Данди Јунајтед и Глазгов Ренџерс одиграа 2-2, гостите се спасија со гол во 97. минута од пенал, Миовски и Трапановски играа еден против друг.

Миовски беше стартер, одигра 90 минути, но не го одигра и целиот натпревар. Беше изваден токму во 90. минута од мечот.

Македонскиот напаѓач не успеа да ја искористи минутажата и да постигне гол, заврши уште еден меч без погодок.

Трапановски мечот го почна од клупата за резерви, тој во игра влезе во 77. минута.

Што се однесува до мечот, Данди поведе уште во 11. минута со гол на Сапсфорд, по 12 минути игра Ренџерс израмни преку Мегома.

Фатах во 66. минута донесе ново водство за Данди кое траеше до 97. минута, а тогаш Бајрами биеше прецизно од белата точка и израмни на 2-2.

Илија Несторовски, „Македонскиот Џејми Варди“, во опширно интервју за „Моцарт Спорт“ зборува за искуството од југот на Италија, соработката со Маурицио Зампарини, Роберто Де Зерби, лошата епизода во Чешка, спасувањето на неговата кариера во Хрватска, повикот од Црвена звезда и несогласувањата со селекторот Благоја Милевски.

По сè што поминавте, доживеавте успех со репрезентацијата на Македонија. Станавте дел од тимот што за прв пат избори пласман на Европско првенство, му асистиравте на Горан Пандев за голот против Грузија во Тбилиси?

„Беше убаво да се биде дел од таа приказна и незаборавен успех. Толку мала земја да се квалификува на Европско првенство, звучи неверојатно. Единствено жалам што, на крајот, не отидов на завршниот турнир. Буквално еден месец пред почетокот на првенството, ги скинав предните вкрстени лигаменти за време на тренинг. Седев на трибините и на клупата, барем бев некаков вид поддршка.“

Иако го направивте сето тоа, стигнавте до 50-тиот натпревар за репрезентацијата, крајот е некако неславен. Влеговте во конфликт со селекторот. Зошто?

„Не би го нарекол конфликт, едноставно, играчи со посилен карактер не му одговараат на Благоја Милевски. Тој одлучи повеќе да не ме вика, рече дека не се вклопувам во неговите тактички идеи. Сè е во ред, нема проблем, секој ги носи одлуките што ги смета за правилни, но треба да се каже како што е. Нема никаква врска со технички или тактички прашања“.

Пред почетокот на последната сезона во Палермо, се зборуваше дека можете да го смените клубот, а Црвена звезда се споменуваше како дестинација, и тоа преку позајмица?

„Мојата цел беше да останам во Италија заради моето семејство, децата, се забавувавме добро, сакав да играм во Серија А и да не се враќам на нашите простории. Тоа беше единствената причина зошто не дојдов во Црвена звезда, а имаше разговори. Животот на Апенините ни одговараше, децата се навикнаа и генерално мислев дека можам да покажам многу повеќе во Серија А“, заклучи Илија Несторовски.

Тука можете да го прочитате целото интервју на Илија Несторовски.

Македонската репрезентација до 20 години запиша победа од 0-3 на гостувањето против селекцијата на Лихтенштајн до 21 година. На својот прв натпревар, фудбалерите предводени од Александар Таневски одиграа одлично второ полувреме кога го решија мечот во своја корист. Во првото полувреме, немаше погодоци, домашните преку Лука Бек и Џулиан Келер промашија две добри шанси.

Македонија доминираше во продолжението. Никола Величковски во 52. минута го отвори резултатот, а Димитар Данев ги постигна вториот и третиот погодок во 65. и 78. минута.

Македонија до 20 години: Љупче Чеков, Марко Стојилевски, Андреј Велков, Илија Масларов, Нуман Ајетовиќ, Адис Мурати, Давид Матески, Нарун Незировски, Никола Величковски,Сејдо Дураков, Димитар Данев; Давид Илоски, Мичо Поповски, Виктор Делов, Армир Иса, Андреј Стојановски, Тео Сандев, Игли Хасани, Шабан Мемети, Илир Шерифи, Аган Сулимани, Никола Филевски; Селектор: Александар Таневски.

Нејмар Жуниор со блескав хет-трик во второто полувреме го водеше Сантос до победа од 3:0 над Жувентуде, исфрлајќи го клубот два бода над опасната зона во бразилската лига, само едно коло пред крајот. Иако лекарите му препорачаа пауза поради сериозна повреда на менискусот, 33-годишната ѕвезда реши да ризикува, и го одлучи мечот за само 17 минути. Прво погоди од контра во 56. минута, потоа прецизно заби со глава на центаршут од Игор Винисиус и од пенал го комплетираше својот прв хет-трик по повеќе од три години, пред да биде заменет во 83. минута.

Играјќи повреден, Нејмар веќе три натпревари по ред е одлучувачки, со голови и асистенции кои целосно ја променија завршницата на сезоната за Сантос. Слично храбро издание имаше и во победата над Спорт Ресифи (3:0), кога и покрај болката запиша гол и асистенција. Сантос сега е 15-ти, два бода пред Виторија, која има меч помалку, а дуелот со Крузеиro во недела на „Вила Белмиро“ ќе биде директна борба за опстанок, победа значи сигурно останување во првата лига.

Подвигот го разбуди духот на „Менино Неј“ од деновите кога првпат блесна во дресот на Сантос. Додека навивачите слават и веруваат дека токму овој хет-трик ќе биде пресвртницата во битката за опстанок, останува прашањето колку ќе го чини телесно ова пожртвувано враќање. Но за клубот што го издигна, Нејмар токму сега ја игра најемотивната и најзначајната улога по своето враќање.

Фудбалерот на Реал Мадрид, Трент Александер-Арнолд, се повреди синоќа на натпреварот од 19. коло од шпанската лига против Атлетик Билбао. Тој беше заменет со Раул Асенсио во 57. минута.

Како што објави новинарот Хозе Луис Санчез на социјалната мрежа X, 27-годишниот Англичанец е надвор од терените подолг период и веројатно нема да игра повторно до 2025 година.

Александар-Арнолд се приклучи на Реал Мадрид од Ливерпул во летниот трансфер период. Оттогаш, тој играше во 16 натпревари и имаше три асистенции.

Реал Мадрид има 36 бода и е втор на табелата, еден бод зад лидерот Барселона.

Деклан Рајс ја отфрли загриженоста околу својата повреда по победата од 2–0 над Брентфорд, уверувајќи дека ќе биде подготвен за саботниот премиерлигашки дуел со Астон Вила. Иако Микел Артета по мечот изјави дека „не можел да продолжи“ поради проблемот, англискиот репрезентативец кратко по натпреварот кажа: „Добро сум, ќе бидам спремен.“ Рајс по заминувањето од теренот се движеше нормално, а дополнителните прегледи се очекува да го потврдат тоа.

Триумфот против Брентфорд беше засенет од уште една повреда: дефанзивецот Кристијан Москера мораше предвреме да излезе по незгодно приземјување, држејќи се за глуждот. Неговиот проблем доаѓа во момент кога Арсенал веќе се соочува со отсуства во одбраната, Вилијам Салиба и Габриел се надвор од составот, што дополнително го стеснува изборот на Артета во период со густ распоред.

Сепак, вложувањата направени летово се покажуваат како пресметлив потег. Новите играчи внесуваат флексибилност и сигурност, а поширокиот состав му овозможува на Арсенал да остане конкурентен и покрај серијата повреди.

Арсенал славеше убедлива победа од 2–0 над Брентфорд на Емиратите, со што ја зголеми предноста на врвот од Премиер лигата на пет поени. Микел Мерино го отвори резултатот уште во 11. минута, крунисувајќи течна акција со прецизен удар со глава по нафрлањето на Бен Вајт. Брентфорд се закани најмногу по прекини, но Давид Раја со блескава одбрана по ударот на Кевин Шаде ја сочува предноста до паузата.

И покрај тоа што игра како импровизиран напаѓач поради повреди во тимот, Мерино повторно беше клучната фигура. Шпанецот не само што постигна втор последователен погодок, туку и маестрално го проигра Букајо Сака за голот во судиското продолжение. Во шест старта како „деветка“, Мерино учествувал во голови на пет натпревари, покривајќи повеќе од 12 километри и влегувајќи во дуели низ целиот терен. Неговата издржливост, игра во воздухот и чувство за простор уште еднаш ја разбија одбраната на Брентфорд и отворија прашања за неговата долгорочна улога кај Микел Артета.

Арсенал со ова ја продолжи неверојатната низа од 18 натпревари без пораз во сите натпреварувања и осум последователни домашни победи во лигата. Сепак, триумфот беше засенет од нови проблеми со повредите. Кристијан Москера се повреди по незгодно приземјување и му се придружи на веќе отсутните Вилијам Салиба и Габриел, што го натера Јуриен Тимбер да се пресели во срцето на одбраната. Дополнително, Деклан Рајс беше повлечен од составот поради проблем со листот, што предизвикува неизвесност пред брзиот дуел со Астон Вила. Артета повторно го критикуваше згуснатиот распоред кој сѐ повеќе го тестира неговиот тим.

Реал Мадрид запиша убедлива победа од 3-0 на гостувањето кај Атлетик Билбао на Сан Мамес, прекинувајќи ја мини-кризата во Ла Лига. Главна фигура беше Килијан Мбапе, стрелец на два гола и асистент во третиот, повторно демонстрирајќи ја својата клучна улога во нападот на „кралскиот“ клуб. Едуардо Камавинга се запиша во листата на стрелците со прецизен удар со глава.

Мбапе го отвори резултатот уште во 7. минута, по совршен долг пас од Трент Александер-Арнолд, а неговиот смирен финиш го совлада голманот Унаи Симон. Атлетик се обидуваше да возврати, но Тибо Куртоа неколку пати одлично интервенираше. До паузата Мадрид ја зголеми предноста: по прецизно нафрлување на Александер-Арнолд, Мбапе со умно проигрување му асистираше на Камавинга за 0-2.

Домашниот тим подобро го отвори второто полувреме, но гостите брзо ја вратија контролата. Мбапе во 59. минута со силен удар од далечина ја запечати победата и го заокружи својот блескав настап. Со овој двоен погодок, Французинот стигна до 16 гола во 15 настапи во лигата, зацврстувајќи ја борбата на Реал за првото место и намалувајќи го заостанувањето зад лидерот Барселона на само еден бод.

Челзи синоќа загуби за првпат по осум натпревари и тоа на гостувањето кај Лидс Ј. Енцо Мареска го призна поразот.

„Тие беа подобри од нас во секој поглед и заслужено победија. Немаме што да извлечеме од овој натпревар за во иднина. Можеме само да се обидеме да разбереме што направивме, а потоа да почнеме одново. Игравме многу добро против Арсенал и Барселона, но тоа не значи дека секогаш ќе играме на ист начин, бидејќи треба да се прилагодиме на ситуацијата и да ги ротираме нашите играчи. Нивото на игра нема секогаш да биде исто. Секако, по натпревари како последните два, очекувате посилна игра, но тоа не е секогаш можно. Ниту еден играч не играше најдобро денес. Се надевам дека беше само лош ден. Ги загубивме сите предизвици“, рече менаџерот на Челзи.

Во пресрет на последната рунда од првиот дел во Младинската Суперлига јасно е дека Брера ќе остане на првата позиција.

Струмичани денеска триумфираа над Арсими со 5-0 и имаат предност од четири бода во однос второ и трето пласираните Работнички и Вардар.

Стрелци на головите за АП Брера беа Бојан Велков, Габриел Талески, Марио Митрев додека Иван Танчев на два пати го совлада противничкиот голман.

Работнички беше убедлив во соочувањето со Тетекс и славеше со 10-1. По три пати прецизни беа Ердин Шабани и Дитмир Хоџа, двоен стрелец е Беркај Шаини додека по еден погодок постигнаа Јован Коцески и Кренар Хоти додека единствениот гол за Тетовци беше дело на Феми Велија.

Вардар ја совлада Струга ТЛ со 3-2. Стрелци на погодоците за “црвено-црните” беа Иво Марковски, Никола Ристевски, а сопствена мрежа ја погоди Елис Жута. На спротивната страна головите ги постигна Јусуф Доко.

Македонија ЃП до трите бода против Охрид Лихнидос стигна со голот на Бесмир Исмани додека Њу Старс славеше со 2-1 во дуелот против градскиот ривал Шкупи.

Шкендија Тетово триумфираше над Брегалница со 6-0, Пелистер го совлада Скопје со 4-1 додека Башкими како гостин забележа победа над Тиквеш со 6-0.

Пелистер пред своите навивачи беше убедлив во мечот со Скопје и славеше со 5-1.

Во пресрет на последното коло Брера има 40 бода, четири повеќе во однос на Работнички и Вардар додека четвртопласираната Македонија ЃП има 31.