Барселона и Атлетико Мадрид се договорија за ангажирање на
португалскиот напаѓач Жоао Феликс, објави „Марка“.
23-годишниот Феликс го пропуштил последниот тренинг на
мадридскиот тим, бидејќи клубовите направиле голем напредок во
преговорите, вели изворот.
Се известува дека Барселона има гаранции да го реши проблемот во
рамките на финансискиот фер-плеј. Во втората половина од сезоната
2022/2023, Феликс играше за Челзи на позајмица. Тој одигра 20
натпревари за лондончани во сите натпреварувања, на кои постигна
четири гола.
Договорот на играчот со Атлетико е со важност до крајот на јуни 2027
година. Проценетата цена на овој играч, според интернет порталот
Трансфермаркт е 50 милиони евра.

Саудиска Арабија со астрономските понуди и големите милиони брзонапредуваше во светот на спортот.
Во првенството пристигнаа голем број звучни имиња, а на оваа тема
искрено зборуваше фудбалерот на Реал Мадрид, Тони Крос.
Тони Крус е еден од малкумината кој јавно зборуваат дека сите во
Саудиска Арабија одат само поради пари.
„Зборуваат за амбициозни проекти и слично, но не треба да се
лажеме, доста е – сите одат таму поради пари. Од ваквата ситуација
губи фудбалот кој сите го знаеме и сакаме“, изјви Крос.

Манчестер Јунајтед спрема изненадувачки трансфер во последните
денови од преодниот рок.
Јунајтед е во потрага на лев бек по повредите на Лук Шо и Тајрел
Маласија, па откако пропадна обидот да го доведат Кукуреља сега
имаат нова мета.
Имено, „црвените ѓаволи“ се во напредни преговори со Тотенхем за
трансфер на Серхио Регулион.
Тренерот на Тотенхем дал зелено светло за трансферот, а во моментов
се договараат последните детали за едногодишна позајмица со право
на откуп.
Се очекува Регулион утре да го комплетира трансферот во Манчестер
Јунајтед и да стави потпис на договорот.

Во последниот ден од преодниот рок, Интер се засилува со Деви
Класен од редовите на Ајакс.
Oфанзивниот играч за врска веќе е во Милано каде што ги започнува
лекарските прегледи и ќе потпише договор за соработка до 2025
година.
30-годишниот фудбалер досега во кариерата покрај Ајакс играше
уште за Евертон во Премиер лигата и Вердер Бремен.
Финансиските детали од трансферот засега не се објавени.

Борусија Дортмунд доведува уште еден фудбалер во своите редови во финишот од преодниот рок.

„Милионерите“ во последните денови од трансфер рокот го договори германскиот напаѓач Никлас Филкруг. Филкруг вниманието на себе го привлече со одличните настапи за Вердер преку кои се избори и за статус на репрезентативец.

Се поврзуваше Борусија и со Јусуф Поулсен од Лајпциг, но на крајот тие преговори пропаднаа.

За Филкруг ова ќе биде најголемиот трансфер во неговата кариера, а Борусија за него ќе плати сума од околу 15 милиони евра. Досега во кариерата покрај Вердер го носеше дресот на Гројтер Фирт, Нинберг и Хановер.

Вардар го потврди седмиот трансфер во текот на летниов преоден рок.

Станува збор за 32-годишниот играч за врска, Филип Дурански, кој во претходната сезона настапуваше за екипата на Скопје.

Тој има богата кариера бидејќи ги носеше дресовите на Работнички, Силекс и Турново а надвор од границите играше во Славија Прага (Чешка) Севан (Ерменија) Игнатиа (Албанија), Серед (Словачка) и Олимпијакос Никозија (Кипар).

Фудбалскиот клуб Интер од Мајами потврди дека започнал со изградба на нов стадион, кој ќе чини околу една милијарда долари, пренесуваат американските медиуми.

Новиот стадион ќе се вика „Мајами фридом парк“, а неговиот капацитет ќе биде околу 25.000 навивачи, а ќе биде завршен до 2025 година.

Стадионот ќе биде изграден како дел од јавен парк, а ќе има фудбалски, тениски и атлетски игралишта, деловни простории и трговски центар.

До стадионот ќе се гради луксузен хотел со 750 соби.

„Моето семејство ја промени светската перцепција за фудбалот во САД за само четири години. Бевме водени од истата визија кога решивме да изградиме нов стадион. Едвај чекам да им посакам добредојде на нашите навивачи во новата состојба. – стадион за уметност. Едвај чекам да ги слушнам овации за Меси и другите играчи на Интер кои ќе бидат на теренот во 2025 година“, изјави еден од сопствениците на клубот, Хорхе Мас.

Чудни работи се случуваат во последно време кога се во прашање трансферите на едни од најдобрите играчи во светот.

Така отидоа во Саудиска Арабија, прво Кристијано Роналдо, а потоа и некои од најголемите фудбалски имиња во моментов како Бензема, Мане и Нејмар.

Од друга страна, и Меси замина далеку од Европа, но одлучи да го продолжи фудбалскиот пат во МЛС.

Уште една ѕвезда го напушта европскиот фудбал, но играчката кариера ќе ја продолжи во Катар, поточно во Ал Араби. Станува збор за Марко Верати за кој се тврдеше дека има договор со Ал Хилал, но чекаше понуда од Европа.

Верати наводно сакал да остане во Европа, но вистинската понуда не стигнала. Прашањето е секако што значи за него вистинската понуда.

Интер е многу активен во последните денови од трансфер пазарот и сака да доведе уште еден играч за врска.

„Нероаѕурите“ денес го потврдија трансферот на Бенџамин Павар од Баерн Минхен за 30 милиони евра, но Инзаги сака да го засили средниот ред со уште еден играч.

Прва мета е Ндомбеле, кој минатата сезона ја помина на позајмица во Наполи и добро ја познава Серија А.

26-годишниот Французин не е во плановите на Тотенхем, па Интер сака да ја искористи таа ситуација и да го доведе на едногодишна позајмица.

Младиот фудбалер на Барселона, Ансу Фати, веројатно ќе оди на позајмица во екипата на Брајтон, велат последните информации од Шпанија.

Откако стана јасно дека нема да добие поголема минутажа од тренерот, Чави, напаѓачот се реши да го напушти стадионот – „Камп Ноу“.

За неговиот потпис беа заинтересирани екипите на Челзи и Тотенхем но, тој се определи изненадувачки да оди во Брајтон.