Чаби Алонсо е избран како најдобар тренер во Ла Лига за август 2025, откако го предводеше Реал Мадрид до совршен старт на сезоната. Во својот прв месец како тренер на кралскиот клуб, Алонсо забележа 3 победи, 6 постигнати голови и само 1 примен – учинок што го искачи тимот на врвот на табелата. 

По назначувањето во јуни како наследник на Карло Анчелоти, Алонсо брзо го остави својот печат, стигна до полуфиналето од Клупското Светско Првенство, но неговиот тим беше поразен со 4 – 0 од европскиот шампион, ПСЖ . Реал Мадрид ја отвори кампањата во Ла Лига со тесна победа од 1-0 над Осасуна, следеше убедливо 3-0 на гостување кај Овиедо, и тешко извојувано 2-1 против Мајорка. Тимот покажа стабилност во одбраната и ефикасност во нападот, дозволувајќи најмалку удари кон својот гол во три меча од времето на Гардиола во Барселона во 2008. 

Алонсо ја доби наградата пред Ернесто Валверде од Атлетик Билбао и Маноло Гонзалес од Еспањол, силна потврда за неговиот ветувачки почеток на една од најпрестижните и најпритискави тренерски позиции. 

По репрезентативната пауза, Реал го пречекува Реал Сосиедад во обид да го продолжи победничкиот ритам. 

Мемфис Депај официјално стана најдобар стрелец во историјата на холандската фудбалска репрезентација, откако на 7 септември 2025 постигна два гола во победата од 3-2 против Литванија во квалификациите за Светското Првенство. 

Со погодокот во 11. минута, Депај го постигна својот 51. гол и го надмина досегашниот рекордер Робин ван Перси. Подоцна додаде уште еден гол, со што неговиот вкупен биланс се искачи на 52. 

Неговиот репрезентативен пат започна во 2013 година, и низ повеќе од една деценија, Депај прерасна во клучен играч во нападот на Холандија. По тешкиот период во Манчестер Јунајтед, ја обнови својата кариера преку успешни настапи во Лион, Барселона, Атлетико Мадрид и сега во бразилскиот Коринтианс. 

Но, Депај е многу повеќе од само стрелец. Тој е лидер на теренот и надвор од него, особено важен за амбициите на Холандија да се пласира на Светското Првенство. 

Со новиот рекорд, Депај се приклучи на легендите на холандскиот фудбал како Јохан Кројф, Патрик Клајверт и Ван Перси. А со оглед на тоа што има уште натпревари пред него – неговата приказна само продолжува. 

Барселона наводно ја преиспитува иднината на Маркус Рашфорд, само неколку недели по неговото пристигнување од Манчестер Јунајтед на едногодишна позајмица. Англискиот напаѓач, кој беше сметан за засилување на крилната позиција, сè уште не успева да се вклопи во шпанскиот шампионат. 

Рашфорд има настапено на три натпревари во Ла Лига, од кои само еднаш како стартер – во поразот од Леванте со 3-2, каде беше заменет уште на полувреме. Неговите игри досега не оставија впечаток, што доведе до внатрешни дилеми за неговата улога во тимот. 

И покрај шпекулациите за евентуално раскинување на договорот, дел од клубот и блиски до тренерот Ханси Флик повикуваат на трпение. Тие веруваат дека Рашфорд сè уште може да се прилагоди и да стане важен дел од тимот. 

Сепак, со растечкиот притисок од навивачите и финансиските обврски поврзани со позајмицата, клубот може наскоро да се соочи со тешка одлука. Рашфорд, кој наскоро полни 28 години, е свесен дека времето му истекува да се докаже и да ја промени ситуацијата во своја корист. 

Тиаго Алкантара се враќа во Барселона, но овојпат надвор од теренот. Поранешниот играч од средниот ред ќе биде дел од тренерскиот тим на Ханси Флик, а одлуката е потврдена по финалните разговори. Очекувањата се дека веднаш ќе ја започне својата нова улога. 

Како производ на Ла Масиа и некогашна ѕвезда во средниот ред на Барса, Тиаго носи длабоко познавање на клупската филозофија. Неговата блиска врска со Флик, изградена за време на нивната успешна соработка во Баерн Минхен, додава стабилност и разбирање во тренерскиот тим. 

Барселона ја гледа оваа одлука како дел од стратегијата да го зајакне стручниот кадар со луѓе кои го разбираат клубот на подлабоко ниво. Од Тиаго се очекува да придонесе тактички и да биде ментор на помладите играчи, создавајќи врска меѓу генерации и на теренот и надвор од него. 

Жозе Мурињо ја почна сезоната на клупата на Фенербахче, но брзо ја заврши, Португалецот сега е слободен тренер и чека нов ангажман.

Ноќеска стигна информацијата дека Нотингем форест и Нуно Еспирито Санто и официјално се разделија, па една премиерлигашка клупа е слободна во моментов.

Дел од англиските медиуми го поврзуваат Мурињо со тренерското столче на Нотингем форест, но има и други кандидати иако Португалецот високо котира на листата.

Според некои по грчка линија фаворит за нов тренер е Анже Постекоглу, а опција е и Марко Силва од Вулверхемптон.

Се очекува многу брзо да бидат решени сите дилеми и Нотингем форест да промовира нов тренер.

Атлетик Билбао до крајот на сезоната ќе биде без стандардниот дефанзивец Јерај Алварез. Алварез е суспендиран поради допинг.

На 1 мај оваа година, по натпреварот со Манчестер јунајтед во полуфиналето на Лигата на Европа, искусниот стопер случајно беше избран за контрола на допинг, а резултатире покажаа дека користел забранета супстанца канренон.

Поради допинг, Алварез доби девет месечна суспензија, што значи дека практично сезоната за него заврши. На фудбалот ќе може да му се врати во април.

На Алварез нема да му биде дозволено ниту да тренира со тимот.

Општина Битола и Фудбалската федерација на Македонија професионално и во зададените рокови го реновираа стадионот „Петар Милошевски“ за играње меѓународен натпревар од високо ниво, а потврда добија и од специјална инспекција на УЕФА која додели лиценца за фудбалски натпревари на клупско и репрезентативно ниво.

Општина Битола и Фудбалската федерација на Македонија професионално и во зададените рокови го реновираа стадионот „Петар Милошевски“ за играње меѓународен натпревар од високо ниво, а потврда добија и од специјална инспекција на УЕФА која додели лиценца за фудбалски натпревари на клупско и репрезентативно ниво.

Средбата меѓу репрезентациите на Македонија и Италија, фудбалери на возраст до 21 година е закажана за 18:15 часот, а најголем дел од влезниците се продадени. На публиката ќе и биде овозможено следење на натпреварот од целосно обновени трибини, а за новинарите подготвени е посебен медиумски центар. Вложувањата и интервенциите во стадионот претставуваат значаен чекор за развојот на фудбалската игра во градот и регионот, посочија од Општина Битола во пресрет на попладневниот натпревар за кој обезбедено е и осветлување.

Последен пат меѓународен фудбалски натпревар беше одигран во 1994 година кога во Битола гостуваше младинската фудбалска репрезентација на Шпанија. (

Нуно Еспирито Санто го напушти Нотингем Форест, објави клубот. 51-годишниот португалски менаџер ја напушта својата функција по тензиите меѓу него и раководството на клубот во последните недели.

Специјалистот го презеде Нотингем Форест на крајот од 2023 година. Минатата сезона го водеше тимот до европските натпреварувања.

„Фудбалскиот клуб Нотингем Форест може да потврди дека, по неодамнешните околности, Нуно Еспирито Санто денес е разрешен од должноста главен тренер. Клубот сака да му се заблагодари на Нуно за неговиот придонес за време на многу успешниот период на „Сити Граунд“, особено за неговата улога во сезоната 2024/25, која засекогаш ќе се памети со задоволство во историјата на клубот. Како некој што одигра клучна улога во нашиот успех минатата сезона, тој секогаш ќе има посебно место во нашата историја“, напиша клубот.

Нуно Еспирито Санто исто така ги водеше Рио Аве, Порто, Валенсија, Вулверхемптон, Тотенхем и Ал Итихад.

Играчот од средниот ред на Розарио Централ и аргентинската репрезентација, Анхел Ди Марија, ги сподели своите мисли за иднината на селекторот на репрезентацијата, Лионел Скалони.

„Треба да му дадеме доживотен договор. Сè што постигнал, сè што направил, бројот на играчи што ги довел на теренот. Се надевам дека ќе остане со нас уште многу години“, изјави Ди Марија.

Да потсетиме дека Скалони ја презеде функцијата селектор на аргентинската репрезентација во 2018 година. Во 2021 година, под негово водство, Аргентина го освои Купот на Америка. Во 2022 година, репрезентацијата на Аргентина го освои Светското првенство на ФИФА.

Во летото 2024 година, под водство на Скалони, Аргентинците го освоија Купот на Америка по втор пат.

Репрезентација на Македонија до 21 година денеска на стадионот „Билјанини извори“ во Охрид го одработи последниот тренинг пред утрешниот квалификациски натпревар против силната селекција на Италија.

Во рамките на групата Е од квалификациите за пласман на Европското првенство 2027, Македонија и Италија утре ќе ги одмерат силите на стадионот „Петар Милошевски“ во Битола, со почеток од 18:15 часот.

Нашата селекција е во полн состав и без проблеми со повредени фудбалери го пречекува фаворитот во групата. Фудбалерот на Вардар, Димитар Данев, ги сподели своите очекувања пред големиот дуел:

„Очекувам прекрасна атмосфера, полн стадион и победа на Македонија. Кога го носиме македонскиот дрес, императивот секогаш е победа. Респект за Италија, знаеме што значи таа репрезентација за светскиот фудбал, но ние сме одлучни и утре ќе одиме на триумф. Италија е силна во организацијата на играта, треба да бидеме компактни во дефанзива и доволно брзи во нападот“.

Данев потенцира дека поразот од Полска во првото коло е веќе зад нас и дека тимот извлекол поуки.

„Грешките се препознаени, а после мечот во Краков, фокусот ни е целосно на Италија. Како и секоја екипа, така и тие имаат слабости. Ќе дадеме сè од себе да ги искористиме и во Битола да ја израдуваме Македонија, тоа би била нашата честитка за големиот празник“.