Европските гиганти водат битка за потписот на големиот талент на Хајдук, Лука Вушковиќ, кој веќе избрал каде ќе ја продолжи кариерата.

Новинарот Фабрицио Романо објави дека 17-годишниот фудбалер е на чекор да потпише договор со Тотенхем и трансферот треба да биде комплетиран наредите денови.

Вушковиќ важи за голем талент и за него интерес покажуваа многу клубови, а во последно време се поврзуваше со трасфер во Манчестер Сити и ПСЖ.

Меѓутоа, Тотенхем успеа да ја победи конкуренцијата, а и самиот Вушковиќ, кој игра како дефанзивец верува дека тоа е вистински проект за негов понатамошен развој.

Тотенхем за потписот на големиот талент ќе плати 10 милиони евра плус серија на бонуси.

Оливие Жиру поради повреда на зглобот синоќа предвреме го заврши мечот меѓу Франција и Ирска.

Поради тоа голема беше веројатноста Жиру да го пропушти дербито со Интер кое на програмата е на 16-ти септември.

Меѓутоа, денешните прегледи покажаа дека не станува збор за ништо сериозно и Жиру ќе се врати во Милано да се рехабилитира за дербито.

Ова е одлична вест за Милан, бидејќи Жиру е прв стрелец на „росонерите“ со 4 гола во првите три кола од Серија А.

Заврши преодниот рок во Саудиска Арабија која во потрошувачка надмина четири европски лиги од „големата петка“.

Клубовите од Саудиска Арабија на засилувања потрошија 957 милиони долари, според анализата на „Делоитета“ објавена во петокот. Потрошувачката на екипите од Саудиска Арабија не ги надмина само англиските клубови.

„Ова е првпат од 2016 година некоја друга меѓународна лига да влезе 

помеѓу најдобрите пет првенства за потрошувачката во преодниот рок“.

Најголемите трансфери ги направија екипите на Ал-Итихад, Ал-Ахли, Ал Наср и Ал Хилал, но и во останатите клубови заврши по некое европско познато име.

Њукасл постигал договор со бразилскиот репрезентативец, Бруно Гимараеш за продолжување на сораборката.

26-годишниот играч за врска игра фантастично и го привлече вниманието  на многу европски гиганти. Реал Мадрид, Барселона и ПСЖ веќе подолго време ги следат настапите на Бразилецот, а Ливерпул ова лето испратил понуда од 100 милиони фунти.

Меѓутоа, Њукасл не помислува да ја продаде својата ѕвезда и му понуди нов договор со значително зголемување на платата.

Двете страни треба да ги договорат последните детали, а потоа Гимараеш ќе стави потпис на еден од најскапите договори во Премиер лигата.

Во последните неколку години почнаа да се трошат огроми суми на трансфери, а кога е трошењето во прашање на врвот се англиските клубови.

Клубовите од Премиер лигата имаат најголеми приходи и секоја година трошат се поголеми суми на засилувања. Па така во првите шест клуба кои најмногу потрошиле последната деција дури пет се англиски клубови и ПСЖ.

Често големите трошења не одат пропорционално со успесите, па така на врвот како најголем трошаџија е Манчестер Јунајтед со потрошени скоро 1,4 милијарди евра. Потоа следуваат Челзи, ПСЖ, Арсенал и Манчестер Сити кои се во Топ 5.

Помеѓу 10-те клубови со најмногу потрошени пари се и Њукасл, Барселона, Тотенхем, Милан и Вест Хем.

Поранешниот капитен на Челзи и на англиската репрезентација, Џон Тери, е главен фаворит да седне на клупата на саудискиот Ал-Шабаб, објавија англиските медиуми.

Тери се решил да тргне по стапките на Стивен Џерард и да го преземе тимот кој не беше премногу активен во трансфер периодот.

Преговорите со Тери почнале пред два месеци, а 42-годишниот Англичанец веќе ги прифатил понудените услови за соработка и ќе потпише двегодишен договор.

Тоа ќе биде прво тренерско искуство за Тери, кој претходно работеше како помошник во Астон Вила и Лестер.

Германскиот фудбалер Каи Хаверц зема најголема плата во Арсенал, пишува во своето истражување на новинарот Тоби Принс.

Офанзивниот играч за врска или напаѓач кој пристигна од Челзи заработува 14,56 милиони фунти годишно. По напорниот преоден рок ова лето, Арсенал требаше да состави многу посилен тим од минатата година и да биде конкурентен на повеќе фронтови подолго време. Деклан Рајс, Каи Хаверц и Јуриен Тимбер му се придружија на тимот со високи плати, додека Дејвид Раја пристигна на позајмица. И без изненадување, две од новите засилувања – Хаверц и Рајс, веднаш се најдоа на врвот на рангирањето со најскапи договори. И покрај тоа што платите на играчите се доверливи информации, оваа веб-страница обезбедува во голема мера веродостојни проценки, иако не тврди дека 100% се  точни информациите.

Според медиумите, најскап фудбалер во Арсенал во моментов е Хаверц со 280 000 фунти неделно или 14,56 милиони фунти по сезона. Втор е Габриел Жесус со 265 000 фунти неделно или 13,78 милиони годишно. Рајс го држи третото место со 240 000 неделно, а Томас Парти (200.000) и Букајо Сака (195.000) ги заокружуваат првите пет. И додека две од новите засилувања се во топ 3, капитенот на тимот Мартин Одегард е надвор од топ 10 според финансиските приходи. Тој е дури 12-ти во тимот со 115 000 фунти неделно или 5,98 милиони фунти годишно.

Исник Алими, фудбалер од средниот ред на романски Сепси е нов фудбалер во репрезентацијата на Македонија.

Поранешниот фудбалер на италијанските Аталанта, Виченца, Шибеник од Хрватска и азербејџански Габала, денеска се става на располагање на нашиот најдобар национален тим. 

Алими е стандарден фудбалер на романскиот Сепси и со одличните настапи за својот клуб се наметна како профил на играч кој може да ја зголеми конкуренцијата во средниот ред од нашата репрезентација.

Во минатото, Алими настапуваше на официјални квалификациски турнири за младинските репрезентации на Македонија до 17 и 19 години. 

„Алими бележи одлични игри во романското првенство со Сепси. Неговото искуство и формата во која се наоѓа може само да ја зголеми конкуренцијата во нашиот тим и да ни донесе дополнителен квалитет“, изјави селекторот Благоја Милевски.

Исник Алими денеска во 18:30 часот ќе го има првиот тренинг со А репрезентацијата на Македонија.

Египетскиот напаѓач, Мохамед Салах, нема да му се приклучи на Ал-Итихад за време на актуелниот преоден рок кој завршува денес во Саудиска Арабија.

Салах дефинитивно ги одбил понуди за плата од 500 до 600 милиони евра за неколку години.

Актуелниот шампион на С. Арабија во текот на летото го пополни составот со европски ѕвезди како Бензема, Канте и Фабињо.

Лионел Меси е меѓу главните фаворити за освојување на „Златната
топка“ откако на крајот на минатата година ја предводеше Аргентина
до светската титула.
Кристијано Роналдо не се најде на листата за прв пат по 2005 година.
Португалската ѕвезда вториот дел од минатата сезона го одигра во Ал-
Наср во Саудиска Арабија.
Карим Бензема, Мохамед Салах, Кевин Де Брујне и Ерлинг Халанд се
меѓу номинираните за „Златната топка“.