Манчестер Јунајтед не може да биде задоволен на резултатски план и оваа сезон, но затоа може да се пофали со рекордни приходи.

Клубот работи одлично кога се финансиите во прашање, па и покрај слабите резултати оствари рекордни приходи во износ од 648.4 милиони фунти во финансиската година која заврши на 30 јуни. Вкупниот приход пораснал за 11% во однос на претходната година и го надмина претходниот рекорд на лигата кој Јунјатед го постави во 2019 година.

Сепак, како што пренесуваат англиските медиуми, клубот од „Олд Трафорд“ во истиот период е во загуба од 42.1 милиони фунти.

Фондот за плати во Јунajтед опаднал за 52.8 милиони фунти на вкупно 331.4 милиони фунти, што се должи на заминувањето на неколкумина скапи играчи, како и неиграњето во Лигата на шампиони.

Реал Мадрид покажува сериозен интерес за младата ѕвезда на Баерн Минхен, Џамал Мусиала, пренесува „Билд“.

Весникот тврди дека Баварците воопшто не размислуваат за продажба на својот „бисер“ и планираат да му понудат нов договор кој му истекува во 2026 година. „Билд“ тврди дека Мусиала не е задоволен од статусот кој го има во тимот бидејќи и покрај добрите игри често е на клупата за резерви, па преговорите за продолжување на договорот се во застој.

Целата ситуација будно ја следи Реал Мадрид, кој сака да го донесе младиот Германец на „Сантиjаго Бернабеу“.

Арсенал е силно заинтересиран за ѕвездат на Фулам, Жоао Палиња, пренесуваат англиските медиуми.

Артета сака во јануари да го засили средниот ред со квалитетен играч за врска, а прва желба е токму Палиња. Португалецот игра фантастично во Премиер лигата, а во летниот преоден рок беше на чекор од трансфер во Баерн Минхен.

Палиња сака да ја промени средината, а Арсенал е спремен да понуди 60 милиони фунти за неговиот потпис, бидејќи Артета смета дека тој може да одигра клучна улога во борбата за титулата.

Њукасл состави список на кандидатите за замена на италијанскиот играч за врска Сандро Тонали, кој беше обвинет за незаконско обложување и доби суспензија на 10 месеци.

Според „Атлетик“ раководството на англискиот клуб составило список со кандидати за пополнување на испразнетото место до крајот на сезоната. Мета на „страчките“ се Калвин Филипс (Манчестер Сити), Скот Мектоминај (Манчестер Јунајтед), Жоао Палиња (Фулам) и Амаду Онана (Евертон).

Тонали во последниот преоден рок од Милан се пресели во Њукасл за 64 милиони евра. Сезонава играчот од средниот ред одигра 12 натпревари на кои постигна еден гол. Договорот на играчот со актуелниот клуб е со важност до крајот на јуни 2028 година.

Манчестер Сити е заинтересиран за потписот на играчот од средниот ред на Барселона, Педри.

Според информациите, фудбалерот сериозно го воодушевил менаџерот на Сити, Хосеп Гвардиола. Сумата на трансферот би можела да достигне 100 милиони евра.

За Барселона, таков трансфер би помогнал да се подобри финансиската состојба на клубот. 20-годишниот Педри се пресели во Барселона во 2019 година од Лас Палмас за 17,5 милиони евра.

Фудбалерот од средниот ред помина една сезона на позајмица во својот матичен клуб, а потоа блесна во дресот на Каталонците.

Роби Фаулер доби отказ од функцијата менаџер на клубот од Саудиска Арабија, Ал Кадсија и покрај тоа што клубот немаше пораз од почетокот на сезоната во Втората лига на оваа земја.

Саудискиот второлигаш ја објави веста на социјалните мрежи, заблагодарувајќи му се на поранешниот англиски репрезентативец за неговата работа откако беше поставен како менаџер летово. Речиси веднаш по објавувањето на заминувањето на Фаулер, Кадсија потврди дека негов наследник ќе биде поранешниот напаѓач на Реал Мадрид ина селекцијата на Шпанија, Мичел.

Фаулер (48) ја предводеше Ал Кадсија до шест победи и две нерешени средби на осумте првенствени натпревари, а неговиот единствен пораз беше во Купот на кралот против Ал Тавон.

Брахим Диаз после три сезони поминати во Милан ова лето се врати во Реал Мадрид, но може експресно да си замине.

Дијаз блескаше во дресот на „росонерите“, па Реал одлучи да го врати како замена за Асенсио ова лето. Меѓутоа, Диаз не се вклопува во системот на игра на Анчелоти и добива мала минутажа, па може експресно да го напушти „кралскиот“ клуб.

Шпанските медиуми пренесуваат дека Реал е спремен да го пушти уште во јануари, а најсилен интерес покажуваат клубовите од Премиер лигата.

Имено, Вест Хем и Астон Вила се спремни веднаш да понудат 20 милиони фунти за потписот на офанзивниот плејмејкер.

Минатиот викенд се одиграа натпреварите второ и трето коло од државните лиги во пинг-понг. Немаше посериозни изненадувања и фаворитите стигнаа до очекувани бодови.

Голманот на Арсенал, Арон Рамсдејл нема трпение да седи на клупата за резерви, па најверојатно во јануари ќе побара трансфер во друг клуб, пишува англиски „Дејли Меил“.

Според изворот, Челзи ќе направи обид да го ангажира Рамсдејл во зимскиот преоден рок. Шефовите на Челзи не се задоволни од лошата форма на нивниот главен голман Роберт Санчез. Се истакнува дека на одлуката на Рамсдејл може да влијае и неучеството на Челзи во Лигата на шампионите оваа сезона.

25-годишниот англиски голман го загуби местото во стартниот состав на „топчиите“ на почетокот на сезоната. Рамсдејл има пет настапи во сите натпреварувања за Арсенал оваа сезона, во кои прими пет гола.

Манчестер Јунајтед и ПСЖ се борат за потписот на францускит дефанзивец, Жан Клер Тобидо, пренесува „Екип“.

23-годишниот Тобидо во 2019 година се пресели во Барселона како слободен играч, но никогаш не доби шанса на „Камп Ноу“ и беше испраќан на позајмици. Во 2021 година Ница го откупи неговиот договор, а тој игра одлично во Франција и го привлече вниманието на многу европски клубови.

Манчестер Јунајтед се обиде да го доведе во летниот преоден рок, но  не успеа да постигне договор со Ница.

Јунајтед не се откажува, но сега доби сериозна конкуренција бидејќи ПСЖ покажува сериозен интерес и во него гледа идеална замена за Кимпембе.

Давид Де Хеа се уште е без ангажман откако го напушти Манчестер Јунајтед, а сега според последните информации би можел да се врати на „Олд Трафорд“.

Наводно, Јунајтед размислува да го врати Де Хеа на три месеци и така да го покрие отсуството на Андре Онана на почетокот на следната година. Де Хеа не се договори со Јунајтед за нов договор бидејќи клубот сакаше да му ја намали платата, а потоа го доведе Онана за 55 милиони евра.

Онана во јануари и февруари ќе има обврски кон Камерун во Африканскиот куп на нации, па така во Јунајтед стравуваат дека во тој период голманската позиција нема да им биде добро покриена.

Токму затоа се разгледувала опцијата за враќање на Де Хеа, но само на три месеци.