Маркус Рашфорд беше човекот на одлука во првиот натпревар на Барселона оваа сезона во Лигата на шампионите.

Англискиот напаѓач се врати во својата татковина со каталонскиот клуб, каде што Барса играше против Њукасл и го реши натпреварот. Постигна два гола, ја освои наградата за играч на неделата и покажа дека може да игра на најголемата сцена.

Рашфорд се раздели со Манчестер јунајтед, но само привремено. Англискиот репрезентативец е на позајмица во Барселона, но би сакал да остане таму.

Познато е дека Рашфорд не се раздели со Аморим и раководството на најдобар начин. Прво беше испратен на позајмица во Астон Вила, сега во Барселона, бидејќи повеќе не сметаат на него на „Олд Трафорд“. Сепак, има еден проблем.

Барселона сè уште има големи финансиски проблеми и големото прашање е дали ќе можат да си дозволат да го откупат договорот на Рашфорд, се разбира, ако одлучат да го откупат.

Серхио Бускетс планира да ја заврши својата богата кариера на крајот од сезоната 2025 во американската МЛС лига, кога ќе завршат неговите обврски во Интер Мајами.

37-годишниот играч од средниот ред, кој освои 32 трофеи со Барселона и имаше 143 настапи за Шпанија, одлучи да се пензионира две години откако му се придружи на Лионел Меси во Интер Мајами.

Според извештаите што доаѓаат од САД, Бускетс изјавил дека ќе се пензионира кога ќе му истече договорот со Интер Мајами на крајот од 2025 година.

Поранешниот светски шампион отворено наговести дека крајот е близу, признавајќи минатото лето дека е „многу поблиску до завршување на кариерата отколку до нејзино продолжување“. Иако засега нема официјална потврда, се верува дека наскоро ќе следи соопштение.

Пензионирањето на Бускетс ќе го означи заминувањето на еден од најтрофејните и најинтелигентните играчи од средниот ред во историјата на фудбалот. За Интер Мајами, тоа значи губење на клучен играч кој, заедно со Меси и Жорди Алба, го формираше ‘рбетот на нивниот проект инспириран од Барселона.

Арсенал вечерва ремизираше 1-1 дома со Манчестер сити во петтото коло од Премиер лигата.

Ерлинг Халанд од Арсенал го отвори резултатот во 9. минута. Габриел Мартинели од домашниот тим постигна гол во третата минута од судиското надополнување и го спаси својот тим од пораз.

Арсенал е втор на табелата во Премиер лигата со 10 бода. Во следниот коло ќе игра против Њукасл на гости.

Манчестер сити се искачи на деветтото место со седум бода. Во следниот коло од Премиер лигата ќе биде домаќин на Барнли.

Фудбалерите на Вардар вечерва славеа триумф над Работнички со 3-1 во 7. коло на Првата лига.

До триумфот на „Тодор Проески“ во Скопје „Црвено-црните“ дојдоа со пресврт.

Работнички поведе преку Имери во 7. минута, изедначи Бабунски од пенал во 41. минута. Кастањеда во 59. минута донесе водство за домашниот тим, а конечниот резултат го постави Мато на 20 минути пред крајот.

По оваа победа Вардар е лидер со 19 бодови, три повеќе од Струга Трим Лум која има натпревар помалку. Трет е Силикс со 15 бода и натпревар помалку.

Шкендија ја оствари четвртата победа во Прва МФЛ оваа сезона, откако на домашен терен во Тетово го совлада Тиквеш со 1-0. Гостите пружија силен отпор, играа отворен фудбал и создадоа неколку шанси, но не успеаја да реализираат, за разлика од актуелниот првак.

Стојанов и Тодоров најавија дека Тиквеш нема лесно да се предаде, но голманот Гаје спречи да се затресе неговата мрежа во воведниот дел од натпреварот.

На спротивната страна, Љатифи пропушти одлична можност, но во 36. минута му подготви гол-шанса на Себастијан Спахиу, кој натрча на вториот дирек и реализираше, постигнувајќи го својот прв гол во дресот на Шкендија.

Тиквеш не се помири со резултатот и во второто полувреме. Притискаше и создаде неколку шанси преку Стојкоски, Садик и Стојанов, но реализацијата повторно беше проблем, а одличниот Гаје остана непремостлива пречка.

Бесарт Ибраими имаше можност да го зголеми водството на Шкендија десетина минути пред крајот, но неговиот удар не беше доволно прецизен.

На крајот, Шкендија славеше со 1-0, освои нови три бода, додека Тиквеш ќе мора да ја подобри реализацијата за да бележи подобри резултати.

Менаџерот на Ливерпул, Арне Слот, објави дека пет клучни играчи ќе бидат надвор од составот за натпреварот од Лига купот во вторник против Саутемптон.

По победата од 2-1 над Евертон на „Енфилд“, Холанѓанецот потврди дека Вирџил ван Дајк, Ибрахима Конате, Мохамед Салах, Рајан Гравенберг и Доминик Собослај ќе бидат одморени. Сите тие ги одиграа полните 90 минути во последните пет натпревари од Премиер лигата и натпреварот од Лигата на шампионите со Атлетико Мадрид.

„Можам да ви кажам сега дека нема да ги видите во вторник. Ако тоа им помага на Саутемптон, тие веќе знаат“, изјави Слот за медиумите по победата над нивниот градски ривал.

Фудбалерот на Манчестер сити, Ерлинг Халанд, би можел да ја продолжи кариерата во Шпанија.

Според „Фудбал Инсајдер, Барселона е заинтересирана за 25-годишниот Норвежанец. Каталонците го гледаат напаѓачот како долгорочна замена за Роберт Левандовски.

Халанд е во Манчестер сити од летото 2022 година.

Тој одигра 151 натпревар за англискиот клуб, постигнувајќи 130 гола и 21 асистенција.

Јувентус одигра само нерешено против Верона (1:1), а информациите од Италија велат дека дефанзивецот на тимот од Торино, Бремер заработил повреда.

Бразилскиот дефанзивец беше одморен од тренерот Игор Тудор за натпреварот, но како што е вообичаена практика, играчите кои не учествуваа во натпреварот добија вежби на теренот под надзор на тренери и физиотерапевти.

За време на една од тие вежби, Бремер се струполи на тревата, жалејќи се на мускулен проблем. Ова е нов удар за Бразилецот, кој ја пропушти речиси целата минатата сезона поради сериозна повреда.

Во текот на денот медицинскиот персонал на Јувентус ќе ја процени состојбата на дефанзивецот, а Тудор се надева дека повредата не е сериозна.

Натпреварот од 5. коло од француската Лига 1 помеѓу Марсеј и ПСЖ, закажан за денес, 21 септември, е откажан поради лоши временски услови. Оваа информација предмалку беше објавена од страна на Лига 1 на социјалните мрежи.

Како што нагласува прес-службата на Лига 1, овој натпревар ќе биде одложен и ќе се одигра утре (понеделник 22 септември од 20 часот).

Во официјалното соопштение се нагласува дека се очекуваат обилни врнежи од дожд во регионот во текот на попладневните часови, што ќе резултира со обилни врнежи од дожд во областа на домашниот стадион на Марсеј, „Велодром“, во вечерните часови.

Исто така од страна на локалните власти ги повикуваат луѓето да избегнуваат патување со автомобил.

Во последното коло, Олимпик Марсеј го победија Лориент со резултат од 4-0, а парискиот тим победи против Ленс со резултат од 2-0.

Барселона нема да може да го игра својот домашен натпревар против Реал Сосиедад во 7. коло од Ла Лига на стадионот „Олимпик Луис Компанис“.

Tимот на Ханси Флик нема да игра на Олимпискиот стадион поради огномет што се одржува во близина на спортскиот објект. Шоуто ќе го заокружи фестивалот „Ла Мерсе“, кој се одржува секоја година во каталонската престолнина. Понатаму, Барселона веројатно нема да може да го користи стадионот „Камп Ноу“, и покрај фактот дека натпреварот против „сино-белите“ беше планиран да се одржи на реновираната арена. Сепак, лиценцирањето на стадионот сè уште не е завршено.

За потсетување, Барселона ја победи Валенсија со 6:0 во четвртото коло од шпанското првенство на стадионот „Јохан Кројф“, кој има капацитет од 6.000 гледачи. Натпреварот на Барселона против Реал Сосиедад ќе се одржи на 28 септември.