Фудбалерите на Барселона го победија Реал Мадрид четврти пат во тековната сезона. На натпреварот паднаа спектакуларни седум гола, а резултатот е 4-3.

Со оваа победа Ханси Флик се доближи со нова шампинска титула односно “триплет” по веќе освоените Суперкуп на Шпанија и Куп на кралот.

Во секој од натпреварите Барселона го победи Реал, а вкупно оваа сезона ги доби сите четири пресметки против “кралскиот клуб”.

Публиката го оцени тукушто завршениот натпревар како еден од најдобрите меѓу ривалите.

Почетокот најавуваше целосно спротивен исход, откако Реал по 14 минути водеше со високи 2-0, со два гола на Килијан Мбапе.

Во 3. минута беше досуден пенал над Французинот, кој сам го реализираше за водство на гостите. Веќе во 14. минута нов шок за Барса и целосна тишина на стадионот, кога Мбапе избега зад грбот на високо поставената одбрана на ривалот и лесно го совлада Шчењи.

Веќе во 19. минута Ерик Гарсија после корнерот од левата страна го намали водството на 1-2. Се чекаше изеднадување до 32. минута кога Ламин Јамал за три минути донесе пресврт со два маестрални гола. Посебно извонредна беше мајсторијата на Јамал, во негов стил, но и онаа на Рафња кој од својата позиција после пресингот доведе до 3:2.

Истиот играч во 45. минута изврши притисок на Лукас Васкес, му ја зњсњ топката, одигра дупли пас со Феран Торе, и ефектно ја смести топката во мрежата за 4-2. Нокаутот на Реал, не го спаси ни Мбапе кој во второто полувреме, во 70. минута ја намали разликата на 4-3.

Имаше поништени голови на двете страни, но и промашени зицери, пред сè на Реал во 89. и 90. минута.

Во еден момент беше отпишан. Кога на почетокот на февруари против Лацио врза три последователни порази во Серија А, постоеше прашање дали Сержо Консеисао воопшто ќе го дочека крајот на сезоната на клупата на Милан.

Сепак, како што се ближи крајот на натпреварувачката година, така и шпекулациите за кандидатите кои би можеле да го наследат се потивни, додека можноста Португалецот да остане на Сан Сиро, изгледа дека се зголемува.

„Имаме целосна доверба во него, концентрирани сме да видиме како ќе се одвива оваа сезона, тој добро работи со тимот и веруваме во него“, изјави извршниот директор на „Росонерите“, Џорџо Фурлани по победата над Болоња.

Милан во среда против Болоња во финалето на Купот на Италија ќе има можност да обезбеди пласман во Лигата на Европа. Меѓутоа, извршниот директор на италијанскиот клуб не крие дека и во случај на освојување на втор трофеј сезоната би била неуспешна бидејќи „Росонерите“ нема да играат во Лигата на шампионите следната сезона.

Со заминувањето на Чаби Алонсо се очекува да си заминат и најголемите ѕвезди на Баер Леверкузен.

Вчера се шпекулираше за договорот на Флоријан Вирц со Баерн Минхен, а Баварците истовремено решија со сите сили да тргнат и по Џонатан Тах.

Договорот на дефанзивецот истекува на 30 јуни и ќе биде слободен во изборот на нова средина, а иако зимоска договори сè со Барселона, Каталонците се повлекоа од преговорите.

Откако Роналд Араухо остана, а Ерик Гарсија значително ја подигна формата и го доби довербата на Ханси Флик, и поради бројни финансиски проблеми, Каталонците ги стопираа преговорите со германскиот дефанзивец.

Баерн со сите сили се обидува да го убеди да дојде во Минхен, особено откако Ерик Дајер договори трансфер во Монако.

Во Минхен сметаат дека Вирц и Тах се совршени засилувања и главни цели за сезоната 2025/26 и во голема мера работат на потписот на двајцата.

Голманот на италијанската фудбалска репрезентација и на Пари Сен-Жермен Џанлуиџи Донарума (26) е на радарот на Манчестер Јунајтед, пренесуваат англиските и италијанските медиуми. Донарума оваа сезона е еден од клучните играчи на парискиот состав, кој веќе го обезбеди новиот трофеј во Ле Шампионат, како и пласман во финалето на Лигата на шампионите.

Италијанскиот голман особено блесна против англиските клубови Ливерпул, Астон Вила и Арсенал во осминафиналето, четвртфиналето и полуфиналето на Лигата на шампионите. Неговиот договор со клубот истекува во јуни 2026 година, меѓутоа се шпекулира дека би можел да си замине ова лето.

„Островските“ медиуми сè погласно го споменуваат интересот на Манчестер Јунајтед. Се наведува дека менаџерот на Јунајтед, Рубен Аморим, побарал понуда за Донарума, незадоволен од изведбите на Андре Онана. Донарума во Паркот на принцовите пристигна во јуни 2021 година како слободен играч од Милан, а се шпекулира дека ПСЖ ќе бара најмалку 50 милиони евра за него.

Хајдук беше блиску, а сега е далеку од титулата во Хрватска.

Има три бода помалку од Риека, два од Динамо и само чудо во последните три кола може да ги одведе до титулата. Ѓенаро Гатузо го водеше овој тим цела сезона, а поради слабите резултати на крајот, титулата е далеку.

“Можеби се повторувам, но… Дојдов во овој прекрасен град со насмевка и така ќе биде и кога ќе заминам”, рече Гатузо.

“Овие 11 месеци беа тешки и во моментот кога ќе заминам многу ќе ми биде жал. Сретнав луѓе кои ми обележаа живот”, истакна италијанскиот тренер кој на овој начин го најави своето заминување.

Атлетико Мадрид експресно ја заврши работата против Реал Сосиедад и со убедливи 4-0 забележа три бода на контото во 35. коло од Ла Лига.

Херој на вечерта беше Александер Сорлот, кој блесна со хет-трик уште во првите 11 минути, а потоа додаде и четврти гол пред да се наврши првиот половина час од натпреварот.

Се играше седмата минута кога Сорлот првпат ја затресе мрежата, а потоа следуваше вистинска норвешка бура – два гола во две минути (10’ и 11’) и историја: најбрз хет-трик во историјата на шпанската Примера. Во 30. минута, по убава акција и асистенција на Галан, Сорлот погоди за 4-0 и го заокружи спектакуларното прво полувреме.

Во вториот дел Атлетико ја намали брзината, а Сорлот беше блиску до петти погодок, но ја погоди пречката. Со оваа победа, „јорганџиите“ стигнаа до бројката од 70 бодови и математички си го обезбедија настапот во Лигата на шампионите. Реал Сосиедад останува на 43 бодови и се наоѓа на 12. позиција.

Од редовите на Пари Сен Жермен сега се истакнаа со еден убав гест кој доликува на голем клуб и ќе обезбеди влезници за сите 600 вработени во клубот за претстојното финале во Лигата на шампионите во кое ќе се сретнат со Интер.

На 31 мај, „светците“ во Минхен ќе се соочат со милански Интер, а Ал-Келаифи одлучи да го награди целиот персонал за нивната посветеност и лојалност.

„Горди сме што сме едно семејство, семејството на Пари Сен Жермен кое го претставува Париз и Франција на најголемата европска сцена. Секој од вас придонесе за овој успех и затоа ќе бидете таму, да го бодрите тимот во живо во Минхен. Ви благодарам за вашата работа, труд, професионалност и страст кон клубот“, се наведува во писмото кое претседателот лично го испратил до сите вработени.

ПСЖ ќе игра второ финале во својата историја и ќе се обиде конечно да го освои најпосакуваниот трофеј во европскиот клупски фудбал.

Фудбалерите Арон Кресвел, Владимир Цоуфал, Дани Ингс и голманот Лукаш Фабиански си заминуваат од Вест Хем на крајот од сезоната, потврди лондонскиот клуб.

Кресвел, Цoуфал и Фабиански беа дел од златната генерација на „чеканите“ која во 2023 година ја освои Конференциската лига, втор европски трофеј во историјата на клубот по Купот на победниците на купови од 1965 година.

Полскиот чувар на мрежата пристигна на „Лондон стадиум“ во 2018 година и одигра вкупно 215 натпревари во сите конкуренции.

Левиот бек Кресвел беше член на тимот цели десет години, откако пристигна од Ипсвич во 2014 година. Во тој период запиша 365 настапи и постигна 11 гола.

Цоуфал, кој го засили Вест Хем во 2020 од редовите на Славија Прага, одигра 144 натпревари, но не успеа да се запише меѓу стрелците.

Напаѓачот Дани Ингс пристигна веднаш по европскиот триумф, но по само две сезони и 69 настапи (5 гола), и тој ќе ги напушти редовите на Вест Хем.

Тами Абрахам речиси сигурно ќе ги промени клупските бои ова лето – по завршувањето на сезоната ќе се врати во Рома, но можно е таму да не се задржи долго.

Англискиот напаѓач сезонава настапуваше за Милан, но не успеа целосно да се наметне, па се очекува враќање во редовите на „волчицата“, со која има важечки договор до 2027 година. Сепак, според последните информации од Италија, Интер сериозно ја следи ситуацијата околу неговиот статус.

Симоне Инзаги е голем почитувач на квалитетите на Абрахам и го гледа како потенцијално решение за нападот во новата сезона. „Нераѕурите“ би можеле да понудат позајмица со опција за откуп, што би било прифатливо и за Рома, која би сакала да го врати играчот во форма, но и да го ослободи од платниот список.

По тешката повреда што го оддалечи од терените, 26-годишниот напаѓач сè уште се обидува да ја врати старата форма, а нова средина како Интер би можела да му отвори ново поглавје во кариерата.

Фудбалерот, Мохамед Салах, кој беше прогласен за играч на сезоната во Премиер-лигата, откри дека на времето немал добри релации со соиграчот во Ливерпул, Садио Мане, кој сега настапува за Ал Наср.

„Вистина е дека имаше тензии меѓу мене и Мане, но, бевме професионалци до крајот и нашиот однос никако не влијаеше на тимот. Човечки е секогаш да сакате нешто повеќе, не бевме блиски“, рече Салах.

Репрезентативецот на Египет и црномурестиот напаѓач од Сенегал беа заедно во редовите на „црвените“ од 2017 до 2023 година.