36-годишниот аргентински играч за врска на Бенфика од Лисабон, Анхел ди Марија направи две асистенции во натпреварот од 5. коло од Лигата на шампионите со Монако (3-2) и го зазеде второто место на листата на најдобри асистенти во историјата на ова натпреварувањетурнирот.

Така, Аргентинецот веќе има 41 асистенција во натпреварите од Лигата на шампионите, благодарение на тоа го надмина Лионел Меси, кој има 40 асистенции. Рекордер во Лигата на шампионите е португалски напаѓач Кристијано Роналдо со 42 асистенции.

На 16 натпревари од сезоната 2024/25 во сите натпреварувања, играчот од средниот ред постигна осум гола и даде пет асистенции.

Женската репрезентација на Македонија вои фудбал денес во Скопје официјално ги започнува подготовките за двата контролни натпревари со селекцијата на Црна Гора.

Контролните натпревари помеѓу Македонија и Црна Гора ќе бидат одиграни на 30 ноември со почеток во 13:00 часот и 3 декември со почеток во 12:00 часот на тренинг центарот „Петар Милошевски”.

Селекторот на женската репрезентација на Македонија, Александар Андов ги сподели своите очекувања пред двата тест натпревари со Црна Гора.

„Целта на овие два контролни натпревари со Црна Гора пред се е да го задржиме континуитетот, да се подобриме во одредени сегменти и да ги отстраниме слабите страни во нашата игра. Сакаме да бидеме во најдобра физичка и ментална состојба пред почетокот на циклусот на натпревари од Лигата на нации. Имаме јасна визија и цел за наредната година, а тоа е освојување на првото место во нашата група од новото издание на Лигата на нации.

Репрезентацијата на Црна Гора е квалитетен противник, кој одигра одличен двомеч против Финска во баражот. Имаме одиграно неколку натпревари против нив и секогаш резултатски биле поуспешни од нас. Но, тоа е минато, ние сме во фаза каде што градиме нова репрезентација која ќе биде конкурентнта и подготвена за секакакви предизвици.

Претходните квалификации за пласман на Европското првество беа успешни за нас, со оглед на тоа што до последниот меч бевме втори во групата и со победа ќе успеевме да влеземе во баражот, но нашето неискуство да играме под притисок си го направи своето. Можам да кажам дека од меч во меч растеме како тим, во континуитет има подобрување во нашата игра, се наоѓаме на вистинскиот пат.

Имаме добра група во Лигата на нации. Косово и Летонија се сериозни репрезентации кои имаат голем напредок во нивната игра. Нема повеќе место за изговори. Имаме одлична и вистинска можност пред нас која треба да ја искористиме максимално. Сакаме да се покажеме во добро светло и до го освоиме конечно првото место во нашата група“, рече Андов.

Нашата најдобра женска репрезентација на 21 февруари против Косово на домашен терен го започнува настапот во новото, второ по ред издание на Лигата на нации 2025 година.

Маурицио Сари наводно ќе биде нов селектор на српската фудбалска репрезентација, доколку таа функција ја напушти Драган Стојковиќ Пикси.

Италијанецот ќе биде првиот пик на Фудбалскиот сојуз на Србија (ФСС) за наследник на Пикси, пишува „Republika.rs“. Српските медиуми претходно објавија дека Пикси е се поблиску порано да го напушти кормилото на националниот тим и да прифати профитабилна понуда од Азија.

„Maxbet Sport“, тврди дека од Азија биле подготвени да платат обесштетување за Пикси, кој има договор со ФСС до 2026 година. Овој извор не наведува дали станува збор за клуб или репрезентација, но наведува дека новата соработка би можела да започе од почетокот на 2025 година.

Младата ѕвезда на Барселона, Педри уште еднаш изрази надеж дека ќе остане што подолго во клубот. Играчот од средниот ред беше еден од најдобрите на теренот во победата од 3-0 над Брест во Лигата на шампионите.

Иако има уште неколку години до крајот на неговиот актуелен договор со „каталонците“, Барса преговара со агентот на играчот околу неговото обновување.

Се чини дека желбата и на младиот фудбалер е да остане во клубот и не се очекува да има пречки во разговорите.

„Не знам ништо конкретно, но секогаш сум велел дека овде ми оди многу добро. Ќе разговарам со мојот агент за тоа. Имам уште многу години пред мене, но секогаш сум велел дека ова е клубот во кој сакам да останам засекогаш. Не знам ништо за денешната средба меѓу мојот агент и клубот“, изјави Педри по мечот со Брест.

Комплетирано е 16. коло во Првата македонска фудбалска лига, по кое е јасно дека пет клуба ќе се борат за шампионската титула, а остатокот од лигата ќе води ботка за опстанок.

Тимовите од врвот запишаа рутински победи на своите конкуренти. Шкендија, Работнички и Гостивар славеа со идентични 2-0 против Шкупи, Тиквеш односно Вардар. Силекс убедливо со 4-1 го победи тимот на Воска спорт, а Струга минимално со 1-0 го победи Пелистер.

Луис Суарез ја продолжи соработката со Интер Мајами до крајот на следната сезона, потврдија од клубот од Флорида.

Тоа значи дека 37-годишниот „Ел Пистолеро“ ќе остане уште една сезона со соиграчите од славниот период на Барселона: Лионел Меси, Серхио Бускетс и Жорди Алба.

Од следната сезона Интер ќе го тренира Хавиер Маскерано, уште еден играч на Барселона (2010 до 2018), кој до неодамна раководеше со младинскиот тим на Аргентина.

Суарез минатата сезона беше најдобар стрелец на тимот со 25 гола.

Сезоната во МЛС лигата ја одбележа доминацијата на Интер со 22 победи, четири нерешени и осум порази за рекордни 74 бода, но тие не се прославија во плеј-офот, каде во првото коло, во три натпревари беа елиминирани од Атланта јунајтед.

Црвена звезда и Штурм Грац ги забележаа првите победу оваа сезона во Лигата на шампионите. Џирона со Бојан Миовски доживеа (не)очекуван пораз во Штурм (1-0), а Црвена звезда го декласира Штутгарт во Белград (5-1).

На „Рајко Митиќ“ во Белград 40.000 гледачи видоа рапсодија на црвено-белиот тим. Српскиот првак го декласира германскиот вице-шампион со 5-1.

Не почна добро натпреварот за домашниот тим, Демировиќ му донесе предност на Штутгарт во петтата минута и тоа беше се од „швабите“ на овој натпревар.

Играчот на Штутгарт, на позајмица во Црвена звезда, Силас, во 12.минута по соло акција изедначи. Целосен пресврт домаќинот направи во 31.минута кога Круниќ го совлада Нибел.

Во вториот дел Црвена звезда ги затвори приодите кон својот гол и го уништи Штутгарт од контра напади. Постигнаа три гола, а можеа уште толку.

Иваниќ погоди за 3-1, а точка на мечот стави Радоњиќ со два гола.

Штурм во Грац ја забележа историската прва победа во ЛШ. Австрискиот првак ја победи Џирона со 1-0. Натпреварот го реши Бирет со голот во 59.минута. Македонскиот репрезентативец Бојан Миовски го започна мечот на теренот беше до 67. минута.

Руд Ван Нистелрој заврши одлична работа краткото време кое го мина како в.д.менаџер на Манчестер јунајтед. Откако го замени Ерик Тен Хаг, забележа три победи и реми, а потоа му го отстапи местото на Рубен Аморим.

Прославениот напаѓач е на пат да го преземе Лестер, кој неодамна го отпушти менаџерот Стив Купер. Лестер оваа сезона се врати во Премиер лигата, но сега се бори да избори опстанок. Сензационалниот шампион на Англија од 2016 година моментално е на 16-тото место.

Ван Нистелрој стекна светска слава во Јунајтед. Тој одигра 219 натпревари и постигна импресивни 150 гола. Го освои и англискиот шампионат. Подоцна се пресели во Реал Мадрид и продолжи со одличните настапи. Кариера ја заврши во 2012 година во Малага.

Откако ја започна својата тренерска кариера како шеф на вториот тим на ПСВ, тој потоа го предводеше првиот тим до 33 победи и 10 нерешени во 51 натпревар, освојувајќи два трофеи.

Ливерпул и по петата рунда е еденствениот тим со максимален учинок во Лигата на шампионите. Вечерва на „Енфилд“, во апсолутното дерби на оваа рунда Ливерпул го победи Реал со 2-0. Реал остана на шест бода, скор од две победи и три порази.

Карло Анчелоти, кој има многу проблеми со повредени играчи, на „Енфилд“ излезе со јасна цел да не загуби, но не успеа во својата намера. „Црвените“ од стартот ја презедоа контролата, константно напаѓаа не искористија две добри шанси за гол. Колку Реал беше инфериорен во првото полувреме говори податокот дека не упатија ниту еден удар кон голот на Келехер.

Иницијативата на Ливерпул која продолжи и во вториот дел вроди со плод во 52.минута, кога Мекалистер по додавањето од Бредли го совлада извонредниот Куртоа. Инаку десниот бек на Ливерпул Бредли, одигра брилијантен меч, успеа во целост да го запре Килијан Мбапе.

По примениот гол играчите на Реал тргнаа поангажирано кон голот на Ливерпул. Од првата вистинска акција, Лукас Васкез избори пенал во 61.минута. Мбапе ја презеде одговорноста, но неговиот удар го одбрани Келехер.

Двевет минути подоцна пенал доби Ливерпул. Салах ја презеде одговорноста, но неговиот удар заврши во стативата. Точка на натпреварот стави Гакпо, кој по центрашутот на Робертсон остана сам во пететрецот и со глава ја закова топката во голот.

Баерн синоќа го победи ПСЖ со голот на Ким Мин-јае со глава во 38. минута. Кореецот беше единствениот стрелец на натпреварот кој ПСЖ го заврши со играч помалку. Поради два жолти картони исклучен беше Усман Дембеле во 56. минута.

За Баерн ова беше продолжение на чудесната серија без пораз на домашен терен во групната фаза од Лигата на шампионите. Ова беше нивни 33. натпревар во кој не загубија.

Последен пат беа поразени во декември 2013 година, кога Манчестер сити во Минхен ги победи со 3-2.

Баварскиот клуб го израмни рекордот на Барселона. Серијата на Каталонците се протега од 2009 до 2020 година.

Баерн победи на 31 натпревар, а само на два пати ремизираше.