Според „Orazio Accomando“ Ливерпул е подготвен да го продаде Федерико Кјеза ова лето, помалку од една година по неговото пристигнување од Јувентус. Кјеза, кој дојде на Енфилд во август 2024 година за трансфер од 10 милиони фунти плус бонуси, имаше тешкотии да се прилагоди во Премиер Лигата. 

Под водство на новиот менаџер Арне Слот, 26-годишниот италијански крилен играч имаше ограничени шанси за настап, играјќи само во пет првенствени натпревари и со вкупно 78 минути на теренот. И покрај малата минутажа, агентот на Кјеза, Фали Рамадани, претходно изјави дека играчот е посветен да остане во Ливерпул и да се бори за своето место. 

Сепак, според извештаите, клубот е подготвен да го продаде Кјеза за да го врати вложувањето и да го намали платниот буџет пред сезоната 2025/26. Италијанскиот гигант Милан покажал интерес за трансферот, гледајќи го Кјеза како вредно засилување за тимот. 

Некои извори тврдат дека играчот е отворен за враќање во Серија А, со цел да добие повеќе играчко време и да ја подобри својата позиција за настап на Светското Првенство во 2026 година. Неговите претходни успешни сезони во Фиорентина и Јувентус го одржуваат во фокусот на најдобрите клубови во Италија. 

Доколку Милан поднесе официјална понуда, Ливерпул веројатно ќе ја прифати, особено поради маргиналната улога на Кјеза кај Слот и големата конкуренција за позициите на крилата. 

Саудискиот клуб Ал Хилал го започна процесот за доведување на нигерискиот напаѓач Виктор Осимен, со намера да ја активира неговата откупна клаузула од 75 милиони евра – сума што важи за клубови надвор од Италија. 

Оваа понуда доаѓа во момент кога Ал Хилал се засилува под водство на новиот тренер Симоне Инзаги. Поранешниот стратег на Интер официјално го презеде тимот на 4 јуни и има јасна визија да изгради состав што ќе се бори за трофеи и на домашната и на меѓународната сцена. Осимен е идентификуван како клучен играч во неговиот офанзивен систем. 

Осимен минатата сезона настапуваше како позајмен играч во Галатасарај од Наполи, и блесна со 37 голови на 41 натпревар. Иако има интерес од големи европски клубови како Јувентус и Арсенал, клаузулата од 75 милиони евра останува главна пречка во преговорите. Сепак, според извори блиски до играчот, Осимен е отворен за можноста да се пресели во Саудиска Арабија, каде Ал Хилал нуди атрактивен проект и финансиски услови. 

Спортскиот директор на клубот ги води преговорите со надеж дека пакетот што го нуди Ал Хилал и визијата на Инзаги ќе бидат доволни за да го убедат Осимен да се пресели во Ријад. 

Одлуката сега е кај самиот играч, кој мора да одмери дали ќе остане во Европа и ќе се натпреварува на највисоко ниво, или ќе ја прифати новата авантура со значајна финансиска перспектива во Саудиска Арабија. 

Англискиот клуб јасно стави до знаење дека Диаз останува клучен дел од плановите на тренерот Арне Слот за следната сезона и не е достапен за продажба, пренесија „The Athletic“.

Иако Диаз има договор со клубот до 2027 година, недостатокот на разговори за продолжување на договорот предизвикува шпекулации за неговата иднина на Енфилд. Додека самиот фудбалер јавно не изразил желба да замине, неговата ситуација привлекува интерес од неколку европски клубови. 

Интересот од Барселона не е нов. Каталонскиот клуб подолго време го следи Диаз, но досега не можеше да дејствува поради финансиски ограничувања. Сега, со подобрена финансиска ситуација, Барселона повторно размислува за понуда – иако одлучноста на Ливерпул јасно укажува дека ќе биде потребна сериозна сума за каква било зделка. 

Извори блиски до Диаз велат дека тој би го прифатил трансферот во Барселона како позитивен чекор во кариерата. Сепак, неговиот фокус во моментов останува на обврските кон Ливерпул и репрезентацијата на Колумбија.  

Симоне Инзаги и официјално кариерата ја продолжува во Саудиска Арабиј. Пред малку Ал Хилал сподели дека потпишале двегодишен договор, а според специјалистот за трансфери, Фабрицио Романо тој ќе заработува 26 милиони евра по сезона.

Тој во Ал Хилал доаѓа во Интер со кого не успеа да ја освои Лигата на шампиони, а ниту пак да ја одбрани титулата во Серија А. Инзаги после четири години во Интер реши дека е време за нов предизвик надвор од Европа.

Џек Грилиш нема да патува со Манчестер сити на клупскиот Мундијал во САД. Менаџерот Пеп Гвардиола смета дека услугите на Грилиш нема да му бидат потребни на Светското клупско првенство.

Оваа одлука на Гвардиола е само потврда на шпекулациите дека Грилиш ќе го напушти клубот, во кој пристигна пред четири години од Астон Вила за 100 милиони фунти.

Грлиш во Сити дојде како еден од најдобрите играчи во Премиер лигата, со статус репрезентативец на Англија, но не ја оправда инвестицијата. Претходната сезона беше стартер само седум пати, сезоната пред неа започне десет натпревари, остана и без местото во националниот тим.

Со одлука на менаџерот Гвардиола не беше во ростерот за финалето на ФА Купот, кое Сити го загуби од Кристал Палас. Оваа беше јасна порака за Грилиш да бара нов клуб.

Грилиш е свесен дека нема што повеќе да бара во Сити и е фокусиран на новите предизвици што го очекуваат сега. Според медиумите на островот, неколку клубови од Премиер лигата би сакале да го видат во своите редови.

Игор Тудор веројатно ќе остане на кормилото на Јувентус откако „старата дама“ не успеа да го ангажира, Антонио Конте а втората опција, Џан Пјеро Гасперини, се определи да седне на клупата на Рома, велат последните вести од Италија.

Хрватот кој беше назначен со времен договор за две години по заминувањето на Тијаго Мота, веројатно ќе го води тимот од Торино и во наредното првенство во Серија „А“ и во Лигата на шампионите.

Тој и спортскиот директор на Јуве, Комоли, вчера имале состанок но, деталите уште не се изнесени во јавноста.

Фудбалските состави на Милан Јувентус и Интер се заинтересирани за голманот на Италија, Џанлуиџи Донарума но, чуварот на мрежата на ПСЖ, нема намера да го напушти – „Паркот на принцовите“.

Тој пред мечот со Норвешка во квалификациите за Светското првенство, јасно стави до знаење дека очекува продолжување на соработката со францускиот состав.

„Се чувствувам добро во Париз. Не знам дали мојот агент имал состанок со Интер. Можеби еден ден ќе се вратам во Италија“ – потенцираше Донарума.

22-годишниот напаѓач на Ипсвич, Лиам Делап, официјално се приклучи на Челзи во трансфер вреден околу 30 милиони фунти. Англискиот репрезентативец потпиша шестгодишен договор со клубот од Стамфорд Бриџ, што ќе го задржи таму до 2031 година. 

По испаѓањето на Ипсвич од Премиер Лигата, во договорот на Делап се активираше откупна клаузула што јго овозможи неговота заминување. Делап постигна 12 голови и 2 асистенции на 40 настапи минатата сезона, оставајќи силен впечаток и покрај тешкотиите на тимот. Неговите настапи привлекоа интерес од неколку премиерлигаши, вклучително и Манчестер Јунајтед и Њукасл, но на крајот Челзи успеа да го обезбеди неговиот потпис. 

По потпишувањето на договорот, Делап изјави: „Растејќи гледајќи го овој клуб, ја разбирам неговата големина и исто така колку неверојатен бил низ годините.“ 

„Сакав да дојдам во Челзи за да освојувам трофеи… кога разговарав со клубот, сите имаа желба да се вратат на самиот врв, со амбиција да продолжат да освојуваат трофеи и да го вратат клубот таму каде што му е местото – тоа е главната цел.“ 

Овој трансфер претставува и повторно здружување со неговите поранешни соиграчи од младинската академија на Манчестер Сити – Кол Палмер и Ромео Лавија – како и со тренерот Ензо Мареска, кој соработуваше со Делап во младинскиот состав на Сити. Одлуката на играчот, според извори блиски до него, била силно влијаена од запознаеноста со стручниот штаб и долгорочната визија на Челзи. 

Со доаѓањето на Делап, Челзи ќе добие дополнителна сила во нападот, подготвувајќи се за напорната сезона 2025/26, која вклучува и учество на ФИФА Светското Клупско Првенство. Овој трансфер ја нагласува посветеноста на клубот на младите играчи и долгорочниот развој, што е клучна стратегија на сегашното раководство на клубот. 

Челниците на Баер Леверкузен се помирија со фактот дека најдобриот играч, Флоријан Вирц ќе го напушти клубот. Прашање на денот е кога Баер ќе го договори трансферот на Вирц во Ливерпул. Во Леверкузен се сигурни дека најдоа играч кој ќе го замени Вирц.

Додека работат на трансферот на Вирц, челниците на Баер водат и операција за трансфер на Нико Паз (20). Младиот Аргентинец воодушеви сезонава во Серија А, во дресот на Комо.

Паз се пресели од Реал во Комо минатата година за шест милиони евра, но во тој договор Реал го задржа правото на да го врати фудбалерот за осум милиони евра. Перез наводно планира да ја активира таа клаузула и да го врати во клубот.

Реал ќе му плати на Комо осом милиони евра, но не планира да го задржи Паз. Намерата им е да го продадат во Леверкузен за 30 милиони.

Челниците Баер ги започнале преговорите и подговтвени се да ја платата бараната сума.

Младиот играч од средниот ред се истакна минатата сезона под водство на Сеск Фабрегас во Комо, забележа шест гола и девет асистенции во 35 настапи.

Според „ Mundo Deportivo“ Барселона брзо се движи да го обезбеди Алехандро Грималдо од Баер Леверкузен во намален трансфер од 18 милиони евра, зајакнувајќи ја својата конкуренција со Реал Мадрид за посакуваниот лев бек. Како шампион на Ла Лига, Барселона е решена да ја добие битката во овој важен трансфер. 

Грималдо, на 29 години, кој ја започна кариерата во познатата академија на Барселона, Ла Масија, наводно е заинтересиран да се врати во Шпанија. И покрај тоа што има договор со Леверкузен до 2027 година, желбата да игра повторно во Ла Лига предизвика натпревар меѓу двата големи шпански гиганти.  

Реал Мадрид исто така покажува силен интерес, што ја прави конкуренцијата за Грималдо жестока. Сепак, тренерот на Барселона, Ханси Флик, го гледа искусниот лев бек како совршен за неговиот тим.

Барселона работи напорно за брзо финализирање на договорот, искористувајќи ја релативно ниската откупна клаузула на Грималдо. Овој потег може да им даде стратешка предност пред Реал Мадрид, кои ова лето бараат неколку врвни играчи. Деталите за договорот укажуваат на можен четиригодишен договор за Грималдо на Камп Ноу, со плата во согласност со моменталната структура на Барселона.