната 2024/25, Рамош играше на 46 натпревари на сите турнири, постигна 19 гола и направи шест асистенции.

Македонскиот шампион Шкендија ги продолжи настапите во квалификациите за Лигата на шампионите, а следен предизвик во второто квалификациско коло е двомечот со ФЦСБ.

Романскиот гигант доаѓа во Скопје на 22 јули од 20:00 часот, а на првиот меч УЕФА назначи да судат судии кои се дел од најдобриот шампионат на Белгија.

Натан Вербумен е главен судија, а е му помагаат Матиас Хилает и Рубен Винс, четврти судија е Весил Де Кремер. Во ВАР-собата се наоѓаат Ерик Ламбрехт и Ела Де Врис.

На реваншот во Букурешт кој е на 30 јули од 19:30 часот, ќе судат Украинци.

Тоа се Олексеј Деревински, Виктор Матјаш, Олексиј Миронов, четврти судија е Дмитро Панчишин. ВАР-судии се Микола Балакин и Денис Шурман.

Легендата на Арсенал, Тјери Анри, верува дека неговиот поранешен клуб конечно ќе ја освои титулата во Премиер лигата. Французинот зборуваше во подкастот „Men in Blazers“ и испрати јасна порака: време е Арсенал да направи чекор напред и да стане првак.

Иако пред неколку месеци отворено ја критикуваше трансфер политиката и истакна дека тимот премногу често останува втор, Анри сега има поинакво расположение. Потврди дека има целосна доверба во Микел Артета и отфрли какви било шпекулации за негова смена.

„Дали мислам дека Артета треба да си замине? Апсолутно не. Она што го прави е извонредно. И да, мислам дека оваа сезона ќе ја освоиме титулата. Досега бевме добри, но сега мора да бидеме одлични“, изјави Анри.

Арсенал од 2019 година инвестираше над 900 милиони фунти под водство на Артета, а минатата сезона го оствари најголемиот успех во Европа со пласман во полуфиналето од Лигата на шампионите. Сега, според Анри, времето за трофеи конечно дошло.

Фудбалскиот клуб Хајдук од Сплит соопшти денес дека поранешниот репрезентативец на Хрватска, Иван Ракитиќ, ја преземал функцијата технички директор на клубот.

Во новата улога, 37-годишниот Ракитиќ ќе биде еден од соработниците на спортскиот директор Горан Вучевиќ, а како што истакна, целосно е посветен на новите предизвици.

„Благодарен сум на претседателот Иван Билиќ и на спортскиот директор Горан Вучевиќ за дадената доверба. Сакам да помогнам на Хајдук и тоа е моментално мојата единствена цел и мотивација. Подготвен сум да работам и да дадам се од себе, за клубот да напредува, а Хајдук во мене ќе има на располагање целото мое знаење, искуство и контакти во светот на фудбалот. Навивачите можат да очекуваат истиот труд и пот што го давав како играч, и сега во оваа нова улога“; изјави Ракитиќ.

Нова ера во Реал Мадрид наскоро почнува – подготовките за новата сезона стартуваат на 4 август, но без Лука Модриќ и Лукас Васкес, двајцата ветерани кои ова лето го напуштија клубот. Со нивното заминување останува голема празнина во соблекувалната затоа што со години беа важни авторитети во тимот, пишува Defensa Central.

Модриќ и Васкес беа двајца од последните тројца останати играчи од генерацијата која освои три последователни Лиги на шампиони. Сега, Дани Карвахал е единствениот „преживеан“ од таа златна ера. Десниот бек ќе ја презеде и улогата на прв капитен, функција која до неодамна ја имаше хрватскиот играч од средина на теренот. Модриќ за последен пат беше капитен во натпреварот против ПСЖ на стадионот MetLife, во полуфиналето на Светското клупско првенство.

Карвахал ќе ја носи капитенската лента секогаш кога ќе биде на теренот, но заедно со него, оваа задача ќе ја делат и Феде Валверде, Тибо Куртоа и Винисиус Жр.