Селекторот на македонската репрезентација, Гоце Седлоски, отворено по убедливиот пораз од Данска во Копенхаген, во полуфиналето од баражот за Светското првенство 2026.

Тој посочи дека пресвртниот момент на натпреварот бил раниот погодок на противникот на стартот од второто полувреме, по кој тимот целосно ја изгубил рамнотежата.

„Првото полувреме го одигравме дисциплинирано и бев задоволен од тоа како изгледавме. На паузата потенцирав да бидеме внимателни во воведните минути од продолжението, но токму тогаш примивме гол. Тоа нè исфрли од ритам и потоа тешко се вративме во игра“, изјави Седлоски.

Селекторот истакна дека противникот ги казнил слабостите на кои претходно предупредувал.

„Ова е тежок удар за нас. Данска доаѓаше до голови преку крилата, нешто што го анализиравме и се обидувавме да го затвориме. Нивните бекови постојано создаваа бројчена предност и ни правеа големи проблеми во одбраната“, додаде Седлоски.

Репрезентацијата на Косово го оствари најголемиот успех во својата историја откако денеска обезбеди пласман во финалето од баражот за Мундијалот.

На гостувањето во Словчака, Косовците славеа со 4-3 и сега се на чекор до сонот кој остана неотсонуван за многу генерации фудбалери и навивачи, вклучувајќи ги и македонските. Во клучниот меч, Косово ќе се сретне со Турција и победниот од тој натпревар ќе настапи на претстојниот Мундијал.

До триумфот, Косово стигна благодарение на фантастичното второ полувреме откако по првото, Словачка водеше со 2-1. Аслани израмни, Муслија и Хајризи се погрижија со 4-2, а Стрелец во судиското продолжение го постави конечниот резултат. Со денешната победа, косовските репрезентативци заработија 500 илјади евра, а ако ја победат Турција имаат еден милион.

Италија лесно си ја заврши работата, со 2-0 ја победи Северна Ирска. Головите ги постигнаа Тонали и Кин.

Франција го победи Бразил со 2-1 во пријателски натпревар одигран во Фоксборо, во близина на Бостон.

Натпреварот започна со мајсторијата на Килијан Мбапе, кој избега од одбраната на „кариоките“, а потоа ја „боцна“ топката преку Едерсон.

Работите се искомплицираа за „триколорите“ во 55-та минута, кога Дајо Упамекано доби директен црвен картон, поради груб старт врз Весли Франко, како последен играч.

Тоа не ги спречи Французите да го удвојат водството само 10 минути подоцна. Одлична транзиција, асистенција од Михаел Олисе за Уго Екитике.

Во 78-та минута, Бремер беше најснаодлив во шеснаесетникот на Франција, а истиот играч имаше волеј за израмнување во судиското продолжение, но овој пат беше непрецизен. Винисиус исто така имаше одлична шанса во судиското продолжение, но немаше промена на резултатот.

Бразил го очекува натпревар против Хрватска на 1 април, додека Франција ќе игра против Колумбија два дена порано.

Тотенхем е подготвен да го отпушти дефанзивецот Кристијан Ромеро во друг тим во летниот преоден рок во 2026 година.

Според „Фудбал Инсајдер“, ставот и посветеноста на 27-годишниот Аргентинец во последните натпревари со тимот се опишани како срамни.

Во последните месеци, капитенот на Тотенхем јавно го напаѓаше тимот, кој, заедно со серијата лоши настапи, не направи ништо за да помогне.

Ромеро во сезоната 2025/26, постигна шест гола и имаше четири асистенции во 31 натпревар. Неговиот договор важи до 30 јуни 2029 година. Фудбалерот е во Тотенхем од август 2022 година.

„Трансфермаркт“ ја проценува вредноста на играчот на 50 милиони евра.

Селекторот на македонската фудбалска репрезентација, Гоце Седлоски, ги одреди 23-та фудбалери на кои ќе смета за вечерашниот историски бараж против Данска во Копенхаген.

Од вкупно 27 повикани играчи кои допатуваа во данската престолнина, четворица ќе мора да го следат натпреварот од трибините на стадионот „Паркен“.

Немаше многу дилеми околу изборот и Решат Рамадани, Имран Фетаи, Лука Станковски и Тихомир Костадинов.

Напаѓачот на Милан, Рафаел Леао, ги негираше информациите на социјалните мрежи дека на тренинг се расправал со тренерот, Макс Алегри.

Португалскиот интернационалец делуваше луто кога беше заменет на дербито со Лацио а потоа беше отстранет од составот за мечот против Торино со објава дека е повреден.

Медиумите, пак, објавија сосема поразлична информација дека тренерот не бил задоволен од вложувањето на Леао на тренингот и затоа не го ставил на списокот за мечот со „биковите“.

Фудбалерот од средниот ред на Манчестер Сити, Родри, зборуваше за можноста за враќање во Ла Лига и тоа во Реал Мадрид иако на времето настапуваше за градскиот ривал Атлетико.

„Фактот што играв за Атлетико не ме спречува да ја разгледам можноста за преселба во Реал. Исто така, ми се допаѓа Премиер лигата, многу е тешка, во моментов сум задоволен од моите перформанси“, рече Родри.

29-годишникот го облече дресот на англискиот клуб во 2019 година. Неговиот договор е до летото во 2027.

Англискиот фудбалски состав Арсенал ја истражува можноста за ангажирање на крилниот напаѓач на Пари Сен Жермен, Хвича Кварацкелија.

Наводно, фудбалерот на ПСЖ е расположен да го напушти стадионот- „Паркот на принцовите“ и да побара нов предизвик во кариерата.

Грузиецот во сезонава има постигнато 12 голови и направено седум асистенции.

Додека фудбалскиот свет ги одбројува деновите до Мундијалот , се разгорува добро познатата дебата: дали пресудна е моменталната форма или пак искуството на иконите? Капитенот на Франција и суперѕвезда на Реал Мадрид, Килијан Мбапе јасно застана зад својот поранешен соиграч Нејмар, нагласувајќи дека турнирот едноставно би го изгубил својот сјај без него.

За Килијан Мбапе, Светското првенство е повеќе од тактичко надмудрување: тоа е сцена на која мора да дефилираат најголемите мајстори. Говорејќи за очекувањата од претстојниот собир, Французинот беше дециден во поддршката за Бразилецот, кој во моментов се обидува да се врати во препознатливиот ритам во дресот на Сантос.

„Мундијалот е за ЅВЕЗДИ… Неј е Неј, затоа тој ЌЕ биде таму!“, изјави Мбапе. Овој став ја одразува неговата верба дека одредени фудбалери поседуваат техничка гравитација која е многу посилна од сувите статистички податоци. За Мбапе, Нејмар е неопходен елемент за престижот на самиот турнир. „Не можам ни да замислам Светско првенство без Нејмар Жуниор!“

Оваа јавна поддршка доаѓа во специфичен момент за бразилската репрезентација. Селекторот Карло Анчелоти, неодамна го изостави Нејмар од списокот, образложувајќи дека на напаѓачот му е потребна максимална физичка подготвеност по комплицираната повреда на коленото.

Сепак, Мбапе внимателно и со професионален тон се огради од каков било конфликт со својот поранешен тренер. „Ова не го кажувам за да му контрирам на Анчелоти, туку затоа што искрено се надевам на камбекот на Неј“, појасни Французинот.

Со ова се отвора интересна наратива: прагматизмот на Анчелоти, кој бара физичка сигурност, наспроти романтизмот на Мбапе, кој верува дека магијата на Нејмар е незаменлива за „Селесао“.

И покрај бројните пречки, вклучувајќи го и внимателниот план за менаџирање на напорот во Сантос, каде Нејмар ги пропушта натпреварите на вештачка трева, Мбапе верува во неговата издржливост. Францускиот голгетер е убеден дека 34-годишниот ас ќе го пронајде својот ритам пред почетокот на шампионатот во Северна Америка.

„Сигурен сум дека Неј ќе биде подготвен, ќе биде во форма и мотивиран за Мундијалот“, заклучи тој. Додека Нејмар се трка со времето и сопствените физички лимити, тој доби моќен сојузник во Мбапе, докажувајќи дека почитта кон неговиот фудбалски гениј останува недопрена кај најдобрите.

Битката за трофејот од Африканскиот куп на нации (АФКОН) 2025 официјално се пресели од фудбалските терени во судските сали. Развојот на настаните, кој го привлече вниманието на светската јавност, кулминираше кога Фудбалската федерација на Сенегал (ФСФ) поднесе официјална жалба до Арбитражниот суд за спорт (ЦАС) против одлуката на Африканската фудбалска конфедерација (КАФ).

На 25 март 2026 година, ЦАС потврди дека жалбата е заведена, со јасно барање од сенегалска страна: поништување на претходната одлука на КАФ и официјално прогласување на Сенегал за шампион. Сенегалците тврдат дека нивната победа од 1:0 извојувана на теренот на 18 јануари мора да остане на сила, спротивставувајќи се на административниот триумф од 3:0 кој му беше доделен на домаќинот Мароко по контроверзниот прекин на мечот.

Со регистрацијата на жалбата, меѓународниот правен механизам е веќе во движење. Судот во Лозана најави формирање на специјален арбитражен панел составен од независни експерти кои ќе го разгледуваат случајот. По нивното именување, ќе биде утврден и процедурален календар, со прецизни рокови во кои ФСФ и КАФ ќе треба да ги приложат своите докази и правни аргументи.

Сенегалскиот правен тим дополнително побара одложување на одредени рокови, аргументирајќи дека КАФ сè уште ги нема доставено целосните образложенија за првичната пресуда. Без овие клучни документи, Сенегал смета дека не може соодветно да ја конструира својата одбрана на титулата која ја освоија Садио Мане и неговите соиграчи.

Овој правен судир претставува еден од најголемите скандали во историјата на фудбалот. Во центарот на спорот е толкувањето на Членот 82 од правилникот на АФКОН, кој ги третира случаите кога тимови го напуштаат теренот пред крајот на натпреварот. Додека Мароко тврди дека протестот на Сенегалците го нарушил текот на играта, „Лавовите од Теранга“ се децидни дека се вратиле на терен и чесно го завршиле мечот.

Додека навивачите во Дакар и Рабат со нетрпение го чекаат конечниот збор на ЦАС, судбината на златниот пехар останува во „лифтот“ помеѓу Сенегал и Мароко.